2011/04/30

Johnson's 海洋活氧 - 水漾清爽 極致REFRESH

Johnson's body care 強生美肌專為亞洲女性研製的身體護膚系列,
基本上咁多隻我都試過哂~真係好鐘意強生美肌既每一個系列~

今個夏天強生美肌又出左隻新既系列 - 海洋活氧
聽個名已經好夏天,當然要一試啦~
海洋活氧系列有保濕露 & 淋浴露~

海洋活氧沐浴露 750ml $39.9
含深海電解礦物質,有效去除炎夏帶來的汗液污垢及殘留油脂,
同時讓妳沉醉在海洋香氣之中,釋放一日來忙碌的心情,
為肌膚帶來源源水動力。

吱出黎,已經有陣好香既氣味,我唔知海洋係咩味~
但佢呢隻味係好清新,聞落去係好舒服,真係好適合夏天既味道~
顏色就微微地藍色,質地就比用開既淋浴露稀小小,真係好水咁~
相既份量已經夠全身用lu~

而且好容易起泡,如果用淋浴球會起到更多細緻既泡泡~
最好係沖完涼仲係好鬼香,而且爽得黎唔會乾~正!!!

海洋活氧保濕露 400ml $42.9
含深海礦物質和水潤精華,配合突破性water-gel水凝質感,
極致輕盈,超越一般身體潤膚露,輕輕推開,瞬間滲入肌膚,
即時補充肌膚水份,帶來24小時清爽保濕效果!

氣味同淋浴露係一樣既,而質地真係好似佢介紹咁講 - 好水!!
真係比一般既潤膚露稀身小小~

搽完,吸入得好快,而且一d都唔笠,好怕夏天搽到笠痴痴咁....
呢一隻真係好岩夏天用呀!!!!

除左海洋活氧系列之外,我仲試左24小時水嫩護手霜 50g $17.9
蘊含乳木果、荷荷芭油及維他命E,為肌膚即時補充水份,
深入滋養,一次
解決繃緊、乾燥起皮及暗啞3大肌膚問題,
24小時長效保濕,每次洗手後,仍可感覺肌膚滋潤幼滑,清爽怡人。

好有趣,成支都係日文,但中國製^^

質地係似cream狀咁,但唔係cream,比較杰身小小~
但出奇地好推~氣味都好香呀,同佢之前出既水嫩系列係一樣味~
我估其實佢係水嫩系列入面新出既產品~

搽完確係好潤,而且皮膚都有光澤d~
最好係佢洗幾次手都唔會話冇哂,keep得住唔乾~
真係好岩放係公司到慢慢用,價錢唔貴真係好抵!!!
強生美肌今次出既野都係咁好用,keep住會回購呀^^

2011/04/21

冇禮物,冇獎品送,仲會幫我like嗎 ^^

最近,參加左meling搞既活動~
諗住志在參與下send左幅我去九寨溝果時影既相去~

點知入左圍^^我真係好鐘意呢樣相ga~睇住真係好舒服^^
其實,我好怕參加d要like先可以贏既活動~見到好多人送哂禮物咁拉票好強勁~
自問唔夠佢地勤力所以好多時要like既活動我都冇join~
既然今次入左圍,我都好想拉下票~哈哈~
不過冇禮物,冇獎品送,我只係希望鐘意既就幫手like一下~我會好感激你地^^
唔like既都唔緊要,當係欣賞下我幅相我都會好開心~
總之like唔like都好,我都好多謝你地入黎睇我呢篇文啦^^

最後附上幅相條link:
http://www.facebook.com/#!/photo.php?fbid=10150221500615218&set=a.10150221499705218.342199.125468970217&type=1&theater

2011/04/20

Vitamin B. B for Beauty - Chocola BB ~~~~~~~~~


Vitamin B. B for Beauty ~呢句野真係唔會陌生~
搭車等車、電視廣告日日播~未試,已經覺得Chocola BB廣告做得好成功!!
今次有幸一試,而且份量仲係試足30日~雖然拎果時拎到死死下,但幾辛苦都係開心既~
點解會有興趣試chocola bb呢~因為之前上佢個網到見到佢建議以下人士飲用︰
- 希望一直保持BB Skin 的人士
- 關注肌膚乾燥及暗瘡問題的人士
- 因生活忙碌不規律而導致睡眠不足的人士
- 嗜吃甜品及油膩食品的人士
- 注意體重的人士
我五樣都中哂,真係要認真試下先得!!

