2013/09/23

一試愛上有機護膚,為肌膚帶黎無負担感覺

好開心上星期收到通知中左「Telford Beauty試想賞」活動~
我得到嘅試用品有一盒包裝非常精美嘅Melvita有機花粹輕柔潔面泡沫&有機水仙美白精露^ ^

Melvita嘅產品我都唔係第一次接觸,其實我都好鐘意佢哋品牌架~
因為佢係真正有機嘅產品,更加獲法國ECOCERT GREENLIFE認證~
根據ECOCERT準則,99% 天然成分
21% 有機成分(水分並不列作作機成分)~
所以用得更加放心及安心^^~

先介紹有機花粹輕柔潔面泡沫(HK$280/155ml)

蘊含波斯玫瑰及橙花水,再加上水仙精華~
溫和潔淨肌膚的同時,亦能為肌膚保濕,讓肌膚感覺清爽柔軟,煥發清新的明亮感~

配方特別加入活性成分Bioecolia,有助維持皮膚的天然平衡~
泵裝嘅設計,一按已經有泡泡直接出黎~
而佢嘅泡泡係來自無肥皂的植物起泡配方,唔係化學起泡~
真正可以為肌膚帶黎無負担嘅潔淨感^_^~

用法都好簡單,我習慣按兩下,泡泡份量已經足夠全面用~
用嗰時會聞到好香嘅花香味,味道相當天然~
同一般人工香料味真係有好大分別架~
而且洗完面一啲都唔會乾,潤而不笠,好鐘意呢個感覺呀^^

洗完面就用水仙美白精露(HK$250 / 100 ml)
萃取自水仙花球根的精華具有減慢黑色素形成及積聚的功效,防止色斑形成,美白均勻膚色~
有助肌膚回復透亮白淨,展現動人的透明感~
水仙美白精露中並加入檸檬精華、木瓜柑橘及橄欖複合物~
富含維他命CE及酵素,為肌膚排毒潔淨~
並加強肌膚的光澤感、淡化雀斑及黑斑等色素積聚問題~
配合由大豆提煉的琉璃醣碳基酸及有機甘油,細緻保濕及滋潤肌膚~
還能有效提升肌膚骨膠原及彈力蛋白,令肌膚飽滿、充滿彈性。
佢嘅質地係水狀,同爽膚水嘅質感感覺差唔多~
倒出黎已經聞到好香花香味,勁鐘意!

用量我大概用五毫子大細左右~
我習慣倒係手心直接用手按上面,然後輕拍等佢更加吸收^^

搽完你會發現皮膚好似飲左水咁,皮膚變得柔軟~
保濕做得相當唔錯,朝早我用佢再加防曬已經足夠,天氣如果再乾燥啲就要加埋面霜一齊用啦~
我最鐘意佢用完仲有淡淡花香味留係面上,感覺好relax呀!
總括黎講我非常滿意今次嘅產品,Melvita絕對係試得過,值得用嘅品牌~
誠意推介各位試一試佢嘅威力,一試包你愛上^^

<感謝產品由Melvita提供>
 

2013/09/17

密密敷給你補濕、抗氧、舒緩美麗肌^^


天氣開始乾燥啦,而係時候開始密密敷mask既日子~
paper mask同洗水式mask,我個人就比較鐘意洗水式~
最近就試左一隻不錯既洗水式mask想同大家分享下^^

就係APIVITA星晨花補濕抗氧面膜 ($ 290 / 8ml x 12pcs)
以星晨花天然的深層補濕、舒緩鎮靜的功效為夏日肌膚補水消暑。
專利成分蜂膠環糊精複合物提供高效抗氧,防止肌膚受日曬及環境污染的自由基侵害;
有機蜂蜜、可可巴油、有機蘆薈、小麥胚芽油可舒緩軟化肌膚變得更柔滑水潤;
以有機綠茶水代替水分作為基底强化抗氧功效,同時促進膠原蛋白增生,讓肌膚散發永恆美麗的水潤感。

一盒有12包獨立小包裝,每忱有成8ml ga!!獨立包裝比較衛生,而且帶去旅行都好方便呀~
而我每次其實都用唔哂一包既,一包我大概可以用2-3次,所以計返都好抵用^^

佢既質地係lotion狀,不稀也不杰,好容易推開,唔會滴到周圍都係~
仲有就係一打開已經聞到好香既蜜糖味,好香好relax呀!!

