粉底粉底大測試^^

今次係一個好得意同公平既試用^^
因為係收到產品既一刻都唔知自己試用既係咩牌子~
而試用既就係2隻不知名既粉底，品牌A同品牌子B~

不過好不幸，我拎到果時發現品牌A個蓋爛左呀...而B果個又可以扭唔實，
搞到漏左好多粉底出黎.....好慘呀....
.
雖然淨返既份量唔係好多，不過都好彩每個品牌都夠我用JA^^
我試既2隻都係自然色，品牌A既比品牌B白，品牌B比較偏黃~

試上手就更加睇到2隻色係完全唔同，係2隻色系~

左邊既係品牌A，顏色同我既皮膚係Perfect match呀，而且推開都好水潤同薄~
右邊既係品牌B，顏色比較黃，用左有2節色，比起品牌A佢就比較厚身小小同乾小小~

試上面，品牌A既遮暇度唔錯，面上既暗瘡印呀、敏感出既紅印都遮得七七八八~
同埋都幾貼面，係返工到放工大概8-9個鐘，只要3,4點印一印油就OK，
而張相就係我放工時影既效果，都唔算溶妝好勁，唔錯呀^^

而品牌B，由於完全唔岩色，所以我冇辦法出街果時用，
不過我都特登係屋企試，同樣係8-9個鐘，比較之下，佢就比較乾，搞到我出油多左~
而且遮暇度冇品牌A咁好，個妝溶得比較快，睇黎品牌B唔係我岩我用.....

到試用完2隻粉底之後就可以再上去拎禮物啦，未上去都唔知自己究竟拎品牌A定B 架~
好彩，我拎到既係品牌A，原來係ZA既真晳美白護膚粉底液，
佢個粉餅同化妝品我都有用ga~都係一樣好好用^^

水潤質感，柔滑易推，塑造啞緻透薄的持久粧效。

無瑕亮肌粉末，蘊含「扁平粉末」及呈圓球狀的「內部打燈粉末」，
     透過光線折射，修飾膚色暗沉及斑點。

零毛孔粉末，高度遮瑕，徹底遮蓋毛孔及瑕疵，粧容貼服而不厚重。

高穩定性維他命C，減淡色斑及痘印，深層美白。

添加護膚成分，包括維他命C及E、礦物及透明質酸，上粧時持續修護肌膚，
     預防粧容因氧化而導致膚色晦暗蠟黃。

SPF25 PA++，阻隔紫外線A、B，保護肌膚。
佢仲有3隻色選擇，OC00 適合純白肌色 OC10 適合自然肌色 OC20 適合健康肌色~

今次試用既方式我其實幾鐘意，因為可以憑感覺用，
用完先知自己用緊咩牌子感覺又好得意^^希望以後都會有d咁既形式試用啦~
不過其實我都好想知埋品牌b係咩牌子~唔岩自己用都可以認住唔駛買嘛~哈哈

Heynature - 起泡泡的卸妝潔面Mask^^

今次試到一支好得意既產品，就係Heynature既草本 O2 面膜潔臉乳~
Heynature係一隻來自韓國既牌子，佢揉合傳統韓方材料與現代美肌科技，
以最天然的草本處方，集合美容和醫學的專業知識所研發的天然護膚品，
是韓方天然藥妝的權威代表品牌。產品以低刺激為原則, 敏感肌膚亦可安心使用。

平時用韓國產品多數都係得韓文介紹，而有關Heynature就好貼心咁加上英文^^
佢既成分中既牛奶蛋白及茶多酚提取物可有助減退皮膚黑斑善提高細胞的免疫力，
促進肌膚的新陳代謝率，令肌膚重現明亮透白，時刻保持最佳狀態，塑造健康水嫩亮白美肌。
加上佢含多種不同天然成份製造，具泡沫按摩、深層清潔、角質管理、
平衡油脂、毛孔管理集潔面護膚功能於一身。
有效潤澤肌膚、活化細胞、減淡皺紋和色斑，使肌膚浄白剔透及改善粗糙受損肌膚，散發活現神采。

