Clarisonic潔膚初體驗^^

上星期超開心出席左Clarisonic X @#$%&既活動，勁興奮!!! Clarisonic既聲波深徹淨膚儀應該好多人都認識，個個評語都好好，睇到我超心動!!! 今次有機會現場了解同試用佢地最新既Clarisonic PLUS，開心開心^^ 現場除左展示左要介紹既Clarisonic PLUS之外~ 仲有齊咁多款刷頭，同埋Clarisonic Mia 2，Mia 2就係我之前心動果部啦~ 比較之下佢細部d 同埋輕巧d~ Clarisonic PLUS同Mia 2除左外型唔同之外，功能都有分別ga~ 簡單黎講Mia2 係專for洗臉，有兩種轉速同埋一分鐘計時器~價錢就平d ， $1,320~  而Clarisonic 就可以用係臉&身體，臉既模式有3種轉速，身體模式兩種震動模式， 仲可以有一或兩分鐘可調校計時器，功能多左，價錢都貴小小，$1,990~ 仲有一部叫mia，佢都係洗臉專用，迷你版黎，只有一種轉速，只有一分鐘計時器，價錢經濟d，$1050~ 經濟許可既，當然揀PLUS啦，實惠D買mia都唔錯^^ 刷頭都有好幾款ga，唔同刷頭照顧返唔同膚質既需要~ 其實刷頭最大既分別就係刷毛的長度同軟硬度，如果刷毛長d，震動幅動就會越細，就會冇咁刺激到肌膚啦~ 活動當日職員都好詳細講解左Clarisonic PLUS既功效同原理俾我地聽~ 原來Clarisonic聲波深徹淨膚儀係由超聲波電動牙刷 Sonicare®發明者研創ga~ 佢地既專利聲波技術，微按摩震動頻率176Hz能夠貼合肌膚天然彈性，達致最溫和聲波按摩效果~ 而且用Clarisonic淨膚儀比用手潔面乾淨 6倍ga!! 因為佢每秒震動超過300下，而聲波震動可以有效去除肌膚表面同毛孔內殘留既化妝品、污垢&雜質~ 皮膚洗乾淨d，可以更有效吸收護膚品既養分tim~ 持續用仲可以改善粗大毛孔，撫平細紋及皺紋，令面色更加均勻^^ 之後仲有同其他品牌潔膚儀係一塊絲襪質地既板做比較，絲襪就代表我地既肌膚~ 好明顯見到其他品牌既潔膚儀因為靠轉動，所以會拉扯皮膚~ 而Clarisonic係用聲波震動，所以只係見到絲襪輕輕震動，一d都唔會拉扯，咁就唔會傷到肌膚啦~ 當日仲即場邀請左一位blogger出黎做示範，用完佢都話好舒服，睇落白淨左tim^^ 貼心既職員仲邀請我地開左自己果部Clarisonic PLUS出黎試用，有咩唔明可以教我地~ 聽完佢詳細教授之後，發現Clarisonic PLUS一D都唔難用，其實就好似一部大既電動牙咁~ 只要將塊面濕水，將洗面膏吱係刷頭或者直接搽係面上，之後洗臉，咁就搞掂，So easy!!! 有用Clarisonic既分別真係好大呀!!!!用左果隻手明顯白左好多~ 搽既護膚品都好快吸收哂，相反冇用果隻手D護膚品仲未吸收，係面層所以油笠笠咁~ 原來皮膚乾淨同唔乾淨對護膚品吸收真係好大影響ga!! 當日既介紹真係好詳細，清楚易明，仲有美食飲品，真係好多謝Clarisonic熱情細心既招待，好開心!!! 而收到Clarisonic PLUS後我就急不及待開左黎用，暫時感覺都唔錯~ 至於效果，用多幾次先同大家分享啦^^

