香薰驅蚊 - 對我唔太work添.....

有得試用驅蚊產品真係好開心，因為我係超級野蚊既人~
用過好多隻蚊怕水、蚊貼都唔work，香薰驅蚊都係第一次試~

今次試既就係e'SCENT香薰驅蚊噴霧~
英國配方的e'SCENT香薰驅蚊噴霧，其成份天然温和，
含著名天然驅蚊效能的香茅及薰衣草精華，氣咪清新芳香，效力持久，
有效防止蚊叮蟲咬，是預防蚊隻傳染的最佳防護用品。
~效力持久，只需約2至4小時使用一次~成份天然，不含酒精及化學成份"DEET"，不損害肌膚
~含修護肌膚成份維他命E
~識合小朋友及成人使用~清爽配方，外型輕巧，方便攜帶
樽身同紙盒上面都清楚印上有效日期~唔錯唔錯~

噴咀，用起上黎都方便~
至於氣味，雖然佢話係用香茅同薰衣草香薰精油做，
但聞落去我覺得似藥油味多d，唔算難聞既，可以接受~
其實氣味只要唔係臭我都可以接受，最緊要係驅到蚊~

但對我黎講，佢真係唔係太work，落去公園放完狗上黎~
就發現依然咬左2粒大毒蚊"爛".......又痕又痛.......
睇黎.....呢隻香薰驅蚊唔係咁夾我....
究竟點做d蚊先可以放過我呢.......唉....

Playboy - 玩盡Lovely Sexy Spicy氣息~

Playboy應該冇人會唔識，一隻兔仔，
俾我印象佢係出飾品多為主~
原來今年推出包裝華麗的Lovely Sexy Spicy香體噴霧~

我揀左Play It Spicy~味道係璀璨閃爍花香~

未試，單睇包裝已經好吸引~黑襯金，正~

佢噴出黎係花香味，味道有d似止汗濟~不過佢陣味keep得比止汗濟耐好多，
味道唔會好濃，自己郁果時會有淡淡既香味~
夏天用佢最好，有香味，總好過一身臭汗味嘛~
雖然冇香水keep得咁長時間，但都keep到大半日ga~
而且佢只係$56.9，絕對玩得過^^

除左Play It Spicy之外，佢仲有:
Play It Lovely - 無法抗拒的鮮甜花香果味 (左)
Play It Sexy  – 引發性感魅力之源  (右)
有興趣可以去萬寧試下呀~

真係想買香水的話，我上網見到佢原來都出左新野，不過未試過味~
Playboy香水系列  Play It Sexy(左), Play It Lovely(中),  Play It Spicy(右)
價錢都係好平，$138@ 30ml，得閒我都去睇睇先~

隨時擁有光澤．剔透 x 亮肌

行過watsons見到ZA新出既真晳美白護膚乾濕粉已經好想買~
試哂色諗住等佢有折就入貨~點知咁好彩抽中左~真係好開心呀!!!

粉餅 + 粉樸 ($95) + 粉盒 ($35)，一套都係$130蚊~抵到爛!!
好欣賞佢個粉盒，鏡面設計好形!!!雖然成日都印左d指摸上去~哈哈~
但拎出黎d朋友都讚佢靚~$35蚊有個咁有質數既粉盒真係好抵~

打開入面，塊鏡都ok大塊，補妝時用佢都照得好清楚~
簡單咁將粉餅固定好，同樸放埋係入面~輕鬆咁一盒就出得街~
簡單介紹下佢先:
Za嶄新研發升級版「True White Plus 2 Way Foundation真晳美白護膚乾濕粉」，
質感極緻細滑，配合「無瑕亮肌粉末」透過光線折射，
肌膚即時如打燈般剔透亮白，如珍珠般煥發晶瑩光澤。
- 美白維他命C成份有效抑制黑色素形成，減淡色斑及痘印