我既習慣係搽到厚一厚成面白哂咁敷~多數都係沖涼時順便敷埋~
沖完一個涼大概15mins左右,會見到個mask已經好多吸收哂~
變成得返薄薄既一層,所以過水都好容易,對我黎講方便過敷paper mask^^

敷完皮膚好似即時飲包水咁,一d都唔乾,感覺好似搽左面霜咁,好滋潤~
而且仲會有陣蜜糖既餘香留係塊面度,我真係好鐘意呀^^
keep住用佢,我相信我d皮膚都可以安全渡過轉季乾燥既天氣,keep住水噹哂呀^^

2013/09/12

每日噴一噴,瞬時堅挺閃咪咪^^


除左塊面,身體其他部份你有冇注意到要保養呢???
尤其你女士們既咪咪,真係唔可以忽視ga!!!而家市面上其實都有好多針對胸部既產品~
我都試過唔小,而今次就試用呢個一個比較特別既,LIERAC瞬時堅挺美胸噴霧~

LIERAC瞬時堅挺美胸噴霧係專為胸頸肌膚設計的即效提拉美妝噴霧~
液狀質地,可迅速吸收,立即提升肌膚保濕度;
增添珠光微粒(雲母),使用後讓胸頸肌膚閃亮動人~
持續使用數日,胸部肌膚彈性緊實拉提,膚質細緻。

我話佢特別,係因為佢唔同一般美胸產品係lotion質地要搽上去~
佢設計成噴霧,用起上黎好方便,而且個噴咀d霧法都做得幾好,噴可以照顧到大範圍^^
佢仲含有珍珠顆粒,富含小麥生物高聚物成分,締造緊膚網絡,強健肌膚,更加緊緻。
含有植物活性成分幫助促進肌膚調理,迅速柔滑肌膚。
用法都好簡單,每日使用一至二次,使用前搖一搖,噴於胸、頸肌膚,並由下往上稍加按摩~
我就習慣一日用,一次,多蚊9都係朝早換衫時用,噴一噴,按兩按就搞掂~
佢係我按既同時已經吸收哂,所以都唔怕整污糟件衫^^

用左2個星期左右,大既轉變就真係未睇到住,係好似d皮膚冇咁乾,有彈性左~
但佢有添加珠光因子,噴完好似d閃粉咁,又唔會話太閃,出街有太陽閃閃下都幾特別^^
希望用佢耐d個效果會更加明顯啦~!!

【感謝產品由Beatylife提供】

2013/09/06

.白桃.白桃金寶&白桃乳酪雪糕DIY^^





上個月中,出席左一個有得食有得玩既event,真係好開心呀!!
當日活動主要都係圍繞住主角 -- 代表岡山桃子的『清水白桃』!!!

代表岡山桃子的『清水白桃』具有高貴的香氣和豐郁的果汁,被稱讚為只要品嚐過一次就永遠難忘的美味。
另外岡山的葡萄擁有多樣化的特性,令許多的粉絲著迷。
有十足麝香風味的,有連皮整顆都能食用的,有大顆粒中含有豐郁果汁的,每種都是超級的美味。

除左桃,提子都好靚呀!!!!粒粒都好似湯丸咁大粒GA!!!
冇記錯呢個叫做翡翠綠葡萄, 介紹話佢係有獨特果香味、口感清爽既新品種~
可以連皮整顆都能食用、無核既,被期待為下一任岡山葡萄的代表^^
我都試食過呀,真係幾JUICY,啖啖肉,同普通果d提子真係有分別~
除左試食之外,我地仲落手整左2款甜品tim呀~
第一款就係白桃金寶^^

