早前,好榮幸可以出席U Beauty X Bobbi Brown 眼影Mix & Match 工作坊~ 當日放工就就去到尖沙咀Facess入面既Bobbi Brown The Studio啦~ 地點非常之方便易搵,今次係我第2次係呢度上堂~ 今次活動人數唔多,而Bobbi Brown導師比例大概1:2~ 所以有咩唔識可以好快就問到導師,所以小班教學形式都有好多好處呀^^
今次Bobbi Brown既主題係眼影Mix & Match~ 主要係介紹一款超級方便既眼影~Sparkle Eye Shadow透亮閃爍眼影^^ 只要將Sparkle Eye Shadowon top加係自己用開既眼影上面~ 出黎既效果係完全唔同左,好似買左新眼影咁~係咪好吸引先~!!哈哈~
呢個就係Sparkle Eye Shadow透亮閃爍眼影系列啦,有13款全新色調可以選擇,超級閃ga!!! 佢糅合了不同大小的閃爍珍珠粒子,質地輕柔如絲般呈現半透明感~ 令你既眼妝唔會有太強烈的色調,但又可以帶出明亮效果^^
當日化妝師現場示範左2款妝容,一款就係最常用既日常大地色妝容~ 方法都係好簡單,只要先用遮瑕膏遮蓋眼既色素,再用淺肉色係整個眼皮打底~ 之後用淺啡色掃在眼窩位,跟住係眼摺位由後而上咁掃上深啡色眼影~ 最後只要加小小Sparkle Eye Shadow透亮閃爍眼影上眼影面就得~ 日常妝唔需要重手,只要輕輕印上就得,對眼即刻sharp哂精神哂^^
而另一個party妝就由我做model示範既,所以我其實都睇唔清點化,憑記憶大概形容下啦~ 其實方法同日妝分別唔大,只係用色可以重手d~要畫埋下眼線~ 咁睇起黎對眼就更突出,有放大既效果ga啦~!!!
我就係用呢2款眼影化ga啦,可惜相機食哂色,其實呢個Sparkle Eye Shadow真係勁閃ga!!! 而且仲好幼滑貼服,質地都好容易blend開,效果都可以keep到好耐,唔使成日補妝^^ 連我都可以好輕鬆化到專業水準的Bling Bling眼,你都一定可以做到呢^^ 產品質素同效果我都好滿意,唯一係價錢略貴小小,2.8g賣270蚊~ 雖然我好鐘意佢個質地同效果,但太貴冇可能全系列包辦了,唯有揀1至2款色黎買啦~哈哈 我推介silver moon色系,好百搭ga!!!大家有興趣可以去bobbi brown counter試下睇下實物啦^^ |
沒有留言:
發佈留言