有鴻福，齊齊享~~~~

先多謝ztyle x 鴻福堂送左一個免費午餐俾我享用~

一共有9樣野~主菜類分別有:
自家雞翼、南瓜馬蹄肉餅蒸燕麥飯、上海排骨菜飯、花膠響螺煲竹絲雞湯糖水類就有:
杏汁木瓜雪耳糖水、手磨杏仁蛋白茶、腐竹白果蛋花糖水、楊枝甘露、甘粟蘆薈牛蒡飲品
由於當日我地得2個同事係度~所以之前我地揀左以糖水為主~貪佢可以放多幾日~哈哈~
當日因為好大雨，所以送餐姐姐差唔多點半先到，不過佢都有打電話黎講聲~幾有交帶^^
d野一黎到我同事已經急不及待咁分分分.....哈哈

呢個就係我揀既上海排骨菜飯，雖然同我想像中唔同，我以為係d白菜仔煲埋係d飯入面，
原來你另外有d炒菜分上，賣相都唔差喎~

而我同事果個就係南瓜馬蹄肉餅蒸燕麥飯，睇落去又係好吸引~~~

因為同事見到我果個又想試，而我又想試下佢果d~所以最終我地share左黎食~
加埋d雞翼，自製左一個超級豐富既飯盒......哈哈哈哈~
我覺得d雞翼好好味，因為都好入味下，正!!不過33蚊得5隻就貴左小小啦~
而上海排骨菜飯，d排骨一d都唔硬，而d菜都好清~好食好食~
南瓜馬蹄肉餅我就好鐘意食啦，因為我覺得個配搭好新鮮，估唔到係咁夾既~
食完個飯盒都唔覺得好口渴，我相信佢真係冇味精既~~~

食完飯坐左緊就嘆埋個花膠響螺煲竹絲雞湯，又係同同事一人一半，
大家一致覺得個湯都好濃郁，夠味道，不過我同事話冇湯渣就差咁d啦~哈哈~

食完已經超級飽，要等左3,4點先再食得落糖水，我都揀左食呢2樣先~
因為佢個膠碗裝，驚佢唔放得耐~~~

我同事既手磨杏仁蛋白茶，雖然我唔鐘意杏仁味但都試左一啖.....超勁杏仁味，
我同事話好好好食，而我就...哈哈~我估鐘意杏仁味既一定覺得好食...

而我就揀左杏汁木瓜雪耳糖水，好彩呢個冇咩杏味~
而且都有好多舊木瓜，唔會好甜，食完之後會勁飽~~~~~哈哈~
因為食左呢幾樣野已經飽到郁唔到，其他既我地都留左第2日食~~~

第2日既3點3，我地就開左腐竹白果蛋花糖水，雖然係2個人share，
用返尋日個糖水碗，每人都分到大半碗ga，分量都唔小野~
而佢都幾好味ga~唔係好甜又唔會好淡，雪凍左食真係一大享受~
本來諗住飲埋楊枝金露同甘栗蘆薈牛蒡飲品~
不過食完糖水真係挑戰唔黎，所以又留返第2日先飲~

到左第3日，終於清埋最後既楊枝金露同甘栗蘆薈牛蒡飲品，不過唔記得影相就飲哂.....
我就飲楊枝金露，好多料，都幾好飲呀~
而同事就話甘栗蘆薈牛蒡飲品都唔差^^

就係咁，鴻福堂呢個餐我黎用左3日先清得哂~真係好抵!!!
而同事都好開心，我亦好開心，因為一齊分享既野真係特別好食^^
再一次多謝ztyle x 鴻福堂搞一個咁有意義既活動~~~~