令皮膚發熱發亮既mask~~~~

夏天真係令皮膚出現好多問題~
所以要揀一隻適合夏天用既mask先有用~
最近用緊一隻令皮膚發熱發亮既mask~~~~哈哈

NUXE最新出既芳療雅緻熱能磨砂面膜 ($ 192 /40ml)
適合任何皮膚，尤其是混合性或油性的皮膚
全新面膜採用天然成份，性質溫和，具深層潔淨效能之餘，又不會刺激皮膚。
面膜具微溫效果，能滲透皮膚，深入疏通及淨化毛孔，同時去除老化角質層。
具備三重肌膚重生配方，用後肌膚更清爽，膚色不再暗啞。80%成份天然，不含防腐劑 。
雖然係法國製造，但盒上都好貼心咁加上英文說明，清楚又易明~主要成份同功效分別係:
熱能粉末 Thermo-Active Powder - 有助打開毛孔，深入及徹底清潔
荷荷芭微粒Jojoba Micro-Marbles、胡桃殼粉末Walnut Shell Powder - 為面部皮膚作輕度磨砂，
溫和去除老化角質及污垢，使肌膚更細緻、柔嫩，改善暗啞膚色
鋅、甜草根精華、綠花番荔枝精華、吸油粉末米散粉及高嶺土 - 抑制5α還原酵素的活性，溶解及吸收油脂，達到啞緻效果
設計係啪開蓋就同得既支支裝，唔駛扭蓋好方便呀~

佢質地唔算好杰，但又唔會稀到周圍流咁~
都好清楚見到入面有d荷荷芭微粒同胡桃殼粉末係度~輕輕磨砂都唔會好痛~

除左盒，支野上面都印左使用方法，咁就唔驚唔識用啦~

用法都好簡單~每星期使用一至兩次，適量塗抹於濕潤面部，待2-3分鐘後，以打圈方式按摩，用水洗淨。
我慣左沖完涼後用，唔需要搽得好厚，搽左上去慢慢會feel到暖暖地咁，
唔會話太熱，我覺得好舒服~
放佢係度2-3分鐘之後，再打圈按下，可以順便磨埋沙，之後過凍水就得~

用完佢，我覺得d皮膚係有光澤左，摸上去唔會好乾，反而好似有層膜咁包住~
同埋白左dd，可能因為去左角質啦~~~塊面都滑左ga^^
而我去完旅行返黎之後出左好多粒粒，用左佢之後好多都已經謝左~
希望用多幾次d粒粒印都會暗d啦~