2009/12/31

L' Oreal Paris REVITALIFT緊貼提升舒展面膜試用


今次試用既就係L' Oreal Paris REVITALIFT緊貼提升舒展面膜,
睇廣告見到塊mask可以咁拉開包住塊面覺得好得意~仲可以提升面既輪廓~
真係好吸引,收到後即刻同男友仔一齊試用,而家盒野已經用哂lu......

開左塊mask,見到好多乳白色既精華係塊mask到,好似好勁咁...哈哈

攤開塊mask見到個design有埋眼位,好貼心,不過我敷mask成日都周圍走做其他野,
所以會接落眼袋位,等眼袋位可以吸多d精華^^

可能我塊面比較細,對於我黎講塊mask既size係大左小小既,
不過雖然大左小小,但塊mask真係好貼塊面,好有彈性,
權骨位d地方包得好好,一d都冇飛出黎既跡象~
同埋我垂低頭執野塊mask依然貼緊我塊面,對我黎講真係好好好方便^^

而我男友塊面大d,塊mask既size好fit佢,好明顯係包得好過我,非常貼服!!
敷左大概15 -20 mins,敷完果時塊mask都仲有好多精華,
我地拎黎搽埋手腳,唔好哂野嘛^^
敷完既感覺係,d皮膚係有firm d既,都幾保濕下,
第2朝訓醒都好滑下,d手腳功效仲明顯,真係冇咁乾燥ga^^
不過,$145蚊一盒得4塊我就覺得貴左小小,
我地2個人敷,每人敷2次就用哂盒mask lu....只係用到2個星期~
如果可以平返小小就very good啦^^

2009/12/29

MAYBELLINE VOLUM’EXPRESS Magnum試用 +Makeup Contest比賽~真係獻醜...

先多謝Maybelline X theZtyle俾今次試用活動既機會我~
其實我一直都係用開maybelline d 睫毛液,今次出左新野都好想試下^^
今次試用既係MAYBELLINE VOLUM’EXPRESS Magnum 瞬盈睫毛
外型肥肥粗粗,黃色搭紫色字,好sharp!!

拎到手急不及待開黎睇下,個掃頭真係比一般果d大,
一掃已經掃滿d睫毛,用起黎都好方便~不過唔知係咪新開~
我覺得好似比較濕咁,要拎出黎一陣我先搽上d睫毛度~

至於效果嘛,官方介紹係9倍豐盈,極緻濃密,
先睇睇我搽左之後既效果~睇一幅素眼:
搽左之後,正面:

側面:

咪埋眼:

整體效果,我真係好滿意,因為真係幾大分別下,
不過我就覺得長既效果比濃密果方面做得更好,
係側面張相就睇到真係又長又彎...i love it!!!!!!!
滿意滿意& 滿意!!!!
最後就係Makeup Contest既相,其實呢度咁多高手,都冇可能會羸,
至在參與玩下,所以化得唔好大家唔好笑得咁大聲....哈哈
為左尊重大會,我眼影同唇膏都用返maybelline既產品^^
以下係化妝用品,只有3樣....小得可憐:

化好妝:

我影左好幾次,不過都係食哂色,
而家我一開眼,就連眼影化左咩都睇唔到........唉~
我已經盡哂力,唯有咪埋眼盡量影多幅~

如果各位會鐘意,請投我一票~~
我係hosy214呀~~~thx^^

2009/12/24

Garnier水潤凝萃密集保濕精華 - 男友都讚好^^

先多謝theZtyle & Garnier俾今次既試用機會我~
因為我係乾人,所以對呢隻保濕精華特別有興趣~
諗住唔中的話都會自己買黎試下,而家中左就更加好啦^^
包裝都好簡約,磨沙樽加白色蓋,我幾鐘意~簡簡單單~

