「輕塑♥美髮」頭髮也來補補水~

之前已經打過一篇「輕塑♥美髮」，因為好好用~
所以我又試埋LUCIDO-L出既另一隻深層修補髮油~

深層修補髮油 ($59 /50ml)
雖然佢寫係曲髮專用，但因為專俾一d受損髮質，髮尾開叉既人用，
所以就算我你直髮都用得ga^^

○ 深層滋養髮絲，修補受損髮質，抑制髮尾開叉，全日保持清爽不黏膩。
○ 蘊含+CMC專業護髮成分，修護頭髮原有的水分儲藏機能。
○ 滋潤油性塗層有效抑制開叉、高效鎖水，徹底修護受損、乾燥髮絲。

+CMC係專業護髮成分，可以修護頭髮原有的水分儲藏機能。

雖然佢係油既質地，但用上頭髮後一d都唔會笠，仲有陣花香味~
用法都好簡單，只要洗髮後，用毛巾輕抹乾水分，逐次按取適當份量，
均勻塗抹於髮尾位置或乾燥受損部份。中長髮者建議按用4-5次份量。
頭髮嚴重受損者可分別於早上和晚間使用本品。

用左之後，頭髮冇咁乾，梳起上黎都聽話d，唔會左撓右撓~~
同埋用左呢隻深層修補髮油，d頭髮光澤左，睇落去都靚好多~
我覺得LUCIDO-L今次出既輕塑美髮系列真係平靚正呀~!!

蝸牛面膜，你試過未???

最近蝸牛黏液做既護膚品大hit~
而我都有幸試美肌之誌既蝸牛極致滋潤活膚納米面膜~
蝸牛黏液聽落去真1係好似好核突咁，而未試之前我都上網睇過蝸牛黏液有咩功效~
原來蝸牛黏液係一種天然皮膚再生產品，含天然的膠原質、
彈力蛋白、尿膜素、蛋白質、多種維生素、甘醇酸、天然抗菌劑等。
可以促進肌膚的新陳代謝，同時能將滋養美白成份帶入肌膚深層，
修復肌膚，繼而恢復肌膚的柔軟、光滑、細緻。
怪唔得而家咁多人都用佢啦~~~

而介紹一下蝸牛極致滋潤活膚納米面膜 ($89.9 /7片)
含有修護皮膚的黏多醣及天然複合物，極易被肌膚吸收。
而微細的保濕分子能快速深入肌膚底層，為肌膚即時提升養分及水分，使肌膚都水潤有彈性。
此外，更會在肌膚表層形成保濕防護膜，減緩水分流失，使肌膚持久飽滿水潤。

結合保濕因子蠶絲蛋白，能在肌膚表面形成水性保護屏障，為肌膚築起完美鎖水牆，
減緩水分流失，令肌膚內外透出水嫩質感。
柳葉蘭萃取含有優越的抗老化能力，溫和舒緩肌膚，減少肌膚刺激，
全面提升肌膚防護力，活化保濕，令肌膚恢復柔軟、舒適，可賦活肌膚並減緩肌膚老化。
維他命原B5，維持皮膚表皮層的保水力，提供深層肌膚的水分，
使肌膚維持健康及細緻，改善肌膚粗糙，使肌膚呈現年輕水嫩，充滿活力。

塊塊mask都注明有效日期，岩哂我呢d唔keep盒既人，咁就唔怕用到過莆mask啦~
而且每一片都有成25+1g既容量精華，係一塊重量級既mask!!!

拆開入面d精華真係好多，拎左申mask出黎仲有好多係袋~
咁我梗係唔會哂，用黎搽埋d手手腳腳啦^^

敷上面，我覺得質地同平時用開既美肌之誌mask有d唔同~
佢比較厚身，而家比較大塊，所以我用起上黎唔係咁貼面，
最嚴重係鼻位，不過都唔影響效果既，最多自己用多出黎既地方補返佢就得~~哈哈~

敷完，真係覺得水潤左，冇左乾既感覺，而且都keep到第2日ga~
同埋d皮膚好似有彈性左，可以真係飲飽左水^^
不過敷mask果時，我覺得塊mak好似會收緊d皮膚咁~
每一次敷完塊面都會印左塊mask既橫紋係度.....好彩好快會退ja~~~
總括黎講，濕水方面我真係好滿意，價錢又平，如果可以改善一下個mask型就更好啦~
以後買美肌之誌又多一款選擇啦^^

