2013/06/26

保持皮膚好狀態~ My Day And Night~


每一日起身,都要迎接繁忙既挑戰!!!日間工作冇時停~休息既時間淨係得Lunch果時~真慘~!!
放工之後,又要趕住買餸煮飯,因為食得多街既食物唔健康,又影響到皮膚既質數~
自己煮健康得黎又可以慳錢,good!!

食完飯洗完碗,做一陣家務,都仲未有得休息ga喎~~~
事關我有一隻超痴身既小狗狗,每一日都要同佢玩佢先開心ga~
如果唔係會發脾氣唔睬人,好鬼有性格~哈哈~
之後沖涼,有時又要打下文,晚晚都起碼1點先有得訓,第2日7點半又要起身~

日日如是,上個星期仲病鬼埋,真係冇陰公呀!!!
平時食藥,d皮膚就會差到不得了,又乾又摷~
病樣加上d咁既皮膚狀況,真係好似老左10年咁  = = ....

不過今次病,皮膚完全冇影響~仲係keep住水潤潤!!!
點解?哈哈~~~因為我用左佢~~~~~~~~

係咩我先買個關子^^俾佢個質地大家估下係咩???
下一篇,我會好好介紹一下佢ga 啦^^

2013/06/24

每日沖一包,擊退水腫so easy^^


肥我就唔係好肥,不過成日都KEEP住有水腫呢個問題,都幾煩惱!!
藥我一向都唔敢亂,怕適得其反,整壞左身體到時就麻煩啦~!!
所以我就揀左Umeya排水消腫茶幫下我,^^

「Umeya 排水消腫茶」嚴選8種草本精華研製,以低溫萃取後產生獨有的「排水緊緻因子」。
佢有效中和體內的鹽分 , 排出多餘水分 ,消退水腫,促循環排水。
另外消腫茶天然、有益、綠茶味濃 ,有8種天然草本萃取 ~
綠茶、蒲公英、玉米鬚萃取、雷公根、紫花苜蓿、小茴香萃取、茉莉花茶粉、荷葉萃~
其中曾以紫花苜蓿可以吸取達50多種的礦物質,而且含有多種維生素與胺基酸~
好多份醫書文獻記載,古印度、英國、中國等都係用佢黎治療水腫、降低血液和組織中的膽固醇含量的問題^^

一盒有 10 包,每包都印上EXP DATE~
每日1包,可Keep住排走濕氣,從根本解決浮腫沉聚~
介紹仲話日日飲,7日見效,腳腫情況消失,即刻瘦番2吋,回復雙腳線條tim^^

每一日我都係lunch之後飲一包,打開佢係粉狀黎~
獨立包裝有個好處,就係細細包,方便可以帶出街嘛^^

用大約200cc 溫熱水沖,攪勻就飲得,如果唔想飲熱既~
可以一開始落小d水攪勻佢,之後加返凍水就得ga啦^^
味道方面甜甜地,有小小綠茶味,都易入口,算幾好飲呀~
暫時飲左一個星期左右,當然冇瘦到2吋咁誇張啦~
但輕微既改善都有見到既,希望飲多幾包,可以擊退哂我身上既水腫啦^^
如果想了解更多,可以到佢地 facebook睇下^^

對準目標,擊退皺紋,回復彈性緊緻好皮膚^^





我年紀唔算好大,但我知道我應該要係第一條皺紋黎到前做好預防功夫!!!
所以我就用左bareMinerals Multi-Wrinkle Repair 多重礦物抗皺精華^^

bareMinerals Multi-Wrinkle Repair 多重礦物抗皺精華 ($520  / 30ml)
佢入面蘊含各種天然成分斬可以鎖定目標,各自針對臉部不同位置淡化皺紋~
其中稻米縮氨酸能增加肌膚彈性,令前額及眉心皺紋回復平滑~
棕櫚醯低聚肽可促進細胞更新,減少魚尾紋及眼部周圍細紋~
天然植物精華如蘆薈及紅桑子葉萃取物能使肌膚回復飽滿從而淡化笑紋及嘴部四周表情紋~
而土壤礦物複合物具有超卓抗氧化效能,可促進細胞更新及新陳代謝~
減少細紋及幼紋,同時收細毛孔,讓全面肌膚更見柔滑,綻放年輕光彩^^

