上星期第一次去將軍澳既POPCORN呀，點解會去果度呢~
因為我去左vichy做皮膚分析呀^^
VICHY既皮膚分析好厲害，只要5分鐘就可以好詳細咁知道好多關於自己既皮膚情況~
例如水份含量百分比呀、油脂分佈呀、肌齡鑑定等等.......
做皮膚分析既過程都好簡單，只要將分析儀器放係面上嘟一嘟~
之後就對住鏡頭影副相就得ga啦，真係唔使3分鐘就搞掂哂等睇結果啦^^
我既皮膚都唔算好油，油光指數係21%~
佢呢個分析可以睇到油脂既分佈，了解到邊度會油d，好詳細~
除左油脂分佈、肌齡鑑定、水份含量百分比呀，仲可以check埋膚色~
原來我都有嫩白肌膚，好開心呀!!!!不過就仲有d暗瘡印.....唉~
最後都有整體報告ga，總括黎講我係混合性缺水皮膚......算比較乾呀，尤其轉天氣，好慘!!
所以職員小姐介紹左2款好岩我用既產品俾我呀^^
所以職員小姐就介紹左我用VICHY溫泉礦物保濕系列啦~
VICHY溫泉礦物保濕系列加入了VICHY溫泉水，
有效舒緩及鎮靜敏感肌膚，為肌膚持續保濕高達48小時。
職員小姐推介左2樣產品俾我，第一樣想講既就係溫泉礦物保濕水分乳霜 ^^
溫泉礦物保濕水分乳霜 ($200 / 50ml)
佢採用左創新微囊化科技，可以持續釋放出多數個高效保濕微囊，
讓高濃度的溫泉水、玻尿酸和豐富礦物質更深地滲入肌膚核心，
能舒緩乾燥粗糙，保持肌膚水嫩。
質地方面係Lotion狀，都好易推，好快吸收左，唔會笠既~
不過我就覺得香氣好似勁左小小，雖然唔難聞仲幾香tim~
但陣味可以淡小小會更加好lor^^
我最鐘意朝早洗完面用，因為搽左佢上妝好容易ga~
同埋搽左佢個妝會易上d，皮膚睇落多靚d~
夜晚我就小用佢d，因為對於我黎講佢都係唔夠潤~
如果用我都會再溝d油我先夠保濕呀^^
而第2樣既就係佢，溫泉礦物舒緩噴霧~
VICHY溫泉礦物舒緩噴霧既溫泉水川流過五億年前的火山岩石，好勁ga!!
溫泉礦物舒緩噴霧 ( $ 55 / 50ml)
佢有提供強化肌膚的顯著療效。其15種礦物質及微量元素能有效促進細胞的新陳代謝，
每公升的溫泉水均含有5.12g的礦物，這些礦物有抗氧化、舒緩及強化肌膚抵禦力，
加强肌膚的天然防禦力，舒緩敏感。特別適合轉季時候使用。
經皮膚科醫生臨床測試證實，有效抗炎達-51%。
佢用既方法都好簡單，係面上面噴下就得~
而且可以妝前用，又或者化完妝先用都得ga~
噴上面涼浸浸好舒服，同埋唔會有小水點係面上，好好用!!!
我最鐘意化完妝先用，噴完個妝我覺得會更加貼~
同埋冇咁易溶，keep得耐d ga!!!
呢2件產品感覺都唔錯呀，雖然隻水分乳霜對我黎講未夠潤~
不過佢價錢好平，等我遲d再試下加埋佢支保濕精華睇下會唔會再好d先^^
沒有留言:
發佈留言