2012/02/20

我也做model - VS星級造型大變身^^

其實呢件事係發生係一月果時既,話說係2011年尾我見到Vidal-Sassoon搵人做model~
我膽粗粗參加左,點知最後真係揀中左我呀!!!好開心^^
所以就開始左我
星級造型大變身之旅啦~
今次我個髮型將會由上海來港嘅沙宣美髮學院首席造型大師MEE POH LOH幫我設計既~
真係機會難逢呀!!!所以我都冇咩要求全權由大師發板~我信哂佢ga^^

溝通好哂大概點剪之後,就開始埋位啦!!第一步就係染髮~
幫我染髮既都係黎至上海沙宣美髮學院既大師,細問之下,原來佢係台灣人^^
我發現VS既染髮做得好細緻,續小續小咁染,務求染出黎個層次感增加~
所以雖然我high light唔係好多,但都包到一頭錫紙~哈哈~

染完就正式開始剪啦,因為我冇要求任佢地點剪,交哂俾大師渣fit~
所以髮型大師手起刀落,我長及腰既頭髮......byebye啦~~~~
留左10年既頭髮一下剪短左,未剪之前都以為自己會好唔捨得~
因為之前都有衝動想剪,但真係冇咁既動力一野剪咁多,
到而家真係短,真係估唔到一d感覺都冇喎~~~仲有d興奮!!!!哈哈~
可能自己都睇厭左咁多年既長髮~唔係今次既機會,我諗我都唔會咁有決心剪短~

幫我剪髮既都係上海沙宣美髮學院既大師,外國人黎ga^^
都係一個好nice同埋好細心既髮型師,而且經驗十足,幫我剪緊既時候有好多人企係後面偷師ga..哈哈~
左剪剪,右剪剪,睇落去佢好似剪得好隨性,但每一下落刀都好準確~
大師真係大師~!!!好快已經剪左個形出黎~

登登登登!!!!短髮look大功告成!!!
係唔同角度睇我個頭都係唔同色&唔同髮型~
呢d就係Vidal-Sassoon剪髮同染髮特別之處啦^^

因為當日我係一個model既身份,所以仲要化埋妝,
分別有daily look同埋dinner look既出現^^
有冇發現,我個髮型分唔同方向既界,出黎既效果差好遠???
誇張到連個樣都好似唔同左咁呀~~哈哈哈哈~
daily就比較斯文,dinner look就比較wild d~2個look我都好鐘意!!

而當日既妝係由Annie G團隊既同事Jan幫我化ga~
對眼同我咀做得非常出色!!!我第一次化到咁妖艷ja~
socking pink咀,有冇好sexy先~哈哈~

活動既尾聲當然要同2位大功臣影相啦,好可惜既係我未準備好已經影左.....
影到個咀極級騎呢~~~~~缺憾呀!!!!!
不過我真係好多謝2位為我剪左既個新髮型,我好鐘意呀!!!!

剪前剪後既分別,呢幅相我都放過上我自己既fb俾朋友仔睇,
佢地一致覺得短髮好睇d呀!!!咁我呢頭長髮真係剪得值得,剪得遲tim呀!!!哈哈~~
你地又覺得長髮or短髮襯我d呢???

今次真係一次好特別既經驗,好多謝vs俾一個咁既機會我啦^^
最後送上今次我做model既成果,其實今次我係幫yahoo同vs拍左段片既~
有時間可以一睇啦^^
http://hk.lifestyle.yahoo.com/y--girls-channel-3d-stylishlook.html

2012/02/17

又去shopping買買買^^


早幾日經過6ixty 8ight見到呢個牌又俾佢吸引左入去~

原來當日只要有呢個心心牌嘅產品都有8折呀!
我又係入面行左成個鐘^^

明明無嘢想買,但最後又忍唔住買左幾樣嘢返黎~

又買左一堆褲褲返黎!只因為減到15蚊1條~唔買唔得咁既感覺~
最終都係忍唔住手買左返黎~~當多幾款選擇啦,yeah!!

爸爸我都係第一次買呢個牌子,不過碼數得好小選擇,我就唔係好啱啦~
但見到減價減到35蚊,55蚊咁,又忍唔住買左幾個送俾朋友^^
真係有好多款式揀,不過如果佢有多D碼數選擇就好啦~
而我當然有買野俾自己啦~~~買左一件吊帶睡衣,呢件有心心吊牌,所以有8折ga~
跟後仲配返條底底襯返一set,2樣加埋都唔駛150蚊~好抵呀!!

睡衣仲有得教長短,質地好滑,仲有一個車厘子小裝飾~好cute^^
 今天都唔算買得好多,不過都過168蚊,可以join會員呀~
但係我都唔知join會員有咩優惠,因為職員冇主動同我講....
係我自己問佢係咪有會員join佢先俾form我填~填完又冇話d咩咁~
有冇人知做左會員有咩用呢???儲分or買野有折呢??

