2010/09/30

林三益 - 306攜帶型伸縮雙頭刷 ~方便到極!!!

真係要再一次多謝林三益俾機會我試306攜帶型伸縮雙頭刷~
初初睇到有得報名參加試用已經好想要~點知真係中左~勁開心!!!

好貼心用bubble紙包住,一定唔會有住何損傷啦~~~~仲有一張好靚既咭片^^

急不及待咁拆左支掃就睇~縮埋果時只係大過張咭片小小~好方便帶呀~
最岩放落化妝袋啦~我試過之前買果d掃放落化妝袋會對左個頭出黎~極麻煩~
今次呢支就唔會有呢個問題啦~good!!

伸長左,其實都唔係好長,岩岩好長度,代妝果時唔會對住塊鏡^^

呢一面掃頭可以當做唇刷同遮瑕兩用刷,一面已經有2個功能~正~
而d毛毛係唔會吉手,好舒服ga~洗果時一條毛都冇甩~~~good!!!

另一邊就可以當眼彩暈染or鼻影修飾用刷,又係2個功能~
好好鐘意呢邊個掃頭設計~因為~~~~

佢扭埋果時係密封ga,咁就唔怕d毛毛有損壞啦,真係好貼心~
一支伸縮雙頭刷可以當唇刷、遮瑕兩用刷、眼彩暈染or鼻影修飾用刷~
一支就有4個功能,賣$188蚊就係唔算貴呀~~~
值得推介俾大家!!!!其實林三益仲有好多好靚既掃~
大家可以去佢個網址睇下呀^^
林三益網址: http://amazing-palace.blogspot.com/2010/05/306.html

2010/09/20

遲來的private shop +我的網名大解構

先講聲sorry,遲左交文,遲左不特止.....仲要因為呢牌搬屋超忙,搞到個人失哂魂,
今次可以去private 呢個活動本來真係好開心,點知去到我先發現......
我冇帶相機,連電話都漏埋係公司,真係有100個灰......唉......
所以呢篇文將會冇現場既相.....真係十萬個唔好意思.....希望大家會睇落去~

今次去private shop呢個function真係幾開心,可以見到好多平時上網見到既bloggers~
大會都介紹左好多private shop新一季既bra bra俾我地睇,真係好靚~
最勁係現場有model真人著,冇帶相機真係一大損失!!!!!

仲有個brabra尺碼表俾我地,咁就唔會買錯size既bra~幾貼心~

除外講解同model睇之外,大會仲安排左game俾我地玩,其實我都冇做過d咩,
只係行行企企咁~靠隊員既口才,我地個組嬴左呀,有100蚊朱古力coupon,正呀~
最後大會仲送左300蚊coupon俾我地買brabra,可惜我買唔到呀......

仲有一本好靚既記事簿同閃閃拉尺,咁靚其實我真係唔捨得用~真係多謝哂呀^^
小小題外話,今次大會俾個個名牌我地,竟然係出全名,多數都係出網名ga嘛~
所以好多blogger我都認得樣,但叫唔出個名lor~哈哈~
但因為有個名牌,我可以講下我個網名既來緣~
好多時d人問我叫咩名,我都唔知點講好,因為都唔係我英文名~
成日都要串一次出黎,or講: 我個頭像係薑餅人呀~咁大家先對我有印象.....哈哈~
有d人會當英文名讀,叫我hosy,當然我一定會應既~
其實我個網名只係我全名簡寫出黎~即係咁:

咁解釋一下,大家會唔會對我既印象深刻dd????
其實大家叫我咩都冇所謂,只要大家對我有印象就得啦~哈哈哈哈~

2010/09/17

iblog - 獨特概念式眼鏡店~~好好玩呀^^


iblog呢個名好得意~尤其自己有打開blog,對個blog字好敏感~哈哈~
其實iblog係一間眼鏡店,淨係聽個名都聯想唔到同眼鏡有關~哈哈哈哈~
真係好多謝PR既邀請~好榮幸可以出席今次既活動~
其實今次係我第一次出席護膚品以外既function,係一間全新概念式眼鏡店既活動~
地點仲好近我~係沙田新城市廣場一期308舖,都好近火車站,好易搵~

因為我近,所以係第一個到達既人呢~佢地好細心,準備左美食俾我地慢慢嘆~~~
不過我淨係食左粒朱古力ja~因為怕食唔落閱飯~但返到屋企又好後悔冇食件cake....哈哈

仲有好正既COVA飲品~~~我飲左2杯熱朱古力~真係正到飛起呀^^

飲飽食醉後就認真咁行左一次間店,間店環境都好舒適,光光猛猛,令人好精神~
原來係名室內設計師潘鴻彬先生設計ga~大師級設計果然唔同d~~~~
佢都有好多品牌ga喎~有我最鐘意既rayban太陽超~

仲有日本國寶級手造鏡框大師- 小竹長兵衛先生整既眼鏡,副副都好靚呀.......
仲有好多日本藝術既鏡框,真係花多眼亂~~~好彩佢呢度d職員唔會sell你~
等你自己慢慢試到岩為止,真係好呀~我好驚睇野果時有個人係隔離跟住哂.....哈哈

等齊人之後,大會仲安排左個syslist講野一下點用眼鏡襯衫,下一季興d咩咁^^

跟住就到戲肉,介紹呢間舖最特別既地方,就係有2部magic mirror啦~~~~~~
magic mirror係d咩???佢係一部好似相機咁既野,當你揀好哂d鏡框就可以去影相,
咁就唔會唔記得自己試過d咩款啦~~~~即係好似我咁:

試左6副,可以即時睇返個效果~哈哈哈哈~不過好似學生相呀~~~~~~~~

佢最勁仲可以send返d相去自己個mail或者send去朋友既mail一齊揀~好方便呀~
而下一次黎只要入返自己個電話no.又可以睇返之前試過d咩~~~~正呀!!

最後都送張coupon同件t-shirt俾我地做紀念呀~哈哈~
今日都玩得好開心~仲識左幾個新朋友仔^^

2010/09/03

OLAY我換左返黎啦~你換左未呀??

今日我大概十一點九到左i square啦~~~~搭lift上3樓出去就係~好方便~
亦都有大大個牌寫住blogger專線~我見到仲有咩專貴客戶同普通線~
專貴客戶同普通線都有人排,可能今日落雨又一號風球~所以都冇打蛇餅既情況出現~
而blogger專線,我去到果時係.......冇人排隊~哈哈哈!!
係counter填返d個人資料,同埋記得記低自己既blog link呀~因為都要寫返~
填完之後就行去指定地方,就會有個靚姐姐問返你叫姐咩,同埋俾個吉樽佢佢就會俾支野你啦~
成個過程我用左都冇5mins~好快,好簡單^^

呢支就係blogger既特別版啦^^我以為支野入面都會有公仔~
點知拆開入面睇~

原來同普通果支冇分別ga喎~哈哈哈哈~
去完olay~我用去西武換埋之前中既skii

今日既收穫好豐富呀~~
未去換既bloggers快d去換啦^^