2010/08/31

有B liv搽黑頭,以後唔駛支支支.~~~(有肉酸鼻一個)


今次有得試用B liv  off with those heads,去黑頭野~真係好開心呀~
睇過佢介紹都覺得佢好吸引^^
B˙liv by Cellniq 毛孔淨肌凝膠,能清理黑頭、
改善旺盛油脂分泌問題及去除毛孔污垢,讓肌膚回復潔淨柔滑。
凝膠的潔膚及護膚成份,包括茶樹油、尤加利油、
金縷梅萃取及蘆薈精華,特別針對暗瘡肌膚的常見問題。
適合毛孔粗大及混合性肌膚。

佢係泵裝,用起上黎好方便呀~按一下已經夠哂~~~

支出黎係透明gel咁,聞下有陣薄荷味~
搽上去有小小涼涼地,不過好快就冇左個感覺lu~

吸得好快,但就冇話搽完有好保濕果d感覺~
只可以講佢唔會好乾lor~哈哈~不過毛孔好似細左d~
係時候睇下我未用之前個鼻係點啦~不過影左出黎我覺得好肉酸.......哈哈~
大家要有心理準備.....

我黑頭就唔算有好多,只係間唔中先有1,2粒,不過白頭就真係好多啦~
一粒粒突起好恐怖,最衰係黑頭貼果d都痴唔到出黎~
要用手支先肯出黎,次次都搞到個鼻紅哂,有時仲會支到甩皮......幅圖可以見到....
唉~次次咁樣清真係好鬼痛,同埋好麻煩....

咁用左B liv  off with those heads大概7日到,效果唔係話冇,不過仲係唔係好明顯~
不過只係用左7日,有白頭d位好似小左,皮膚好似有光澤左,同埋毛孔真係細返d~
但之前俾我支到甩皮既地方keep住未好返~
總括黎講,用左7日都有小小效果見到我都好滿意ga啦~
佢用法真係好方便,搽下咁就可以消滅d黑頭,之後都唔駛再支lu^^
希望keep住用有一日會冇哂d黑頭啦^^

2010/08/27

OLAY跨越保濕界限 多元修護清爽凝乳換領日 ~詳細資料^^

岩岩收到呢個mail~分享俾大家希望你地岩洗啦^^

咁多位Bloggers朋友,
多謝你地一直支持OLAY!OLAY於九月三日將會舉行「OLAY跨越保濕界限 多元修護清爽凝乳換領日」。只需帶同保濕產品瓶來臨香港尖沙咀iSQUARE 3樓,便可免費換領全新OLAY多元修護清爽凝乳#4解決肌膚老化問題,由第一道細紋開始!
我們當日特設Bloggers專線,讓Bloggers朋友們可以換領OLAY及日本天才插畫家Kyoko Aoyama(青山京子小姐)的限量版OLAY多元修護清爽凝乳乙支#4只需帶同保濕產品瓶,來臨香港尖沙咀iSQUARE 3樓填寫Blog資料,便可免費換領#4
快點把這個活動訊息post 上網,告訴你們的Bloggers朋友及讀者們啦
當日更有免費專業肌膚測試,為您檢查肌膚問題,從而解決所需!
活動詳情:
日期︰         201093 (星期五)
地點︰         尖沙咀國際廣場iSQUARE 3
換領活動時間︰ 11:00am – 8:30pm
參加辦法      參加者於活動時間內帶備一瓶在香港大型百貨公司#1、萬寧或屈臣氏內設有專櫃或在香港擁有獨立專門店的美容護膚品品牌;以及價值港幣200元或以上的專櫃品牌#2面部濕乳霜或濕精華#3,便可於場內換領一瓶全新OLAY多元護清爽凝乳#4

#1香港的大型百貨公司及大型個人護理店:崇光百貨、西武百貨、吉之島、千色店、一田、連卡佛、Harvey Nichols、萬寧、屈臣氏。
#2 專櫃品牌不包括任何美容中心的產品或平衡進口品牌產品。
#3 不包括抗皺霜護理產品、潔面產品、爽膚水、面膜(眼膜及頸膜)、面部磨砂產品及化妝品類。
#4數量有限,換完即止。
詳情請參考附上之資料啦
查詢電話:2833 8468 (星期一至五 10:00am – 5:00pm) (830日開始運作)

2010/08/23

Methode SWISS 除左淡斑,去印都好work喎~入黎睇下有幾勁!!

