2011/06/23

抑制黑色素、排毒、補濕、抗氧化,一take搞掂哂^^


講緊既就係佢,BTRC多元維他命亮膚美肌凝膠  ($195 / 50ML)
含維他命B3及B5,藍色複合物、尿囊素及玻尿酸,
具抑制黑色素、排毒、補濕、抗氧化、防禦、增加肌膚彈性及更新底層肌膚等功效,令肌膚亮白、光采飽滿。

睇見個盒已經好吸引,一來橙色啦~二來俾佢有咁多維他命吸引左~
有B3 + B5 + A + C + E + F~分別既功效就係:
維他命B3:均勻膚色、預防色素沉澱
維他命B5:鎮靜舒緩
維他命A:淡化鄒紋、促進細胞更生
維他命C:亮白美肌
維他命E:抗氧化、補濕
維他命F:舒緩、補濕、軟化角質
維他命H:抗菌、抗炎、昅除多餘油脂

扭開蓋,仲有一層白色膠片~,不過都唔係蓋得實,
好容易整到個邊周圍都係~叫做好過冇啦~哈哈

打開,好橙色呀!!!仲有D粒粒子~不過我唔識韓文,上網又搵唔到果D粒子係咩作用~

質地就係GEL狀,氣味我覺得好似碧麗珠咁既味~似檸檬卦,唔太肯定~哈哈~

好好推,同埋好水feel,推下推下d粒子都會溶埋~

吸得好快,不過頭5mins會有d痴笠笠既感覺,等佢完全吸入哂就會好清爽ga啦~
而家天氣咁熱,我鐘意雪佢入雪櫃,搽果時涼浸浸好舒服ga^^
用左差唔多2星期,,因為呢2個星期病左,食西藥搞到皮膚差到不得了~
雖然大改變又真係未睇到住,不過冇繼續變差已經好好啦~同埋好似冇咁乾~
我諗等病好先可以試得更清楚~~~~~

2011/06/22

拉一拉、刷一刷、 ~ 輕易締造假睫毛效果^^

其實我好懶化妝,不過幾懶都好~我一定會搽睫毛液~
因為對眼大柄睇落去成個人都精神d~
而睫毛液,我真係有好多支,應該有10幾支左右~哈哈~
貴既平既都有,不過我都係鐘意用d平民價~
一來抵用,二來雖然平,但效果有時比貴既仲好!!!


呢牌我就係用佢啦~特強豐盈纖長睫毛液

新配方以嶄新亮黑色登場,令睫毛更為明顯烏黑亮麗;
並加入捲曲聚合物、多重植物蠟和修護成份,令效果更濃密、捲曲、順滑及纖長;
而同時達至輕易塗抹、不易脫色、效果持久和修護睫毛等多重功效。


黑色既包裝,好配合大眼娃娃,感覺好華麗呀~

全新特強豐盈纖長睫毛液配備精心設計的三用刷頭,
以三個層次:提拉梳刷修飾,全方位多角度無限伸延睫毛魅力~


雖然使用說明係日文,但有圖片,所以都好容易明白點用^^

第一部用梳果邊向上拉,梳左一下,已經有效果睇到~
條條都好分明呀,同埋長左好多~


第二部用刷形果面Z咁上,d睫毛即刻濃密左~
而我就冇跟佢第三部用最頂果度搽下睫毛~
因為我d下睫毛都唔係短,所以我直接用刷頭上~


用左佢真係d睫毛真係好似開花咁~同帶左假狗有得比呀~
但用起上黎比假狗方便十倍!!!



用左前後真係好大分別ga,用完精神好多^^
不過睫毛液上眼之前最好用紙巾印一印個刷頭先,因為佢既用量太多~
如果就咁用就好容易一舊舊同埋整到隻眼邊都係~
而佢防水防油對我黎講好ok,因為我唔係油眼人~絕對keep到一整日~
卸妝方面,一定要用卸妝油or眼部卸妝先落到,卸妝水就落唔到啦....
咁我不嬲都用開油落妝,又唔係想像中咁難卸~起碼唔會卸到甩睫毛先卸到~
平民價又有咁既效果~真係合格有餘啦^^
                  

2011/06/17

夏日孖寶~ 毛孔byebye,帶出好氣息^^

夏天天氣熱d毛孔都大埋~搞到化左妝都唔好睇~
不過有佢,毛孔問題就輕易解決啦~

benefit the Pore Fessional 緊毛色專業底霜  ($ 280/ 22ml)
不含油分的清爽質地,採用矽及及硅成分,有助收緊毛孔,使底妝更加幼滑完美。

