當大家正為各大小christmas set煩惱之際,Sofina Aube couture 2013春季產品已經速勢待發!! 今天好開心可以先睹為快,率先試試咁靚既新產品^^
今次Sofina Aube couture既新產品,其中唇膏液仲一次過出左10色,而唇膏就出左4隻新色, 另外眼影組合更加出左4款限定色tim^^每一隻色都好靚,好有春日色彩ga~~~~~~
第一樣想講既係彩形明眸眼影組合,全系列有7色,其中4款係限定色,每盒定價HK$240~ 4款係限定色分別係: 565 橙色系 566 綠色系 567 粉紅色系 568 杏色系~ 總有一款得你歡心,因為隻隻色都好靚,我都揀左好耐先決定到要邊隻呀^^
眼影盒既包裝真係好好好精緻,深粉紅色配上閃片,外加黑色花線條~ 係我鐘意既簡單華麗風格,大愛呀!!!!
而且Sofina Aube couture 一向易用,有哂指示,跟住指示就好容易化到一個靚眼妝~ 加上配埋掃真係好方便,另外每一個眼影既眼影粉都有特色ga喎~ 金色和諧珍珠: 親和東方人膚色,顏色和質感能與膚色協調。 即使是5種深淺不同的顏色也能組合出理想的層次感~ 疏乎里配方: 上下眼線粉均採用疏乎里配方,適用於容易泛油的眼際位置, 眼影不易脫落,大大提升眼妝的緊貼持久度。 漆黑珍珠配方: 深暗色及上眼線粉使用了全新漆黑珍珠配方,色澤更濃黑漂亮~ 並且能更順滑地畫出效果出色貼服及與肌膚融合的眼線
最終我揀左565 橙色系,因為D顏色易caryy嘛~咩場合用佢都可以^^ d眼影粉好細緻,唔使閃光燈都睇到佢好閃呀!!
跟住指示,先用淺金色搽眼蓋位,之後用橙色掃上眼窩~ 再用深啡色眼影畫上眼線,跟住用珍珠色打亮眼頭、眉骨位~ 最後我再加上黑色眼線、搽埋睫毛液就搞掂啦~ 化好成個眼妝都唔使5分鐘,簡單方便至極^^
係日光同閃光下,對眼真係好閃呀!!! 同埋565呢隻色雖然唔係好似藍呀、綠呀果d咁突出~ 但用左佢成對眼d輪廓都會加深左,俾人感覺有神d,精靈好多ga^^
化完眼就到試試新既唇妝產品啦~~~~ 第一樣用既係彩形持久水感唇膏~全系列有28色,其中4色係新發售ga~每支定價HK$220~ 4隻新色分別係: 玫瑰色系RS415 紅色系RD615 RD625 杏色 BE815 佢有持久色澤及滋潤配方,可以提升與嘴唇的貼服度,並使色澤和滋潤感長時間持續。
我就揀左紅色系既RD615,唔好以為佢會好紅喎~其實出黎係好自然,唔會變大紅唇既~ 當然,如果你搽多幾層顏色就會紅d啦~~~ 彩形持久水感唇膏有金色和諧珍珠: 親和東方人膚色,顏色和質感能與任何膚色協調。 高保濕成分配方: 洋甘菊精華、角鯊烯、細胞間脂質護理成分(保濕)。 所以搽落咀果時會feel有好水潤,好似搽潤唇膏咁既feel!!! 我覺得淨係用佢都唔會覺得乾,好小唇膏俾到呢個感覺我,真係唔錯!!
除左唇膏,今次系列仲有一支全新產品,完美修護精華唇膏液essence全系列有10色,每支定價HK$220~ 儘管極乾燥和唇紋明顯的唇部,也能即時變得水嫩柔滑。 高保濕效果,不塗潤唇膏也能持久滋潤。 持續使用2星期,更可有效減淡唇紋~海洋植物精華修護成分,讓妳的櫻唇愈塗愈美麗! 睇佢簡紹真係好吸引呀,因為唇膏都係令我好苦惱既問題黎....
我就揀左251色系,因為我想襯返支唇膏^^ 呢支Lip essence有細胞間脂質修護成分,可以提升唇部肌膚的保濕能力, 令櫻唇持久保持滋潤,長時間使用更可改善唇紋及脫皮情況。 而Lip balm 緊鎖滋潤精華成分,就有海草精華、洋甘菊精華、橄欖精華 <角鯊烯>配方~ 輕輕一抹,嘴唇立即充滿水嫩色澤! 金色和諧珍珠,親和東方人膚色,顏色和質感能與任何膚色協調。
佢專利3D立體唇掃,特別為東方人嘴唇貼服的角度和形狀而設計, 真係幾岩個唇形,好容易就可以搽到均勻出色既放果^^
試色啦~~~~因為我唇色都比較深,所以用之前我用左遮瑕膏蓋4本身既唇色先~ 之後就用彩形持久水感唇膏搽左一次,已經好顯色啦~ 雖然佢話係紅色系,但搽出黎效果粉粉嫩嫩咁,我好鐘意呀!!! 之後再用埋修護精華唇膏液搽左一層,已經有搽左唇彩既效果~ 一D都唔笠,冇怪味,不過因為我D唇紋太勁,佢都遮唔哂,但比冇搽果時好好多啦^^
水噹噹既咀唇,我自己睇到都好滿意呀!!!!!!!真係忍唔住照左幾次鏡~哈哈哈哈!!! 呢次Sofina Aube couture 2013春季產品真係好正!!!我好鐘意,已經考慮緊買其他色既唇膏啦~ 等佢推出既時侯,我強烈推薦各位去COUNTER試下呀!!不能錯過^^ 全線發售日期:2013年1月1日2013 Spring |
沒有留言:
發佈留言