FreshKon- 大美目攝人系列~大眼話咁易擁有^^

聖誕前收到邀請可以試FreshKon新出既大美目攝人系列~
其實我係冇帶過con既，之前成日都心思思想試下帶con但又餚底.....
但又想聖誕靚d，所以都應承左試下呀~~
我22號眼鏡舖度拎，我先表明我冇帶過con，職員都好好人，
幫我驗眼、check弧度，好彩我都適合帶FreshKon既穩形眼鏡~
但由於我兩隻眼度數唔同，所以要訂，要遲幾日先拎得~
其實24號佢已經打黎通知我有貨，但我自己又唔得閒~結果boxing day先去拎~哈哈~

今次試既就係佢~FreshKon- 大美目攝人系列~
-外環以啞緻色糅合而成，配上獨特的增大眼睛網紋設計，瞬間提升眼部輪，讓你綻放閃亮迷人大美目
-鏡片含水量高達５５％，雙眼時刻保持滋潤
-高親水性及高透氣物料，保持眼睛健康
-順滑邊緣設計，更貼薄舒適
-特大的中央光學區，不影響影像及矯視效果
-寬闊的度數值平光至千度)，適合有不同矯視需要及擁有完美視力的愛美人士

佢新出左2隻色，幻覺黑&魅力灰，因為第一次帶con驚太誇會唔慣，所以揀左黑色~
佢d圈紋都做得幾精緻，又幾靚喎~

對con都好透薄，弧度係8.6mm，FreshKon好似係得呢個弧度~好彩都岩~
跟住就到帶上眼既比較啦~~~~
先係冇帶既:

其實我覺得我本身隻眼珠都唔細ga，哈哈哈~
跟住帶左既效果圖，一般燈光下:

感覺好似對眼更加圓~

係強光下仲可以見到對con d紋理，唔會黑實實咁假~
再一次比對下:

對我黎講，大細好似又冇咩分別咁，不過就圓左同精神d咁^^
而以第一次帶con黎講，我覺得對con都幾舒服，
之前聽人講帶con會好乾，又話易出紅筋咁~
sofar我又冇咩話好乾同埋唔舒服咁~所以佢應該係一對好con~
同埋我覺得佢都唔貴呀，$160蚊，月con~都ok呀^^
我諗我可以考慮下配con啦~哈哈

OLAY新生高效夜間緊緻嫩膚凝乳 -令我更有自信^^

自從上個月去完olay既blogger聚會之後，收到2樣產品~
唔覺唔覺已經用左差唔多一個月係時候同大家分享下^^

今次試用既就係佢地2個啦，左邊既係新出既OLAY新生高效夜間緊緻嫩膚凝乳~
右邊既就係大家都好熟悉既OLAY新生高效緊緻護膚霜啦~~~
今次兩樣我都好認真去試，成個月都係用佢地2樣ja~

先重黠介紹下新出既OLAY新生高效夜間緊緻嫩膚凝乳 HK$239.9/50g
佢既主要成分有:
乙醇酸 (Glycolic Acid)
* 從甘蔗中提取的天然成分，性質溫和，適合敏感肌膚。
* 滲透至肌膚上層，解開死細胞之間的聯結，促進角質的自然更新，嫩膚緊緻。
* 能夠起到保濕的作用，並能吸取其他保濕因數進入到新近角質脫落的表層肌膚裏，為肌膚提供源源不絕的水份。
氨基酸肽複合物(Amino-peptide Complex)
* 被稱為「膠原蛋白合成的啟動器」的氨基酸肽複合物，能促進肌膚表層細胞再生，強化肌膚保水屏障、保持肌膚水潤。
* 促進膠原蛋白增生，減少膠原蛋白流失，並有抗氧化功效。
透明質酸 (Hyaluronic Acid)
* 獲醫學美容界認同其補充肌膚水分的功效；最強效的透明質酸，能有效鎖緊98%水分，使億萬個細胞水感充盈。
* 給肌膚很好的支撐，和膠原蛋白完美配合。

支出黎係gel狀，仲有d金色閃閃下，好鬼靚^^
質地好易推，份量唔需要多就夠搽全面，搽完仲吸收得好快~

搽完會冇咁乾，但未到好潤既感覺~~~
不過我鐘意佢唔笠，同埋搽完真係d皮膚真係變得滑左^^

OLAY新生TM高效緊緻護膚霜 HK$239.9/ 50g
主要成分有:
氨基酸肽複合物(Amino-peptide Complex)
* 被稱為「膠原蛋白合成的啟動器」的氨基酸肽複合物，能促進肌膚表層細胞再生，強化肌膚保水屏障、保持肌膚水潤。
* 促進膠原蛋白增生，減少膠原蛋白流失，並有抗氧化功效。
透明質酸 (Hyaluronic Acid)
* 獲醫學美容界認同其補充肌膚水分的功效；最強效的透明質酸，能有效鎖緊98%水分，使億萬個細胞水感充盈。
* 給肌膚很好的支撐，和膠原蛋白完美配合。
珍貴海洋蛋白 (Marine Proteins)
* 被科研人員譽為與黃金一樣珍貴的海洋蛋白，能有效改善肌膚鬆弛問題，幫助肌膚保持彈性，猶如為肌膚增生膠原蛋白。

