一支岩夏天用既價廉物美精華 - Dr. Jart

到左夏天，之前用開既滋潤型精華都要轉季~
轉一隻清爽d既精華，感覺即刻好好多^^
今個夏天，我轉左用一隻韓國牌子，就係佢~

Dr. Jart既Pore Medic 平衡清爽系列 - 平衡清爽毛孔緊緻精華 HK $268 (30ml)
不含防腐劑、酒精、香料及色素(4 free)，深入暢通毛孔，調控油脂分泌，
具紓緩作用，能即時舒爽肌膚，高效補濕，提升肌膚細胞含水量，撫平柔滑肌膚，
收緊過份擴張的毛孔，增添彈性，清爽配方適合男女使用。
佢係比較適合油性及混合性皮膚使用。

好滿意佢加返英文說明，咁就好清楚知道有咩成份同埋有咩功效~
唔駛下下上網搵一輪先用，用都用得放心d呀~
佢既成份有:
• 草本複合物 IV(鼠尾草、迷迭香 、洋甘菊、薰衣草)、沒食子 - 控油、緊緻毛孔
• 歐洲專利植物成份Dynalift™及 鹽膚木 - 收斂毛孔、提升彈性
• 白樺 - 高效保濕
• 金縷梅 - 修護毛孔

打開仲有一條膠紙仔封住，確保冇人開過，比較衛生~
但呢張膠紙唔係咁好撕，撕落黎都有個膠紙印既~所以我都係痴返上去就算~

扭開蓋，係吱吱裝，夠哂方便又衛生~我最鐘意咁既設計~

吱出黎，係lotion狀，比較稀小小，陣味唔係好識形容，不過幾好聞~
都有一種好realx既感覺味道~用既份量唔駛多都夠搽全面~
用法都好簡單~早晚潔面及塗上爽膚水後，塗適量平衡清爽毛孔緊緻精華於臉上作補濕及收細毛孔之用。

質地好好推，而且吸得好快~不過頭1,2分鐘我覺得有小小笠~
不過再按下去等佢完全吸哂就會變得好爽~
呢支野我用左都兩個幾星期，仲帶埋佢去泰國用~
我早晚用，用左佢又真係好似出小左油咁，日日曬都冇話令皮膚變得好乾咁，
由於收細毛孔，我本身都唔算大毛孔，所以未發現有咩大轉變~
或者再用耐小小效果會明顯d~總括黎講，佢都係一支價廉物美既精華~夏天用真係岩哂~