裸妝冇難度~零毛孔、無重感，純淨無瑕亮麗肌^^

萬眾期待，MAYBELLINE8合1純礦物BB Mousse終於係11月登陸香港，
之前香港未出果時佢已經係網上熱爆，試過既都話好用~
我本身都係MAYBELLINE既用身，佢D睫毛液真係又平又好用~
而家香港都有，我當然都要一試啦~

簡單介紹下佢先~Maybelline8合1純礦物BB Mousse (Maybelline Pure Mineral BB Mousse) ($149)
輕盈泡沫質感的8合1純礦物BB Mousse，採用了全球首創無重力慕絲技術，
可完美修飾面上毛孔，緊貼肌膚表面。
蘊含8大有益肌膚的天然礦物成分，不添加任何香料或油質，
帶來8大美肌效能，包括 修飾毛孔、改善膚質、保濕、遮瑕、抗UV防曬、控油、潤色、隔離等八大功效，
添加高效保濕玻尿酸，令皮膚綻放水潤光澤。

我承認我崇日，每次見到made in Japan既產品都特別開心同放心~
而且佢無香料，仲有SPF 30，冬天用連防曬都唔駛用lu~

用法好簡單，支一個兵乓波咁大既份量已經夠全面用~
佢質地真係好soft，好輕，所以出黎既妝感一d都唔重，
我呢支係自己色，又真係好岩我本身既膚色喎~

我本身都係S牌既mousse base，我覺得佢地無論包裝、質惑都好似~
可能係因為姊妹品牌卦^^顏色方面我自己就鐘意maybelline多d~
因為比較自然，唔會有泛白感覺，可能一個係base，一個係bb cream既分別卦~
同埋我覺得maybelline冇S牌咁乾~而且價錢平一半，真係抵用好多呀!

今次我淨係用手指搽上面推開，試下佢既質感~
佢比我既感覺真係好輕，好smooth~薄薄搽一層都遮到大部分瑕疵~
當然，如果用掃或者用海綿上可以做到更薄，效果會更加好啦~
同埋佢係礦物BB Mousse，化妝品最緊要就係唔傷皮膚~佢連呢點都做得到~
又添加高效保濕玻尿酸，所以就算冬天用佢都冇問題!!
有左佢，以後要化裸妝真係冇難度啦^^

我開始左我既第一支神仙水，你呢?

兩個星期前，好開心知道可以試SKII~
試之前仲安排咗我去SKII沙田分店做皮膚分析~
睇一睇我未用之前既皮膚狀況~
職員好有禮貌，知我係blogger就俾我隨便影相~
不過好可惜當日影既相因為記憶咭壞左咩都無哂！好慘呀！！
同埋做左一個叫五維肌膚測試既分析~
測試係針對判斷皮膚既光澤度、細滑度、緊緻度、抗皺度、白皙度五大問題~
我記得最佳皮膚係有5個D，不過我只係得到抗皺度1個D乍…
其他全部唔夠70分.........唉......

之後職員小姐就俾左今次試用既套裝我啦~
分別有嫩膚清瑩露、神仙水同埋Mask一片^^
職員小姐話只要用2星期皮膚就會有改善ga啦~
最後佢仲鞠躬送我走，真係好好禮貌同笑容!!!!值得一讚!!!
拎到返屋企第一晚就開始用啦~

第一步用既就係嫩膚清瑩露，我呢支係40ml既size~
雖然唔係貨size，但包裝設計都係好仔細ga~
made in japan同埋冇香料既~

嫩膚清瑩露係拭擦式既淨化液，幫助清除角質同老化皮膚~

佢既用法都好簡單，只要將嫩膚清瑩露倒係化妝棉上，輕輕抹全臉就得~
抹完之後就會發現化妝綿黃黃地~果d就係皮膚上面既dirty野黎啦~
我都試過用導出機，黃黃黑黑既仲明顯呀!!!

