瘦臉碌碌碌，碌出一條新血路^^

有邊個唔想有V面呢???但我天生一副包包面，想V真係要好勤力&落好多心機先得~ 都試過好多唔同品牌既瘦面ga....總之係唔使做手術可以瘦面既我都想試^^ 而mask house呢個牌子我都唔係第一次接觸，上次試左佢個V型纖面膜都有唔錯既效果ga^^ 所以今次就試左mask house出既鑽石級V型全效瘦臉精華~ 三大主要成分及三重點修護功效： BodyFit™ 醫學燒脂精華 · 纖顏 全效燃燒面部脂肪 促進血液循環暢通淋巴、減慢及分解脂肪積聚 質地係lotion狀，都好容易推開，唔會好笠，加埋接摩會吸收得快d^^ 雖則佢話係燒脂精華 ，但我反而覺得搽果時會有小小涼涼地咁既感覺，都幾舒服ga~ 搽完再配合埋臉頰滾動導入器(圖右) &頸額滾動按摩器 (圖左)就very good啦~ 唔好睇小呢2個按摩器呀，佢地都係根據人體3D工學， V型臉頰滾動導入器特別切合亞洲女士的雙頰輪廓，配合纖巧的棒型設計， 使兩邊14片方型羽狀導入齒輪於滾動時更能舒適貼面，重點針對下巴、顴骨至耳邊位置， 加速精華導入並分解臉頰脂肪。持續按摩加速血液循環，暢通淋巴，消除水腫。 而頸額滾動按摩器既滾珠按摩幫助刺激穴道，加速血液循環，有效加速精華滲透，撫平頸額皺紋。 2個按摩器個滾動頭都有分別ga，臉頰滾動導入器既頭係一片片既軟膠黎既~ 而頸額滾動按摩器既頭就係2個圓圓地既滾珠，係硬身同比較細個既^^ 用臉頰滾動導入器既方法都係好簡單，由下巴位慢慢拉上顴骨至耳邊位就得ga啦~ 因為係軟膠所以比較啜肉，用果時既感覺就好似有人meet你塊面咁~幾得意^^ 而頸額滾動按摩器都係係頸到碌下，可以幫助刺激穴道，撫平頸額皺紋。 不過我發現除左碌頸之外，用黎碌下個肥臉珠都唔錯ga喎，個位大小岩岩好，好舒服ga^^ 呢個鑽石級V型全效瘦臉精華我都用左一個月ga，不過我淨係夜晚用ja，因為朝早冇咁多時間碌~ 咁效果方面呢，我特登係同一個位，加同一個表情影相，咁先可以比較ga嘛~哈哈 可能我唔係早晚用，出黎效果冇其他人咁明顯，但都有小小成果睇到啦~ 超級V面就仲未達標，不過我覺得臉頰至顴骨位確實係Firm左d，睇落去冇咁泡lor~哈哈哈哈~ 或者我再勤力d碌，總有一日會有超級V面呢^^

每日一支~提升肌膚水分、 彈性、 美白、緊緻度~

而家市面上都出左好多水服美肌品，藥丸既、粉狀既、水狀既....老實講我都試過唔小呀^^
咁多種質地我都係鐘意水狀既多d，因為夠方便嘛~~~
今次試左一隻我自己比較陌生既牌子，佢就係Lifeade Beauty Drink (萊菲得美肌飲)。
今次試足一個月既份量，有成30支，係尖沙咀拎返黎真係好重!!!!
對我呢d新界人就講真係好吃力，中途拎住佢都要停低抖左好幾次先返到屋，真係得來不易~

簡單介紹下佢啦~~~~
含番茄幹細胞培養萃取物、魚膠原蛋白、維他命B9(葉酸)、維他命C及紫蘇籽萃取物
的美容飲料。飲得到的美容品，讓您的肌膚擺脫老的痕跡，打造無皺、彈性、美白、潤澤肌膚。

可以提升提升肌膚水分、 彈性、 美白、緊緻度~又可以減淡皺紋，收細毛孔，提高免疫力，
一支好似有好多功能咁，而且最緊要係零脂肪嘛~哈哈

每一支都係made in korea ga^^

一盒有4瓶，而每瓶容量 - 50ml，睇落去都幾大支下ga~
不過我覺得佢4 瓶一盒有小小唔環保，因為30支已經有8個紙盒啦~
我覺得10支一盒會好d同方便d lor~