2012/02/15

充滿驚喜的情人節盒

情人節快樂!!!!大家情人節一定過得好開心啦^^
我都過得好開心,因為情人節亦都係我生日呀^^
今年仲係我同老公第10個年頭一齊慶祝啦,時間過得真係快~
除左老公份禮物外,我都收到佢~

情人節特別版既glamabox呀~今次個盒圖利都係一樣,但變左長方形~
今期拎上手都有d重量喎,我記得上次收盒都冇咁重既~

雖然未開之前我已經上網睇過其他sis分享過個盒入面有d咩~
但都自己拆既時候,都係會有一種拆禮物既開心係度^^
今期係特別版所以一共有8樣野呀~好豐富!!

入面有6樣野我見大部分sis都係一樣既~
包括有Talika 亮齒美唇筆、Stephen James红粉菲菲能量棒、PS Group coupon、Chocola BB Drink bit 、Glamabox吊飾、Lierac Bust Lift 魔俏健胸按摩霜~
而我唔同既就有Enprani Retinox 5抗皺保濕亮白精華~好驚喜喎真係!!
仲要係貨size,咩保濕野都好岩我用^^

另外仲有一塊Essonce角鯊烷透氧再生羽翼絲光面膜~
呢個牌子我真係未聽過~,上網check過下係d咩~
王牌「角鯊烷透氧再生羽翼絲光面膜」0.03cm的絕對輕薄服帖,
讓肌膚與精華之間零距離,精華迅速吸收。99.9%角鯊烷全效活膚,
透氧再正再生,而墨角藻萃取長效保濕,調節油脂平衡。
睇佢既介紹好似都唔錯咁~等今個星期即刻試下先得~

今次特別版d野真係揀得唔錯喎~除左coupon之外,其他既全部都岩用或者用得到^^
如果個個月都keep住咁既水準就真係very good啦^^

2012/02/06

有機新體驗 – 星級有機潔面霜


今次真係好好好好好開心,可以試到The Organic Pharmacy既產品,
The Organic Pharmacy既產品係以百分百天然有機植物為原料,並以人手新鮮製造,
而且產品全部在英國藥劑協會註冊,產品包括面部及身體護理、嬰兒護理、健康食品及香薰油等。
天然、有機,呢2個字眼成日都會一齊講~
但其實大家知唔知道天然同有機產品有係分別ga呢??
先講講有機既定義: 就係指原材料出自天然植物或海洋生物,
在全無人工或化學成分的天然栽種植物,由種子、水源、土壤至肥料,
都先經過污染測試,不含人工合成的防腐劑和殺蟲劑,
並具有高精純度和穩定性,達至指標才可稱為有機。
所以真真正正可以用「有機」字眼而又經過認證既品牌都唔係得好多~
而Organic Pharmacy係其中一個^^
產品用上超過 500 種有機原料製作,全部都領有有機認證證書才會被採用。
而且佢每件產品,品牌也堅守七大原則不含人造防腐劑色素香料石油化學製品
不進行動物測試,並支持有機耕作及有機農產品
並將
專業的藥劑學、自然療法與美容知識和技術結合,為我們的健康、美肌和環境取得平衡。

今次試既就係佢,Carrot Butter Cleanser
能徹底清潔肌膚上的污垢及化妝品,肌膚回復柔嫩細緻。
胡蘿蔔、迷迭香及薰衣草,具極佳的清潔及抗氧化功效。

佢成分有:
胡蘿蔔 - 含豐富Beta胡蘿蔔素(前維他命A),可有助抗氧化和對抗自由基
金盞草-具消炎、殺菌、舒緩和治療功效,可促進細胞再生
甘菊 - 甘菊具舒緩和鎮靜功效,對敏感痕癢皮膚有顯著功效
薰衣草- 能舒緩和放鬆肌膚
小麥胚芽油 - 含豐富維他命E,具柔軟肌膚功效
迷迭香 - 具抗氧化成分,能有效暢通和潔淨肌膚
向日葵籽油 - 純淨冷壓向日葵籽油,含豐富維他命A & E和脂肪酸
荷荷巴油 - 跟天然皮脂分泌接近,含豐富維他命E & A,高效滋潤肌膚
聖約翰斯麥芽 - 高效舒緩和治療,能促進細胞再生
蜜蠟 -  蜜蠟蘊含油和蠟的成分,可使皮膚柔軟細緻
乳木果油 - 有效改善痕癢、改善僵硬關節,研究指出乳木果油能改善微絲血管循環,改善浮腫。

