2013/02/20

三重美肌力 ~ 一搽擁有明亮.淨白.透明肌


唔經唔覺用左Sofina呢set新ALBLNAC正離子美白系列都有2個多星期啦~
係時候認認真真咁介紹佢地一次^^
呢個系列都加入左sofina最新研發既成份~ 羅馬洋甘菊精華 & 正離子導入技術,
減少黑生素的產生源頭「黑色素細胞」數量,從而減少黑色素,根治色斑問題,好勁ga!!!!

整個系列有7款產品ga,而我就試左其中3款啦~未講邊3款之前都想介紹下呢個系列入面既主要成份~
羅馬洋甘菊精華 - 有效阻隔SCF結合,最徹底地根治黑色素產生的源頭黑色細胞的數量。
正離子導入技術 - 配合特殊乳化劑,帶有正電荷,能緊貼肌膚表面 (帶負電荷),
                               使有效美白成分更快、更多地滲透至肌膚底層。滲透量比過去的產品多1.6倍。
桔梗美白精華 - SOFINA獨家研發的成分,從黑色素細胞控制色素蔓延,直接減少黑色素細胞的數量,
                            快速高效徹底減淡色斑,改善多年積累的色斑困擾。
洋甘菊ET - 抑制黑色素信息「內皮素」傳遞, 防止黑色素形成,保持白皙素肌。
潤白活性成分(尤加利精華、白樺精華、柚子精華) - 能促進血液循環,將美白成分充分輸送至肌膚,
                           並加速肌膚的新陳代謝,減淡暗黃,締造明亮肌膚。
                           同時促進肌膚自身形成細胞間脂質,令肌膚恢復保濕及防禦功能,散發透明感。
羅漢柏精華 - 減少泛紅,使膚色剔透均勻。
微香性、無色素、不含油分

第一樣要講既就係ALBLNAC正離子美白精華 (HK$720 /40g)
佢透過新成份「羅馬洋甘菊精華」,極致抑制黑色素細胞的數量,深層美白同時改善暗啞膚色。
當中SOFINA獨家專利的「正離子導入技術」猶如「美肌導入儀」,
使美白成份更迅速、更大量地導入至肌膚底層,孕育出剔透的紅潤美肌。

佢質地比lotion杰,但又冇cream咁杰,界乎兩者之間啦~我就每次泵2泵全面連頸用,
輕輕按摩到佢吸收哂就得,吸得都算幾快呀,唔會笠同乾,佢仲有淡淡既花香味幾好聞ga^^~
如果要我以 ★ 作評分,5顆★為滿分,我會俾:
1)亮白度 ★★★★★         2)保濕度 ★★★★
3) 紅潤度 ★★★★            4) 滲透度 ★★★★
5) 清爽度 ★★★ 

第二樣就係ALBLNAC重點美白去斑筆 (HK$560 / 3.7g)
集中3倍美白效能,針對頑固色班,雀斑及暗瘡印部位打圈塗抹,
明顯減淡頑固色素,令肌膚再次重現潤白神采,使用後感覺潤而不膩。

佢係一支好似唇膏咁既去斑筆,用果時只要係斑呀、暗瘡印位置搽幾下就得,非常方便!!
如果想重點去一d頑固既色斑,仲可以"了"一d出黎撻住佢黎敷一晚,效果會更加好tim呀^^

斑,touch wood黎講我就冇乜,不過暗瘡印問題就一直都有,d印成日都唔退好鬼煩!!!
我呢2個幾星期就日日用ALBLNAC正離子美白精華&重點美白去斑筆,去暗瘡印又真係幾work喎~
好多深色既印都變淡,淡色既就更加淡,總之就work啦~哈哈!!
如果要我以 ★ 作評分,5顆★為滿分,我會俾:
1)亮白度 ★★★★★  2)保濕度 ★★
3) 紅潤度 ★★★        4) 滲透度 ★★★★
5) 清爽度 ★★★

最後就係ALBLNAC 美白按摩面膜 (HK$420 / 125g)
佢係一支就可以實現「按摩+面膜+潔淨」3大護膚功效,孕育出剔透的紅潤美肌,
為肌膚即時趕走粗糙、暗啞及疲累,喚回健康亮麗的光采。
通過1分鐘的按摩促進血液循環,再配合3分鐘的面膜護理,集中修護,使美白及保濕成分深深地滲透至肌膚底層。
有效抑制黑色素生成,預防色斑,同時滋潤肌膚,締造明澄亮白潤肌。

牙膏直立式包裝,成分蘊含美白有效成分「洋甘菊ET」,
有效抑制黑色素訊息「內皮素」傳遞,防止黑色素形成,保持白皙素肌。
潤白活性成分配合多種有效護膚成分包括尤加利精華、白樺樹精華及柚子精華,成就光澤潤澤的動人素肌。

集按摩.面膜.潔淨於一身,只需數分鐘便能做到美白、保濕及促進血液循環的功效,方便簡單。
透過按摩效果打通淋巴及促進血液循環,徹底去除內外污垢,令肌膚變得明亮。
只要跟住上圖指示,1分鐘按摩加3分鐘面膜,就可以發揮到最大既功效ga啦^^

