自創美肌麵新食法 + 韓國手信試食

今次好多謝sasa俾今次既機會我，可以試食美肌麵^^

收到既時候係包得好靚同有一張手寫既便條，好窩心~
我中既就係呢包醬油味美肌麵啦~睇幅圖已經好吸引!!

打開有一包麵同味粉，食法係將麵果d水倒哂出黎，之後搵熱水整返熱，
再加落味粉湯就食得~其實都好方便又唔駛叮，不過浸住d麵果d水我覺得陣味怪怪地....哈哈

因為包麵係冇餸既，所以係公司搵下有咩可以加落去~就係老闆d野度搵到佢~

佢係即食紫菜湯包，我冇用佢個湯包淨係放左d紫菜落去~
佢好方便ga，將d紫菜用熱水浸一陣就食得^^

完成圖，個麵就真係幾好食，好彈牙，最緊要係得49卡路里，
不過哈知係咪我大食，我覺得食完都唔係好飽咁....最終我就忍唔住飲左可樂....哈哈

下午茶時間，就開左之前老闆係韓國買既手信~
駛唔駛咁孤寒先，個盒咁大，得8塊~!!

食完就明點解佢得8塊咁小.....因為佢係超超超甜，甜到打冷震....食一塊已經好漏.......
可能我一向唔鐘意太甜既野.....白朱古力....真係唔係我杯茶...我都係鐘意黑朱古力多d^^