佢係好似蘋果汁咁既色，初初以為飲落會似番茄汁咁既味，但原來唔係番茄味~
老實講我唔係咁鐘意佢隻味，唔係好識形容咩味，但就係唔討我歡心lor~
只能講雪凍佢會比較易入口~就係因為佢陣味唔係好岩我，
所以呢30日裡面，我有時都會唔記得左飲，大概用左40日左右先KO哂30支~
飲完一個月，大轉變我都唔係好感覺到，冇白到，痘印依然係度~
可能係我唔夠勤力飲，又可能飲一個月睇唔到明顯既效果卦~~~~~
始終美肌飲品都係人夾人，同埋係長久戰呢^^
雖然係我身上效果一般，但點都好，最後都要多謝屈臣氏俾我一個體驗既機會^^

腳板都要滑嘟嘟~係屋企黎一個家居Foot Spa啦^^

塊面我就真係成日都會敷MASK，但雙腳真係比較小打理，尤其係腳板底.......
早前同媽咪返大陸腳底按摩，俾佢話我做咩咁多枕都唔搞搞佢....
連媽咪都睇唔過眼，今次真係要認真搞搞佢啦~
其實足膜係香港都有左好耐時間，不過我一直都未試過~
今次第一試用就揀左係台灣好HIT既台妹愛瘋《絶世美肌》去厚角質足膜套裝^^

佢個包裝盒好cute呀!!!粉紅色有隻腳板係度~係萬寧一眼就望到佢，$128蚊仲有支lotion送，抵呀^^
依佢既介紹~《絶世美肌》厚角質足膜蘊含大量天然植物精萃成分，
有效軟化老舊角質、滋養淨白，令肌膚回復水潤嫩滑，加上獨家專利4D升級立體襪套設計，
只需一小時，精華成分即快速滲透至深層肌膚，有助去除老舊角質。

因為我生得細粒，成日都會駁腳(著高跟>.<)，所以最大既問題就係有厚厚既枕啦~
腳趾公最嚴重!!!而腳跟位d死皮都唔可以睇小，都厚厚地ga...唉.....希望冇嚇親大家....
因為第一次用去厚角質足膜，所以我都會睇清楚d成份先敢用~
而《絶世美肌》既足膜就有天然成分：
洛神葵花植萃 - 有效淨白，並軟化角質
 諾麗果 - 滋潤保濕同時軟化足部肌膚
另外，《絶世美肌》去厚角質足膜是唯一足膜通過台灣行政院衛生署核準之含藥化粧品，
內含0.2%水楊酸，為香港及台灣認可之安全使用範圍之內，所以都唔使擔心既^^

當然用之前要睇下有咩注意事項啦~
1. 不建議孕婦、授乳中婦女及糖尿病患者使用，避免出現不適及過敏反應。
2. 本產品為一次性產品，建議開封後請立即使用。有傷口、濕疹、紅腫、香港腳等現象，請勿使用。
3. 本產品含0.2%水楊酸，屬台灣及香港衛生署認可的安全使用範圍內，
但仍建議消費者使用前請先於手腕內側作肌膚測試，無過敏反應再繼續使用。
4. 使用後皮膚若產生異樣不適時，應立即停用，並視情況就醫；請置於孩童無法取得之處。
5. 初次使用可能會有輕微刺癢或紅腫，此為精華液滲入肌膚角質層的正常現象。
6. 脫屑現象一般會在兩三天後出現，這段時間裡，建議外出時穿著包鞋及棉襪。

用法好簡單，先清潔腳部之後擦乾後，沿線剪開足膜塑膠套，包覆腳掌並調整角度，
用膠紙固定使足部緊密接觸膜布上的精華液， 靜靜等一個鐘頭，之彼沖乾淨水就得ga啦~
因為我坐唔定，好難要我坐一個鐘，所以著左對襪，咁就可以周圍行啦^^
敷左一個鐘之後洗乾淨，果刻就未甩皮既，不過就feel到對腳好似好緊咁，皺皺地，
感覺就好似去左泳池浸左好耐水上返黎，好似亞婆腳咁~哈哈~
另外，我唔知原來唔可以搽腳甲油敷ga，敷完之後d腳甲油甩到一撻撻><
之後1、2日都冇咩反應，到第3日開始就慢慢甩皮啦~
仲1日比1日甩得多!!因為d相好肉酸所以我都唔放咁大啦~嚇死人!!
就係咁日日甩，甩到第8、9日左右，跟左我廿幾年既皮皮就要say goodbye啦~哈哈