一盒10支,每支50ml,199蚊,唔算太貴呀,可以接受既價錢~

唔淨止紙盒上面,而係每一支都有效期日期,非常貼心~

支支都係獨立包裝,保証衛生,而且開左記得盡快飲呀~
而Chocola BB Drink bit 的主要成分是容易被人體吸收的活性維他命B2
能有效促進肌膚新陳代謝,令細胞持續更生,保持健康美麗。
建議妳配合28天肌膚細胞更生週期,以一天飲用一支為標凖,如持續飲用更可達致更佳效果。
維他命B2可將體內脂肪燃燒成能量!只要持續攝取足夠的維他命B2
就能有效燃燒體內囤積的脂肪。維他命B2除了可燃燒脂肪之外,同時更肩負著促進肌膚新陳代謝的重要責任。
假若體內沒有足夠的維他命B2,皮下脂肪不但未能徹底燃燒轉化成能量,而且更會殘留於體內形成肥胖。

倒出黎見到係螢光黃色,飲左之後d尿尿都係咁既色,
初初都嚇一嚇,上網睇返原來維他命B會從尿液排走,並不可以儲存在體內,咁先冇咁驚ja~
至於味道,好似細個醫生開果d維他命兔仔糖咁,
唔講得上係好飲,入得口咁lor~我覺得雪凍佢會好飲小小~哈哈

效果方面,好努力咁飲左30日,頭兩個星期:

初初飲頭2個星期,老實講,真係好想放棄.....
因為d瘡接住咁爆出黎,一粒完左又一粒,雖然唔係好大粒,但真係好down lor~
唯有當佢係排毒,keep住飲埋佢~

2個星期後,開始冇爆瘡啦,d瘡慢慢好返~
細心d睇會發現皮膚冇咁乾,毛孔都細左d,而d印都開始淡~
有好轉,心情都好返哂啦~哈哈

飲哂30日之後,影相出黎睇落去分別唔算大,係d印淡左,
但一化妝就會發現上粉貼左好多,我相信係bb drink發揮左佢既功效^^
feel到皮膚變好左,真係好開心呀~
但係而家屋企有好多個玻璃樽,掉左佢又好哂,應該點處置好呢??
希望chocola BB遲d可以做埋回收舊樽就好啦,咁就環保好多啦~

2011/04/16

集保濕、控油、抗氧化等於一身 - Beyond Young Dew Drop Moisturizer


今次試既就係韓國最大醫學美容集團Dr.G專為年輕肌膚出既Dr.G Beyond Young 青蔥水漾系列~
我試既就係Dr.G Beyond Young 青蔥水漾保濕凝露 (30ml / $160)
佢係集保濕、控油、抗氧化等功效於一身,
使用時感覺清新、舒爽、保濕、肌膚無負擔,用後肌膚幼滑細緻,粉嫩通透。
個樽上面除左Dew Drop Moisturizer之外我係識睇之外~其他全部都係韓文~
不過唔駛擔心寫唔明,因為佢個紙盒都有英文說明ga~
而且寫到明made in koera~都係信心既保證呀~

泵咀設計,方便又衛生~仲有個蓋仔~唔驚唔乾淨啦~

吱出黎係綠色既gel狀,好易推~
用既份量唔需要好多,我泵一下至一下半已經夠用全面同埋頸~

推推下,d gel就會變左小水珠,按多幾按就會吸收哂~
潤而不笠,而且氣味都幾好聞,但我講唔出係咩味~哈哈

用左個多星期,感覺都唔錯,佢係一隻好清爽既保濕~
好岩而家天氣用,不過我估冬天佢對我黎講就唔夠潤啦~
佢價錢大眾化~我覺得都值得一試呀^^

2011/04/11

有佢即變小電眼^^

其實除左影婚紗相同結婚同日之外,我自己本身都好小用假眼睫毛~
唔係因為佢唔靚,而係我唔識痴,好多時痴到左眼就痴唔到右眼~
次次都痴到火滾~所以咁耐以黎都未試過自己痴到成功既~
今次我要再一次挑戰痴假眼睫毛!!

