如絲幼滑~Kanebo Coffret D’or

好開心抽中左Kanebo Coffret D’or秋冬粉底系列既試用~
未用已經覺得佢地服務好好，因為我冇辦法親身上去拎產品~
kanebo職員好有禮貌問清楚我膚色各樣~
第二日速遞公司就好順利幫我拎左我既試用返黎啦^^
分別係Coffret D'or Essence Fix & Silk Cream Foundation
仲有埋catalog俾埋~咁就可以睇清楚佢既介紹啦~真係細心~

先介紹Coffret D'or Essence Fix SPF24 PA++ ($230 /25ml)
蘊含豐富保濕成份，凝膠狀的柔滑觸感，配合塑造絲亮柔滑妝效的Silky Fit Powder & 水溶性膠原蛋白
容易均勻推開，形成一層厚薄均勻的滋潤護膜包裹肌膚
持續水潤功效的精華素妝前底霜。
佢個蓋好似有d寶石咁好靚呀~
支支咀，好容易控制份量~用之前記得要上下搖勻先好用呀~

我試呢款係保濕型，所以冇粉底色，只係輕輕呈粉紅色~
而質地就係lotion狀~唔會太稀周圍漏~圖中份量已經夠全面用~

而且好易推，好易推~仲吸得幾快下~

搽完膚色均勻左，同埋冇咁乾，摸上去都冇笠痴痴既感覺~good!

另一樣要試就係佢，Coffret D'or Silk Cream Foundation SPF21 PA++ ($300 /25g)加入仿傚絲料內部構造的Silky Fit Powder，
令光線於粉末內部及表面形成交錯反射，締造絲亮柔滑的妝效，
強效的滋潤能力，能順滑地推開, 讓肌膚沉醉於保濕之中，同時完美覆蓋面上的瑕疵，
為肌膚鎖緊水份, 時刻保持剛完妝似的效果, 不會予人厚粉或乾燥的感覺。
好鐘意佢個包裝，係蓋面轉開就有小匙，非常方便!!!
而且粉底未開果時仲有層膠紙密封，確保衛生~真係要俾10個好佢既設計^^

我用既係OC-C顏色，屬於自然色，唔會太深又唔會太白~
質地係cream cream地，不過又唔會話好杰lor~
用既份量都係唔駛多，圖中份量夠我用有餘lu~~~~~~

搽左底霜後再上粉底，一樣係好好推，好容易搽得均勻~

搽好，皮膚變得有光澤，毛孔都小左好多~亦都冇出現乾紋~good!!

試上面，左圖，素顏，皮膚比較間啞、唔均勻，臉有小小泛紅~
中圖，搽左底霜，皮膚變得均勻左，臉泛紅亦改善左~
右圖，明顯變得光澤左，膚色變得自然，一d都唔厚粉，而且暗瘡亦遮蓋不小^^
用足一日，都唔會話好溶妝，只要搵紙巾輕輕印都keep到~
總括黎講我好滿意呀^^

L'OCCITANE芬芳果園乳木果油 -潮用妙法~

今次係我第一次接觸L'OCCITANE既產品~
成日聽人講佢點好用點好用，今次終於有機會一試啦~

我揀左我最愛既玫瑰果味~
分別有乳木果護膚香皂、乳木果豐凝潤膚霜、純乳木果油

先介紹一下乳木果護膚香皂~（$40 / 100g）
乳木果護膚香皂，能夠溫和潔淨皮膚之餘保障肌膚天然水分平衡，
配合討好的天然香氣，小朋友亦適合使用。

未開包裝紙已經聞到好清香既玫瑰味~香而不俗，好鐘意^^
香皂上簡單印上L'OCCITANE標誌，冇任何染色，夠簡約~我鐘意^^

加水輕輕按，都有唔小既泡泡~唔錯唔錯~

用完都唔會好乾，摸上去都好滑~估唔到香皂都可以有咁既效果~
不過而家冬天，我都唔敢日日用佢沖涼啦~始終對我黎講香皂冇淋浴露咁滋潤~
所以當我唔用佢既時候，我會吹返乾舊香皂入返落包裝紙~
再將佢放入櫃桶，咁每次開櫃桶都聞到好香，而且d衫都會有淡淡既香味~正!!

