2011/10/28

為睫毛打造有緻身材,盡顯完美曲線 - Loreal Double Extension Curl



我好懶化妝,但睫毛液就一定日日搽,因為搽左真係精神好多ga~
大大話話我都有十幾支睫毛液係屋企~好似好瘋狂咁~哈哈~
早幾日係facebook見到loreal有新睫毛液試用,我當然唔放過啦~

由join到收到,都係幾日既事,效率都好快呀!!
今次試既就係佢,Loreal Double Extension Curl  ,中文名我就唔係好知啦~
佢係11月先推出既新品黎,今次有幸率先試,真係好開心呀!!!

佢同之前出既增生精華纖長睫毛液外型係一樣既~
不過今次就換上我最愛紫色^^襯埋金色,真係好sharp呀!!!
今次既賣點係捲曲纖長,仲有防水不脫色配方tim~

第一步用金色果面先~佢係睫毛底霜,呢隻打底霜含有水性柔合劑,
可能即時軟化睫毛,令睫毛處於可塑造狀態~

打底霜係銀白色既,仲有d閃閃地~~~~

第二步就用紫色果面,佢係黑色既睫毛液,
含防水層彈性捲曲聚合物,令睫毛擁有柔韌有纖曲美感,
24小時長效防水捲曲效果及190度纖長妝效,媲美捲燙睫毛效果~

擦頭唔算好大頭,呈弧形,搽起上黎都好方便~
講左咁耐,即刻上眼試下先~

先睇一隻素眼,我本身睫毛唔算短,但就向下生....一d都唔翹.....

之後夾一夾,搽上銀白色既打底霜~~
搽左打底霜,d睫毛又長左好多呀!!!!仲可以keep到咁翹~
感覺真係好似幫d睫毛噴左定型水咁~好勁!!!

之後搽埋黑色睫毛液,效果即刻見到,d睫毛好似開花咁!!
最好係上埋睫毛液都唔會下垂,仲係屹立不倒~~~
我搽埋下睫毛,效果出黎更加好呀!!!

我搽左一隻眼做對比,本來都唔覺佢增長得好多,
但一做對比之下,原來分別真係好大呀~~~
長左好多同埋翹得好緊要,正呀!!!

我仲試埋同增生精華纖長睫毛液做比較,分別都係明顯既~~

新呢隻Double Extension Curl 效果真係好令人滿意!!
無論正面睇定側面睇,d睫毛都係好靚,完全做到捲曲纖長既效果~
落妝分面,我用卸妝油都唔算難落,卸一次就搞掂~
價錢都唔係貴,只係139蚊好抵買呀~
11月出既時候大家一定要試下^^

2011/10/20

「我的美麗日記」首推凝凍水精華 - 甘菊白百合水精華凝凍

「我的美麗日記」mask就試得多啦~近牌佢出左新野~

就係凝凍水精華啦,佢係果凍質地的日夜兩用凍膜~ ($69 / 50ml)
簡單d講即係好似sleeping mask咁用啦~~~

我覺得佢今次個包裝盒好靚呀,用色好柔和,佢呢個果凍系列有2款~
一隻係玫瑰白牡丹水精華凝凍 ,而我呢盒就係甘菊白百合水精華凝凍 ~
簡單介紹一下凝凍水精華系列啦~
沁膚果凍質地將美肌花園中的豐沛花植能量轉化為源源不絕的護膚水精華,
結合專利植物性智慧活水保濕因子AquaxylTM,為肌膚提供日夜接力全天候的飽水能量。
小小的一瓶果凍可於日間防護關鍵期形成隱形水護膜,溫柔包覆肌膚,封存滋養成分;
同時於晚上的美膚黃金期密集深層補水,進行睡美人工程,持續加乘滋潤肌膚!

紙盒上面都清楚寫明成份、使用方法、注意事項等等.....
使用方法好簡單~
日間水護膜:基礎保養後,取1匙均勻薄塗於全臉肌膚。可形成隱形水護膜,確保鎖水防護。
夜晚水面膜:基礎保養後,取2匙均勻厚抹於全臉肌膚。形成晚安水面膜,長效密集補濕。

而樽野既包裝比我想像中簡潔,一個膠樽入住~

扭開蓋入面仲有一個小匙配埋,真係好方便呀,唔駛自己搵野搽~
而家都唔係好多產品會跟埋小匙lu,呢點抵讚呀!!