今次要試用既就係佢~Methode SWISS 360o全方位重點美白淡斑精華

我之前都用過佢支防曬,對佢既印象都唔差ga^^今次試既係淡斑~先睇睇官方既簡介:
Methode Swiss(瑞士蜜黛詩)WHITENING CARE重點美白淡斑精華,
藉由因對黑色素形成的突破性了解而誕生的三個配方的協同作用,
幫助消除頑固的色斑、調節黑色素生成、刺激細胞更生、保護肌膚免受污染傷害,
以顯著地亮肌,令面色均勻一致。
講到好似真係好勁咁喎~所以一收到就即刻開黎試下work唔work~

佢係牙膏形包裝,加左個泵,我估佢原意係想方便d~
但第一次用既時候,我按左5mins都未按到野出,可能個包裝太大而佢又得15ml,
搞左好耐先支到出黎,而且好難預用幾多,一係支得太多,一係就太小~
呢樣係我唔係好滿意既地方~~~雖然我一開始就彈佢既包裝唔好,
但係咪真係咁差呢????哈哈~睇下就知~

按一下,分量已經夠全面全頸用~~而佢既質地係比較杰身~呢樣野我都估到,
因為之前用佢支防曬都係咁,雖然佢係杰身d,但一d都唔會笠痴痴,又唔會油~

推開之後,會有d光澤,唔會乾,睇落去d皮膚都靚d~哈哈哈~
我試左大概十多日啦,有咩效果呢~~~~老實講,我本身都冇咩斑斑(托賴托賴^^)~
係得幾粒係面同眼下面,唔算好深,依我觀察,佢睇落去真係淡色左小小,
影相出黎就唔係好覺,話哂唔係用左好耐嘛......所以都正常既~哈哈~~
不過我發現佢除左去斑得之外,仲有一樣意外就係去暗瘡印.....
斑我係唔多,係頑固既暗瘡印就真係唔小~好彩我用之前都有影左粒印比較下~

未用之前,經我手痕支下佢,就留低左一個好深色樣衰既印啦.......
其實次次支完我都好後悔,不過次次都忍唔全去支,有時d野真係自己攞黎搞...唉

用左十幾日之後,真係淡左好多呀!!!!開心死~
未試過有一隻產品用十幾日就淡到我d暗瘡印......除左印淡左,好似仲白左tim呀!!!
當我發現可以淡印之後,就好努力搽搽搽,加上唔駛自己錢買既就用得更加豪~
所以用左十幾日之後,已經俾我用到佢變成咁.....哈哈哈哈

凹哂lu~哈哈哈~不過其實仲有好多既,應該仲用左幾個月~~
今次呢個試用~我真係好好好滿意呀^^

2010/08/21

想化個自然風既隱形妝~有佢真係話咁易^^

我一向都好小寫妝文,因為自己都唔係化得叻~
真係冇咩心得可以同大家分享~哈哈~
不過今次好想介紹2樣好好用既產品俾大家~就係:

就係Heroine Make持久眼線筆同Heroine Make纖幼眉筆啦~
大家覺得Heroine Make陌生嗎? 如果一提Kiss Me,咁大家都唔會陌生卦~
其實Heroine Make是日本大型美容集團Kiss Me旗下品牌。Kiss Me早於1825年於日本成立發展至今已有185多年歷史。Heroine Make則於2005年開始發售,於短短五年間已累積銷售達1200萬件產品,成積彪炳﹗其艷麗金髮娃娃icon早已廣為日本女生熟知。

