2010/10/27

TRESemme ~賜我24小時持久造型^^

秋天黎左,除左skincare要轉,頭髮都會有問題出現~好鬼煩!!
秋天乾,每日起身d頭髮就好似天線得得d咁周圍飛,仲好好似屎餅咁偏......唉

好彩係呢個時候遇到佢地~

tresemme新出既系列,24小時持久造型產品~
佢呢個系列一共有root boosting spray、amplifying mousse、finishing spray同埋 scuplpting spray gel.
咁我個頭咁偏同埋周圍飛,所以就用root boosting spray & finishing spray^^

未用任何野之前......無言....
我都唔明我d頭髮點解可以偏成咁同d天線多得咁緊要!!!
日日都要好頭痛咁面對,到左秋天靜電多更加嚴重.....唉

先用佢,tresemme 24小時持久豐盈噴霧 root boosting spray ($59.9 /250ml)
tresemme 24小時持久豐盈噴霧質地輕盈,加上特別精確噴嘴,可將產品準確地噴於髮根位置以令整體造型豐盈起來。
不用洗髮,只需將產品噴於髮根位置,吹頭後就能打造出最持久及volume效果

佢個噴咀好似個豬咀咁,哈哈~設計幾好,好易噴到係髮根位置~

用佢噴係髮根,之後搵隻手係咁易摷一摷佢,即係冇咁偏,
之後set頭就更加容易啦,真係即係豐盈左^^
不過d天線毛毛仲係同圍飛....

所以就要用埋佢,24小時持久造型固定噴霧 Body Finishing Spray ($59.9/225ml)
24小時持久造型固定噴霧高效阻隔濕氣功能可令髮型增添活力,加上清爽質地令你秀髮光滑有彈力。
特別備有360度噴嘴,使你能更輕鬆、全面、均勻地控制使用,塑造理想髮型。

呢樽就唔係噴咀啦,佢係噴霧黎,好易按,岩哂手形~幾易控制^^

噴左佢,梳兩梳,d頭髮終於貼服哂~~~~有左佢地~set頭真係話咁易呀^^
我最鐘意佢地易用,同埋最好就係好容易洗,又唔會話痴痴淋淋咁~
mainpoint唔係貴,抵用呀!!哈哈

2010/10/19

白金保濕面膜 ~bling bling美肌話咁易^^

自從之前用過我的美麗日記既杏桃面膜咁好用之後~
開始對佢地既產品留意左~最近發現又有新野~

就係佢~白金保濕面膜~今次個包裝好簡約~

先睇下介紹先:
 我的美麗日記白金面膜引進日本白金原料,可發揮抗老化作用,
進而達到防護或減緩肌膚產生乾燥、暗沉、皺紋等老化現象。
白金能吸附住肌膚內的水分防止流失,提高肌膚保水力,讓保濕效果更持久。


引用先進技術---『微粒子載體』與『多層次微載體』技術 (MLC, Multiple Layer Capsulation),
將活性成份層層包覆住,透過漸進釋放控制效果傳送至肌膚,使有效成分更容易被肌膚所吸收。
面膜特別從日本引進高服貼布膜增加吸收度。不含酒精及香料等刺激成分,質地溫和,
使用後肌膚清爽零負擔,可明亮肌膚,持續水漾潤澤肌膚!

拆開左,塊mask都幾濕下,冇咩特別既味道~
有一層膜包住塊mask,幾衛生~

貼上面,有d奇怪,點解唔貼面既,上次明明好貼面ga.....
原來佢仲有一層野包住ga,我仲唔知頭唔知路咁貼上面.....哈哈

總共有兩層包住,咁塊mask就keep到d精華啦~又幾好既設計喎~
不過敷果時就煩d,要開咁又層~哈哈

塊mask好似俾之前果塊更薄,薄到連粒廛都睇到...哈哈~
薄左就更加貼面,敷住周圍行都唔會甩落黎~好方便呀!!