咁甘菊白百合水精華凝凍介紹下佢啦~
賦予肌膚水漾控油的香氛水面膜,集結洋甘菊純露、白百合精萃與青柚籽精華,
集結花植精華,使肌膚水漾細緻、潔淨平衡。除專利植物性智慧活水保濕因子AquaxylTM外,
更蘊含:* 洋甘菊純露、白百合精萃與青柚籽精華 * 水漾細緻、潔淨平衡  *
功效:水漾控油

佢既質地就係比較稀既gel狀,又唔係稀到會周圍流~好似control~
氣味方面,雖然佢係花既精華,但我覺得好似果香既甜~聞起上黎好舒服~
係一隻好容易接受既味道~~~~

搽上去好易吸收,仲好易有一層保護膜咁,好有光澤~~~~~
其實我一向都好怕用sleeping mask既野,因為試過用過其他牌子好似痴痴笠笠槳住塊面咁,
訓覺果時又整到周圍都係,硬係有d野係塊面咁唔舒服~
反而呢隻痴痴笠笠既感覺,可能因為佢吸得快~第2日訓醒都冇槳住既感覺呀~
而且佢一d都唔貴,仲可以日日好豪咁用!!!之前萬寧特價我仲見到佢賣$49.9 tim呀!!
至於控油效果,因為我冇試過朝早用,所以都唔係好清楚啦~
或者遲d試過再同大家分享下佢控唔控到油啦^^

2011/10/12

大自然的保濕力量 - 補水鎖水UpUpUp


上星期好開心參加左clarins舉辦既event~
當日下午舉行,clarins仲好貼心準備左下午茶俾我地享用~

event內容真係好豐富,有講解皮
膚各層的理想水分含量,
所以就推出左

全新水潤活肌保濕系列,佢可以深入各層肌膚之中,
營造肌膚每一層的黃金比例,肌膚時刻注滿水分。


  

一路食,一路聽,仲可以每樣產品慢慢試,又有專人細心講解點用~
2
個鐘時間都過得好快,穫益良多^^

 




 
 

event完左之後就送左2樣產品俾我地返去試~
就係Clarins全新HydraQuench
水潤活肌保濕系列~
水潤活肌保濕精華同

水潤活肌保濕霜啦~

先講一講

水潤活肌保濕精華 (50ml / $480)
全新水潤活肌保濕精華先以高分子透明質酸保護肌膚表面,
再透過印加花生萃取精華
修復角質層中的水脂膜及細胞間質,
然後再以
卡塔夫樹皮萃取精華及鹿角菜萃取精華促進表皮層的天然保濕機制,
最後低分子量透明質酸滋養真皮層儲水量,最後達到
4重滲透,讓肌膚層層注滿水分。
水潤活肌保濕精華中更包含了兩種修護成分進一步提升透明質酸與卡塔夫樹皮精華萃的保濕功效:
 -  印加花生萃取精華: 萃取自生長於秘魯安第斯山脈的一種植物,
    含豐富皮膚本身不能製造的必需脂肪酸,有效修復水脂膜及細胞間質,強化肌膚對抗乾燥的能力。
-
 鹿角菜萃取精華: 此紅海藻內含的兩種成分Floridoside及牛璜酸,能加強表皮層細胞的保水及儲水能力。
clrains研究中心以水脂膜的結構及皮膚細胞具水分同時具油分的特性為研製基礎,
研製出市面上獨有的水溶性、油溶性保濕配方,結合
80%分層及20%滋養層,
擁有無可比擬的輕盈質感,締造極致舒適的感覺。

用之前要上下搖勻,將水溶性、油溶性保濕配方混合,
如果唔搖,吱出黎就會得油份ga啦~
佢質地好水,香味好好聞,另人有relax既感覺,我好鐘意~
雖然佢有油份,但搽上面一d都唔會覺得油,潤得黎好爽,一d都冇笠~

水潤活肌保濕霜 (50ml / $420)
水潤活肌保濕霜都加入了Clarins專利的抗污染複合物,此成份由獨家天然植物配方研製,
加強皮膚抵抗力,減少污染對皮膚水脂膜及保濕功能的影響。
另外,花楸花蕾萃取精華令原本已充滿水分的肌膚顯得更紅潤健康,散發健康氣息。


水潤活肌保濕霜分為三款質地,照顧不同皮膚性質的需要。
分別有中性至混合性肌膚、中性至乾性肌膚同 任何肌膚~
我係event時3隻都試過,質地清爽至滋潤型都有,適合唔同膚質選擇~
三款保濕霜質地細滑、清爽不膩,在肌膚上形成如絲綢般粉嫩透薄的保護膜,舒緩缺水肌膚。
而我今次試既係適合任何肌膚既質地~
佢係清爽不膩的質地,帶來有如乳液般的輕盈觸感,
卻給予肌膚乳霜般的舒適,在肌膚上留下粉嫩透薄保護層,即時明亮膚色。
我呢支係旅行裝,有15ml~新開果時有錫紙封口,好衛生呀~

佢既質地係gel同cream既中間,唔會太稀或太杰~
香味同精華一樣,真係好好聞,搽完陣味都會keep住,
唔鐘意香味既人就未必接受到佢咁大陣味,
但我個人黎講就真係好鐘意~~瞓覺前用一流,個人會好relax~~~~~

而且佢都好易推開,吸收都好快~~~唔會痴笠笠~

根據測試發現,以水潤活肌保濕精華配合水潤活肌保濕霜同時使用,
皮膚的水分於使用後
4小時比只塗上水潤活肌保濕霜高35%
6小時後的表現更出色,比只塗上水潤活肌保濕霜高39%
可見結合
水潤活肌保濕精華及水潤活肌保濕霜使用,能讓產品發揮最強效用~

係event我都有2隻產品一齊用,當然我冇可能等到4個鐘先再test啦~
咁搽完2隻即時再做皮膚測試,都已經有未搽既38.5%升到搽完既43.5%
短短搽左5分鐘,已經升左5%,好厲害呀!!!