效果方面，重災區腳趾公個枕雖然都仲係度，不過都細左好多同美觀左好多~
而家摸落去都冇咁硬，起碼都冇咁嚇人呀~~~唔錯唔錯~
我估隔一牌再用多次應該會更加好，總有一日可以搞掂佢^^

而腳跟位，影可能睇得唔清，不過其實d死皮都去得七七八八，
唔止腳跟位，成對腳摸落去都滑左，同軟左好多~原來敷左足膜係咁既效果ga喎^^
未用之前唔敢試，試過之後就會上引~哈哈~等多幾個月我會再試多次先~
不過提提大家，用完足膜之後對腳會比較嬌嫩，要搽多d lotion同好好保護呀^^

噴一噴，盡顯嬌絕秀逸的佳人本色^^

 
意大利著名時裝名牌BLUMARINE，我上年已經認識左呢個牌子~
試過佢既Bellissima香水，我都好鐘意，回顧請按我~
今年，BLUMARINE就推出Innamorata，我當然都要試下啦^^

Innamorata，意大利文即係戀愛中既意思，淨係個名都覺得好浪漫~~~~~
而Innamorata以蜜柑、佛手柑及熱情果調制出清新甜美的初調；
以依蘭、雞蛋花和玉蘭花揉合而成的中調彌漫着浪漫氣息；
而蘊含麝香、安息香及羊絨的柔和基調則為女士們平添性感魅力。

而樽身既設計真係大愛!!!!Innamorata香水的瓶身貫徹品牌時尚優雅的設計風格，
華麗悅目的圓柱形瓶身，以特厚的水晶玻璃製造，
係光下面睇落去個樽有折射，閃令令咁真係好靚!!!!
除左美觀之外仲有一個好處就係有波浪紋，就冇咁易跣手唔怕打爛啦~~~~

除左閃令令既玻璃樽之外，仲有金色既瓶蓋，以及立體蕾絲花邊圖案，手工相當精緻~
真係感受到佢想表達既優雅的氣質中展現出淑女的矜持，以及對浪漫愛情的追求及期盼。

香水我就習慣噴係頸上面，有人會噴埋手碗位~其實都係個人喜好，噴邊都冇咩所謂既^^
不過提一提大家，如果大家都係好似我咁鐘意噴頸位的話~
噴之前記得除左頸鍊先，因為香水有機會令頸鍊變色ga~
同埋都要小心d唔好噴到頭髮，始終香水有酒精，噴落頭髮度都唔係咁好.....

講返Innamorata香水，我真係好鐘意佢陣味，完全係我杯茶!!!
一噴已經聞到蜜柑、佛手柑同果香，感覺好sweet，好容易令人接受~
之後就會變左淡淡既花香，淡而清新，總之就very good!!!
真係好推薦大家去sasa試下佢陣味!!!好正呀!!!!
價錢都ok呀，30ml300幾蚊，50ml500幾，100ml7百幾~香水黎講都唔係特別貴~
比 Bellissima仲平d，我用哂手頭上d香水都會入貨呀^^

Leaders Clinic - 全方位天然分子醫學面膜一星期療程^^

韓國專業醫療美容機構Leaders Clinic既MASK，已經唔係第一次出現係我個BLOG啦^^
佢既天然分子醫學面膜採用醫學認可的全天然成分，並配有天然抗敏和抑菌的防腐配方，
不含化學防腐劑、人工色素、洒精等傷害皮膚的物質，從根本入手，解決皮膚內在問題。
所以我都好有信心，用完再用^^
由上星期起我開始左個面膜療程，為期一星期，我就係用左圖入面既3款啦~
研究話用一星期可以令證肌膚明顯變得水潤而有彈性，提升肌感同時亦減少敏感情況出現ga~