之後就係用skii最出名既神仙水啦~
都係made in japan同冇香料既~~

其實神仙水都唔駛介紹咁多，因為好多人都知佢係好好!!
pitera可以深入皮膚，提升皮膚既光澤度、細滑度、緊緻度、抗皺度、白皙度五大關鍵!!
放大2倍抗老功效，都咪話唔勁!!

佢既用法都係好簡單，用5蚊既份量倒係化妝綿搽勻全臉~
之後反轉化妝綿輕輕係臉上面拍，可以幫助更加吸收~
職員小姐見我d皮膚因為轉天氣有d敏感泛紅，
佢仲教我可以先將化妝綿用室溫水整濕，之後再加神仙水上去敷5分鐘~
我跟佢教試過，皮膚泛紅真係慢慢改善左喎^^

最後一個步驟就係敷mask啦~
mask都係一樣啦，made in japan同冇香料既~

一張mask差唔多等於一支神仙水既份量啦~
而家天氣咁乾用佢黎急救皮膚真係岩哂!!!

盡量將d精華倒返哂入mask上面，但個袋入面淨返既都係唔小~
不過塊mask都幾厚，對我黎講就唔係好貼面，要訓係到敷佢先唔會甩~
敷15分鐘之後，除左塊mask面上都仲有好多精華係度~
咁慢慢按摩塊面等佢吸收埋就得~
塊mask敷完其實仲係好濕，所以我用黎敷埋條頸，唔好哂嘛^^
初初未用之前聽人講過用神仙水會爆瘡，
咁我都有問職員小姐，佢話會爆瘡係因為將皮膚底層dirty野推返出黎~
所以都係因個人皮膚，唔係一個大問題黎ga~
咁用左2個星期，總括黎講我都好滿意，
皮膚好似真係細緻左，摸上去滑左~
其實日日對住自己睇出黎唔覺自己有咩唔同，
睇返相先知原來d印淡色左好多呀，泛紅已經無左~
真係好開心呀!!!我會繼續keep住用佢!!!!

妝同時護膚，締造透亮光感妝容^^

我呢牌同SKII真係好有緣呢，試完佢既神仙水之後深深愛上~
好開心有機會試埋佢地新出既化妝品呀!!!!

上星期五放工後興高采烈去sogo出席SKii既化妝工作坊~

一入門口就見到angelababy啦，佢個妝真係好吸引!!!!
用angelababy都幾好，成個品牌形象都年輕左咁^^

因為活動舉行係放工之後，大會仲安排左cova西餅同埋starbucks既飲品~
真係貼心到暈，我地唔客氣食左2件呀，好好味!!!!

而今次活動最主要用到既就係skii新出既化妝品 - SKII Colour系列~
成員有眼影、胭脂、唇膏、睫毛液、眼線筆同眉筆~每一個部位都照顧周到~
而整個系列最大既賣點就係將王牌成份Pitera加入Color系列，
配透亮度同光采度調校光感效果，為女士們締造健康自然的妝容。

活動中化妝師細心教我地點用SKII Colour系列化一個自然既日妝同晚妝~
每一個步驟都講得好詳細易明，有唔明即刻問佢都好樂意降答~
三兩下手勢，一個清新簡單既日妝就化好左^^

而日妝轉晚妝都好易，只要係眼尾加重眼影部分，再加上眼線、睫毛液~
妝感就更加突出，妝容濃而不俗，christmas都可以考慮下化呢個妝~
示範完之後就到我地試下d化妝品啦~下列三樣真係值得推介一下~

眼影一共有六隻色，每一隻色都好common，更有一款岩自己用~
睇落去好似好似好淺色咁，但試上手就覺得好顯色同埋好滑~

胭脂都出左五隻色，由淺到深色都有，仲送埋掃，真係方便!!
粉質都係好細滑，而且掃上面出黎效果係好自然既~

而眼影用胭脂既用法都係一樣，第一步用底霜打底先，
呢個底霜就係化妝可以護膚既秘密，因為佢含有Pitera成份，
有維他命E等護膚成份既Cream base，可以修護肌膚~
之後就掃上彩妝層就ok，彩妝層就結合左瑰紅珍珠既紅潤同埋珍貴既白珍珠粒子透明感，
輕易做出透亮光惑既妝容。

