2012/11/02

雀巢極品白咖啡 - 十足醇厚幼滑,給你美好的一天^^


各位有飲咖啡既習慣嗎??自細就見爸爸日日朝早都會幫媽咪沖定咖啡,
到今時今日都係咁,風雨不改,咁多年都冇變,好鬼溫馨~就係因為咁所以屋企日日都有咖啡香味~
到而家工作,老闆又係好鐘意,閒時仲會煲咖啡,當然我都有份受惠啦^^
說來慚愧,我係一個秘書竟然要老闆煲咖啡我飲,原因好簡單,要蒸餾果D太煩我唔識....
但沖即溶咖啡,就絕對難唔到我啦,沖得一手好功夫ga,哈哈~
最近仲收到2盒我覺得好好飲,好有質數既即溶咖啡~
就係雀巢極品白咖啡,分別係原味&無糖口味~

雀巢咖啡以超過70年的即溶咖啡研製經驗及專利的低溫萃取技術,
把馥郁香濃100%純正咖啡配搭幼滑濃郁的牛奶,淋漓盡致演譯全新雀巢極品白咖啡,
咖啡香迷人滿足,口感幼滑豐厚。雀巢極品白咖啡給您前所未有的極級享受。

呢2盒雀巢極品白咖啡,原味&無糖口味分別其實唔大,無糖口味比原味既輕左10g一包~
當然糖既比例都小好多啦,只有2.4g,方便一d唔鐘意太甜既人自己按個人喜好加糖~
就算係原味,都係得159kcal,無糖得129kcal添ja^^

一盒有10包,因為我貪方便又想慳位,所以想2盒放埋一盒呀~
放埋一齊都唔使驚好難分咩味,因為無糖既有條綠色邊,一眼就可以分得好清楚~唔怕會拎錯啦^^

沖既方法真係超簡單,原味既只要加大概180ml既熱水入去攪溶哂就飲得ga[啦~
無糖既,想飲苦d既就咩都唔使落,如果唔係按個人喜好加返小小糖就飲得^^
我既習慣沖咖啡時唔會一次落太多水,大概落1/3杯熱水攪勻左先落其餘既水入去~
因為我覺得咁樣沖出黎既咖啡既質感會好d,飲落去好似滑d咁ga~哈哈~

原味同無糖既白咖啡沖出黎,個樣真係冇咩分別~我就覺得各有各好~
趕時間既我會沖原味,但我會加多小小水,因為我怕甜~^^~
有時間既我會沖無糖,因為無糖沖出黎既變化可以大小小~
例如沖既時候落d朱古力粉落去就變左mocka,加d熱奶又變左latte~
當然,同蒸餾既或者街買既有d分別啦~但以即渦咖啡黎講,真係唔錯^^

一日之計在於晨,起身可以品嚐到一杯好飲既咖啡,除左會精神d之外,當日既心情都會好d ga^^
可能因為屋企人關係,我真係覺得咖啡俾到人一種好溫馨,好溫暖既感覺~

工作時有煩惱,不妨停一停,用一杯咖啡既時間好好調整一下自己,好好放鬆一下~
香港人,輕鬆d,let's take a break~ 沖一杯咖啡relax下,提提神,加油啦^^

沒有留言:

發佈留言