未介紹3款面膜之前，我好想分享下Leaders Clinic既mask同平時敷開果d有咩唔同~
3款既面膜紙大小係一樣既，而質地都係同我平時敷開既唔同，因為佢唔係紙既質地黎ga~
原來Leaders Clinic既面膜都係用棉花最接近既種子部分既幼細纖維做既~
可以提昇面膜既吸水能力GA，所以淨返係包裝紙上面既精華唔多，都俾面膜吸哂^^

膠原蛋白更新面膜 (25ml / $22.9)
佢係針對加強肌膚彈性，重拾疲倦肌膚活力的日常管理面膜，
可以深入肌膚底層補充每日流失的膠原蛋白，讓肌膚比實際年齡更年輕，
透過水溶性海洋膠原蛋白促進肌膚身陳代謝，回復彈性。
成分不含苯(防腐劑)／皮膚科測試完成。
主要成分: 水溶性海洋膠原蛋白
用途： 線條提升／保濕滋潤／緊緻柔滑

面膜既size對我黎講就大左小小，不過佢好貼面既，所以都唔會跌落黎~
而且敷既過程都唔會有精華滴到周圍都係既情況~ok喎^^
敷左20mins之後，會覺得好潤，初初我覺得有小小笠~
之後按摩左一陣等d精華吸收左，連野都唔倏再搽，皮膚睇落都係水噹噹咁^^

蘆薈舒緩更新面膜 (25ml / $22.9)
佢可以舒緩肌膚，立即給肌膚提供水分。
針對因外在環境而敏感的肌膚，容易受紫外線或雷射手術而泛紅的肌膚。
蘆薈成份可以快速舒緩受刺激的肌膚；仙人掌成份可以有效舒緩肌膚，迅速補水。
成分不含苯／皮膚科測試完成。
主要成分: 蘆薈萃取物 用途：提供水分/肌膚舒緩
用途：提供水分/肌膚舒緩

呢款我之前都用過^^我好鐘意佢可以舒緩到肌膚，敷完d粒粒真係會降紅，
同埋我覺得敷果時塊mask好似會收緊咁，敷完都有條mask痕係塊面印左出黎~
雖然人1冇話可以firming，但感覺上塊面都有firm到ga~哈哈~

維他明亮更新面膜(25ml / $22.9)
佢係用於肌膚色調不均衡及有黑點的情況，需要元氣及活力的肌膚。
強化維他命C成份能給疲倦肌膚提供營養及活力，使整個肌膚色調明亮，水潤，健康。
成分不含苯(防腐劑)／皮膚科測試完成。
主要成分: AA-2G
用途：明亮肌膚/平衡肌膚暗淡肌調

呢款維他明亮更新面膜我之前都係有用過^^又係好鐘意!!!
因為敷完呢個我覺得d皮膚好有光澤ga~同埋d膚色都冇咁暗~
係好累唔夠訓果時用佢就好適合啦~~~

話明係一個日常面膜一星期療程，所以我敷既方法係:膠原蛋白更新面膜: 星期一 星期二  星期日
蘆薈舒緩更新面膜: 星期三 星期四 ，維他明亮更新面膜: 星期五 星期六
敷足一個星期，冇偷懶ga，其實我真係未試過咁勤力敷mask~
不過出黎既效果我真係好滿意!!雖然冇話變到零毛孔、雞蛋肌咁滑溜~
因為我本身唔係天生麗質既肌膚嘛~~如果我話變到勁好都冇人信~哈哈
之前敏感係咁出d小粒粒，而家我覺得d皮膚真係穩定返好多，
其實大家睇我敷mask d相都見到有好多深色既印.....而家d印都開始退色啦~真係好開心!!
至小我而家有信心唔化妝行出黎d皮膚都見得人呀~起碼唔會嚇親人^^
雖然佢真係有小小貴，但我都會等佢特價買定d係屋企看門口ga!!!

