Clarisonic DeepPore – 黑頭ByeBye話咁易^^

上星期好榮幸得到CLARISONIC & STYLE-TIPS.COM 邀請，出席左DeepPore活動~
Clarisonic我一向有用開，所以真係未出發先興奮，好期待佢地既新品介紹^^


佢地就係今次既主角，深層淨化毛孔修護組合^^
為夏季特別挂出針對潔淨收細毛孔既系列~
呢個系列包括左深層潔淨潔面啫喱&深層淨化毛孔泥膜~
佢地有效深層潔淨毛孔內的多餘油脂及毒素~
臨床測試證實使用一次，能減少顯著毛孔達25%
瞬間讓毛孔健康呼吸，令肌膚煥然一新^^

現場仲做左個小實驗，先係葉上面塗上粉底模擬我地平時上粉底係皮膚咁~
右邊葉只係用潔面啫喱加手清潔，見刑仲有好多粉底殘留係表面~
而左邊就配合左深層潔淨刷頭加聲波淨膚儀清洗~
好明顯用左深層潔淨刷頭加聲波淨膚儀清洗係乾淨好多^^

我仲即場試用埋深層淨化毛孔泥膜，呢隻深層淨化毛孔泥膜氣味令人好舒服~
敷大概5分鐘，配合聲波淨膚儀清洗，真係快捷好多!!!
而家過水後發現有用深層淨化毛孔泥膜隻手滑好多，一d都唔乾~
而且睇落去仲白好多，紋理都小d tim^^

活動完左之後，今次拎返屋企既就係佢地，深層淨化毛孔修護組合^^
深層淨化毛孔修護組合入面包括左cleaner，clay mask同埋一個深層潔淨刷頭^^

除左深層淨化毛孔修護組合，我亦都試用埋Clarisonic Aria 聲波深徹淨膚儀啦~
佢外型以流線型設計時尚易用， 配備3 個聲波潔面速度，電量指示燈~
USB 充電設計，雙功能座檯架更可配合pLink® 充電器使用，帶去旅行用好方便ga~
跟機仲有一支refreshing cleaner 同埋一個敏感刷頭tim^^

不過因為我懷孕關係，深層淨化毛孔修護組合入面既cleaner同clay mask我都唔試住啦~
我主要都係試真佢既深層潔淨刷頭，睇下效果係咪真係咁勁^^


Clarisonic Aria 聲波深徹淨膚儀有3種聲波潔面速度(輕柔、溫和及強效)
速度1輕柔 ~ 專為受損或脆弱的敏感而設，所有肌膚類型均合用。
速度2溫和 ~ 比速度1高出26%潔淨力，適合任何人士和肌膚性質的速度。
速度3強效 ~ 比速度1高出56%潔淨力，肌膚需要額外清潔及去除潛藏的污垢時使用。
我自己一般都係用速度1 / 2 已經好足夠啦，而我老公就話用速度3比較岩佢^^

而深層潔淨刷頭係咁多款刷頭入面唯一一個係雙向既刷頭~
佢每秒利用300次專利雙向聲波擺動，雙向液體流動有效深層沖洗毛孔~
所以更有效清除堵塞毛孔的油脂及污垢ga^^

我一星期大概用呢個深層潔淨刷頭1-2次，主要都係用黎清潔t-zone位~
同埋重點清潔一下個鼻鼻黑頭，自從懷孕之後咩深層潔淨既產品都唔用得~
好彩仲有Clarisonic聲波淨膚儀陪住我，皮膚先至冇咩大影響ja^^

用左深層潔淨刷頭2次，已經見到黑頭有改善啦，明顯小左黑頭~
而且皮膚都滑左，有光澤左，可以清潔做得好左，護膚品更加易吸收~
連我之前個鼻乾到甩皮都明顯有改善到，真係意想不到既收穫^^
我相信如果配合埋深層淨化毛孔修護組合效果一定更加好!!

感謝CLARISONIC & STYLE-TIPS.COM 邀請，為產品作出試用後的測試報告。