好鐘意佢用上白色,包裝簡潔,壓縮形既玻裝,泵一下都夠全面用~
而且樽身附有英文介紹,有埋用法,簡單易明,唔使左搵右搵說明書,夠貼心~

質地係Lotion狀,都好輕身,易推開,就咁睇以為佢會比較油,原來又唔會ga喎~

推開都幾水,初初對我黎講有小小笠,但按摩到吸收後就冇咩個問題啦~
以以而呢個天氣黎講佢夠哂潤,搽完感覺好似有層保護膜咁^^

總括黎講,用左佢雖然時間唔係好長,我覺得佢都ok既~
皺紋我雖然未有,用左佢你話好明顯既改變我就未見到~
但我覺得我眼下既細紋,表情文,乾紋果d都淡左dd~
笑既時候個眼位d打摺位都開始冇咁明顯,所以佢都有佢既厲害之處ga~
係價錢方面貴左小小啦,咁既價錢其實有好多選擇~希望真係用耐d效果會更加顯著啦~^^~

2013/06/22

輕輕一掃,打造甜美自然蘋果肌,層次Up Up Up!!!


Sofina既AUBE couture一直都深得我心!!因為佢地既化妝品真係好好好好好用呀!!
我諗好多sis都知上個月就出左隻新既AUBE couture Designing Puff Cheek彩形光影層次胭脂~
今次我就用佢化左一個甜美自然日常妝啦^^

用到既化妝品有以上果d,底妝同眼影部份之前都有分享過,所以我都唔詳細講啦~
詳細可以睇返 : 底妝~ 回顧按我      眼妝~ 回顧按我
主要我都係想重點介紹下彩形光影層次胭脂嘛^^

AUBE couture Designing Puff Cheek一個胭脂分別分成三份,有胭脂、蘋果肌導向粉樸同埋粉盒~
我本身自己手頭上已經有好多粉紅色系既胭脂,所以今次揀左橙色系,橙色仲有最新出既胭脂色黎ga!!!

除左橙色,佢都仲有其他色可以揀既~分別係:
421粉紅色   422桃紅色    423紅色     424玫瑰色    425橙色 一共有5色,價錢方面 : 補充裝胭脂連專用粉撲 HK$200   胭脂盒HK$100

強烈建議大家買埋佢個胭脂盒配返一set,因為個盒真係超級靚!!!好似粒寶石咁!!
上次Primavista個限量版粉盒我拎出黎既時候,我d朋友個個都爭住睇,大讚好呢靚!!!
今之呢個胭脂盒同樣咁吸引,所以我覺得呢一百蚊絕對值得俾^^
其實呢個都係我鍾意AUBE couture既原因,除左產品有保證外,外型設計都係咁用心,抵讚!!

用之前將佢拎出黎,將有膠水既鐵盤對齊胭脂盒放落去,然後合體就得~
好簡單快捷,一d都唔繁複,但如果可以,我覺得做到好似粉盒咁啪入去仲方便^^

當然,除左倨盒靚之外,AUBE couture Designing Puff Cheek本身設計都非常吸引!!
佢將富有層次感既「漸變胭脂色」同「珍珠光影粉」以花瓣的圖案呈現出黎~
珍珠光影粉:在光影位置加入了珍珠光影粉,能使膚色瞬間明亮、使眼下的暗啞不再明顯、輪廓更顯立體。
金色和諧珍珠 (Gold Harmonize Pearl):親和東方人膚色,顏色和質感能與任何膚色協調
同埋個胭脂係無香料既,大大減低左會敏感既危機^^

用法都好簡單,只要用附設既『蘋果肌導向粉樸』跟住指示塗抹就得~
『蘋果肌』位置其實係指眼眶下方約2cm、呈倒三角形狀的位置,亦即係「笑肌」~
粉撲上既絲帶有清晰既指示ga,只要睇清楚個方向跟住做~
首先將粉撲平放係胭脂粉盒內,分別向左及向右使用平均力度轉動,將整個粉撲沾滿胭脂粉~
上胭脂之前,最好將已沾有胭脂的粉撲輕印在手背先,咁就唔怕拎得太多粉搞到變monkey pat pat 啦^^
之後將粉撲絲帶上的『眼尾』對準眼尾,『鼻翼』對準鼻翼,就可以輕鬆咁搵到蘋果肌ga啦^^

簡單既方法,就可以做到自然又有層次感既胭脂啦,打光影既時間都慳返唔小~
出黎既效果真係好好,我覺得仲好過自己平時胭脂光影分開做tim呀^^

唇妝方面,今次我都係用左AUBE couture Essence Premium Rouge完美修護精華唇膏液~
呢個唔係新產品,我都有用開佢ga,佢個專利3D立體唇掃真係好好,好岩咀形~
而且好鐘意佢潤而不笠既感覺^^