用既就係佢地,睫毛膠水係ENID 台灣美妝專門店出產既EYE'S CHIC睫毛膠~
假睫毛就係 EYE'S CHIC 專業假睫毛特殊款 (大眼娃娃3)& EYE'S CHIC 專業假睫毛 (交叉15)

EYE'S CHIC睫毛膠係白色既,入面係一個尖尖既小掃~搽係假睫毛度好方便,唔會整到一手都係~
而佢個痴力都幾ok,唔會痴完甩下甩下咁,都keep到一日~

假睫毛方面,先試EYE'S CHIC 專業假睫毛 (交叉15)
我諗呢隻應該係最basic既款式,睫毛比較濃密同埋長~

對於我黎講~佢唔算太長,輕輕剪小小就適合我既眼型啦~
之後搽上EYE'S CHIC睫毛膠,吹兩下等佢乾小小就可以上眼啦~

其實佢呢隻應該都唔算好難痴,唔會話太軟or太硬好難handle~
但因為我係第一次自己痴,所以好似痴得唔係太好~同埋眼頭剪得太多~哈哈~
上左眼,佢好長同密,而且都好彎,睇上去都幾靚呀~

而另一款就係 EYE'S CHIC 專業假睫毛特殊款 (大眼娃娃3)~
佢係尾部位址比較長同濃密既~~~

都係一樣,要剪小小先岩我既眼型~今次唔敢剪咁多啦~哈哈~

呢隻比交叉款果隻明顯誇張d~濃密好多同長d 呀~
對眼即時無限放大~哈哈哈~

我相既右眼帶左大眼娃娃款,而左眼就係交叉款,
好明顯唔同既假睫毛都帶黎唔同既效果~一隻隻眼睇落去圓d,一隻就長d~
我自己就鐘意睇落去隻眼圓d既交叉款,唔知大家又鐘意邊隻多d呢?

2011/04/08

美白大作戰 - 對抗紫外線靠哂佢^^


夏天就到,而自己支防曬剛好用哂~
收到佢,真係好似合時雨一樣~如淋春露~哈哈~
佢就係Clarins最新出既清透美白防曬乳~

全新 UV Plus HP 清透美白防曬乳給肌膚三重保護,不但外在對抗UV及環境污染,
升級的配方更以天然有機卡塔路爾蜜瓜精華,減少肌膚氧化與DNA損害。
蘊含100%礦物成份的UV防禦元素,成份天然連眼部都可以塗抹,
質感極緻透薄,細滑無暇,唯您感受!
每天給肌膚內外防禦,體驗前所未有的淨白均勻。
佢有2隻色,分別係透明色 &肌膚色。
made in france,都算係信心既保證呀~
樽上都有英文既說明~所以都唔驚睇唔明點用~

吱吱裝既樽口,份量好易控制~

透明色既吱出黎係白色~而肌膚色吱出黎就有d肉色咁~
質地兩隻都係一樣,水水地~我就覺得比較稀~

搽既時候,就唔覺有蜜瓜味,不過就有好大陣香味~易接受既氣味~
搽完,皮膚上面有光澤,冇變白~都好薄唔焗身~又唔會笠~
我自己比較鐘意肌膚色多d,因為佢有d肉色可以改善下我皮膚冇咁暗~
但有一樣唔太好,唔知係我個人太乾定點~
淨係搽佢我覺得有d乾,所以用之前一定要搽左保濕先好用~
咁就very good 啦^^