做法&材料都簡單:
白桃  一個
低筋麵粉 50克
無鹽牛油 30克
啡糖  15克

做法:
1. 白桃去皮切厚片, 放在焗杯內,導師一早已經幫我地切好哂^^

我地要做咩就係先 將牛油及麵粉,以指尖快手搓成粗碎粒狀;
再加入啡糖拌勻,灑在白桃表面~
放入180-200度預熱焗爐內,烘焙至金寶面成金黃色就得ga啦~

登登!!!!出爐啦!!!!勁香勁靚仔!!!!影完相已經俾我極速KO左~因為真係好好食呀!!!
D桃整熱左原來都係咁好食,好軟身,好甜GA喎~!!I LIKE IT!!!
之後第2樣整既就係白桃乳酪雪糕~

材料都係好簡單,好容易買到既~
白桃  1個
原味乳酪 100毫升
淡忌廉  60克
檸檬汁  少許
白砂糖  40克

做法:
白桃去皮切粒,  把所有材料放入食物處理機攪切成漿~
最後放進冰箱冷卻至凝固,最好每3個HRS左右攪拌下,咁就可以變雪糕GA啦~
當然你都可以直接將混合物放下雪糕機啦,如果你有雪糕機的話^^

夏天炎炎,食一杯自家制新鮮生果做既雪糕真係一大享受!!!!
食果時仲有啖啖白桃果肉,比市面上賣既雪糕真係有過之而無不及!!
真係好推介大家係屋企自己試整下呀!!!勁正!!

當然咁靚既桃,最好係咩都唔好搞,切開佢慢慢品嚐,原汁原味!!啖啖果肉~非常清甜!!
食之前約2個小時放入冰箱,稍微冷卻會更好吃^^但唔好雪得過長時間~
因為長時間放置於冰箱、會令桃子原有的香氣&甜味降低ga,記住啦~
如果大家都對岡山桃有興趣,而家可以係樂天Rakuten「美食日本網站
(http://global.rakuten.com/zh-tw/event/food/gourmet/20130718-japan-gourmet.html)
訂購由日本新鮮空運到港的岡山縣水果~
而9月13日至19日,亦會於City Super 超市內持設專櫃售賣GA^^

2013/09/05

初嘗【日系剪髮 + 染髮 】@ A For ward ^^


上個月中,經美女Blogger Katerina介紹下,去到大埔翠屏商場入面既A For ward搞下我個頭~
大埔可能好多人聽落好似好遠咁,但對於我呢個新界人就真係方便到不得了~哈哈~
去之前用Whatsapp同頭型師Aries做好預約,當日準時去到Aries已經係度等緊我啦^^

剪之前,髮型師Aries都介紹下佢自己,原來佢曾經係中環呀、天后呀等高級既地方做過髮型師ga~
而且曾經係外國進修,近幾年先係大埔開屬於自己既髮型屋,始終做老闆,打自己工開心d嘛^^
當日佢仲未佢個appointment list我睇,真係密一密,好彩我睇之前預約左ga~
之後就睇一睇我日久失修既亂草,了解下我想點剪同點染啦~
其實我要求唔算多,只要唔太碎,易打理,唔要標奇立異就得~其他都交哂俾Aries幫我渣主意~
因為我覺得剪頭髮應該要信任自己4既髮型師,唔應該俾太多要求局限住~
反正頭髮會長返ga嘛,就算真係剪得差最多咪札起哂佢一排lor,哈哈~我睇得好開~

大概了解完想點剪點染後,就先去洗頭啦~
因為係一人公司,洗頭既都係由Aries幫我,佢洗頭好舒服ga~
佢知道我訓"矮"頸之後仲幫我按返鬆條頸,真係勁細心~!!!

洗完頭,Aries就幫我剪髮啦,因為我主要想留返長,Aries幫我剪果時就已經諗定之後長左既層次黎剪~
即係話,我呢個頭雖然唔係大剪,但佢已經幫我諗定長左既時候係咩樣~點剪先會留得個型靚~
而且剪既時候都會同我解釋下點解咁剪,根本上佢做緊咩我都好清楚,所以好放心lor^^

剪完就到染啦,係呢度染髮既時間係俾出面既salon染既時間耐ga~
因為一般既salon係染駛既時候都會用熱風加熱縮短染髮既時間~
但咁做其實會好傷頭髮,抽走哂頭髮既水份,所以好多人染完髮都會好旱~
而係度染髮係靠自然風乾既,等染髮劑慢慢自然滲透,整個染髮時間大概45分鐘左右啦~