今個夏天又出左5款新色,加埋之前果d一共有15色,$220蚊 一支~
佢有高保濕效果,即使唔塗潤唇膏,也能持久滋潤~
Lip essence 細胞間脂質修護成分:提升唇部肌膚的保濕能力,令櫻唇持久保持滋潤~
長時間使用更可改善唇紋及脫皮情況。
Lip balm 緊鎖滋潤精華成分:海草精華、洋甘菊精華、橄欖精華 <角鯊烯>配方
持續使用2星期,仲可以有效減淡唇紋tim ga^^

因為我胭脂揀左橙色,我想突出返臉上既層次感,所以唇妝方面我就揀左PK261~
佢係一隻似我自己唇色既粉色,搽一下已經好顯色,平時淡妝單用佢唔加唇膏都ok呀~

因為我平身唇色都已經好出,係淡粉紅色既,我想出黎自然d,所以連遮瑕都冇用直接上唇~
今次呢次ssence Premium Rouge顏色我好滿意,完全係我想要既效果~
一隻非常自然,搽左又遮到我8成唇紋既唇膏液,好鐘意好鐘意!!!!

只要用左呢2樣法寶,簡單印一印,搽一搽,一個甜美自然層次Up Up Up既日常妝就完成左^^
一個咁有層次感既妝容10mins內可以搞掂,真係非常方便呀!!!
大家快d落counter 感受下佢既威力啦~
SOGO率先發售: 2013年6月21日
全線公開發售:2013年6月28日

2013/06/20

輕輕鬆鬆3分鐘,淋浴刷背不求人,給你最乾淨舒服既享受^^


之前提到我非常滿意Clarisonic PLUS聲波潔面儀帶俾我既乾淨感覺^^
今篇就主力介紹佢另一個功能,唯獨Clarisonic PLUS先有既身體潔淨模式啦~~~~~
用之前只要將刷頭換成身體刷頭就ok ga啦~非常簡單^^

比較之下,身體刷頭比潔面刷頭大,毛身比較硬一點但唔會吉肉~
而且比較短,用果時feel到比較震,好舒服^^
佢原理都係一樣,運用超聲波技術來清潔肌膚,達致深層潔膚效果~

Clarisonic 既身體刷頭每一條刷毛都經過打磨,一定唔會吉肉同整傷皮膚^^
摸起上黎都幾滑,鬆鬆咁,範圍夠哂大,刷一下都已經覆蓋到好多地方,慳唔小時間~

身體清潔模式入面,機本身已經set左2種身體震動模式~
下面著燈就係普通模式,而上面著燈既就係脈衝模式~
2種模式都係內置3分鐘計時,就算沖涼果時2個模式交替咁用都唔會影響到佢計時既^^

Clarisonic仲好貼心推出左身體專用潔體既伸延棒 ($220)
伸延棒仲可以分拆開2件,易於收藏,又或者用完直接掛起佢又得,好方便既設計呢!!!

有左呢支伸延棒,刷背就方便好多啦,刷腳又唔洗烏低身~
真係想刷邊個位都咁方便,好正!!!

我會用Clarisonic聲波深徹淨膚儀重點刷頸、手踭、腳踭、膝頭位,
深層清潔下呢d位,因為呢d位比較dirty,角質又比較多,刷下佢d皮膚都會白滑d^^
用脈衝模式去刷膊頭,小腿位就勁舒服,因為佢會震震震震咁,
好似有人同你揼骨咁,伶一個位唔好超過30秒,一日既疲勞都消失哂^^

成個淨膚儀都係防水設計既,點濕水都冇有怕~
係d泡泡既路徑,就見到佢唔係轉圈咁死刷d皮膚,咁就唔怕會傷到皮膚啦~

我一個星期會用佢做身體清潔1至2次,每次用完都會勁happy!!!
因為用左真係明顯白左同滑左好多,潤膚膏都吸收得快d~
就好似上圖咁,我一隻手刷過另一隻就only平時咁沖涼~
唔使標明,都好明顯睇得出相入面左邊果隻白過右邊果隻好多!!!
唔用過Clarisonic都唔知原來本時沖涼仲有咁多角質係咁洗走ga~~~~~
至於個刷頭,用左都差唔多一個月,耗損既情況其實都冇乜,只係有1,2條毛亂左小小~
比面用個頭更加耐用呀!!!除返開就真係超級抵用呀^^
部機雖然貴小小,但兩個功能都咁出色其實都抵返哂~
用過你就會feel到真正既乾淨應該係咩感覺,所以我真心覺得絕對推介!!