- 深層美白無瑕亮肌粉末，自然修飾膚色暗沉及斑點,

- 零毛孔粉末, 徹底遮蓋毛孔及瑕疵

- 控油粉末, 吸收過盛油脂, 整天保持粧效清爽啞緻, 絕對阻塞毛孔

- SPF 20PA++ 阻隔紫外線A、B

試上手，我隻手咩都冇搽，只係用佢個海綿沾粉掃左幾下~
出黎效果真係唔差，摸上去好滑，同埋真係光澤左~

我用既係32號色，顏色帶d粉色比較岩我既皮膚色~
佢另外仲有21、22號色，21岩白d既人~
22係自然色，我覺得比較黃，所以買之前真係要試岩色先好買~
試上面，同樣地我塊面都冇搽base，搽左保濕之後就直接上粉~
用左佢，塊面顏色均勻左，睇落去細緻d，毛孔都小左~
睇落去白淨左，但唔係死白，唔會好粉樣咁，而且好貼薄~
返工前化好，到3、4點左右有小小出油，輕輕印下就ok~
ZA係sheseido既副線，質量都有保証~
而且咁抵既價錢，有咁既效果，真係滿意喎^^

Mane 'n Tail美國箭牌 - 草本滋潤鎖色又鎖水

因為我睇錯左交文日期，人地寫10日我睇左10號......
所以遲左好多先出文，真係10萬個sorry~
而且今次d相未必影得咁好，一路洗頭真係好難兼顧影相....哈哈~

今次好開心係Bonjour Cosmetics facebook page抽中左Mane 'n Tail美國箭牌既洗頭水~
成日聽人講有幾好用幾好用，今次終於可以親身試下啦^^
我中左既係草本滋潤系列~

2支個樽蓋都係"拍"開，都幾方便~不過如果有泵裝就梗加好啦~

未用之前，我d頭髮同禾乾草其實真係冇咩分別，左堯右堯，總係唔聽話~
染過、電過，五勞七傷.....甩頭髮都甩得幾多下.....

先介紹一下草本滋潤洗髮露 ($ 88 / 355ml)
含天然草本精華及水解蛋白配方等天然護髮元素，集中修復因電染或負離子而受損的鱗狀表層
有效減少秀髮開叉、折斷、毛燥及掉髮等問題，配方專為電染髮質而設，獨有鎖色鎖水功效
以營養為本，不含藥性，適合每天使用。
吱出黎係藍藍綠綠咁既色~我長髮到腰，所以用既份量多小小~

洗果時好大陣椰子味，好好聞~
唔知點解，用第一次時候卒極都係得相入面果小小泡~
不過過第二次時用小小都可以起到好多泡~
我覺得用佢好似洗2次好d，感覺上有泡泡乾淨d~

而草本滋潤護髮露 ($ 88 / 355ml)
含天然草本精華、維他命A、維他命B等護髮元素，富含水解蛋白配方，減少掉髮
獨有鎖色鎖水功效，專為電染髮質而設，集中修復因電染或負離子而受損的鱗狀表層
減少秀髮開叉、折斷及毛燥煩惱。
吱出黎同洗頭水一樣顏色，一樣味道，不過就杰小小~一般護髮素質地~

洗完頭之後，我跟佢既指示 ，將護髮露放到掌心，加水起泡，
再擦到頭髮上，再用清水洗淨。
不過我就按摩左髮尾3 mins先過水，希望可以重點修護一下~

由於我睇錯日期，所以我唔止用左10日，可以試得更加真~哈哈~
計計下，我用左差唔多3個星期，隔日洗頭，我諗都有用左10次左右~
好鐘意佢陣椰子味，洗完頭真係好香，仲keep到一日~
而效果方面，用左佢頭2、3次都唔覺得有咩變化~
用到5、6次左右，開始發現d頭髮好似軟身左，聽話左，
而且仲有難得既光澤，不過改善甩頭髮方面就唔係咁明顯~
唔會唔甩，係甩小左小小既~希望用多幾次之後連甩頭髮都可以改善埋啦~