打開之後仲有個小蓋,好衛生呀,如果有埋小棒仔"了"就更衛生啦^^

再打開小蓋,終於見到真身,gel狀既,未用都覺得好水咁....哈哈~

未搽上面之前,我習慣所有野都會聞下咩味先~
呢隻gel陣味係好清新咁,香得黎唔會話好假好攻鼻~我鐘意陣味^^
搽上面,第一個感覺係好冰涼,都好易推開,
基本上搽好小都夠全面,不過我係乾人,所以都搽厚小小,
慢慢按摩到佢吸收哂為止,其實佢吸得好快既~
之後既感覺係.....唔....好似水多左,臉光澤左,睇落去好似多左陣油保護,
但摸落去又唔係油....仲好滑tim~個感覺其實都幾得意^^~
臨訓前我仲會當sleeping mask咁用,第2日起身d皮膚勁水潤~good呀!!
我會用佢黎溝fdt上面,我又唔覺有擦膠碎既情況發生~
可能我太乾吸收哂~哈哈~上面後反而覺得d fdt貼面d~
所以護膚品真係人夾人,好多野要自己試過先知^^
總括黎講,我好滿意Garnier水潤凝萃密集保濕精華帶俾我既效果~
而家佢價錢真係一d都唔貴,我應該會回購^^
而另一樽我就俾左我男友用,訪問下佢用成點先~
我: 之前俾你樽Garnier水潤凝萃密集保濕精華有冇用到先?
佢: 有,早晚都有用
我: 覺得點呀?
佢: 好用喎~好似你之前俾我用果樽biotxxm咁lor~
我: 果個貴好多ga.......你覺得佢地一樣?
佢: 係呀,用完都係好保濕,又唔笠,幾爽呀~
我: 咁你鐘唔鐘意呢樽野?
佢: 鐘意^^
我: 咁就好啦~唔記得同佢講呢個係我送俾你既聖誕禮物....哈哈哈哈~
佢: .........................................
今次活動除左自己有得試之外,仲可以同朋友分享~
真係令大家好開心呀^^多謝theztyle同garnier貼心既安排^^

2009/12/23

人買我又買 - Bourjois

見到個個都買,我都忍唔住買左一盒返黎玩~
其實我唔識化smoky eye既,所以只可以用玩黎形容~哈哈
我買左墨綠色,第一次買綠色eye shadow ja~
就係呢盒啦~

打開蓋之後,真係好靚呀...

急不及待試上眼,不過真係唔係好識化...唯有跟佢幅圖畫畫畫....
化好之後,冇閃光燈:

開閃光燈:

2幅都好似睇唔到化左d咩咁....哈哈~
咪埋眼影多次~冇閃光燈:

開閃光燈:

哈哈~化完,其實我都唔覺得自己化左smoky eye....睇黎要練多幾次先得~
不過盒野真係幾好用,好好好好好上色呀~good^^

2009/12/10

第一次淘寶寶^^

而家上網個個都去淘寶~我又學人睇~終於忍唔住出手買買買~
先睇下我買左d咩先~

其實唔係全部我既~我只係買左下面果d~

呢幾樣野我都好滿意~雖然圍巾係薄左d~但都好soft~
3對褲襪係最期待既~收到真係好滿意~

我買左3隻色~墨綠、紫同黑.....其實相有好多既色差......真實既色冇咁鮮~

睇下d花紋幾靚~佢既質地係好似以前小學著果d襪褲咁厚~一定好暖~哈哈~

仲貪得意買左3個頭飾~除左白色個花花,其他2個都唔過1蚊....
其實我既野全部都係唔過人民幣8蚊.....平成咁.....又點忍得手唔買呀~哈哈哈哈~
今次淘寶真係淘得好開心~

不過提提大家~買返黎d野...一定一定要洗過先用~
因為我洗既時候d水係黑色ga.....好dirty......
好~分享完畢~下次有筍野再分享過~

2009/12/07

買到筍野~超抵既圍巾^^

日要ot遲左返屋企~先可以發現到佢~因為佢係係街邊d車仔檔買返黎既^^
其實平時我都好小會留意d街邊檔賣咩....不過見佢掛出黎果幾條都好靚~
加上佢係獨立包裝唔會俾人摸過哂~一聽埋價錢~
哇!!平成咁......結果我竟然同d師奶一齊逼......哈哈~而家諗下都覺得搞笑~
買果時有好多色同款揀,但又因為包住左摸唔到佢d質地唔敢買多幾條...
最後我買左一條暗桃紅色既~有d花係上面我覺得好靚~
俾大家睇下相先:

返到屋企拆出黎睇....好軟...一d都唔吉~仲要係超大條~
佢寫係頸巾....但仲大過披肩lor~我覺得成張飛氈咁.....哈哈~
用過佢,覺得佢都保到暖~真係唔會入到風ga喎^^