BLACKMORES - 要瘦身，就要淨身&排毒^^

對BLACKMORES 陌生嗎??其實BLACKMORES係1930年代創立於澳洲昆士蘭，
七十多年黎，BLACKMORES一直堅持以長遠、自然、全面的方法促進健康。
而且 BLACKMORES進駐香港已經超過十五年啦，只係可能平時冇留意姐^^
今次都係我第一次接觸呢個牌子JA~~~~~

BLACKMORESOF3今個夏天推出全新產品「草本極致排毒配方」~
人主要以兩種方式處理毒素分別係中和作用& 排泄和消解
肝臟就係排解毒素最重要的器官，是人體「解毒器」，為經常面對病毒、酒精、污染物、藥物的侵害和刺激，
毒素對身體的壞影響可以好嚴重，所以就要不停靠肝臟解毒。
如果排毒過程受阻或失效，毒素就會積累在身體組織之中，尤其是脂肪組織。
而毒素積聚於脂肪組織，會阻外瘦身效果， 所以要瘦身、就先要淨身及排毒啦~

BLACKMORES「草本極致排毒配方」成份天然 :
-菜薊 (協助增加膽汁流量，幫助消化道排泄而排解毒素)
-牛蒡 (被視為傳統中醫藥中最佳消除腹脹、消滯及悶氣之草藥之一)
-枳實(有助於利尿，透過腎臟和皮膚幫助去除積累了廢物)

密封式包裝，食之前撕開封條就得~~~

除左密封，入面仲有一包防潮包，而一樽入面有42粒膠囊藥丸~

膠囊藥丸都冇咩怪味，容易接受~依佢既份量食法:
成人：兩星期療程；每日三次、每次一粒，餐前服用。 (每次療程只以兩星期為止)
有時餐前我都唔記得食，唯有餐後補返~哈哈~
食左2個星期，其實都好似冇咩特別感覺，磅數方面都係得1,2磅上落，唔知關唔關佢事~
不過食左之後比較明顯既係去水好左，去v v 次數多左~便便都ok左~
雖然瘦身對我唔明顯，但可以去水排毒不失為一件好事~
廣告成日都有講，排涌毒素身體好嘛~哈哈哈哈

告別惱人問題，向掉髮say NO!!

當我由及腰既長髮剪成短髮後，所有開叉、乾燥既問題都解決左唔小~
但係洗頭時甩頭髮既問題就仲係度....成日甩到成地頭髮，都真係幾煩ga...
今次DOVE又出左隻新既防掉髮系列，真係要好好試一試啦~

DOVE 全新推出防掉髮系列，成份含「髮源強韌因子」 TRICHAZOLE ACTIVES，
可以減少頭皮與髮絲之間的蛋白流失，有效減少掉髮。
好似好勁咁，話用3次就可以減小99%既掉髮，真係要試真D啦~

我呢支DOVE 髮源強韌防掉髮洗髮乳 (適合所有髮質) 係350 ml黎，
我習慣洗頭水用2至3個月左右就會轉一轉款，所以都唔會用家庭裝咁大支啦~
吱出黎其實都係一般洗頭水咁既樣，不過佢就有小小閃閃地~
氣味係清香既，我仲以為係DOVE專有既味道TIM^^

泡沫都好濃郁，輕輕按摩完髮根就可以過水，過水唔可以馬虎GA，一定要過乾淨!!
過左水都唔會話好乾淨淨，好啜手咁，感覺唔錯^^

跟住就用同系列既DOVE 髮源強韌防掉髮潤髮乳 (適合所有髮質)，
我呢隻都係 350 ml黎，如果有細支D我都會買細支D，因為次次都係洗頭水用得快D既~哈哈
護髮素我用既份量唔會好多，大概一蚊銀既面積就夠哂啦~~~~

護髮素記緊唔好搽係髮根，淨係搽髮尾就ok~
我既習慣係搽左上去之後，再搵梳梳下個尾，等d護髮素會浸透入髮絲^^

雖然佢話用3次就見到效果，不過我都日日用，用足5日先下結論~
其實頭一日覺得好似比之前用開既洗頭水都甩小左dd，但可能係自己心理作用~哈哈~
第2,3日用完之後既情況同第1日甩既髮量差唔多~
到第5日，就真係感覺到甩小左頭髮，尤其吹頭後地下都小左好多掉髮~
以咁平既價錢，有咁既效果我都好滿意呀!!!!我會keep住用睇下會唔會更加有明顯既效果^^