2013/07/19

全面卸妝,不用乳化,輕易卸走防水頑固彩妝^^


卸妝產品對我黎講好重要!!因為卸妝係清潔皮膚第一步,卸得唔乾淨,後果可以好嚴重~
而我都用過好多卸妝產品ga,卸妝水、卸妝乳、卸妝奶等~而最常用既係卸妝油^^
用卸妝油我覺得最乾淨既,但要乳化就真係幾麻煩同哂時間既~
如果乳化時間過短就會令油份同剩餘既彩妝留係臉上阻塞毛孔,搞到皮膚堰黎越差~
而最近,我就有機會試用左一款我未用過既卸妝產品~ 卸妝霜^^

就係Neutrogena既Deep Clean 深層卸妝霜 ($129 / 300ml )
質感柔滑清爽,不油膩亦不阻塞毛孔~
只需輕輕一抹,當中的油溶性深層潔淨因子就能迅速溶解臉部彩妝和防水妝物~
可局部使用方便轉妝而不會影響其餘妝容。
特別加入角鯊烯等滋潤成分,能有效補充皮膚的天然皮脂~
同時抗氧化,卸妝同時亦可令肌膚變得滑嫩滋潤。

made in korea架!!!聽講呢個產品都好受韓國女生歡迎~
而且大大樽,有成300ml都係賣129蚊,超級抵用!!!

為左方面影相,所以我將個濃妝化左係手背,用既產品都標左係相入面~
當中都係d產品係防水ga,眼線我分別將眼線筆、眼線液同眼線gel都用齊~
希望可以試真d佢既卸妝能力去到邊^^

卸妝霜用法好簡單,只要上面打圈輕按就得~
雖然我自己未用過卸妝霜,但印象中細個果時見過媽咪用卸妝霜~
佢果個年代叫冷霜,唔知係咪同一樣野黎呢??

係手度按左大概30秒,大部分既化妝品都好輕易溶哂出黎~
係防水既產品真係要按耐小小啦,大概分半至2分鐘,所有化妝品終於溶哂啦~

之後唔洗乳化,可以直接用洗水洗面,又或者好似我咁先用紙巾抹走卸妝霜~
我覺得用紙巾先抹得,之後洗面可以清潔得更乾淨^^

抹出黎既卸妝霜啡啡黃黃~都幾肉酸 ><

落完妝過完水都好乾淨,都冇化妝品殘留係度,同埋個卸妝霜陣味都幾好聞~
而我習慣double cleaning既,即係就算落哂妝,我都會再用洗面產品再洗一次既~
咁經過我洗完又洗之後,皮膚都唔會話變到好乾,幾好^^
雖然用佢我覺得冇卸妝油咁快捷,但可以減去乳化唔夠時間&避過卸妝油殘留係面既危機~
用多小小時間都值得既,而家佢真係好平好抵用~
用搵一d經濟好用既卸妝產品而又用唔到油既朋友,可以一試呀^^

沒有留言:

發佈留言