講左咁耐都未講價錢~佢真係抵抵抵抵抵都爆!!
只係15蚊!!!係香港買15蚊我真係範得抵到爛~
而家好後悔冇買多幾條~哈哈
分享完畢^^

2009/12/03

第一次獻醜 - 自己畫指甲花^^

呢度有好多sis都係指甲畫花既高手~我都諗左陣放唔放上黎好~
不過都係分享下~希望唔靚大家唔好笑得咁大聲~哈哈^^

上次睇左gi幫技安小姐畫,係黑底加2條線,我覺得簡單都黎又好靚~
心諗都唔係好難,就好想抄考一下啦~哈哈~
點知,手殘既我畫完第一次線之後....發現自己畫得太粗....已經唔似gi果個咁靚....
唯有臨時改改款,加上我最愛既波點上去...哈哈~
除左油得樣衰d之外~我覺得個款遠睇都還可以接受呀~
不過只能遠睇,近睇就會發現條出哂界...d線斜哂...~d油唔平均..等等....
好~唔打咁多~俾大家睇下相先~
冇閃光下: 其實係紫色.....不過影出黎唔似....
留意下手指尾~洗完頭出黎已經甩左一d......真係慘....

有閃光下~終於睇到係紫色啦^^~我愛紫色~

最後一張~原來之前唔記得影埋手指公~哈哈~


油完之後俾爸爸睇,問佢靚唔靚~
點知佢話油到黑炆炆都睇唔清,我話不知幾型,佢就唔理我啦....~,~.....
證明左老人家係唔識欣賞深色指甲油既美感既~哈哈哈哈~
分享完畢^^

2009/11/20

theztyle x Sofina beaute試用 (內有甩皮鼻相....慎入)

多謝theztyle x Sofina beaute俾我今次試用既機會,
中到呢set真係超超超超開心,因為我係極乾既人~
好想親身體驗一下sofina新產品既威力^^
先睇下8位靚靚佳麗既大合照

藍組分別有:
Sofina Beaute Massage Foam Cleanser 活氧碳酸潔面泡沫
Sofina Beaute make up cleaning cream 豐潤卸妝乳
Sofina Beaute Lotion 活膚露 II
Sofina Beaute Emulsion 活膚乳液 II
Sofina Beaute UV Cut Emulsion Moist SPF24 PA+++ 防曬活膚乳液
粉紅組分別有:
Sofina Beaute Wrinkle Sheet Pack 重點提升抗皺眼膜
Sofina Beaute Deep Moisture Cream 高滲透保濕精華霜
Sofina Beaute Wrinkle Essence 提升抗皺精華素
先講活氧碳酸潔面泡沫同豐潤卸妝乳

質地相,左為活氧碳酸潔面泡沫,右為同豐潤卸妝乳
呢支活氧碳酸潔面泡沫其實我自己都用開,
佢既用法實左太方便,而且又係mousse,
吱一下已經夠全面用,洗完都唔乾~
仲可以敷係面大概一分鐘左右,令皮膚更有光澤~效果更明顯!!
而豐潤卸妝乳,我就第一次用乳狀既,平時都係用oil落妝,
估唔到佢呢隻又幾好用,洗完之後一d都唔乾,好乾淨!!
而介紹書仲話防水既眼妝都落到,下次一定要再試下係咪咁勁先!!

跟住到活膚露 II & 活膚乳液 II

活膚露 II 好似爽膚水咁用就得,我直接用手上,
呢隻有小小香味,幾好聞,用左潤得黎幾爽,唔會笠~
用完覺得D皮膚好似水潤左,冇之前咁乾~活膚乳液 II呢隻都姆好用,吸得好快,
搽完活膚露 再搽佢,其實都已經feel到d皮膚水
潤左^^
而防曬活膚乳液,sorry,我唔記得左影相~
佢係俾左防曬SPF24度PA清爽d既我,
係lotion既質地,剛搽完有小小笠,不過過一陣就好d,
我估應該係我搽得太多~ 哈哈~
終於都到主角出場: 高滲透保濕精華霜

呢樽係我全set野入面最最最期待試既,因為個個都講到佢咁好~
用過之後,果然係名不虛傳!!睇落去係cream就好似好笠咁,
其實搽上面一d都唔笠,吸收得好好,吸完就好似飲飽水咁~
總之個感覺好good!!!最好就係眼、唇位都搽得^^
390蚊買到盒萬能cream,其實除返開都好抵!!
而提升抗皺精華素 &重點提升抗皺眼膜

提升抗皺精華素 &重點提升抗皺眼膜可以一齊講,
2款我暫時都係用係眼度,未試過用係法令紋度~
唔....對呢2款產品都冇咩特別既評價,只可以話冇出油滋粒~
同d乾紋小左小小小小啦^^要用多一段時間之知^^
總結,成set野我都好滿意佢既表現^^
對我既講佢真係work,同埋見到效果~口講無憑,睇相最實際!!
送上試用前後既相片,一齊感受下sofina威力!!
先講明試用前幅相我自己睇返都落得恐怖...唉....
唔怕既就自己睇啦.......

