red earth一盒塑造日與夜 wish in colour^^

兩個星期前收到一盒好靚既化妝品~
佢就係Red Earth WISH in COLOUR既All-In-One Colour Kit~
red earth對我黎講一d都唔陌生，我讀書時期都有用佢d既ga啦~
以前佢有專門店，而家就可以係sasa度搵到佢^^

拆開紙盒，除左有All-In-One Colour Kit之外，仲有一個代妝袋跟埋~真係估唔到喎~

打開All-In-One Colour Kit睇下，入面最大果格係珊瑚色既胭脂~
左手面兩格係大地啡系眼影，右手面兩格就係紫系眼影~
而最下面四格係唔同顏色既唇彩~

係紙巾度試一試色先~d眼影同胭脂都好上色呀~

因為佢冇跟埋掃，所以自己預備好所需既掃之後~
就準備用red earth呢一盒All-In-One Colour Kit塑造日與夜既彩妝啦~

日妝用上左面既啡系眼影 + 2隻鮮色d既唇彩~

方法非常之簡單，先掃上淺色眼影係眼窩打底~
之後深啡色眼影就係眼摺位由眼尾慢慢掃向前~

眼影部份已經搞掂左~之後再用深啡眼影輕輕畫一畫下眼線~唔好太重手~如果唔係就好誇張ga啦~

輕輕鬆鬆，日妝眼已經化好左^^

之後掃上珊瑚色胭脂，輕輕掃已經好上色~好用~

唇彩我就2隻色溝埋一齊用，效果都幾好呀~

簡簡單單既日妝就化好啦~全程都唔駛15mins~快靚正!!

而晚妝就用左右手面較深色既紫色系列化啦~

方法都係非常之簡單，先係原先有日妝既眼掃上淺紫色眼影係眼窩~
之後深紫色眼影都係眼摺位由眼尾慢慢掃向前~

慢慢將所有眼影blend開~之後再用深紫眼影畫一畫下眼線~
今次因為係晚妝，接受到既下眼線可以畫得重手小小^^

話咁快晚妝眼都化好啦~之後再補一補個胭脂~

再加埋另外2隻深色小小既唇彩上去~
無錯~我個咀買隻唇彩都用哂~哈哈~但出黎效果真係唔差ga~

晚妝都係將d色加上去，轉妝真係話咁易~
red earth呢盒All-In-One Colour Kit真係好方便~
帶一盒出街就可以輕鬆咁化整日妝晚妝~
不過如果個盒可以跟埋化妝掃同鏡就好啦~

日與夜~你鐘意邊個look多d??? ^^