super cream其實大定都好熟識，而我本身都有用過~
我鐘意佢本身跟埋棒棒，唔駛下下用手指了落去，感覺衛生好多~
佢質地比高效夜間緊緻嫩膚凝乳杰，係cream狀既~
好就好在佢係潤而不笠，推幾下就吸入哂~正呀!!!

用左呢2樣產品真係令我好滿意呀，一來價錢唔貴，
二來真係有效果睇到，我覺得d毛孔細左，同埋滑左^^
而家真係素顏出街都唔怕呀~~~

Mask House 韓蔘活膚修護面膜 -- 給你一個讚^^

今次Mask House 韓蔘活膚修護面膜，我不嬲都覺得韓國d面膜都好好用，
所以收到就急不及待咁拆左黎用^^包裝紙上面有好多支人參呀~
就算唔見到個盒都知佢係人參mask啦~

未用已經發現佢有一個抵讚之處，就係一般韓mask都係一d唔會睇得明既韓文~
mask house既不但盒面有中文，連mask本身都有英文~~咁就一定清楚明白啦~

介紹一下先:
Mask House 韓蔘活膚修護面膜 $75 /5片嚴選韓國人參萃取草本精華，並結合天然蘆薈、豐富骨膠原蛋白及維他命 E，
由內而外修護及滋補肌膚，活化肌膚細胞，減淡細紋及皺紋形成，
增加皮膚彈性及美白皮膚，為健康肌膚提供每天所需的養分及全面性的滋潤。

打開塊mask，好多精華但又唔會滴出黎，幾好幾好^^

敷上面，有陣陣既人參味，好鐘意~~~~
面額位都尚算貼面....但對於我黎講佢有一點大....

see~~~~下巴位完全唔岩size~哈哈~
不過自己再剪開佢，拉下個位就冇問題啦~

敷完第一次既感覺係保濕左，d紋淡左~~~~~
敷多2次之後，就覺得d毛孔都細左~~~

飲飽食醉olay夜~~真係好正既一晚^^

早前收到olay既邀請，上星期五就走出新界，去左中環出席blogger gathering~
我都知自己係路痴，已經5點半就出發搵地點，點知最後都係迷失左.....
搵左好耐先搵到個地點點去......好失禮~哈哈

上到去已經見到好多bloggers到左，當中都有好多熟識既面孔呀~真開心~
坐一陣揀埋野食gathering就正式開始啦~~
今次既主角就係佢地:

OLAY regenerist super cream同埋Night Resurfacing Elixir ~
我諗super cream都唔駛介紹咁多，因為我諗係人都知佢有幾好~我自己都有用開ga~哈哈
所以重點係放左落Night Resurfacing Elixir ~

由P&G 既Winnie 為我哋詳細講解Night Resurfacing Elixir 既功效~
一聽到係for換膚/喚膚已經有好大既興趣啦~~~~

即刻試下個質地先，係清爽唔笠，詳細要試多幾日先講~~~
不過個gel好靚呀~~~~有金粉閃閃下ga~~

之後仲安排左我地自己調配甜睡香薰tim呀~~~大家都好認真咁整~~~
場面真係好熱鬧又開心~我就用左西柚、玫瑰&依蘭整左支屬於自己既香薰~
不過而家未用得住，最好放一個星期先用就perfect啦^^
玩完一輪之後~就到左dinner時間啦~~~~今次d野食真係好精緻又好味~


頭盤已經勁吸引，我最鐘意食果份鵝肝多士，真係正到不得了~!!

餐湯有2款選擇，我揀左雜菜湯，都好濃郁ga~不過見隔離個蘑菇湯整得都好靚呀~好似味道都唔差^^

主菜我要左牛扒呀~都唔錯，係熟左小小，另一個主菜係魚~其實我對魚唔係好大興趣，
不過可能真係隔離飯香~見到人地個魚就覺得佢好食d~哈哈~

最後就係cheese mousses啦，呢個就略為杰左d，不過都ok呀~~~!

果晚真係玩得好盡興，其實成個過程都好似聚會多過event~好輕鬆~
係咁吹水同講笑~~~開開心心咁就一晚~
臨走時仲送左 regenerist super cream同埋Night Resurfacing Elixir 俾我地返去用tim~
真係好多謝olay今次悉心既安排~
試多幾日先再同大家分享啦^^

拉提美型系列面膜 ~你試左未??