質地都好creamy,好容易上面&按摩,我就最鐘意係沖涼果時用,
因為可以透過蒸氣,令佢更加容易吸收嘛^^
另外,佢灸除左係mask之外,仲可以代替潔面產品用ga,當然要落左妝先啦~
一物三用真係方便之極!!而且佢去黃效果真係一流!!!!明顯睇到ga^^
如果要我以 ★ 作評分,5顆★為滿分,我會俾:
1)亮白度 ★★★★★ 2)保濕度 ★★★★
3) 紅潤度 ★★★★ 4) 滲透度 ★★★★
5) 清爽度 ★★★★

總括黎講,我極滿意sofina呢個ALBLNAC正離子美白系列,
佢俾到我既唔止係白,而係透白,亮白,健康既白既感覺~好鐘意好鐘意!!!!
就係個價錢貴左小小啦,如果可以經濟d就更加predect啦!!!

2013/02/14

啟動細胞補水導航系統,輕易擁有水噹噹既肌膚^^


新年前,好開心收到Fashion & Beauty 邀請試用試用ULTIMA II既新產品~
佢地就係極致純膠原蛋白水分修護系列啦,包裝仲好靚tim!!!!

呢個系列係針對膠原蛋白既~膠原蛋白係肌膚的天然儲水庫,如果膠原不足,肌膚就無法留住水分ga啦~
所以ULTIMA II就打開死而復生的奧祕,成功研發出革命性G.P.S.™細胞補水導航系統,
可以導航水分至脫水細胞位置,重新啟動細胞功能,令細胞回復活躍更新,重煥生命,
將水分牢牢鎖緊於肌膚內,同時間改善肌膚儲水及鎖水機能,防止水分蒸發,
令肌膚回復水分充盈,時刻保持最佳水潤度。

先介紹一下好矜貴既極致純膠原蛋白水分修護昇華 ~
佢係萃取自深海稀有的90%高濃度膠原蛋白,糅合專利G.P.S.™細胞補水導航系統及Trylagen™ 膠原重組科技,
Trylagen™膠原重組科技,可以發揮三連鎖膠原動力,帶來激活、重組、修復力量,
促進膠原蛋白合成、鞏固膠原蛋白結構及防止膠原蛋白分解,重建肌底膠原儲水庫,
直接補充膠原蛋白的流失及促進膠原再生,顯著提升水分含量,並加強肌膚鎖水力。

佢既質地好水稀稀,早晚用3滴左右塗係臉部&頸前,再用指腹由頸前輕輕按至前額,
按幾按,已經俾我d皮膚秒殺咁吸收哂,對我黎講真係一d都唔會笠~
如果想有最佳效果,就要係晚間配合極致純膠原蛋白水分修護面膜用,
而日間就配合其他ULTIMA II 面部護理產品使用啦^^

而極致純膠原蛋白水分修護面膜就係for夜晚用既~ (30ml / $880)
乳霜狀睡眠面膜使昇華成分能加倍有效地導入肌膚底層,提升吸收能力,
將膠原再生力量瞬間滲透至肌膚底層,長效保持肌膚水嫩柔軟。

其實我好小用sleeping mask既,因為我之前用開,好怕成晚都撻住塊面痴笠笠,又整到枕頭都係~
但呢支極致純膠原蛋白水分修護面膜就冇咁既情況發生,同埋佢係直立式真空包裝,用起黎方便好多~
佢既質地係好似lotion咁,有小小既香味~
用法都好簡單,只要晚間潔膚及爽膚後,先塗上極致純膠原蛋白水分修護昇華,
再以無名指把適量極致純膠原蛋白水分修護面膜,約 6 整泵左右,輕抹於臉部和頸前~
無需沖洗,每星期用最少3次, 如果係急救修護,就要連續最少4星期每晚使用啦~

新年期間我日日都有用ga,係日日都食冇定時,亂咁食熱氣野,超級夜訓既情況下,
真係唔講得笑,皮膚都依然keep到水噹噹,  好厲害呀!!!!
係就係貴d,不過咁work,又唔一定要日日用,計返都值得既,推介俾大家呀^^

2013/02/04

美白大作戰 - ALBLANC潤白‧美肌工作坊


上星期五好開心可以出席SOFINA  x @#$%&既潤白美肌工作坊~
我係SOFINA fans,有用過sofina beaute系列覺得唔錯,但就未接觸過的Alblance系列啦~
今次有機會試下呢個系列真係超級興奮^^

一去到卸妝洗面之後,由有美容顧問幫我做皮膚測試啦~
只要將測試係面、額頭、眼角、唇邊印一印,好快就有結果~好方便呀!
六角形分析圖越接近等邊六角形,即係d皮膚最靚既~出黎既結果比我想像中好呀~
我黑色素有92%,美容顧問讚我防曬功夫做得好要keep住~
不過其他既都合格多小小啦,有進步既空間,特別要注意下皮脂量方面啦~哈哈