先介紹一下Heroine Make持久眼線筆~佢有黑色同啡色揀既,我呢支就係黑色~
²          免刨設計、特幼筆芯,方便易控制﹔
²          防水、防汗、防油脂,眼線持久美麗,大眼妹造型垂手可得﹔
²          特設刷頭,方便揉開眼線,可塑造燻煙眼的理想效果﹔
²          蘊含野玫瑰精華及甘菊精華保濕滋潤成份,性質溫和,可每天安心使用。
筆尾仲有一舊軟海綿,可以揉開條眼線就佢唔係咁實色~
個頭都幾幼,輕輕一畫就上色~扭出黎唔駛刨真係幾方便^^
Heroine Make纖幼眉筆就有深啡同自然啡揀,我呢隻係深啡色^^
²          備有免刨設計,只需轉動筆身即可使用;設計輕巧易用,簡單方便;
²          1.5mm直徑極細筆芯,容易掌控,能仔細勾畫每根眉毛至理想眉型,突顯面部輪廓;
²          防水、防汗、防油脂,眉妝可以持久美麗,不易溶化;
²          含野玫瑰精華及甘菊精華保濕及滋潤成份,性質溫和,可以每日安心使用;
筆頭真係好幼,得1.5mm,都係扭出黎好方便^^
講左咁耐要試下眼睇一先~先黎一眼素眼~~~
我既眉毛都唔算淡,係眉尾比較疏小小,未畫眼線就比較冇精神~
而家睇下畫左眉同眼線既效果先^^
唔知點解張相咁黃.....不過是但啦都睇到效果^^
畫返條眉即刻整齊好多啦~而眼線我都唔係畫好粗,
係眼尾加長左~下眼線尾再畫小小揉開去~隻眼即刻精神哂^^
最後夾高返d睫毛就搞掂啦~好簡單~
合埋眼都唔會覺得好濃妝,一條幼眼線,唔留心都唔覺畫左既,如果畫得靚d...哈哈

有個小小地方要注意,就係用果時唔可以扭太多出黎,可能佢幻,所以比較易斷~
不過49蚊一支,唔駛100蚊就買齊眉筆同眼筆,真係好超值呀^^

2010/08/20

試用20日olay高效透白系列有結果啦 (長篇長篇....支持下^^)


之前都已經提過我有幸參加olay x HKcosme 既試用~
係olay最新高效透白系列~而家已經用左幾唔多20日啦~可以報告一下情況^^

先講下高效透白水凝霜 (50ml /$179.9)
蘊含高效透白系列中最有效及穩定的權威美白因子SEPI WHITE及大眾認同的Niacinamide 外,
更含有角鯊烷以及維生素C醣甘等珍貴亮白成分,帶給女士高效透白肌膚的同時能提供全天候長效保濕效果。

佢既質地好得意,個樣就好似cream咁,但其實又好水ga喎~一d都唔油~
唔駛好多既份量都足夠搽哂成塊面~而且仲幾香tim^^

一推開,就會發現好易推同好水潤咁~

再按多1分鐘,已經完全吸收哂~變得好水,同埋滑左呀^^

搽完高效透白水凝霜就要搽埋olay高效透白精華( 40ml/ $229.9)
嶄新滴管設計是OLAY 第一款頂級滴管淡斑精華,可帶給女士28天便看得見的美白效果。
主要成分包括獨有美白因子SEPI WHITE,及全球認可的美白成分Niacinamide及Hesperidin,
加倍增強美白效果之餘,更能保濕及均勻膚色,由內而外看見水嫩透白美肌。


因為係滴管式設計,所以用起黎好方便,份量好容易控制~
佢質地就比較水,一支出黎已經漏黎漏去啦~哈哈~同高效透白水凝霜一樣有陣香味~幾好聞~~~
我部相機比較cheap,其實佢lotion入面有d閃閃地咁,但又唔係閃粉,好得意~

佢比高效透白水凝霜更加易吸收,基本上推開後影完幅相佢已經吸收哂咁濟~~~好勁!!
搽完之後feel到又水潤左,比就咁搽高效透白水凝霜更有光澤^^

如果係朝早,最後一個步驟就係搽埋輕透隔離防曬乳液 (50g/ $139.9)
蘊含「獨特隔離科技」UV PROTECTM ,不止強效阻擋陽光UV,更能阻隔其他生活中常接觸的「十大UV光線」,
包括UVA、UVB、室內的影印機光、射燈、閃光、光管、水銀燈、慳電膽、LED燈光、UV light 殺菌燈、鎢絲燈,
為女士們的美白抗戰作最前線準備!

