Johnson's又有新野~悠然舒緩系列 Melt Away Stress ~~~~

自從上次試過強生美肌既「水嫩系列」，覺得好正^^
行街時發現原來強生美肌除左「水嫩系列」之外，仲有「淨白透肌系列」、「深層滋養系列」和「悠然舒緩系列」~
今次就試左「悠然舒緩系列」試先^^~舒緩呢2個字好吸引~~~

呢個系列都係有2樣產品~"悠然舒緩沐浴乳"同"悠然舒緩潤膚露 "其實有幾多人知強生美肌同強生嬰兒有咩分別呢??

	強生嬰兒 Johnson’s Baby	強生美肌 Johnson’s Body Care
對象	嬰兒	亞洲女性
往績	擁有一百多年的護理幼嫩肌膚經驗	Y 於日本推出一年，躍升為日本女士首選的No.1 身體護膚品牌 Y 獲美國美容權威雜誌 ”Allure”頒贈 ”Best of Beauty”產品大獎
產品特點	Y 專為嬰兒而設 Y 經醫學証實，純正溫和，適合嬰兒使用	Y 專門為呵護亞洲女性研發 Y 實驗証明，使用21日，肌膚有顯著改善，回復天生柔嫩 Y 特設雙效配套組合(沐浴乳及潤膚露) Y 配方溫和

	強生嬰兒 Johnson’s Baby	強生美肌 Johnson’s Body Care
對象	嬰兒	亞洲女性
往績	擁有一百多年的護理幼嫩肌膚經驗	Y 於日本推出一年，躍升為日本女士首選的No.1 身體護膚品牌 Y 獲美國美容權威雜誌 ”Allure”頒贈 ”Best of Beauty”產品大獎
產品特點	Y 專為嬰兒而設 Y 經醫學証實，純正溫和，適合嬰兒使用	Y 專門為呵護亞洲女性研發 Y 實驗証明，使用21日，肌膚有顯著改善，回復天生柔嫩 Y 特設雙效配套組合(沐浴乳及潤膚露) Y 配方溫和

悠然舒緩沐浴乳 $34.9 (750ml)包裝係紫色，見到已經覺得好relax~~~~
佢蘊含洋甘菊、薰衣草及夢月花精華，洗滌繃緊疲倦肌膚，讓每天壓力一掃而空。
咁睇介紹都好吸引啦~~~~哈哈~

影出黎好似係白色咁，其實係有小小紫紫地色~唔係好稀既質感~
至於味道，如果話上次「水嫩系列」係鮮果味系列，而今次「悠然舒緩系列」我覺得算係花香味~聞落去唔係一般果隻薰衣草味，可能因為有埋洋甘菊同夢月花~
我覺得有小小似以前甜睡寶寶果個系列d味~~~我好鐘意呀!!!

今次冇用起洗網，都好輕易咁整到好多泡泡出黎~~~好似越沖越香咁....正呀!!!!
沖完涼出黎真係有一種好relax既感覺~~~可能陣味真係有幫助~~~~
同埋感覺係好清爽，但清爽得黎又唔會乾~~仲幾保濕下~唔錯唔錯^^
總括黎講，呢個系列我都好滿意，
其實應該咁講~我覺得強生美肌呢條line d產品都好好用，
唔止我一個鐘意，就連屋企人都好鐘意~~~~尤其係我媽咪.......「淨白透肌系列」啦~
媽咪話加$9.9仲有一支淨白潤膚露，我睇過支潤膚露說明~
有埋防曬tim呀~~~~又係一樣值得一試既產品^^

因為我發現又多左個新成員係浴室，佢就係

悠然舒緩潤膚露 $39.9 (750ml)
都係紫色既包裝~佢蘊含洋甘菊、薰衣草及夢月花精華，
深層滋養及舒緩繃緊疲累肌膚，晚上使用，讓妳睡得更深、更甜。
而薰衣草有安撫和鬆弛功效，能舒緩身心、鬆弛神經，有助入睡。洋甘菊及夢月花精華，具舒緩功效，有助安定情緒、消除緊張。

支出黎係白色既，我仲以為都係紫色tim~哈哈~我諗多左~~~~~~
質地都唔算係杰，但又唔會稀到水咁~味道同沐浴乳一樣，正正正~

搽左之後，d皮膚好明顯係有光澤左，連影相都睇得出~
不過唔好以為會好油or笠喎~一d都冇!!!唔油唔笠仲好保濕咁~~~
mainpoint係陣味真係last得好耐~好正呀~~~~得閒聞下自己都不知幾爽~哈哈哈

我真係好like佢隻味，所以拎左個樽裝左d返公司用~
有時做野做到累累地，搽d係手可以潤下之餘，聞到陣味都relax d~
舒緩下工作緊張既情緒都幾好^^

天然成份既洗頭水護髮素~為左你頭髮健康，值得一試!!

