油光byebye~控油話咁易

早前參加左ORIGINS Zero Oil淨肌控油系列既工作坊~
大會送左一set3件既產品俾我地試用~

包括: (左起)
淨肌控油活膚水、淨肌控油深層潔面啫喱 、淨肌控油保濕乳液
先介紹一下洗面gel先啦~

淨肌控油深層潔面啫喱 (150ml - $170)
徹底潔淨及暢通毛孔，賦予肌膚清爽柔滑感覺。鋸棕櫚及海藻互相配合，即時去除臉部多餘油脂及雜質。
水楊酸有效褪去老舊角質及收緊毛孔。添加薄荷成份，使用後淸涼爽快，讓肌膚倍感清新舒爽

佢雖然話係gel狀，但其實係比較稀既gel，加水之後可以好易整到好多泡泡出黎^^
洗完之後好清爽，唔會太乾，仲有一陣好清新既味，朝早用佢真係醒一醒神~~~
跟住就到 toner~

淨肌控油活膚水 (150ml -$170)
有淨肌功效的鋸棕櫚及海藻合力抑制油脂分泌，使肌膚整天感覺清爽，卻不會感到乾燥或繃緊。
水楊酸收細毛孔、減少泛油情況。肌膚更顯平滑細緻，不再油光滿面。

佢都係水狀，不過佢果個樽口好大個，所以最好用化妝綿按住先倒，
如果就咁用手上就會好易倒斜哂出黎，係呢樣有小小麻煩~~不過都唔係好影響既~哈哈
佢俾我第一個感覺係: 陣味咁勁既~~唔係話好臭，有d似酒精同古龍水咁既味.....
因為我係混合性皮膚，未至於話超油皮膚，所以我用呢個之係用係T字位~
面頰輕輕拍2下就算~~~用完佢有d涼涼地既感覺~夏天用好爽^^
最後就搽lotion啦~

淨肌控油保濕乳液 (50ml -$230)
不含油份(Oil-free)的保濕乳液是平衡油性肌膚不可或缺的重要一環。
這款清爽輕盈的保濕乳液能瞬間被肌膚吸收，整天提供長效水份滋潤並持續控油，
令肌膚回復水油平衡狀態，展現無油啞緻的效果。水楊酸幫助平滑肌膚及緊緻毛孔。
肌膚整天保持清爽潔淨，水嫩不泛油光。

佢係乳液狀，好容易推開，相片入面既份量已經足夠搽全面，
搽完唔會笠痴痴，好清爽，好快就俾皮膚吸收哂~

 

總結黎講，雖然我係混合性皮膚，但我都覺得佢幾好用~
呢set野我主要集中係 T字位用，咁用左又真係有改善喎~
平時到中午食完午餐，T字位已經出油，要拎面油紙印印印....
而家就算唔用面油紙都得~證明佢係WORK既~
我都有同男友一齊用，佢話佢都出小左油~
而佢價錢都唔算貴既~一set加埋都係5百幾，合格價位^^
最後再一次多謝be 同 origins俾今次機會我試用產品~