打做完美自然透薄底妝 - 有佢幫到你^^

上星期日好開心可以出席RMK係ifc舉行既<<RMK底妝新品試用聚會>>我都係第一次去IFC既分店，感覺係麻雀雖小，五臟俱全~哈哈~
店入面放滿2011年既新品，有胭脂啦、指甲油、眼影筆、唇彩等........好Coulourful，好有春天既感覺呀~~~
咁當然唔小得今日既主角，pressed powerd N同埋smoothing polished base啦~
化妝師仲即場示範俾我地睇點用tim~睇落都唔難用~好易handle咁^^~
仲送左今日主角pressed powerd N同埋smoothing polished base俾我地試用~用左3日，係時候詳細介紹下佢地啦~
先介紹Smoothing Polished Base SPF13 PA+ ( HK$240/20g)獨特的凝縮的啫喱質感，能把毛孔等凹凸肌膚問題完美修飾，同時提高粉底的貼服度。
塗於鼻翼或額頭等在意的毛孔位置優越貼服。
使用時， 先印去多餘油份，以極少量印於毛孔凹凸位置，其後再因應需要加上粉底或碎粉。

扭開蓋，輕輕力就支到出黎，用既份量亦唔需要多，
只要一粒豆既份量就夠搽哂d毛孔位，雖然細細支~不過我估都可以用到好耐~
呈肉肉地色，不過上左面又唔覺有色，好似透明咁~而質地唔會杰、又唔多稀，好好推~
推開後，感覺好清爽，而手背既毛孔都小左~化妝小姐好心提過我，因為佢有控油成份，所以唔駛全面搽~只係搽係出油既t-zone位就夠~其他位置用返普通保濕base就得~
而另一樣就係Pressed Powder N SPF14 PA++ ( HK$420 /8.5g)
RMK研製出與肌膚融為一體的全新蜜粉Pressed Powder N 以新技術於水中把粉體砸碎，帶來令人忘掉其存在感的完美貼服度。
蜜粉同時包含了無論是配置比例或質感皆經過極盡計算的4種不同色調的粉餅，
只需以附有的粉掃去輕輕混合已發揮絕佳混色效果，
妳亦可用於T zone位置來突出面型輪廓或修飾整體膚色，以達至自然明澄的透明素肌。

Pressed Powder N具有5色選擇，適合不同膚色的妳。
而我用既就係04色，化妝師話04色應該大部份人，因為係自然膚色~
推開粉盒底，仲附送一個山羊掃既小掃仔~好方便~而且d毛真係幾soft，唔會吉肉~化妝小姐話用pressed power N最好就係用返掃上，因為會透d、薄d~如果用粉樸上就做唔到透明自然既妝ga啦~用既方法好簡單，只要用掃係粉到向下掃一至二下，之後打圈再掃幾下就上得面ga啦~
係用左Smoothing Polished Base既手背再薄薄掃上一層Pressed Powder N~手背就更加平滑，仲有d閃閃地，不過影唔到出黎tim~
至於用上面既效果，就係下圖啦~
左面: 只係搽左保濕 + 防曬，皮膚泛紅，有乾紋，凹凸不平~中間: 搽左Smoothing Polished Base，凹凸不平明顯好轉，泛紅地方都冇咁嚴重~右面: 搽左Smoothing Polished Base + Pressed Powder N，凹凸皮膚已經改善左好多，皮膚睇落去滑返哂^^
連續用左3日，感覺良好~始終RMK出既粉一向都好有口碑~而且用既方法好簡單~淨係搽Smoothing Polished Base + Pressed Powder N，幾分鐘就搞掂~化妝師話如果上Pressed Powder N前用埋fdt效果會更好~不過我仲未試過~因為淨係用Smoothing Polished Base + Pressed Powder N既效果對我平日返工已經好足夠~加上細細盒帶出街都好方便~所以整個試用過程我都好滿意^^