未開封果時有錫紙封口,一睇就知係新既,確保衛生~
吱出野,帶肉色,質感好幼滑~搽完摸下d皮膚真係好滑ga~

用法好簡單,只要係毛孔大既地方搽勻就得~

搽左d毛孔填平哂, 皮膚即刻變得好滑,上妝都易d呀^^
遮好哂毛孔,之後粉都唔駛搽就可能上胭脂啦~

Benefit PosieTint 花漾胭脂水 ($320 /12.5ml)
輕盈薄透的Posietint花漾胭脂水輕柔吻上雙唇和面頰,帶來閃亮光澤。
全新的凝露配方,令所有渴望美麗的容顏呈現出恰到好處的完美膚色,並而持久不暈染。

係胭脂水黎,好似指甲油咁設計,用起上黎都方便呀~

隻色好靚呀,粉紅色,貿地就比水杰小小,唔會流到周圍都係~
而且佢真係keep得好耐,用一日都唔駛補妝~

起初我就跟佢既指示,係面上搽,之後影埋相,諗住推開佢啦~
點知就發現佢乾就太快,搞到變左有三條貓蘇咁.....

之後要落左佢再搽過~今次我就搽係手度,之後再慢慢印上面,
出黎效果真係好好多,好自然呀~好鐘意隻色^^

有左夏日孖寶~ 毛孔byebye,帶出好氣息真係話都冇咁易^^

2011/06/15

益生菌 - 便便暢通,開心share~like^^

益生菌大家都唔會陌生,因為有一隻乳酸飲品係人都識既~
但自從知道佢含糖咁高,之後都冇飲過lu~

好彩白蘭氏出左新野,白蘭氏 Innershine®益生素 + 益生菌
個盒面寫住淨化腸道,排毒美肌真係好吸引呀~
而且佢特有3合1配方 - 促進腸道機能正常化
益生菌: 抑制及對抗害菌生長, 改善腸道機能
益生素: 促進體內益生菌生長及自然繁殖
高纖維: 有助腸道蠕動, 排走宿便

打開盒,整整齊齊排好哂~HK$298有30 包 x 每包3.45g
每日服用2包 (任何兩餐後各服1包),一盒可以食15日,
每日2包益生素 + 益生菌有至小10億個益生菌,促進體內益菌生長減小害菌~

一包只有12 kcal,糖份得0.3克,真係好健康,食得放心~

除左係紙盒上,每一包都印上生產日期&到期日~

倒出黎,係白白黃黃好幼妯既粉末~
唔加水試下味~甜甜地,好似葡萄糖咁既味~好易入口~

之後加入凍水沖,攪勻佢就飲得~好方便~

我試過係公司用水機沖,不過可能d水又冰,所以溶唔哂,
都係用室溫水沖比較好~

試左15日,覺得佢好易入口,初初飲頭幾日都冇咩反應,
但到左4,5日之後,開始覺得腸道好左,唔會成日谷住谷住~
之後飲左個多星期已經係便便暢通,開心share~like^^
佢對我黎講真係work,不過價錢方面就唔多討好~
真係貴左小小,如果可以平返d就好啦~~~~~~
                                  

2011/06/01

Institut Esthederm - 深層潔面好幫手


夏天成日出汗,又會用防曬,落得唔乾淨就會好易出粒粒~
所以夏天我都會做下深層清潔,等d皮膚裡裡外外都咁乾淨~
今季第一支深層清潔用左佢 - Institut Esthederm無粒子滲壓深層潔面膏

Institut Esthederm無粒子滲壓深層潔面膏 (75ml- $336)
適合任何皮膚(包括敏感性皮膚) 具深層潔淨及軟化角質功效,
用後毛孔明顯暢通,同時清除黑頭 及收細毛孔,去除老化角質,使皮膚回復光潔亮澤。

佢made in france,所以支野背後都有好多睇唔明既文字~
不過好細心加上英文,原來係教我地點用支野~所以一定識點用^^
使用方法:潔面及印乾後,取約 1元 份量,輕輕在皮膚上打圈按摩,
直至潔面霜轉為白色及有黏手感覺,即可以清水洗淨。
油性 、暗啞皮膚每星期用2~3次,中性 、乾性皮膚用 1~2次。

而且仲有一層密封,夠哂衛生呀~

支出黎,係膏狀,有淡淡既花香味,幾好聞~

我跟佢教既方法,乾手係皮膚上面打圈,按摩到佢乾乾地黏住就過水~

雖然佢係潔面膏,但過水果時都係冇泡泡既~
輕輕沖水就甩,唔會好難洗又幾好~

洗完好滑,唔會十分乾,不過之後都要搽返保濕呀~
同埋我覺得都有收細毛孔tim~

左手有用到,拍埋右手度,即刻覺得白左好多呀~同埋有光澤左~
所以去角質真係好緊要,但唔可以多,我一星期做2次已經覺得好夠^^
呢隻Institut Esthederm無粒子滲壓深層潔面膏雖然三百幾蚊好似幾貴咁,
但每次用量都唔係多,一支應該都可以用好耐,
而且我用左幾次,都覺得效果唔錯,都值得推介呀~