Biotherm Aquasource五層水透，讓肌膚水潤到底~

上星期有幸再一次出席biotherm既event~
今年aquasource出到升級版~代言人都換左做楊丞琳~所以去了解下同舊版有咩唔同~

當晚由biotherm同事介紹左好多aquasource既背景、產品既轉變~
最勁係提到佢係全球每八秒就賣出一樽~我都係其中一個支持者黎ga~
到2011年，aquasource推出全新升級版，同舊版有咩唔同呢~

溫泉水潤保濕系列以革命性的保濕成份「甘露醣」，突破表層補水，
滲入第五層肌膚深度補濕~
再結合溫泉有機活性因子「PTP」，即時為肌膚降溫，發揮持久保濕功效~

除左平時常見既綠色之外，其實仲有for 乾性肌膚既粉紅色~
我係混合性，所以多數用綠色，但買果時我都會問ba小姐拎粉紅色既sample~
因為可以係冬天太乾果時用粉紅色，就梗加保濕啦~

活動完左，送左樽升級版既aquasource溫泉保濕凝膠 & 最新出既BB cream俾我~

新版睇係黎只係得外表唔同左，氣味一如以往，好清新既花香~我鐘意~

質地都係gel狀，搽上係涼涼地好舒服~用既份量唔駛好多都夠推全面，
我習慣夜晚就搽多小小當sleeping咁敷，訓醒塊面會好滑~
而朝早，就薄薄搽一層就夠，搽得太多化妝會有擦膠碎反而冇咁好~
總括黎講，新版都係一如而往咁好用~
350蚊一樽我可以用到2至3個月~除返開一d都唔貴，
以我經驗，如果近住節日多數會有set裝，有埋洗面膏、爽膚水加保濕凝膠都係五百幾蚊~
一set買真係好鬼抵~ 真係值得推介俾大家~

ESPRIQUE Make Dramatic - 塗抹一瞬，幼化無限魅力~

星期日好榮幸可以出席ESPRIQUE 「MAKE DRAMATIC」魅幻彩妝班~
好開心朋友仔celia都一齊去，有個伴玩都玩得開心d^^

今次活動主要都係介紹ESPRIQUE新出既產品~外觀真係好靚、好吸引呀~

新品有Eye Dramatic - ESPRIQUE Blend Dimensional Eyes (Shiny)

一共有5隻色，5隻都係用常既顏色~總有一款會鐘意^^

5隻都好輕易出色，同埋好鬼閃~~~~

而Lip Dramatic -  ESPRIQUE  Aqua Drape Rouge都好吸引

一共有10隻色~隻隻都有特色~

試色~~~好顯色，最好係搽上咀唔會痴笠笠~

最後就有Cheek Dramatic - ESPRIQUE  Melty Fix Cheek 

一共有4隻色，橙系、粉紅系都有~

輕輕一搽，都已經好上色，同埋都幾滑下~

自己詆完一輪之後~活動就正式開始~
大會就請KOSE專業化妝師DOBASHI OSAMU為我地示範新產品既用法~
化妝師個樣超似吳建豪~哈哈~

仲示範One Stroke的使用方法，方法好簡單~
只要用眼影棒混和3色眼影，之後掃上眼簾~咁就搞掂~
真係零技巧，唔駛一分鐘就化好一對眼~岩哂趕時間既我~

化完眼，用埋新出既 Melty Fix Cheek 胭脂膏~
用既方法都係好簡單~上完哂粉直接搽上權骨位就得~
想佢出黎自然d，搵手指暈開，咁就有白裡透紅既感覺啦^^

之後用左Aqua Drape Rouge 唇彩搽埋咀仔~
五分鐘就化好一個簡單快捷既彩妝啦~

化妝示範完之後，各位bloggers可以出去俾化妝師化妝~
同時都準備左下午茶俾我地享用，真係好貼心呀~

活動尾聲，可以同化妝師影相留念~
2位化妝師都係好高大，幾靚仔ga~哈哈哈哈~

最後大會仲送左新產品俾我地用tim呀~
我抽中左藍綠色既眼影~自己都未試過用呢d色~今次開始慢慢試~
而胭脂膏就係平時常用既顏色~好岩用~
今次活動學左好多野~真係好開心呀!!