樽身設計其實好簡單,一個圓盒,上面印上簡介同埋用法~

佢質地好凡士林咁,係硬身既膏狀~配有一個小匙了佢出黎,不過我多數用手指就算~
用果時用手指打圈溶一溶佢就好易了到足夠既份量出黎用~用好小就夠全面啦~
睇佢個名以為佢個味會係蘿蔔味,我其實唔鐘意食蘿蔔,所以都有d驚驚地係怪味~
但估唔到佢係薰衣草味,我好鐘意!!!用果時真係relax d 架~

用法都係一般咁,上面之後打圈按摩就得~仲可以用埋係眼既位置^^
按幾按眼上面既眼影、眼線、睫毛膏都開始甩得七七八八lu~

之後用暖水+毛巾洗乾淨就得ga啦~
因為佢冇化學成分,所以加水過果時冇平時用開既卸妝油乳化既效果~

係比平時過水耐小小先乾淨ga啦,不過用埋毛巾幫手就冇有怕,好快洗得乾淨^^
我用既都係The Organic Pharmacy有機潔膚棉,連毛巾都係有機ga^^
條潔膚棉摸上手唔算好軟,但配合埋cleanser果時就效果好好,
而家除左卸妝會用佢之外,我平時用手工皂洗面時都會用佢^^
洗完感覺好乾淨,有用左磨沙咁既效果ga~

卸妝效果好滿意,因為真係好乾淨,我搽到好狠既睫毛都卸得乾乾淨淨^^
加上佢最好係卸完之後一d都唔乾,皮膚有光澤感~
雖然,用佢真係比平時用普通卸妝油用多左時間~
但用佢一d都唔會傷皮膚,相反反而會對皮膚好~
價錢方面,$590蚊睇落去唔平,但佢每次分量用好小,
一樽分量我估以我速度,應該用到5-6個月,除返開都係100蚊到一個月~
付出多小小既金錢同時間,可以對自己既皮膚好d,都係一個唔錯既選擇呀^^

2012/02/02

鑽石V面瘦瘦瘦

除左美白係我365日都會做之外,另一樣就係瘦面啦~
我唔算肥,但天生一塊包包面,所以一到冬天見唔到手腳就俾人感覺肥左好多啦~
所以每次有瘦面既野我一定會試^^

今次試既係MASK HOUSE既V型纖面膜,我試既係體驗裝~
有一塊纖面mask同一條壓力瘦面帶係入面~

佢主要功效係可以:
-  消除水腫, 能主動將脂肪細胞穩定轉換成纖維組織(lipolysis),
    有效疏導皮膚表層因脂肪積聚而引致的水腫問題。
-  
提升面部輪廓,肌膚緊緻度 Firmness Improvement Up to 20%-  促進面部肌膚組織內含的骨膠原密度,有效促進肌膚承托力(細胞張力),
    從而提升面部輪廓,肌膚緊緻度瞬間提昇20%。
一塊mask就做到燒脂、補水同提升,都幾方便呀~

用之前量一量塊面先,有25cm,睇落去包包臉,水腫lor~

用法好簡單,只要將塊mask敷係面同頸就得~
因為我水腫勁,所以自己再加左保鮮紙上去,
一來唔想整dirty條壓力帶啦,2來想盡力谷一谷!!!!加強mask既吸收力~
不過如果皮膚敏感既朋友就唔好學我咁啦~哈哈~

之後帶返壓力帶廠30-40分鐘就得~壓力帶可以自己教鬆緊,又有耳位同下爬位~帶住都唔算辛苦既~
一路敷就feel到塊mask係度發熱,我加埋保鮮紙焗住梗加不得了!!
真係敷到出汗!!敷左20mins都頂唔順要除返塊保鮮紙透透氣~哈哈~
但我覺得帶左壓力帶其實真係幾樣衰下,好似俾人打腫左塊面要包紮咁....哈哈哈哈~
不過可以瘦到面的話樣衰下都冇所謂啦~

我一共敷左35mins,就咁睇相,都輕輕發現塊面冇咁水腫,
雖然冇deep V面既效果,但我自己摸落塊面都冇咁包,係有分別GA喎!!!

再度一度,由25cm減到21.5cm呀!!!!

唔度都唔知減左足足3.5cm呀,可能我係水腫型,
自己又多手加保鮮紙焗佢出一出汗,所以效果出黎真係唔錯呀~但只係keep到一日咁大把~哈哈~
得一塊mask試得一次真係唔敢講佢超work~但都起碼有效果睇到呀^^
set野其實我最like佢條壓力帶,我覺得佢係幕後功臣黎ga!!
因為我自己而家都有keep住2日左右就用佢條壓力帶加瘦面產品,出黎都work ga喎!!!
雖然冇用佢塊mask一齊用果時咁快見到效果,但用多幾次都唔差ga~
所以就算用左塊mask都千其唔好掉左條壓力帶呀^^