而乳木果豐凝潤膚霜~（$210 / 100ml）
在洗澡後輕輕沫乾肌膚，在皮膚表面呈半濕潤柔軟狀態時塗抹乳霜，
最能保住肌膚水分。是次推出限量的乳木果油產品，
當中包含 25% 乳木果油，以及由阿麻籽、藥蜀葵、
甜杏仁及蜂蜜等天然保濕精華，為缺水乾燥肌膚提供修護。

扭開蓋仲有一張銻紙密封住，用先撕開~夠哂新鮮~
如果可以包埋小匙了潤膚霜就更加好啦~

佢既質地係膏狀，感覺同搽緊雙妹x既質地差唔多~
份量唔需要好多都夠搽好多地方，而且好易推開~

潤而不笠係我最鐘意佢既地方，搽完d皮膚仲好有光澤tim~
而搽完之後有陣陣既玫瑰花香包圍住咁，個人都好relax~
呢個我都冇咩特分既用法都係搽手腳，最好既我覺得就係...
用佢拎黎做hand msk真係一流~做完真係好好好滑同潤ga~

最後介紹既就係純乳木果油（$120 / 30ml）
今個季度推出的限量產品，為天氣的乳木果油賦予香味。
分量只是原裝乳木果油的五分一，是試用這款皇牌產品伐算又別緻的選擇。
可用於唇部或肌膚任何乾燥的部位。

包裝好得意~半月型的迷你小盒設計，方便攜帶~
打開鐵盒仲有一張牛油紙蓋住~

呢個個質地係好杰既，要了佢先出黎~
不過其實份量都唔係用得多既~用果時最好用手心搓熱小小~
溶溶地咁就好好搽ga啦~

呢個真係好潤，三樣野入面最潤就係佢~

平時我會用黎搽咀啦，真係好好用，即刻會潤哂，乾紋都小好多~

仲有用係頭髮度都得ga喎~，髮尾搽左佢開都有改善~睇落去都柔順d~

仲可以搽手指邊緣，我做文職既成日都會整到d手指好乾，
成日都生倒刺，手指甲又唔健康喎，用佢搽下d手指，
倒刺生小左，而且甲面都有光澤左，指甲亦冇咁易斷~
最後一個用途，我就會臨訓前用佢搽手踭腳踭，之後走入被窩訓，
第2朝訓醒手踭腳踭d皮膚就會柔軟好多ga啦^^
有左呢三寶，真係再凍既天氣我都唔怕啦~

率先試Clinique將會推出既下眼睫毛液~快d入黎睇下啦^^

延展青春要靠佢 - Garnier緊緻修護多重抗皺潤膚日霜

亞洲女性從25 歲起，皮膚狀態便開始走下坡，漸漸受到皺紋增長、肌膚暗沉等老化問題的困擾。
要延展青春，減慢衰老速度，及早智選適合自己的護膚產品，都有助維持膚質健康。
所以今次我試用佢~

Garnier緊緻修護多重抗皺潤膚日霜 （HK$109/50ml）
多重功效配方，能一次過改善幼紋、色斑及緊緻提升面部輪廓；
天然膠原重塑因子玻色因（Pro-XylaneTTM）提鍊自山毛櫸樹精華，
能促進膠原蛋白合成，填補皺紋，增加肌膚天然支撐力。
白因子維生素CG（Vitamin CG) 能緩慢肌膚黑色素之製造改善色斑問題
聽落去好似好勁咁......

打開見到真身，肥肥矮矮既泵裝，好得意~紅色包裝好搶眼~
而且都幾好拎，唔會好難渣手~幾好~

吱出黎係比較杰身既cream，未試前驚佢會好笠同好厚咁.....

出乎意料佢竟然幾好推，又唔係好厚喎~

而且吸得好快，感覺係保濕得黎但一d都唔笠~好岩而家天氣用呀~~正^^

未用之前，面既皮膚有乾紋，小小既色斑，同埋唔算好有光澤~

用左7日後，我覺得最明顯改善到既係乾紋，好似有光澤過之前，
感覺上皮膚睇落去係好左既，雖然色斑依然係度，畢竟我只係用左7日，
如果7日就去到斑我都有d驚呀.....哈哈~
總括黎講我都好滿意Garnier緊緻修護多重抗皺潤膚日霜，
一來價錢平民化，好抵買~二來用左只係一星期都叫做見到效果呀^^所以的確唔錯!!
抗老唔係一兩日可以解決到問題~我相信有恆心用落去~
一定可以見到更明顯既改善既^^

Sasatinnie 水潤再生手腳膜 - 手手腳腳都要呵護下^^

其實我咁大個人都係第一次用手、腳膜~
冇計啦~~~而家天氣真係好乾，d手腳都唔補下真係驚會爆哂.....