Enchanteur給你柔滑呵護，持久留香^^

Enchanteur艾詩香薰沐浴露我估應該人人都唔會陌生啦~我真係細細個就識佢~ 記得好細個果時，我見媽咪都係用佢ga，印象咁深，因為記得佢係好香!! 不過唔知係咪果時黎講算係比較貴，所以媽咪自己收埋黎用，我就冇機會用啦~哈哈哈哈~ 而家人大左當然有經濟能力自己買黎用啦，同埋以而家既市況黎計，Enchanteur已經變得好親民價lu^^ 而且Enchanteur都轉左新包裝，外形比之前新穎d，但我就比較鐘意舊包裝，好似高貴d嘛~ 不過外型對我黎講冇咩影響，最緊要有內涵~唔好用既幾靚都係假!! 艾詩 Enchanteur 芬香沐浴露蘊含珍貴香水精華及獨特的嗜喱狀配方~ 特别添加玫瑰精華，温和潔淨肌膚的同时保濕滋潤，芬香細膩的泡沫肌膚柔潤細緻~ 讓人置身於清香中，持久留香。我手頭上就有ROMANTIC同ELEGANT味既沐浴露~ 呢隻粉紅色既就係ROMANTIC味~ 而黃色既就係ELEGANT味啦~ 2支功能其實一樣，最主要既分別都係氣味~ ROMANTIC就好香玫瑰花味，而ELEGANT就清ROMANTIC小小，但我唔知係咩花香~ 2者都好好好好香，我自己比較鐘意ROMANTIC，勁愛!!! 吱出黎係gel狀，同個樽一樣，一隻係粉紅色，一樣就黃色^^ 用浴波波好輕易就起到好多泡泡，沖完涼唔止個身好香，簡直係成個廁所都香哂~好正!! 而且最好係沖完唔會乾，都幾保濕，唔搽body lotion都ok呀~ 摸上手都滑嘟嘟~好難得連老公都話好用，用哂我一定會再回購呀^^

止汗新體驗~ 純淨、溫和、無添加^^

天氣開始越反越熱，大家準備好止汗產品未呢??止汗都要小心d揀喎~
如果你係屬於敏感類型，係揀止汗產品既時候更加要注意呀~如果唔係敏感就大件事啦~!!
Dove盲好貼心，最近就推出全新乾爽低敏感止汗系列~
有噴霧裝&香體露兩款選擇^^

Dove乾爽低敏感止汗系列，係市面上第一款無添加的女性止汗產品黎ga^^
為敏感性肌膚提供純淨、溫和及無添加既48小時止汗保護，令肌膚長時間乾爽舒服~

呢個系列除左無香料、無色素、無酒精& 無Parabens等化學物之外，
仲蘊含1/4潤膚乳，止汗同時滋潤腋下肌膚，令到腋下細緻柔滑，幾時都白白滑唔怕尷尬啦^^

噴霧裝噴出黎既止汗劑都好細緻，分得好散~唔會話噴到成個underarm都濕哂~~~

除左噴霧裝，仲有細細支既香體露~
佢同噴霧裝唔同既係香體露係液體黎，細細支好方便帶出街易便不時之需~

打開蓋就見到個圓波波口，就咁直接碌係underarm位置就得ga啦，好方便~

佢都算吸得好快，唔使驚會印到件衫周圍都係~呢支真係一d香味都冇~good呀!!!
用左幾日，止汗方面好work，好滿意啦~咁就唔怕成身汗味或者腋下有汗水印咁尷尬~
有左佢真係冇哂汗味，夏天真係舉高手都冇有怕啦!!

牛乳白滑美肌體驗~淨白、滑膚、保濕一take過^^

Regene呢個品牌你有用過嗎???我中學時期都有用過ga，因為我媽媽係佢既fans^^
媽媽話有好多款產品都好好用，而且又唔貴，所以到而家媽媽都keep住用佢~
而今年Regene新推出牛乳白滑亮肌護理系列Milky White Series 美白四重奏~~
每款Milky White Series產品都含有6大美白修護成份，令肌膚全面淨白~
* 黑桑提取物提煉的白藜蘆醇 ~ 有效抑制黑色素
* AA2G之維他命C複合物 ~ 打散黑色素形成、三重修護
* 花青素~ 高效抗氧力、阻截自由基      *β-葡聚醣~ 保護真皮層
* 水解蠶絲蛋白 ~ 鎖水滋潤        * 牛奶精華~ 修護肌膚
主力抑制。阻截。打散。修護~~~~~~