想回顧Clarisonic潔膚初體驗 : 請按我
回顧只需1分鐘,給你最乾淨既潔臉新感覺:  請按我

2013/06/17

iPANEMA - 一對人字拖,塑造清爽夏日look^^


夏天黎啦,大家為自己既鞋轉左季未??今年雨水特別多,所以我決定入幾對人字拖看門口^^
早前我就去左中環擺花街既AIRSPIRE潮鋪,目的就係為左iPANEMA鞋^^
iPANEMA來自巴西最大鞋品生產商Grendene S. A.,是世界生產規模最大的鞋廠之一~
每年生產量達2億對拖鞋,出口超過90多個國家,Grendene S. A.更理行社會及環境責任~
將其PVC膠廢料100%回收再用於其他生產上,減少對環境造成污染。
而AIRSPIRE係全港最多iPANEMA鞋款款式&最齊碼既店舖黎ga^^

入到舖頭真係眼花潦亂,因為有好多好多好多色彩繽紛既人字鞋、涼鞋呀!!正呀!!!!
iPANEMA既拖鞋出名設計變化多端,今季最推出既多款印花圖案人字拖~
不單止鞋面印有繽紛搶眼的印花,圖案更伸延至鞋側和人字膠帶上~
細心d睇,就會發現有d鞋款係鴛鴦圖案,左右唔同圖案或用色的設計,帶來繽紛的視覺效果~
好玩得來又有少女味,用黎襯衫配搭更加得意啦^^
除左普通人字拖款,iPANEMA都會係膠帶位置做唔用既款式,出黎有唔同既效果^^
令普通人字拖添上不平凡,著得舒服又顯活力與朝氣^^

最特別既我覺得就係呢款,可換帶既人字拖呀!!
一對人字拖,跟3款唔同色彩既膠帶俾配搭,換一換就唔同款,勁抵勁好玩!!!


佢有心型及碎花圖案為主調的可換帶人字拖,每款配備3款不同顏色的人字膠帶~
方便隨時轉換,配襯不同炎夏服飾。
想效果更獨特創新的話,不妨以鴛鴦色人字帶示人,撞出與別不同的夏日風格。

如果你返工唔著得涼鞋的話,唔使驚~iPANEMA好貼心咁為上班一族女士而設多款涼鞋~
有玩撞色的鮮艷搭帶款,還有以閃石併鏡面設計的T字帶涼鞋,以及富有民族氣息的水滴閃石人字涼鞋~
仲有同巴西超模Gisele Bunchen合作推出的人字拖系列,令拖鞋更添潮味,每一步都散發時尚的城市豔光~
今季以沙灘和日落為設計靈感,推出3款設計舒適優雅的人字拖,款式富有亞熱帶風情~
穿上腳後猶如走在美麗的日落沙灘上,散發清雅脫俗的女神氣息。

我去到當然瘋狂試鞋啦,基本上好多碼數都已經放左出黎~
睇岩邊對自己拎黎試就得,當日我試超過10對,職員小姐都係笑笑口幫我~
仲好細心介紹每對鞋既特色,完全冇黑面,服務超好,超級抵讚!!!

除左女裝,iPANEMA都有出男裝ga~男裝除左一樣都有人字拖之外~
今季品牌全新推出的Rider系列,是專為喜歡運動的男士而設~
系列的鞋款以流線型設計,鞋底的PVC塑膠物料柔靭度高~
有助運動後的腳部肌肉放鬆,是運動型男的夏日必備之選。

男裝外又有童裝,童裝都好多款,女既有barbie,男既都係海綿寶寶,勁可愛!!!
因為我腳唔大,35碼,童裝最大既碼我都岩著呀!!!當然要試埋啦^^

第一眼見到海綿寶寶已經好鍾意,顏色好sharp好吸引!!!!雖然我知我係好低能!!哈哈~
另外有一款民族款既又係好靚,不過好可惜2對都冇哂我碼啦,唔知遲d會唔會返貨呢??
海綿寶寶呀海綿寶寶,有緣既我會黎接走你ga~哈哈哈哈~

童裝之外,又有親子裝喎~!!
繽紛色彩和圖案為賣點,一大一小、款式合襯的可愛子母拖鞋,輕易為潮媽和潮B塑造清爽夏日look~
雖然我未有baby,不過都睇中左佢個款,可能係親子裝,我覺得d圖案特別得意呀!!

有好野當然要同身邊既人分享啦~~!!
左揀右揀下,我決定女裝、男裝、親子裝既童碼各帶一對返屋企~~~~

買完即刻著!!iPANEMA人字拖真係幾好著,唔會腳痛,條帶又唔會界腳喎~very good!!!!
而且好易襯衫,吸睛度極高,尤其鴛鴦款,我俾幾個fd問我係邊度買,佢地話左右圖案唔同好得意~哈哈~
如果想4人字拖涼鞋既,我好推薦iPANEMA,試過你就知佢幾舒服同抵著^^
有興趣既,快d去AIRSPIRE試下啦!!
地址 : 中環擺花街56號地下
電話 : 27874633
網址 : www.ipanema.hk