敷完之後,再用手按下,d精華就好快吸收哂落皮膚到,
真係d皮膚都冇咁乾~乾紋都淡返好多~~~work喎~
 秋天黎左,大家真係要勤力d敷mask呀~
呢隻白金mask我覺得幾好~推薦俾大家呀^^

2010/10/15

Origins make me Difference - 親身見証復活草威力~


上星期參加左origins舉辦既workshop~
我好早就去到^^~仲見到一d好熟面口既bloggers~
今次係workshop試左好多origins既產品~不過唔續樣講啦~哈哈~

成個workshop我對佢最有興趣~佢就係Make A Difference肌膚再生修護晚霜入面有既其中一樣野~
佢叫復活草~~復活草是一種遠古時代已經存在的長生品種植物。
係沒有水的環境下會捲作一團,就算本身已經喪失98%的水份仍能生存數十年,遇水時則迅速生長和回復原貌。
透過它的神奇再生本能,幫助肌膚有效維持角質層細胞水份,提升肌膚的自我修復能力,保持細胞水份平衡,使肌膚回復凝潤飽滿。
係workshop入面我地加d水俾佢︿等一陣佢又真係由一舊野咁打開返,真係好神奇!!
真係好想拎一舊返屋企慢慢玩~哈哈~

而今次workshop後我地就拎左Make A Difference肌膚再生修護晚霜返去試~
跟據官方介紹:
全新Make A Difference™ 肌膚再生修護晚霜除了沿用擁有神奇再生能力的經典修護成份復活草(Rose of Jericho)萃取
及強效抗乾旱成份海扇藻(Padina Pavonica)之外,更加入全新成份-月見草複合配方(Evening Primrose Complex),
重整肌膚原始的生理節奏,強化肌膚晚間的自我復原及鎖水能力,
修護受損細胞,強化天然保濕屏障,防止水分流失。」

扭開蓋仲有一塊膠蓋執住,我鐘意夠衛生^^
如果有埋支棒棒送就梗加好啦~~

打開見到真身,睇落去好似cream狀,但唔係cream咁杰身~係咪叫乳狀呢~哈哈~
味道一貫作風,都係好清新,有d似係橙加lemon味,幾好聞呀~

搽既份量唔係好多,好易推~
而且吸收得好快tim呀~一d都唔笠,比想像中仲要清爽~
最好係清爽得黎冇乾既感覺,好水潤feel~good呀!!
我拎返黎第一日已經開左黎用,到而家用左一個星期多小小~
本身d皮膚比較乾,轉天氣就梗加乾,有時仲會乾到出油tim~
用左佢之後我覺得真係夠保濕,出油既情況大大改善左~
皮膚都細緻左,雖然未到冇哂毛孔既狀態~哈哈~
但用左一星期多d已經有小小效果見到,我好滿意呀^^

2010/10/14

秋天到~天氣好乾~有聖艾芙唔駛怕^^

聖艾芙個名好陌生???其實一d都唔會陌生呀~
我講緊既係st.lves~係萬寧、watsons都唔難發現到佢^^
因為秋天到,天氣真係好乾~又冇錢買貴野搽~
唯有買支平民價既body lotion用下~豪d用都唔會心痛嘛~

就係咁發現左st.lves新出左隻24小時修護潤膚露~大大支 18 oz都係賣$31.9~抵呀~

仲寫住keep到24小時~真係幾吸引~又唔係貴~買黎試試又何妨呢~哈哈~
佢有分幾個系列,佢仲有咩高效保濕、膠原蛋白、維他命E、礦物修復、燕麥乳木果~好多選擇~
咁我梗係買最新果隻GA啦~哈哈哈~

買左之後放左半支係公司,因為天氣乾好易刮花哂d皮膚~
我隻腳就成日俾d紙刮左白色一條條痕~~~~都幾樣衰~

一有咁既情況就搽下st.lves,支出黎好似杰杰地咁,有d驚佢會好笠...
好彩一d都唔笠,仲好快吸收左~~keep住搽左幾日仲好似真係冇咁乾~仲變滑左~
雖然未至於真係keep到24小時咁誇張~但佢都算keep得耐~唔駛成日補搽~
$31.9有咁既效果~真係值得推薦俾大家呀^^