到今日為止,岩岩好用左7日,總括黎講我都好滿意呀~
保濕真係做得好好,而且天氣開始乾燥,但我d皮膚都冇話好乾~
feel到仲係好水潤,好似飲飽水咁^^再講多次我真係好鐘意佢陣味~
而家咁既時熱時乾既天氣,如果朝早用佢會有小小笠既感覺,
不過用左佢個妝又會貼d喎,所以有小小笠我都會照用~哈哈
但我相信再乾燥d既天氣就唔會有既個笠既情況發生~
秋天冬天用佢就一定very good啦^^
今年秋冬,真係可以擁有水噹噹既皮膚啦~~~~~~~~~~~
 
 
 
  

2011/10/11

THE BOBY SHOP - 紅石榴緊膚精華素~



今次試用既係THE BOBY SHOP 紅石榴緊膚精華素10日裝,
我最後一日先有時間去拎,拎果時個BA小姐可能太忙,冇教我點用~都咩冇講就俾左包野我~
打開原來係10包1.5ml既sample,同埋一個catalog,唯有自己睇下佢介紹啦~

 紅石榴緊膚精華素 (30ml / $339)
蘊含有機紅石榴籽油及滋潤蜂蜜,質感輕柔及容易吸收,有助改善肌膚彈性及補濕度。
於使用補濕產品前塗上,能令肌膚更有彈性及得以提昇。

果籽 : 提取含豐富抗氧化物的果籽油,能保護肌膚免受游離基侵害。
特別採用冷壓法提煉果籽油以保存新鮮功效, 並獲得有機認證,,確保成份天然不刺激肌膚。
果肉 : 提取 Aquaporins (水通道蛋白),有助肌膚細胞鎖水功能。
果皮 : 蘊含強效活性成份,成份溫和但具備 retinol 之活膚效果,有助激活肌膚膠原蛋白合成。

睇返介紹,原來早晚都要用,但佢又得10包...我每一次都用1包,所以其實都用唔到10日既~~
實際我只係用左5日咁多.....講真緊緻效果真係未見到~
不過都可以講一講佢既質地同用既感覺既~~~

使用方法 : 早晚使用,用於爽膚水之後。取適量紅石榴緊膚精華素,
輕柔地向上及向外塗抹於面上。最後以手指輕拍面部,避免觸及眼部肌膚。

佢質地係比gel杰小小,算係乳狀啦,香味都幾好聞,不過個人覺得味道濃左小小~
如果可以淡返小小就更加好啦~

搽上面都好易推開,推果時佢好似會變左小水點咁,好得意,
而且都好快吸收哂,質地黎講我都好鐘意~

左圖係未用之前,皮膚比較乾燥。
右圖用完之後,感覺上係冇咁乾,而且有光澤。

用左5日,明顯效果就未見到,不過搽完都有firm firm地既感覺,雖然睇落去唔多覺~
而且質地我係鐘意既~我相信如果可以試多小小時間效果會明顯d~
好鐘意佢紙袋上既一句 : nature"s way to beautiful!!!
希望大家都領略都個中既真理^^

2011/10/07

彌漫浪漫氣息 - Bellissima綠色的春日

我同老公都好鐘意用香水,因為我覺得係一個禮儀~
但我好揀香水要求可以話高,又可以話唔高,唔要濃,唔要俗~
花香果香糖果味,我都可以接受,但都係要續隻試lor~一定試到滿意先買~
今次好開心有得試用意大利品牌 BLUMARINE 新推出既 Bellissima香水
收到時第一個感覺係,咁大支既!!!同埋都幾重手~~~
原來佢個圓形瓶蓋係水晶黎,怪唔得咁重手啦~~~
個盒有好多花花,所以唔駛試都知係花香味既香水~
Blumarine係意大利著名時裝品牌 ,由Anna Molinari及Gianpaolo Tarabini於1977年創立
從事女裝的設計及生產 ,設計風格一直都充滿女人味 。
所以支香水外型都充滿女人味~~~~~~~

Bellissima Acqua Di Primavera 以清雅的幽香帶出女士們的溫婉嫵媚~
Acqua Di Primavera是意大利語―「綠色的春日」的意思~


初調: 以紫羅蘭葉、紅莓及佛手柑調制出來,
感覺甜美清新中調: 以紫羅蘭花、熱情花和三色堇揉合而成, 彌漫著浪漫氣息
基調: 蘊含紫羅蘭木、檀香木及麝香的柔和, 清麗雅緻

佢咁多隻調都係以花為中心,老實講,我真係唔知紫羅蘭葉、熱情花本身係咩味,
不過呢支香水陣味聞落去係好舒服既花香味,同埋佢持久力都ok~
朝早噴一噴返工,可以keep到lunch完左,已經算唔錯啦~
但唯一唔好係佢價錢比較貴,650蚊50ml,如果可以平小小就好啦^^