2011/04/04

最新鮮既即磨粉底配清新妝容~perfect match^^

今日用上一系列既Clinique產品化一個清新既妝~
雖然我化妝唔叻,但都想同大家分享下^^

化妝前,用上clinique既皇牌,
深層特效水嫩補濕霜打底,
我好鐘意用佢,因為佢好似張保鮮紙咁lock實面既水份~真係冇咁乾~

之後用上Derma White肌本透白抗污染防曬隔離霜 SPF40/PA+++
佢蘊含隱形污染過濾劑,有效抵禦環境污染,
係肌膚表層形成纖細保護膜,全面阻隔外來侵襲,
防止刺激色素活動而產生色斑,令膚色回復均勻透亮。

因為佢本身都有d色,搽完佢可以均勻返膚色,
而且佢仲有40度防曬,連防曬都可以慳返lu~

而粉底,我就用左Superbalanced Makeup均衡粉底~
呢隻粉底都好勁,介紹話佢可以
吸收多餘油脂,淡化細紋。
含抗刺激和抗氧化物質,色澤真實,不受出汗、出油的影響。
無油配方,不會引起暗瘡。通過眼科醫生測試。
咁我係混合性皮膚,用左佢又真係出油冇咁勁~
塊面又唔會話好乾咁,大概三、四點搵紙巾印一印就得~
都唔係好需要補妝~都真係唔錯~

上完粉底,佢本身既遮瑕度都ok~好多細微既瑕疵已經遮左~
不過我有暗瘡印,所以都係要用遮瑕膏~
而我就用左
Derma White肌本透白修護遮瑕霜~
佢兼備淡化色斑的功效,而且防汗,仲有SPF21度~
遮瑕膏黎講佢真係算好多功能~

之後碎粉我用左CLINIQUE最新既NEW Superbalanced 均衡完美礦物粉 SPF 15/PA+++
呢個真係要重點介紹一下,佢係一個好得意既礦物粉~
智能礦物粉,有效令油脂分泌旺盛的部位減少油光,
同時蘊含滋潤成份,令乾燥的位置舒適不繃緊,維持水油平衡。
提供SPF15/PA+++的防曬保護。配合均衡粉底一起使用,更可達致最完美的妝效

只要輕輕順時針轉一轉,新鮮既蜜粉即時磨出黎,非常方便~
而家份量仲可以自己控制,依我經驗,轉大概一格都已經夠用全面^^

上完礦物粉膚色好好多,已經精神左好多~
摸下塊面,真係好鬼滑GA喎~哈哈~

之後畫眼線我用左Quickliner for Eyes輕便眼線筆~
佢係扭出黎既,而且筆尾有舊海綿仔可以blend開眼線~
咁就冇咁實,柔和同自然好多ga啦~

我用左深啡色畫,我覺得深啡色比黑色更自然~
畫左同冇畫真係好大分別ga,畫左對眼真係精神好多~

而睫毛液,今次我用左魔法捲曲睫毛液~
佢個擦頭彎彎地,搽起黎好就手,好容易上,唔會整到隻眼周圍都係~

效果都幾好呀,我連下眼睫毛都有搽佢~
佢真係keep到捲曲,冇以前果d咁易垂落黎~
而家都夠長同密呀~最好係用暖水就卸到~方便到極~~~~

最後唇彩我用左抗氧維他命C唇彩~
佢又你好方便ga喎,係底果度就可以扭到唇彩出黎~
用幾多扭幾多,呢個設計真係幾好~

搽左佢真係冇咁乾,d唇紋都會減淡好多~
令令地咁,效果幾好睇,而佢都算keep得幾耐~一日補2,3次就得~

一個簡單又清新既妝話咁易就化好左啦~
自己睇返~化妝同唔化妝分別都真係幾大下~
化完真係精神好多,照鏡見到自己個樣精神d,
真係全日心情都好好多^^
其實我都有拍左片,如果大家有興趣,我先放上黎啦~哈哈
而今次篇文真係打左好耐,希望大家都會鐘意我既分享啦^^