第一樣就係牛乳白滑潔面泡泡 ($188 / 100 ml)
含乳酸鈉及乳酸 ~ 強效保濕、平衡肌膚pH值 ~

佢係我最鐘意既泵裝設計，一吱出黎係係豐盈既泡泡~仲幾香tim~
洗完感覺好乾淨，又唔會崩崩緊，洗完一刻感覺白淨左，當然之後打回原型啦~哈哈~

牛乳白滑保濕爽膚水 ($198 / 120 ml)
含酵母提取物 ~ 有效均勻肌膚、煥發淨白剔透 ~

質地係透明水狀，我會用化妝綿全面抹，抹完感覺水潤d^^

牛乳白滑亮眼精華 ($328 / 15 ml)
含米糠萃取物，豐富絰他命可以具抗氧化
細葉益母草促進血液循環，減淡黑眼圈
乙醓基四增強肌膚耐受力、改善細紋及浮腫

呢支眼霜質地係gel，好輕，好易推開，對眼部皮膚真係零負擔呀~

牛乳白滑活肌修護霜 ( $228 / 45 ml)
小核菌膠含菌類植物多糖體 ~ 有效保濕 ~
乳木果 ~ 加強鎖水及補水功效 ~
酵母提取物含豐富胺基酸及維生素群 ~ 有效調理肌膚 ~

質地係cream狀，對我黎講而家咁既天氣用初初搽果時會有小小笠~
按多幾按等佢吸收左就會好d，如果開冷氣用佢就岩岩好啦^^

係早上既時候，我就會用佢，牛乳白滑透光淨亮乳液 SPF15 PA++  ($268 / 30 ml)
青刺果精華 ~ 具再生修復和保濕作用

佢集BB cream既速效、修護及防曬於一身，朝早趕時間用佢真係好方便ga~
雖然佢防曬指數得SPF15 PA++，但如果好似我咁返工之係行5分鐘露天地方其實都ok既~
不過返到公司當然最好再補一補啦，確保有十足保護嘛^^

 想加強效果，就要用埋牛乳白滑水盈嫰膚面膜 ($298 / 50 ml)
佢含有維生素E及B5，有抗氧化功效、有效修復紫外線修害的肌膚~
 
佢係洗水式面膜，仲有埋一個小掃用黎上面膜，好鬼方便~
只要每星期使用2至3次，在潔面後塗在臉上及頸部10分鐘，然後用清水洗淨就得ga啦~
敷完會覺得d皮膚透白左，同埋摸上去好滑ga^^

雖然用左set野唔係好耐，但佢俾我感覺都唔差呀~
希望keep住用落去，可以擁有白滑既肌膚迎夏日啦^^

Telford Beauty blogger tour - MIOGGI六角水昇華系列( 快d報名啦^^)

上星期，好開心再一次到Mioggi位於德福既分店出席 Telford Beauty blogger tour活動~
Mioggi係德福廣場第一期，好容易就搵到啦^ ^

由Moiggi靚靚化妝師向我哋介紹產品&示範妝容~
而今次重點既主角就係六角水昇華系列啦^^
整個MIOGGI六角水昇華系列都蘊含濟州島純淨六角水，
可以迅速賦活細胞，深度補濕、抗氧及舒緩敏感乾燥ga~
而且不添加羥基苯甲酸酯類防腐劑、硬脂酸胺、石臘類界面活性劑、
石臘油類界面活性劑、酒精、人造香料及人做色素成分tim^^

當日整個示範妝容都用上MIOGGI六角水昇華系列同埋佢地既皇牌BB cream^^
中間透明藍色樽就係六角水昇華24小時噴霧啦(100ml / $200)
佢蘊含50%純淨玫瑰精華及多種天然補濕因子，能為怠倦乾涸肌膚速效補充大量水分，兼具爽膚及鎖濕效能。
化妝前後都可以用ga，可以令妝效更貼服持久tim~
我都有拎黎試過，真係好香ga，聞落去都令人reax左tim呀^^