質地其實同一般防曬冇咩分別,都係要搖勻都用~不過我覺得有陣防曬味~哈哈~

推開係好鬼薄,都唔會油笠笠,冇話搽完之後變左白面人,幾好呀^^
總括黎講,set野我幾滿意ga,因為我好怕d好笠既product,
而呢set野正正係清爽得黎又唔會乾~加上價錢方面都唔係貴呀~買得過^^
至於美白方面,其實未用之前我都唔係好大期望,因為我覺得美白係長久戰,
佢話搽28日就會見到效果我真係唔係幾信~哈哈哈哈~不過有得試當然會試啦~
試用之前我都講過曾經去左annie G到試下粉底顏色,其實用左差唔多20日之後要再上去一次試多次色ga~
未上之前我自己都唔覺得自己白左,因為日日見住自己嘛,不過就覺得皮膚係光澤左~
點知試色後發現粉底比之前淺左半度呀~~~好勁!!!估唔到真係有白到!!
只係20日到就係效果,真係好滿意呀!!我會keep住用埋佢^^
至於缺點呢,我都搵到一個,其實唔關個品質事,而係.....

我覺得個包裝方面比較浪費lor,3件產品製造左6個垃圾出黎~好似唔係好環保咁~
希望呢方面可以好好改善一下啦^^
最後再一次多謝olay x HKcosme 俾今次既試用機會我^^

2010/08/13

In Essence大地花香沐浴露 -真係好香呀^^

每一日,除左訓覺,我最享受就係沖涼果刻~因為沖完涼真係好relax!!
而我揀淋浴露都冇咩好高既要求,平只要佢夠保濕同香就得~
今次試用既就係In Essence 大地花香沐浴露~

老實講,In Essence 呢個牌子我真係未聽過~不過一收到未試,我已經知道自己會鐘意佢~
因為只係打開個袋連蓋都未開~已經聞到好香既花香味~正呀^^
之後上網搵下In Essence 既資料,原來佢係澳洲首席香薰治療品牌,也是以全人身心健康為概念的市場領袖。
它的產品糅合了古代傳統及現代科技研究。In Essence採用純淨香薰精油,讓產品發揮治療作用,
多年來持有「澳洲政府純植物精油療法貨品管理部門」TGA的註冊證明。
怪唔得咁鬼香啦~~~~原來係用100%純淨精油~~~

個蓋係啪上黎,都幾方便呀,細細支幾好拎~

倒出黎真係好鬼香,黃黃地色,不過佢就比較杰身,好似啫喱咁~~
佢係另含樺樹、銀杏及橄欖油成份,提供潔淨、刺激及滋潤功效,
用後身體每一吋肌膚倍感清爽舒適,心靈都得以洗滌。

不過好奇怪,佢冇咩泡泡既,搓左好耐一個泡都起唔到出黎,只係變左小小奶白色~
用左咁多日,只係間唔中可以搓到小小泡出黎~
 
雖然冇咩泡,不過沖完涼都覺得好乾淨,仲幾保濕,一d都唔乾~幾好幾好^^
沖乾淨左,連隻手都好似白d咁~哈哈哈~最開心係佢陣香味可以keep到呀!!正~
總括黎講,我用左差唔多10日到,都幾滿意,滿足到我保濕同香呢個要求~
係冇咩泡泡沖涼果時就唔係好慣,同埋價錢就貴左d lor~
如果可以平返d就最好啦^^