Garnier水潤凝萃密集保濕精華 - 男友都讚好^^

先多謝theZtyle & Garnier俾今次既試用機會我~
因為我係乾人，所以對呢隻保濕精華特別有興趣~
諗住唔中的話都會自己買黎試下，而家中左就更加好啦^^
包裝都好簡約，磨沙樽加白色蓋，我幾鐘意~簡簡單單~

打開之後仲有個小蓋，好衛生呀，如果有埋小棒仔"了"就更衛生啦^^

再打開小蓋，終於見到真身，gel狀既，未用都覺得好水咁....哈哈~

未搽上面之前，我習慣所有野都會聞下咩味先~
呢隻gel陣味係好清新咁，香得黎唔會話好假好攻鼻~我鐘意陣味^^
搽上面，第一個感覺係好冰涼，都好易推開，
基本上搽好小都夠全面，不過我係乾人，所以都搽厚小小，
慢慢按摩到佢吸收哂為止，其實佢吸得好快既~
之後既感覺係.....唔....好似水多左，臉光澤左，睇落去好似多左陣油保護，
但摸落去又唔係油....仲好滑tim~個感覺其實都幾得意^^~
臨訓前我仲會當sleeping mask咁用，第2日起身d皮膚勁水潤~good呀!!
我會用佢黎溝fdt上面，我又唔覺有擦膠碎既情況發生~
可能我太乾吸收哂~哈哈~上面後反而覺得d fdt貼面d~
所以護膚品真係人夾人，好多野要自己試過先知^^
總括黎講，我好滿意Garnier水潤凝萃密集保濕精華帶俾我既效果~
而家佢價錢真係一d都唔貴，我應該會回購^^

而另一樽我就俾左我男友用，訪問下佢用成點先~
我: 之前俾你樽Garnier水潤凝萃密集保濕精華有冇用到先?
佢: 有，早晚都有用
我: 覺得點呀?
佢: 好用喎~好似你之前俾我用果樽biotxxm咁lor~
我: 果個貴好多ga.......你覺得佢地一樣?
佢: 係呀，用完都係好保濕，又唔笠，幾爽呀~
我: 咁你鐘唔鐘意呢樽野?
佢: 鐘意^^
我: 咁就好啦~唔記得同佢講呢個係我送俾你既聖誕禮物....哈哈哈哈~
佢: .........................................

今次活動除左自己有得試之外，仲可以同朋友分享~
真係令大家好開心呀^^多謝theztyle同garnier貼心既安排^^