當日化妝師由爽膚、保濕、面霜，一一做好打底功夫~
之後就用底妝塑肌儀係model面上輕輕印上BB cream，掃上碎粉~
一個簡單貼薄嘅妝容都唔使10分鐘都完成左，真係好方便呀^ ^

睇落去d皮膚好水潤，彈彈下咁，BB cream出黎既效果真係又貼又薄ga^^

model就係用左呢個六角水昇華滲透霜打底啦(30ml / $390)
佢蘊含極豐富礦物元素的濟州島純淨水，帶動無可媲美的補濕效能！
其水分子團與人體相近，能使養分、水分一一全面滲透，讓細胞真正「飲飽水」。
另結合多種草本修護精華，有效紓緩敏感同時對抗氧化，保護細胞免受游離基侵害，重煥前所未見的水盈肌。

佢可以深層注水，撃退乾紋 * 鎮靜肌膚，紓緩敏感 ~
高效滲透，持久水潤 & 修復細胞，強效抗氧 ~
質地係好輕既cream狀，推開會慢慢變成水珠，吸收得好快ga!!
六角水昇華滲透霜可以單獨使用或加插入任何護膚程序，以加強修護效果tim^^

如果有齊整個六角水昇華系列，跟仕個護膚程序做效果更好ga^^
Step 1  六角水昇華潔面泡沫
Step 2 六角水昇華淨肌面膜 或 生命水
Step 3 六角水昇華24小時噴霧
Step 4 六角水昇華滲透霜
Step 5 六角水昇華乳霜

除左六角水昇華系列，當然仲介紹左Mioggi既皇牌，bb cream啦~
圖中既底妝塑肌儀我自己都有用開ga，真係好好用，細細個就算帶出街都好方便^^

當然試開六角水系列，我都試埋呢個六角水閃鑽BB Cream啦~
佢都幾水，好易推開，而且推開後有d細細既閃粉，出黎既效果會令你皮膚光澤左，感覺白淨健康d^^

睇哂示範就參觀一下店入面啲產品啦，產品種類真係有好多，
而且放係度都可以任試，如果有咩想問，店內嘅職員都好樂於解答架^ ^
開開心心咁就玩左一日啦^^
你都好想參加呢個Telford Beauty blogger tour活動???
只要你係Beauty Blogger就即有機會參與美妍活動啦^^
詳情可以去呢個網址報名啦~http://www.telfordbeauty.com/happenings.php~
快d報名啦，下一次去體驗既可能就係你，good luck^^

Faith-in-face密密敷、連續敷，皮膚變得白滑滑^^

自從月頭買左Faith in Face水凝膠面膜，介紹請按我~
個mask俾我感覺真係唔錯，買果時店員都有講過連續敷個效果會仲好tim ga!!

因為我最鐘意美白，而且又想搞返好d暗瘡印，所以証左連續敷2日，睇下效果係咪真係會更加好!!

但我好衰格，十次有八次敷mask既時候都會訓著覺= = zzzzzz
好彩既話訓幾個字就自己識醒，但都試過敷住塊mask訓左成個鐘，結果敷完=冇敷咁......
好不幸....敷緊Faith in Face再一次訓著左，訓左45mins先識醒....
不過竟然冇咩事發生，冇俾塊mask吸返我面d水份呀~
塊mask都keep住好水水咁，不過就俾之前薄左同縮小左~
我諗係因為Faith in Face既水凝膠面膜同市面一般紙面膜不同，
水凝膠本身就係精華，所以佢唔會反吸收~只會慢慢融化，所以先會越來越薄~
咁即係表示精華真係有慢慢地滲入肌膚喎^^!! 如果唔係今次訓著左都唔知佢咁好tim~good!!!

連續敷左2日，皮膚狀態真係好左，真係feel得到咁白滑!!
暗瘡印都淡色返小小啦，好開心!!除左白，皮膚都水左，彈性好左呢^^
可能皮膚好左太吸引，塊面竟然俾隻蚊咬左一啖.....激氣呀!!!哈哈~
之前買既Faith in Face已經用哂，係時候又要去入貨啦~要買多幾塊看門口先得^^~