日本黑鑽極致修護系列 - lux我對你改觀~

今次試用既就係LUX日本黑鑽極致修護系列，其實我之前對LUX既印象唔係咁好，
因為之前用過佢其他系列，洗完個頭係痕到爆左，我諗佢唔岩我用~
不過今次聽到好多人聽黑鑽極致修護系列好好用，我又冒住抓爆頭既危險去試用~

3支分別係洗髮乳、潤髮乳同修護護髮霜，見到個樽有日文字，用都用得放心D~
簡單介紹下洗髮乳同潤髮乳先:
從每天洗護程序中，使用高效氨基酸微粒(Pico Amino Acid)的強效滲透修護，
迅速滲透3層髮絲結構至髮芯，深層填補受損髮芯。
極速修護重複染燙、經常性的吹整造型，或受日光損傷的秀髮，由髮根至髮尖徹底修護。

未開之前有LABEL封住，又幾衛生喎~

洗頭水同護髮素都係"拍"開，好方便^^

洗頭水黃黃地色，都算幾易起泡呀，我長髮及腰，用相入面既份量已經夠~
不過洗完都係要落小小護髮素，就咁用就有小小乾~

護髮素都係淡黃色既，氣咪同洗頭水差唔多，我覺得有花香味同小小果甜味，都幾好聞~
質地同一後護髮素冇咩分別~用完真係幾滑呀^^

呢個係極致修護護髮霜，含5倍高濃度高效氨基酸微粒(Pico Amino Acid)的強效滲透修護配方。
加強髮絲強韌，滲透至髮絲受損部分，持續滋養髮絲，形成保護膜，幫助秀髮抵抗染燙所造成的髮絲損傷。
我鐘意佢支裝既設計，方便過一盒盒要了出黎果D~
佢比護駛素再杰小小，用完佢D頭髮真係又滑D同順D GA喎~~~
今次試用，時間比較小，我由拎返黎之後只係用左3次，
所以話佢好有效果又唔係，但又唔係冇效果既~~~

未完之前就係咁，長期處於亂草既狀態...

用左一次之後第2日訓醒影既，D頭髮真係冇之前咁乾同埋順左~
起碼訓醒之後都唔係好似隻癲雞咁已經好大進步!!

用左3次之後，D頭髮好似有彈性左，終於肯聽話，搵手整手個頭終於變返曲髮~
冇錯，其實我有電髮，不過之前D頭髮真係唔聽話，點整都唔會曲，好散~
而家只要搵水濕一濕再搵手指捲下就得~~~
所以我相信LUX係幫到我，今次對LUX真係改哂觀呀^^

INSTITUT ESTHEDERM真細胞水凝霜~岩哂而家天氣用^^

天氣越黎越乾，係呢個時候抽中佢~INSTITUT ESTHEDERM真細胞水凝霜~
確係岩時候呀~~~因為我真係好乾~極度需要各類既保濕產品呢^^
呢個牌子其實我都係第一次聽，唔係好熟悉~原來佢d野都唔平喎~
呢盒INSTITUT ESTHEDERM真細胞水凝霜 價值476蚊，50ml~

雖然佢黎至法國，但紙盒上都好貼心有英文介紹~
Esthederm Cellular Water Gel適合任何皮膚(特別適合缺水、疲倦皮膚)蘊含真細胞水、滋潤複合物、甘油、Aquaporins專利配方，為細胞提供最佳營養環境，
源源不絕供給細胞水份，持續為皮膚補濕、鎖水，同時供給細胞養份，提高細胞活力；
清新水果氣息，讓人愉悅放鬆，用後肌膚水嫩柔潤，上妝前使用，妝容更貼服。使用方法：早晚潔面及爽膚後，取適量塗於面部及頸部。
打開後，仲有一層錫紙封住保持新鮮~仲有一隻小膠棒附送~
成個感覺都好衛生，值得一讚呀^^

了小小出黎，其實佢係淺淺地藍綠色，不過可能我屋企係黃色，影極都極唔到出黎~

呢張可能會睇得清楚小小係綠綠地，佢質地係杰身小小既gel，又未到cream咁杰~
好好推，唔會話好笠，冇咩特別既香味，只係好淡~

推開後~唔會見到笠痴痴，而且都吸得好快~搽左真係好似飲左水咁~即刻冇咁乾~
用左一星期多，我覺得d乾紋係有淡到既，而家天氣咁乾，我用左佢之後都冇甩皮~
所以我相信佢保濕方面真係做得幾好^^
雖然係貴左小小，但大家有機會都值得一試呀~