活動開始時,就由SOFINA 資深美容導師井上晶子講解一下ALBLANC美肌既定義啦~

當中包括透明度、明亮度、淨白度等.....最好當然要有好似BB咁幼嫩既肌膚就perfert啦~
仲介紹入工作坊當日既主角~

佢地就係ALBLANC春夏美白系列入面其中三款產品~
有好受歡迎既美白按摩面膜,同埋即將推出既新品正離子美白精華& 重點美白去理筆~

講解左ALBLANC既最迎潤白美肌既技術,就係運用正離子導入技術既原理,
再加高效滲透既技術,所以sofina既美白技術係高人一等ga~!!!哈哈~

之後老師仲教我地用美白按摩面膜按摩面部既正確手法,同埋Face Yoga ~
Face Yoga動作都好簡單,如果每日都做仲可以提昇面部彈性&改善面部既血液循環,會白裡透紅ga^^

工作坊尾聲時,SOFINA 準備左化妝品俾我地化到靚靚先走人~
當中有最新出既唇膏唇彩&眼影,呢3樣我自己都有用,超推介!!!!

最後就送上系列中三件產品俾我地試用~當中正離子美白精華&重點美白去理筆仲未推出市面ga~
我有幸率先試真係好開心^^我會連續試用2星期,2星期後再同大家分享效果啦^^

2013/02/01

我想點就點,配搭出獨一無二嘅 --我的拉麵--


早幾日真係好開心去左一風堂參加<<我的拉麵>> 試食會呀^^
今次我帶埋同我一樣咁鐘意食拉麵既朋友一齊去,佢開心既指數不下於我lor~哈哈哈哈~

一去到就由職員介紹一下一風堂既歷史背景~
源自日本九州福岡拉麵之都博多的一風堂,由享譽國際的神級拉麵大王河原成美(Shigemi Kawahara) 創辦,
於日本全國分店超過60間並擴展至國際大都會包括紐約、新加坡和南韓。
一風堂秉承「堅守傳統•不斷創新」的宗旨,選用上乘新鮮食材配以正宗日本傳統的烹調方法,
以顏色命區分湯底 – 赤丸新味及白丸元味,此舉旋即成為業界的指標,各拉麵店均爭相仿效。
此外,一風堂亦以親切殷勤的服務見稱,並融合獨特的餐廳裝潢概念及舒適的環境,
為世界各地的顧客提供正宗的拉麵及最優質餐飲體驗。

今1一風堂為滿足大家對高質素拉麵的不斷追求,經已宣佈推出全新「我的拉麵」自選拉麵餐目~
嶄新餐目中林林總總的選擇可讓顧客配搭出超過100萬款富個人特色的拉麵,
不但迎合每位拉麵愛好者的個人口味,更為香港引入正宗日本自選拉麵文化,
同時帶來獨一無二的拉麵飲食新體驗~
係自選拉麵之前,職員仲好貼心咁送上一條紙圍裙tim呀!!!!so nice^^

自選拉麵餐牌除左可以自己揀麵既粗幼、軟硬度、油分多小、湯底之外~
最最最開心就係可以自己揀配料tim呀!!!!鐘意食咩就叫咩~好free!!!
有d揀配係「我的拉麵」自選拉麵先食到~平時普遍餐牌上面係冇ga^^

經一輪選擇之後,我就揀左自選拉麵先有既粗麵底 , 柔麵質 , 少油份 , 黑蒜油~
配料方面因為樣樣都想試下就揀左 特盛配料,另外再加左炙燒叉燒&溫泉蛋~超大食呀我~哈哈哈哈!!!
呢個就係自選拉麵先有既粗麵底啦,其實都唔係十分之粗,食落就比我朋友叫佢幼麵硬身小小~
如果鐘意有口感既呢個麵底應該會幾抵你口味^^
湯底我叫左小油份,加左黑蒜油,食落好香濃,不過我就覺得咸左小小~清返小小就very good啦~

我超級推介呢個溏心蛋,勁好味呀!!!!!!而家睇返相都好想食~!!

我咁多款肉都試哂,最鐘意就係炙燒叉燒,唔好睇佢好似好肥咁,但入口係好香,唔覺油ga!!
另外日式叉燒我都鐘意,而日式豬柳我就覺得硬左小小啦,唔知係咪咁岩我果舊太瘦呢~哈哈

咁好味,我當然食得哂啦~仲好鬼飽tim,不過如果你食哂d麵都覺得唔飽,唔使怕~
因為食到剩餘湯嘅時候,你可以追加拉麵架,一樣可以揀麵條嘅硬度添,當然係另外收費啦~哈哈

最後,仲送上南瓜焦糖布丁,d 焦糖好香呀!!真係好滿足!!!
我推介大家一定要去試下一風堂呢個「我的拉麵」自選拉麵~
不過要留意既係,只限金鐘、中環、銅鑼灣一風堂供應ga ja^^