係等既時間,除左可以睇電視之外,仲有最新既日本雜誌睇~
日本人化妝既技術真係令人嘖嘖稱奇!!!!!睇下研究下唔覺唔覺45mins就咁過左啦^^

染完之後頭髮一d都冇乾,而且好有光澤,有天使既光環呀!!!!
而且洗完已經冇哂難聞既亞摩尼亞味,摸落去都好滑~
同平時染完髮既感覺好唔同,真係冇咩點修頭髮喎^^

染完剪完即刻影返幅相先^^
Aries發現我右眼比左眼大,所以建議我分另一面界呀~出黎效果又真係好唔同~
自己都有d睇唔慣自己,好有新鮮感呀!!!

當然,我仍然可以分返舊果條界,出黎效果都唔會差ga^^
其實染髮果時我仲好唔知醜咁問Aries可唔可以幫我染埋條眉~
佢又好爽快咁幫我染埋,勁開心!!!!
而家頭髮同眉色好一致,染左眉個樣既感覺都唔同左,化妝可以多d變化呀~^^
如果你都係住新界既不妨去Aries試一試佢既功力,真係唔錯的,而且收費合理~
但去之前記得,一定要預約!!!!!因為佢d appointment真係好full ga~wall in真係未必招呼到你ga^^
如果想染髮就預多小小時間啦^^
*****************************************************************
A For ward
地址: 大埔翠屏商場2/F, 28-18舖
Whatsapp預約電話: 9339 2293

急救乾燥肌,提升肌膚水份彈力level up^^


開始有d秋意啦,又係時候要勤力d敷mask啦~
而美肌の誌既mask,係我個blog都唔難發現佢既蹤影,因為佢既mask又平又好用~
我平時都有keep住用ga,呢期就用緊佢~美肌の誌淨白補水面膜(升級版) ^^

美肌の誌淨白補水面膜(升級版)(HK$69.9 / 10片裝)
*2倍玻尿酸:能在皮膚表層形成一層保濕薄膜,內外強力保水,更有效提升肌膚彈力、深層滋潤肌膚
*2倍黑桑萃取:天然白皙元素,加強肌膚明亮
*1.6倍蘆薈萃取:具透白功效,使肌膚明亮透白
*配合水解珍珠的多種海洋微量元素,能緊膚去皺、 淨白肌膚、加強皮膚細胞的水分
*其海洋成分更深入滲透皮膚,使活性成分充分發揮功效,讓肌膚得以深層護理
*蘊含黑桑萃取、蘆薈萃取、玻尿酸、銀杏萃取、水解珍珠、Q10輔酶
黑桑及­蘆薈成分,仲可以重點改善肌膚光澤同埋彈性,令皮膚變得更白滑。
適用膚質:所有膚質,尤其暗沉、缺彈性肌膚

每一片mask都印上有效日期,岩哂我呢d好鐘意拆盒收藏d mask既人~
就算掉左個盒都唔怕唔知幾時過期嘛~

Mask中間有層珍珠紙隔住,打開張mask果時就易好多,唔怕撕爛啦~
同埋張mask既精華都好多,有成25g既精華係入面ga~
拎左塊mask出黎個袋都仲有小小精華係入面,我唔會哂,用埋黎搽手腳ga~^^

今次塊mask,對我黎講個大細唔係好岩,所以唔算好貼面呀~
鼻位、咀位都有d走位~不過唔緊要既,可以自己搞搞佢~

每次有唔岩位既時候,其實好簡單,只要係塊mask既人中位果度剪開~
再自己移返d位就會貼好多ga啦~

本來鼻位、咀位走位既地方,剪完之後就貼服返哂啦~
而mask既質地都算厚,敷佢15-20分鐘之後仍然好濕^^

每次敷完,都覺得塊面好似飲飽水咁,好有彈性咁,同埋d皮膚好似變到好通透咁~好正!!!
平均一塊都係7蚊已經有咁好既效果,paper mask黎講我真係好滿意,我會keep住美肌の誌ga^^

【感謝產品由美肌の誌提供】