2010/01/27

做姊妹~整整甲^^

其實係12月尾既事....我發現自己真係冇事忙.....
拖拖下就拖左成個月先捨得出文....
冬天我好鐘意油深色既甲,因為我鐘意扮型~哈哈哈哈
不過做姊妹冇理由油到黑炆炆既...做一日出去整我又覺得唔抵...
所以都係自己整就算......不過冇咩款可言..
用左粉紅色做法甲扮純情~再加小小黑色花紋就完成~

影埋手指公先~

4隻手指大特寫~開閃燈影~

大家覺得有咩可以改善下,俾d意見呀~thx^^

2010/01/21

物輕情義重

其實已經係聖誕既時候收到既,無錯...係聖誕.....
我承認我係懶.....拖左咁耐先出文.......
話說我係一間蚊型既日本公司做既,得一個同事~
呢個同事對我好好,我地相處都好融洽^^
咁平安夜果日一返到公司,就見到臺面放左盒野係度~
原來係同事送俾我既聖誕禮物^^
一盒特別版既DOVE青蘋果味朱古力~我未食過呢款呢~應該話見都未見過~

忍唔住食左2粒先記得影相~哈哈~一盒得6粒小左小小~不過心型好靚呀~
食落去甜甜地,有小小青蘋果味,都算幾好味~不過我都係鐘意黑朱古力多d~哈哈
我覺得最特別唔係粒朱古力,反而係張包裝紙~see~~

每一張都有唔同既字句,都幾有鼓勵性~
本來諗住留返2粒,如果老闆鬧我我食左會開心d~
但諗諗下老闆從來都冇鬧過我...所以.....唔駛一日盒野已經俾我消滅左....哈哈
雖然只係一盒小小既朱古力,但真係物輕情義重,
我完全感受到我同事有幾錫我~須係好開心有個咁好既同事~哈哈

2010/01/15

IPSA玻璃瓶設計 - Colour Of The Rainbow^^

今次ipsa除左試用產品之外,仲有個玻璃瓶設計比賽,要用環保黎做設計概念~
環保我諗起廢紙回收,節約用水,停車熄匙.......但呢d野點放入設計呀......
再諗下....終於諗到愛護大自然~大自然~我最鐘意就係彩虹,貪佢夠神秘~唔係成日都見到~
同埋彩虹俾我既感覺係充滿希望~所以就決定整彩虹啦^^
IPSA附送既環保玻璃珠~

我鐘意分好哂顏色先開工,雖然好似好無聊咁...哈哈~
分好之後先知原來有顏色既都唔係好多,黃色仲要得幾粒ja....最多既係透明色~

一路睇電視一路貼,原來都唔係想像中咁簡單~坐定定足足貼左我2個幾鐘呢~~
製成品雖然唔係話好靚,不過我自己都幾滿意~哈哈哈哈~
sorry~我係電腦"奇才",我見其他sis整到360度轉住黎睇好靚~
可惜我唔識整d咁高深既野,唯有影相慢慢轉俾你地睇~再靠你地豐富想像力想像下~哈哈~
正面:

右側面:

背面本來我冇設計到ga,不過媽咪話空洞洞唔好睇喎~
所以我又整左粒希望之星上去~哈哈~

左側面:

反返黎正面重溫一下~哈哈

希望我既"希望彩虹"同"希望之星"得到各位既歡心,投我一票^^
同埋希望大家愛護我地既地球,為環保出一分力^^

***********************************************************************************
************************************************************************************

2010/01/13

體驗IPSA METABOLIZER WHITE R4 既威力 (略長)

多謝theztyle X IPSA俾今次試用既機會我~
中到真係好開心,收到換拎信就即刻去拎~
地點雖然對我呢個新界人黎講唔係咁方便~不過有得試用點都會去拎ga啦~哈哈~
係12月29日我去左觀塘拎試用產品,去到果時太多人,
職員都冇辦法幫我做skin test,咁我唯有係佢counter到自己睇下野,咩都試下咁~
等左15mins到,終於有得做skin test,問下我覺得自己皮膚有咩想改善~
咁我當然想保濕同美白啦,佢聽完都有mark低,之後用機check皮膚既紋,
佢話我算係屬於中性既皮膚~~皮膚狀況都ok呀~~~
o!!really??但我個鼻成日都甩皮....佢問我係咪有鼻敏感....中喎~我係有~
佢話係因為成日用紙巾抹鼻令水份流失所以咁...好似又有d道理~
之後佢就揀左METABOLIZER WHITE R4,其實初初佢話R2都岩我,
不過我想潤D所以想要R4,佢都肯轉俾我,真好人~仲送我出門~
我試用既就係佢啦~METABOLIZER WHITE R4 ($440, 125ML)仲有包cleaning oil送tim^^

功效,都好似好勁咁喎^^

未查野既手係乾爭爭既....

查完之後~充滿光澤,唔係油黎ga~
返黎睇其他blogger分享先知原來做skin test果時會有d咩水份、油份、透明感分析~
但我去果時都冇同我做既~所以我冇改善既數據睇得到~唯有靠自己用後既感覺分享下~
我用左大概都有2個星期左右,用既係更生活化美白液R 4,初初都驚4號會好笠~
不過咁岩由我拎左支野返屋企之後就開始凍....呢牌仲得返十幾度~
用左佢,甩皮已經大大改善左,水份我覺得係多左~
而油份,我不嬲都係T字位缺水先會出下油,咁呢牌又出小左油,應該係佢有幫助,
至於美白嘛,只可以講我冇黑到,用左2星期又應該未見到功效,要用耐D先知~
有冇壞處呢????唔......我覺得440蚊125ml好似貴左d~如果經濟返小小就very good啦~
同埋希望佢下次出新版可以直接用手上唔駛用棉花上~因為用棉花上好似好哂野咁.....哈哈~
大致上係咁啦~而樽身設計就遲d放上黎~
希望到時各位支持下~分享完畢^^

2010/01/02

Garnier之眼look look~look走大眼袋

先多謝garnier x theztyle咁貼心既安排,上次試完水潤凝萃密集保濕精華,
上去影完廣告相之後,可以順便選擇試唔試埋水潤凝萃密集保濕眼部按摩筆,
見佢話可以去眼袋同浮腫,咁我梗係好有興趣試下啦^^

外型keep住係好清新既綠色,而家樽身好好渣手,good!

扭開個蓋,有粒鐵珠係頭,方便look眼同埋按摩,唔駛用手搽真係好好好方便呀!
我好欣賞佢呢個design,岩哂我呢d懶人^^

d精華係gel狀,而且好快就吸收哂,加上唔會笠,
我用左冇出油脂粒呀,好似好過用cream狀~

未搽時,化左妝但都有cover唔到個眼袋同埋黑眼圈..........

用左大概十幾日,素眼影幅相比較下~
我自己就覺得個眼袋真係收細左小小,雖然黑眼圈依然係度....
但佢支野又真係冇講過話可以淡化黑眼圈...不過我都覺得淡左呀~
總括黎講,用左唔夠2星期都有咁既效果我已經好滿意啦,
畢竟得咁小時間,加上eye product黎講我覺得佢一d都唔貴呀~
我會keep住用睇下遲d效果會唔會明顯d先^^