尋日好開心可以出席max factor舉辦既<無間活肌美妝>工作坊~
地點係尖沙咀，放工出去都好方便呀!!!
今次活動仲請左Max Factor首席化妝師Jonathan出席，可以見到佢真係榮幸呀~
佢係一個好風趣既化妝師，整個氣鬆都好輕鬆^^
今次活動最主要都係介紹max factor最新出既Ageless Elixir Boutique無間活肌美妝系列
呢個包括系列：
AgelessElixir 2 in 1 Foundation + Serum嫩肌精華粉底液、
ColourElixir Lipstick柔美潤澤唇膏同埋ColourElixir Lipliner嫩柔繪形唇筆
AgelessElixir 2 in 1 Foundation + Serum嫩肌精華粉底液
粉底液在追求修容效果同時額外加入修護精華成分，除即時遮蓋暗啞，
達到無瑕透滑妝感外，長效保護肌膚及改善色調。
粉底一共有4色，# 40係最淺，而# 75就係最深，# 55就係自然色，
粉底滑落去真係好滑，仲有一陣好似香水咁既花香味，好鐘意^^
ColourElixir Lipstick柔美潤澤唇膏
唇膏一共有16隻色，隻隻色都好靚呀!!!
Max Factor第一支蕴含全新SilkTherapy™配方的唇膏，當中的絲朊蛋白，
能鎖住唇部肌膚水份，連續使用7天，能令雙唇更柔滑。
ColourElixir Lipliner嫩柔繪形唇筆
而唇筆一共有4隻色，呢個係品牌首個唇筆系列，
色系跟據ColourElixir Lipstick 柔美潤澤唇膏而設計，含滋養成分，非常柔滑，
能輕鬆勾勒唇形，鎖緊唇膏色澤，帶出豐盈雙唇。
介紹完產品就開始教化妝啦，先由日妝開始~
Jonathan既方法同我平時化開有小小分別，因為佢第一步係畫內眼線先，
佢解釋咁係因為化左就算有甩色都唔怕整到底妝前功盡廢.....又真係幾有道理喎~
第二步就先上胭脂膏，後上粉底，咁就可以做到白裡透紅既效果~
之後就遮瑕、畫眉、唇膏同搽mascara，輕鬆快趣就化好日妝啦^^
之晚妝，只要好簡單咁係日妝上加d色就變左啦~
係日妝上畫深危d眼線，要畫埋下眼線，之後眼尾用深色眼影掃上blend開，
最緊要係加返淺色眼影上去做對比，好多人都好怕用淺色眼影，因為會眼腫，
Jonathan就教我地只要淺色眼影搽係眼窩位唔好搽出界咁就一定唔會腫，
佢仲係model曾寶上做示範，分別真係好大呀，搽出界都幾大穫下...腫成咁!!!哈哈
係一個鐘頭入面真係學到好多野呀，今次既化妝真係好好，
人雖然小小但互動性就大d，最後max foctor仲送左d產品俾我地返屋企用~
可以親身體驗一下美妝同時達到修護肌膚的效果，令我可以一路靚落去，真係好開心呀~
最後真係要同model say sorry，因為我扮方便冇帶大相機去，
拎左部好耐冇用既相機去，點知奶哂野，原來係short short地既，
影影下仲要冇埋電，真係十級火滾!!!只可以用手機影住先~
所以搞到今次影出黎既相濛查查，model變左形咁........
其實model真人好鬼靚女ga，而家俾我毀左容咁......
下次，一定會帶部冇壞既相機去!!!!
沒有留言:
發佈留言