2010/10/08

做準新娘的好處^^orlane魔法護膚旅程~

仲有一個月就結婚~真係越黎越忙....一頭煙.....
不過做準新娘都有好多好處~計之前參加左有減肥腰帶之後~
今次就參加左orlane舉辦既ORLANE帶您投入LIGHTBOX魔法護膚旅程!!聽個名就覺得好勁啦~~~哈哈~佢抽8個人,好好彩抽中左我呀!!!!
中左之後我就book時間做左一次專業指導~
其實係即場用教我點用個set野~~過程都好relex呀~~ba姐姐仲好好~
走果時就俾左一set LIGHTBOX魔法護膚我啦~

有眼膜2對,面膜粉2包,面霜一盒~eye gel一支^^
佢用既過程都好方便~只要7分鐘就ok^^

第一部只要貼好眼膜~~~~

之後就敷mask~佢個mask好得意ga~
將一包粉溝入個lotion到╴咁佢就會變左mousse狀~敷7 mins就得ga啦~好方便~
因為我岩岩俾ba姐姐敷左一次,所以冇開到俾大家睇啦~sorry sorry~~

最後一個步驟就係搽返個面霜就得~我好鐘意佢陣味~~好清香~~~
不過笠左小小~ba姐姐話等天氣再凍d用會仲好^^
總括講set野真係好方便~好易用,用完之後真係滑左~用埋好似光澤左~
之後再化妝都貼服左呀~~~正~7分鐘就搞掂~最岩我咁懶既人~哈哈

除左個lightbax之外,仲送左一set travel set俾我^^

仲有一個好靚既化妝袋tim呀^^

ba姐姐再私人送多支eye cream sample俾我~
今次真係滿載而歸呀~~~~~好開心!!

2010/10/05

Erno Laszlo - 貴得有價值 ^^


早牌睇雜誌見到呢頁俾佢吸引左~一來佢支野好靚~
二來佢大大隻字寫住Laszlo blue = perfect skin~係咪真係咁勁先~
不過一望價錢有d卻步....哈哈哈哈

估唔到係第2日就收到bl電話抽中我試~因為有一百個開心^^
今次試既係佢~水漾藍藻眼部緊緻精華 HK$ 920 15ml 獨特加入深海中的Spirulina Maxima 巨大螺旋藻,並以高科技突破性釋放潛藏逾70種養份,
全面發揮營養緊緻眼部肌膚、撫平眼袋、減退及預防幼紋之效果,高效活化細胞,促進膠原生長,增加眼部肌膚彈性
更具高度滋潤鎖水效能,營造飽滿細嫩肌膚,令眼部肌膚更見活力光采。
清爽質地,快速滲透,為眼部肌膚作全效緊緻幼嫩修護

到手後急不及待拆黎睇睇~我以為15ml應該幾細支下~但都唔細支喎~好重手下~
藍色方方正正既外型都幾好揸手,透藍色真係好特別~~~淨係外表都好得我歡心^^

而按位就係銀色,圓形好好按,按一下份量就岩岩好~好方便~

支出黎就係gel狀,呈淺藍色,不過我屋企係黃色所以影唔到出黎tim~
而質感就稀稀地好似水咁,搽上去好快就吸收左~一d油既感覺都冇~勁正!!

其實有一樣野都值得讚下,就係佢既說明書有中文,好多產品都冇中文說明書~有時真係唔知有咩用~
而家咁一睇就明~更加了解到自己用既產品係有咩好處,幾好呀~

未用之前,我個黑眼圈同眼袋都ok勁下,就算化左妝都仲睇得好清楚....

用左佢一個多星期,冇化妝影,都覺得個黑眼圈淡左好多~
眼袋位都緊緻左~~~真係好勁!!用左一個星期就有效果~~~
好期待再用落去可以消滅到我個黑眼圈同眼袋!!!
雖然佢價錢真係唔平,不過好小眼部精華會咁快有效果睇得見~
而且佢一小點都夠用一對眼~15ml都可以用好耐~所以用哂都值得考慮買返支呀~