今次用既就係佢地~左起:
Sasatinnie 水潤再生手膜
Sasatinnie 水潤再生石蠟腳膜
Sasatinnie 水潤再生石蠟手膜

先介紹一下Sasatinnie 水潤再生石蠟腳膜

拆開，好搞笑，我覺得好似尿壺咁既形狀....哈哈~
佢係精華係膠套入面~一套上去就用得~好方便~

敷緊中，對我黎講都幾大隻，所以搵橡跟封住個口~
再著返對毛毛拖焗一焗佢，一來效果好d，二來可以周圍行唔怕扇親~幾好呀~

30mins後，敷完~有好多精華係腳~唔好哂~按摩下佢吸收埋~
但我敷之前唔記得影相，所以冇得比較tim~sorry sorry!!

可以講既係到左第二日訓醒，對腳仲係好滑，好似紋都小左咁^^

之後介紹一下Sasatinnie 水潤再生手膜 & Sasatinnie 水潤再生石蠟手膜
因為2個都係手膜，所以一齊講啦~

Sasatinnie 水潤再生手膜就係咁有2層既，先係一層有精華既手套~
帶好先後~就要再帶第二層~

帶多層膠手套就ok，唔會周圍漏啦~
而Sasatinnie 水潤再生石蠟手膜同Sasatinnie 水潤再生手膜最大分別，
就係Sasatinnie 水潤再生石蠟手膜好似腳膜咁唔駛分開2次帶，
但佢入面only得一面有精華lor~雖然係方便d，但就冇Sasatinnie 水潤再生手膜咁全面~
可以手掌同手背都得到滋潤~~
不過兩對都係要搵野封住個口，效果會更好~

因為天氣乾，我足足敷左30mins~除果時仲係有好多精華係手~
可以慢慢按摩等佢吸收哂為止~

未用之前，真係好乾.........................好多紋lor.....

敷完，摸上去真係好滑，同埋紋都小d^^

冬天大家真係要勤力d護膚，手腳都同樣要呵護下呀~
其實一路敷住手腳mask，坐係度睇場戲，幾方便~真係好easy就護到膚ga^^

一試愛上你~Shu uemura UV underbase mousse (含素顏照)

知道今次有得試Shu uemura 出哂名既UV underbase mousse~
真係幾遠都要去拎佢返黎試呀^^

當日一早我就出左去金鐘專門店，人地一開門我就入去打攪哂~
不過BA姐姐不但冇黑面，仲好好禮貌~~~真係唔錯喎~~
入到去BA好細心講解一次呢個BASE有咩功效~點用俾我聽~

佢分別有2隻色，一隻係肌膚色(左面) ，一隻粉紅色(右面)~相機食哂色tim><
之後BA仲幫我試係手上，佢話會肌膚色會岩我d，比較自然~
咁我當然信佢要左肌膚色啦^^

又要再讚一讚ba既細心，佢話呢隻base有控油成份，而家天氣比較乾燥，
以我既皮膚面頰位可以會有小小乾，所以佢再三叮囑我記得搽多d保濕先上base~
最後仲送左2包佢地既精華俾我試tim呀~~~~真係好好好人&細心 ^^

我拎到既就係佢地~UV Under Base Mousse SPF30 PA+++ ( $320 / 65g)
同埋UVUB專用五角綿 ，一包有4個~~~有牌用啦~~~
先介紹一下UV Under Base Mousse SPF30 PA+++先~
第8代UV泡沫隔離霜升級版擁有全新升級配方，創新革命的「輕膚無感科技」與「液態氣泡穩定技術」，
能製造比一般隔離乳輕薄20倍的綿密慕斯泡沫，獨一無二的SPF30 PA++的防曬功能，並全面升級保濕與緊緻毛孔的完美妝前保養功效，能幫助底妝更完美持久，細緻毛孔。

只要打開透明蓋，就見到個吱口，而且個吱口仲好易按，輕輕按一下就得^^

mossue狀都好結實，唔會好水狀，入斜都唔會周圍漏~
而且佢質地好幼滑~好輕盈~~

用五角綿輕輕沾上就可以搽~好方便!!

左邊係未用之前，皮膚比較多紋，冇光澤~
右邊就係上左一層base，感覺上真係光澤d，睇落去好似仲冇咁乾~
摸落去仲好滑，好似搽左粉咁^^
睇得唔清楚????咁不如直接試上面~

素顏，拉細張d，費事嚇親大家~~~
額頭因為轉天氣出左好多粒粒，眼袋又大，眼圈唔駛講.....膚色比較暗淡，唔均勻~

上左一層base，再畫返眉，夾左睫毛，但唔記得搽唇膏......哈哈哈哈~
不過我覺得成個人睇上去已經精神好多，膚色均勻返哂~
就算平時唔化妝，淨係搽去出街都好足夠，而且佢本身都有30度防曬~~
岩哂我呢d懶人用呀^^