唇膏就係整個系列我自己最鐘意既產品啦~
因為佢中間既溏心是Pitera 濃縮精華，可以滋潤雙唇，真係潤唇膏都慳返~
而且佢可以令唇紋變得唔明顯，化妝小姐仲教我地如果想咀唇睇落去豐厚d，
只要係咀唇中間打圈搽多幾次，出黎就係有豐唇既效果啦^^

化妝小姐仲用SKII Colour系列幫我化左一個自然既妝，
個妝好淡，但化完之後個樣真係精神左好多呀^^

活動完左仲送左禮物俾我地呀~好開心!!!真係多謝哂!!!!!
有左佢地，以後化妝就可以同時護膚啦^^

Hade CRiE~終於等到你黎香港啦^^

上星期真係好開心可以出席Hatachi 既event~~~~~
由hatachi經理先生親自接待我地，真係榮幸^^
然後由佢地同事細心介紹同示範，短短一個鐘聚會就輕鬆結束~
最後就可以帶今次既主角返屋企試用啦!!!!

令我熱切期待既就係佢 - Hitachi既美容機 Hada CRiE~
其實佢之前係日本已經買到好行!!終於香港出行貨啦~真係可喜可賀!!!

打開睇，部機珍珠粉紅色，有冇咁吸引先~哈哈~
而配件都唔算多，有2個膠圈、一個機座同插頭(唔記得影)

拎返黎第一晚好失望....因為佢第一次要叉5小時電，所以冇得試....好慘!!!
不過為左部機舊電好，第一次用真係要跟足指示叉夠先好用，舊電先冇咁易壞~
佢未叉滿電會著紅燈，滿左就會變綠燈ga啦^^

簡單介紹下部機先啦，其實佢係一部離子美容保濕器~
利用正負離子相互吸引的原理，做到清潔、保濕、減淡幼紋既效果~
只要4個步驟，輕輕鬆鬆就有效果^^

第1步，清潔美容~用離子導出毛孔的污穢，
用法: 配合無油份爽膚水（如去角質爽膚水）及化妝棉，作為深層清潔，吸出毛孔污垢。

第2步，提升滲透~透過細緻的微振盪和通過專用的脈衝信號，
配合保濕化妝水，使保濕成分全面滲透。
用法: 以無油份保濕型化妝水塗於臉上，再用導頭輕輕按摩。(相片檔壞左，後補)第3步，保濕~即離子導入，將化妝水導入皮膚，深入角質層，持續保濕效果。
使用高保濕類型的化妝水更有效。
用法: 把化妝棉套於導頭，以化妝水徹底滴濕，５分鐘導入充分保濕肌膚。

做第3步導入時，如果敷mask，我會直接用埋機，
其實我唔知可唔可以咁用，不過我試左又ok喎~~~~
好似俾平時敷完mask效果更好~
(相片檔壞左，後補)
第4步，（refresh)~ 用細緻的微振盪和緩慢的電極的轉換，醒膚及修復。
１至２週１次的醒膚療程，是唯一可用乳液配合的功能。
用法:塗上乳液或ｐａｐｅｒ　ｍａｓｋ後，以導頭輕輕滑動按摩。
每做一個過程，機身都會有提示燈顯示，仲有強弱模式都可以因應自己需要調教~
5分鐘完左仲會有do do聲提示，唔駛自己計時，仲會自己熄機，真係好方便^^

我最期待就係導出既效果，用左3晚可以比較一下~
第1日可能唔係好識用，出黎既效果冇想像中咁勁，
不過明明卸哂妝清哂面都咁dirty...真係恐怖~
我覺得1日比1日dirty，唔知係咪ddirty係度慢慢吸緊出黎呢~

用之前岩岩得10幾度，凍到痴根，所以我塊面有10級乾，開始甩皮~
咁用左3晚，皮膚真係冇咁乾，唔知係咪心理作用，毛孔好似細左D~
不過唯一既係，我覺得用左佢會出粒粒仔，唔係暗瘡，
類似暗粒既感覺，唔知係咪將底層DIRTY吸緊出黎呢??
其實部機我只係用左3日，好多野都要再摸下先知用咩產品配合係最好~
我會KEEP住用睇下效果係點^^