包裝其實都好簡潔，不過白色襯上金色蓋，多左一份高貴感~

支出黎同普通潔面冇咩分別，乳白色既lotion質地~
有一陣清香既氣味，每一次吱大概5-6下就夠全面用~

最特別亦都係最得意既地方就係佢一上面10秒左右，就會自己起泡泡~
變成一層mouuse咁係塊面度，之後輕輕按摩下就得~

過完水，所有既bb cream、防曬等都卸得乾乾淨淨^^
而且皮膚都有光澤感，亦都冇乾巴既既，感覺良好~
一支有齊深層清潔 + 角質管理 + 平衡油脂 + 改善毛孔，水漾肌膚重生咁多功效，
加上價錢唔貴，係一支可以推介既產品呀^^

天然分子醫學mask - Leaders Clinic

醫學美容真係越黎越普遍，而家連mask都有出醫學
今次有幸試到韓國醫學品牌Leaders Clinic既2款mask~

蘆薈舒緩更新面膜 (25ml / $22.9)
Leaders Clinic係由韓國首爾國立大學的一班皮膚學專家組成，
一直致力利用頂尖的科研技術研發性質溫和，適合各種皮膚使用的美肌配方;
亦從醫學角度研發出能為妳真正改善肌膚的美容方程式，
每片面膜已經由一班頂尖的皮膚科醫生為妳進行過各項皮膚測試，
效果真正貼面，能滲透每寸飢渴的皮膚 ; 就如同讓皮膚渴下整瓶的營養成分一樣。

先介紹一下蘆薈舒緩更新面膜，佢可以舒緩肌膚，立即給肌膚提供水分。
針對因外在環境而敏感的肌膚，容易受紫外線或雷射手術而泛紅的肌膚。
蘆薈成份可以快速舒緩受刺激的肌膚；仙人掌成份可以有效舒緩肌膚，
迅速補水，成分不含苯／皮膚科測試完成。
主要成分: 蘆薈萃取物    用途：提供水分/肌膚舒緩

打開又冇想像中咁多精華，但其實都唔小，
絕對足夠敷20mins，敷完塊mask都唔會乾哂，仲好rich^^

佢既面膜質地好得意，同一般用開既唔同，
原來Leaders Clinic既面膜都係用棉花最接近既種子部分既幼細纖維做既~
可以提昇面膜既吸水能力GA，怪唔得淨返係包裝紙上面既精華唔多啦~

面膜貼面度好足，敷緊都可以周圍走唔會跌落黎~
不過我覺得如果鼻位果度D剪裁位可以再做好小小就更加好啦~

敷果時會覺得有提升收緊既感覺，到20mins後敷完，
會發現我塊面都有mask d痕印左係度，真係有firm左既感覺呀~
同埋敷完之後有保濕感，摸落去都彈手d，暗瘡都冇咁紅^^~

而另一隻維他明亮更新面膜  (25ml / $22.9)
包裝同蘆薈果款係一樣既，只係唔同左色~

用於肌膚色調不均衡及有黑點的情況，需要元氣及活力的肌膚。
強化維他命C成份能給疲倦肌膚提供營養及活力，使整個肌膚色調明亮，水潤，健康，
成分不含苯(防腐劑)／皮膚科測試完成。
主要成分: AA-2G
用途：明亮肌膚/平衡肌膚暗淡肌調

面膜質地各樣都同同蘆薈舒緩更新面膜差唔多，
打開包裝紙入面都唔會有好多多餘既精華，大部份都係塊mask上面~

敷完同樣feel到水噹噹，但維他明亮更新面膜比蘆薈舒緩更新面膜有一樣小小唔同，
就係維他明亮更新面膜敷完真係好似會透亮d，皮膚會冇咁暗啞~
兩款mask真係各有各好，不相伯仲~兩款我都好鐘意~
但要我日日敷我就真係唔捨符，因為價錢我覺得偏貴~
如果價錢可以經濟d就更加之好啦^^