而家個個都追求健康，所以今次想為大家介紹一隻天然配方既洗頭水同護髮素^^
天然有機既產品，大多數都好貴，不過呢隻係例外既，我呢d打工仔都買得起有餘~~~~
其實想介紹既都唔係咩新牌子，係大家都一定識既牌子~TRESemmé

今次新出既TRESemmé天然(Naturals)洗護系列，
有分為為任何髮質(Radiant Care) 和 乾旱或受損髮質(Nourishing Moisture)而我用既就係天然閃亮輕柔洗護系列 (任何髮質適用)(Radiant Care)，呢個系列採用天然配方，全面確保頭髮健康不受化學物料傷害。

我屬於頭頂油，髮尾乾既髮質，出一日街頭頂已經開始出油~髮尾因為乾，所以成日都好鬆散咁......
夏天基本上每日都要洗頭，其實咁長頭髮，日日洗真係好鬼麻煩.......呢個就係洗頭水啦，帶有淺淺地既橙色，味道係係好香鮮果味~
以甜橙，牛油果、蘆薈等成份取代「硫酸鹽」(Sulfate)之清潔功能，同時亦可為秀髮帶來保濕亮澤效果

加水都唔會話有好多泡泡，呢個都係天然洗頭水既特點之一~
因為一般洗頭水都有硫酸鹽(Sulfate)，Sulfate是一種低廉的化學材料，
多用於家居及個人護理的清潔劑(如洗髮露和肥皂等)。
如果希望令產品泡沫豐富，使用的濃度便越高，因此其清潔力便過強，
令肌膚天然水份與油脂膜被破壞，導致肌膚乾燥、出現過敏現象，甚至引發皮膚炎。
長期使用高含量的Sulfate洗髮露更會令頭髮變得容易折斷及纏結。

一般既護髮素都含有矽(silicon)，含矽(silicon)的護髮素，則容易令人帶來「表面順滑」的現象。
事實上，長期使用含化學成份的產品均會為頭髮帶來傷害。
而TRESemmé就以天然椰子油 及甜橙取代矽(Silicon)為髮絲帶來滋潤。

呢張相係我用左一星期後，洗完頭之後第2日訓醒影既，
可以見到頭頂都冇出油~仲有光澤tim~~

而髮尾終於聽聽話話，冇咁鬆散，而家都有d光澤，冇之前咁好似亂草一堆lu^^

用左個多星期，其實我對TRESemmé呢set天然閃亮輕柔洗護系列好滿意~
因為真係見到個效果，而家唔係太熱既日子隔日洗頭都仲得^^
而且價錢方面，咁鬼大支都係$56.9一支，一set都係百多，好經濟呀^^
我提議大家如果買都係一set買比較好，因為我試過就咁用洗頭水唔用護髮素~
效果真係冇用埋護髮素咁好，用埋護髮素d頭髮會軟好多~~~~~
不過有小小地方我覺得可以改進下，就係如果有泵裝就更加好啦~
咁大支倒出黎有小小唔方便，因為都幾重下~~~
希望大家為左自己頭髮健康著想，小用一d有硫酸鹽(Sulfate)同矽(silicon)既產品啦~

TRESemmé天然(Naturals)洗護系列備有低硫酸鹽(Sulfate)洗髮露及無矽(silicon)護髮素。
此兩項化學品之潔淨及滋潤功能，TRESemmé以被USDA(美國農業部)認證之天然有機成份作替代，
為關心秀髮健康的妳提供天然選擇。

我和Olay有個約會 ^^

上個星期五，有幸可以出席olay既活動^^~真係好開心呀~~~~~
今次係私人邀請~所以人數唔多，計埋我都係得6個bloggers~

一開始由olay PR JANNE介紹一下OLAY最新既產品高效透白系列~
產品詳情唔多講住，等我試清楚先介紹過^^

之後就由著名星級化妝品師annie G chan為我地講下佢用產品既心得同埋一d護膚既tips~
原來annie個人好nice~講野都幾搞笑ga~教識左我地好多野~~~~

因為今次試用產品後大概2個星期後要再去一次揀粉底~睇下有冇白到~
所以annie親自幫我揀岩既粉底色，woo~~~~星級化妝師幫我~~~真係好榮幸~所以有d緊張....哈哈~
annie真係好好好細心去揀ga~不過專業真係專業，一試就岩.....好勁!!

最後同annie影返幅合照先，機會難得呀~

今次要試用既就係佢地~2星期後玥報告^^

淘寶寶 - 台灣里琪ni-kiyo鞋~竟然係....made in..........????

見到咁多人話里琪ni-kiyo鞋咁好，我都忍唔住淘左一對~
等左2-3日就收到貨~包裝幾精美，有鞋盒仲有d膠係鞋入面等佢唔好變形~幾好幾好~
因為我搵朋友搵我係大陸訂~所以價錢最吸引~RMB 49 + RMB 8 運費~為返港幣都係65蚊左右~抵到爆!!

就咁睇好似都幾高咁，但著上腳又唔覺得勁高~可能有防水台既關係~
我平時著34-35號，聽人講佢會偏細，所以買35號，著上腳岩岩好~~~好FIT!!

美中不足既係對鞋返黎果時D皮有小小dirty~不過用火酒一抹就乾淨返~都唔係一個大問題~
最大問題係後面條拉鍊有d界腳，要貼膠布先得~或者得閒要自己磨下果個位先得~

整體黎講咁既價錢~咁既質數都好ok呀~因為佢d皮真係好軟~~~我都好滿意^^著上腳就係咁啦~

係我清理對鞋d污垢時，俾我無意中見到......

真係估唔到老遠係台灣訂返黎既鞋係made in hk......哈哈哈哈~真係有d搞笑~
不過只要係又平又抵既~怪知佢made in 邊度啦~哈哈