試用前,因係我有鼻敏感,加上天氣太乾...所以個鼻就搞成咁...唉

試用左1個星期後,哈哈哈哈~係咪好勁呢,雖然仲有小小乾,
但已經冇甩皮咁恐怖啦....呢set野對我起左好大功效^^
希望大家睇完會更了解sofina既產品~
再一次多謝theztyle x Sofina beaute俾我今次試用既機會,
我個鼻先有救ja!!!thx so much^^

2009/11/17

theZtyle X Skinvitals 試用一星期報告^^

首先多謝theZtyle X Skinvitals 俾機會我參加今次既試用~
先睇下有咩試用品先,一共有六樣野:


LIFT*提升緊緻日夜乳液
LIFT* 抗氧化緊緻精華
LIFT*多胜肽去皺眼霜
LIFT* 潤澤豐唇精華筆
Q-LIFT* 抗氧化緊緻
面膜EYE-LIFT* 抗氧化緊緻眼膜

第一樣要講既就係LIFT* 潤澤豐唇精華筆

佢係唇掃設計,而且一扭d精華就會係個掃上面,非常方便~
初初用果時我覺得個掃硬小小,有dd吉咀,但用幾次就冇呢個情況發生~
6樣試用品之中,我最鐘意呢樣,因為佢係最快見到效果既~
用左佢唇紋會減小,而且一d都唔乾~好正^^基本上由包裝到功效我都好滿意~
唯一壞處就係佢都比較貴,129蚊得3.8ml,不過用哂我諗我會回購^^

之後講既係LIFT*提升緊緻日夜乳液

佢包裝係牙膏裝有咀頭"吱"出黎,用起上黎都好方便~
而且我偏愛牙膏裝既產品,因為用到尾可以將佢剪開,一滴都唔會哂^^
而質地方面,佢上面後都好容易推開,吸收都好快~
feel到係潤左同埋滑左~40ml都係159蚊^^價錢都好合理~
跟住就係LIFT* 抗氧化緊緻精華

細細支既包裝,不過好多品牌精華液都係咁細支~
都係"吱"出黎既,但呢支就係硬樽裝,我未試過個頭可唔可以扭出黎,
所以都唔知可唔可以用到佢一滴都唔哂,
而佢質地係gel狀,相入面份量已經夠搽全面,搽完我慣左輕輕拍面,
等佢快d吸收,吸收哂會feel到水潤左,即時冇咁乾,呢支都係正野^^
不過都有小小既唔好處,就係包裝個蓋,我覺得好難cup得實,
次次cup落去果時都會按到d精華係個蓋上,我覺得咁樣好哂野....
之後就到LIFT*多胜肽去皺眼霜

佢包裝外表同精華係一模一樣,都係細細支既~
但質地就係介乎lotion同cream之間,支一粒豆仔既份量就夠~
老實講,唔係用左好耐,好明顯既效果就未見到,
不過都覺得眼袋位收緊左小小,firm d,黑眼圈仲有係度但就冇咁深色~
我覺得短短既時間都有小小既效果已經算係一支好用既eye cream啦~
因為之前試過用其他哂一支都唔覺得有咩效果可言....
而且eye cream黎講,佢149蚊都唔算貴呀~用哂如果有明顯效果我都會回購^^

最後一次過講埋Q-LIFT* 抗氧化緊緻面膜 & EYE-LIFT* 抗氧化緊緻眼膜

先講面膜,佢係我除左SK2之外,用過最有份量既一塊Mask,
一張已經有成25ml既精華,即係full一張就好似搽左佢一支半既精華上面,
未敷諗下都覺得塊mask好勁!!!可能份量多,所以一盒mask得3塊,不過以79蚊既價錢都ok呀^^
我敷左around 15分鐘左右,敷完會按摩下,等d精華吸收多d,
敷完感覺當然會好水潤,乾紋都小左d,話哂有成25ml既精華係唔同d既^^
而 eye mask,今次係我第一次用eye mask,都算易handle呀^^
一對有5ml既精華,即係1/3支精華^^主要功效係提升眼部肌膚,
都係果句啦~眼既效果唔會話即時有好明顯既改善,提升我就暫時feel唔到,
不過都有firm左既感覺,可能full多幾次效果會明顯d^^
總括黎講,我都係第一次用skinvitals呢個牌子,
佢俾我既印象都幾好,有幾樣product我都會考慮回購~
希望睇完我既分享會令你地更加了解呢個牌子既產品啦^^