去左sofina發佈會

尋日2:30 - 4:00去左美麗華酒店出席sofina既發佈會~
我係公司走唔到，成3點先到~好彩都未開始~
去到覺得個場好靚，個ballroom都幾大同埋ok多人啦~

個發佈會主要係介紹即張上市既洗面泡沫~
仲請左日本既dr黎講解~~~而臺面就放左d product係度可以試~
好似仲有foot按摩~不過我冇試到呀~~~哈哈~

我覺得佢張臺setting好靚，有盤小菊花係度~襯返個porduct~
今次得自己一個人去~遲到左冇位要同be d staff坐~~
冇得同人吹下水有小小悶lor~~不過第一次去發佈會當見識下都好^^

Sofina率先試用活動 ---第一天

今日開始第一日試用sofina既產品，係預防肌膚老化護理系列 -- sofina beaute
再介紹一下，分別有:
未上市既洗面泡沫(170g) -- $260
化妝水II (160ml) -- $240
防曬SPF50度PA+++ fresh(40ml) -- $290

先睇下洗面泡沫，因為呢支未上市所以影左佢既外貌俾大家睇下，
鋁罐包裝，拎上手都幾好手感~

其實我平時朝早只會用清水洗面，
一來懶，二來用洗面product洗完後往往都覺得好乾~

而sofina呢隻係mousse，用起黎好方便，洗完都唔乾~
用法係支一下，乒乓波大小就ok，之後ba話按下~
敷大概一分鐘左右，可以令皮膚更有光澤~

之後就用化妝水II ，ba話好似爽膚水咁用就得，

相入面我倒得太多，搽埋頸都仲有淨....哈哈~
呢隻有小小香味，幾好聞，用左潤得黎幾爽，唔會笠~

最後就用防曬SPF50度PA+++ ，ba俾左隻清爽d既我，
sofina既防曬我都係第一次用，lotion既質地，
剛搽完有小小笠，不過過一陣就好d，唔知係咪我搽得太多~

整set野既用法都好方便，唔駛哂好多時間~
暫時分享咁多先~用多幾日再分享~^^

原來我仲有好多野未用哂....

由於中左sofina關係，要搵地方安置佢地~
點知一執就發現有好多野都未開or剛剛開用左小小.....

全部野都唔駛錢ga~哈哈~

圖一上左起:
一套3件clinque，係中左cosmopolian既試用，新開冇耐~

garnier水潤凝萃密集保濕眼部按摩筆 + 水潤凝萃密集保濕精華，上網玩game中既~全新
一套3件sofina，中左be既試用，仲未開~

biotherm保濕水，之前買滿唔記得幾多錢送既

etude既保濕set，朋友去韓國買俾我既手信

圖二上左起:

garnier既淨白精華，唔記得幾時join be既活動送既~
florame落妝油，唔記得參加咩抽中既禮物
3支crabtree全新未開，影完先記得仲有一支冇影，total4支
clinque保濕水，好似係係she.com中既~
nivea止汗，都係she.com中既~
methode swiss防曬，又係唔記得參加咩抽中既禮物
ISA KNOX的韓方保濕玉井水面霜 ，同人交換既~

olay super cream 7ml x 5，都係同人交換既~

見到呢堆野又頭痛又開心，都唔知自己仲有冇影溜~
不過呢埋野引起我有打blog既衝動~哈哈~
你地又有幾多儲貨呢~一齊share下啦^^

接左sofina返黎啦~

今日一早就出左門口，因為要接好期待既sofina返黎~
拎既手續都好簡單~只要俾張野佢，之後簽個名就得~
sofina好大手筆，試用產品係預防肌膚老化護理系列 -- sofina beaute，
分別有ba話未有得賣既洗面泡沫(170g)~
幫我揀我岩用既化妝水II (160ml)，同埋防曬50度(40ml)，
個ba好好人，好詳細講解一次點用，用俾左本介紹既小冊子我~
我未用過sofina既護膚品~今次有得試用真係非常好，
要再一次多謝sofina & be俾呢次機會我!

Dermes脫唇毛第一次 & 第二次 (頗長)

係較早前，其實都已經係3月既事~參加左dermes既dermes 日日賞既活動，
其實都只係玩下，因為都冇諗過會中~
係第2日就收到電話，話我中左~我諗住中左free一次脫毛都好啦，
點知原來唔係free一次，係中左上唇激光永久脫毛療程一個 (共4次，價值$5,200)
哇~真係開心得好緊要，因為如果要俾五千幾蚊我真係唔捨得~
咁第一次上去啦~service都幾好，一入去已經有d亞姐問我飲咩~有菊花蜜飲~good呀~
之後就要登記，做一d問卷，之後就sell sell sell~
其實都預左佢sell，但冇諗過4點半上去，6點幾先走得lor~
做既過程只係3-4分鐘，先剃左d唇毛，跟住用冰敷下上下唇，之後就有部風機吹住先激光~
個感覺，其實都唔係好痛，淨係feel到好大風同有d野彈彈下咁lor~可以接受~
整完就即刻覺得白左~哈哈~冇哂d毛毛~正呀!!
隔左兩個月第2次上去，又係4點半上去，等左10mins先有得做~
不過今次佢冇特登坐係度sell，不過做既過程都係sell~
唔緊要~我免費上得黎做都預左你sell~上次個半鐘都頂得順~今次濕濕碎啦~
今次佢話教大個個激光度數，今次feel到有D痛，不過比起做underarm，冇得比~
(我係第2度做underarm，遲d share返)
雖然有小小痛，可以接受既~今次半個鐘內就走得~good呀!

做左2次，不過我唔冇影相呀~冇得post上黎~
第一次同第二次比較，我覺得第二次好似有效d~
因為做完第一次，d毛毛好快就出返黎~
第二次可能佢較大左，所以d毛毛到今日都只係得幾條，(我6月24號做既)
希望做哂4次真係可以同d毛毛 say byebye啦~
不過唔知係咁岩呀定係點，每次做完個上唇都會生一粒暗瘡出黎....好奇怪~
有冇sis都有做激光呢??一齊share下呀^^

Garnier事件

其實呢件事都發生左差唔多一個月，不過之前冇時間打，

話說係好耐之前參加左garnier既網上遊戲，中左支水潤凝萃密集保濕眼部按摩筆，

等左好耐終於收到，點知一打開發現按摩筆的筆頭黑膠部分有一個缺口，
當搽上眼時會介到眼睛，根本唔可以用到，

咁我本住一試既心態send e mail問下garnier有冇得換啦，

點知佢地既cs回應既速度好快，兩個鐘內已經覆我，

除左換返支按摩筆俾我仲送左Garnier 另一皇牌產品- 水潤凝萃密集保濕精華俾我，

仲要第2日出速遞送黎俾我，真係估唔到而家仲有咁好既customer services

而家就算係大公司都未必有咁好既服務，所以garnier今次真係好好好好好值得表揚!!
俾十個good佢地呀!!