粉紅 或 暗黑? 屬於自己獨一無二的美麗真我^^

超級開心可以出席U Beauty X shu uemura 村上隆 《六心公主》聖誕彩妝工作坊event~
現場既佈置好靚ga，色彩繽紛，而且職員都好nice咁介紹產品既內容呀~

今個聖誕彩妝系列入面，真係出左好多產品呀~
好似有指甲油套裝啦、化妝掃套裝》唇妝胭脂組合、睫毛夾、眼線筆~
而今年既彩妝睫毛都好靚ga!!!!仲有一款係尊貴版黎tim!!

最特別既，就係植村秀特別為大家帶來「雙重美麗」的體驗~
以粉紅和暗黑公主的矛盾和張力為題材，突出女性內在的雙重性格：清純善良、俏皮性感~
透過是次系列，啟發女生發現自己的多面性~
無論粉紅或是暗黑，都是屬於自己獨一無二的美麗真我^^
上圖就係我最鐘意既粉紅彩妝&暗黑彩妝眼影組合啦，勁靚!!!!!!

現場仲搵model示範左暗黑公主妝容，就係用上暗黑彩妝眼影組合啦~
呢個暗黑公主的終極彩妝盒，備有七種虹彩光及珠光眼影和一款胭脂~
基本上一盒已經可以化好哂全個妝，勁方便呀!!!!

model化完妝出黎既感覺完全唔同左，多左種sexy同神秘既感覺~
見到model用黑公主的終極彩妝盒化完，自己都好想要一盒呀!!!!

睇完示範就到我地自己落手化一個妝，可以試哂d新品呀，勁開心!!!
雖然我對暗黑公主有興趣，但我咁岩坐左係粉紅公主的終極彩妝盒個位度~
冇所謂啦，都靚，試下粉紅公主襯唔襯自己都好呀^^

原來粉紅公主個妝都好易化ga，只要用鑽閃粉紅色係眼窩打底~

再用紅綜色搽係眼蓋位，最後用深棕色係眼尾慢慢blend上眼頭~
用左深棕色係眼尾加強立體感，咁就唔怕用粉紅色令到對眼腫ga啦^^

有時間可以用閃白色做highlight，跟住畫返條眼線，搽返睫毛液~
眼妝部份就完成左，係咪超級簡易先^^

最後試埋魔幻唇妝胭脂組合，一物二用，可以當胭脂&唇彩用勁方便~
雖然我唔係走甜美路線，但呢個眼妝顏色我都好滿意~
而且化完妝對眼真係精靈百倍呀，好似大左好多咁^^

影完大合照接過shu uemura送上既禮物活動就到尾聲啦~
今次event真係好好玩呀，可以一次接觸哂shu uemura黎緊既聖誕彩妝系列^^
成個系列我都好想買呀!!!!!不過最想要既係呢個村上隆襟針，勁靚呀!!!
不過可惜係非賣品黎，唯有影幅相留念啦^^

媲美彩光療程，一支令你提升明眸^^

眼睛係成個人既靈魂所在，所以我平時都會好好護理ga~
eye mask按摩唔小得，當然一支好既眼霜先係最重要啦~
最近我就試左一支感唔錯既眼霜，Revitalift Laser X3 活肌修護眼霜~

L’Oréal Paris REVITALIFT LASER X3 活力緊緻光學嫩膚系列~($199 / 15ml)
效果可媲美彩光療程，更有助你緊緻毛孔~
修正細紋及重塑回彈，輕易回復年輕狀態。

Revitalift Laser X3 活肌修護眼霜特配獨特冰感按摩頭~
一支 讓你改善眼部肌膚3大問題: 修正細紋、消除眼袋、重塑緊緻^^

我既習慣係早晚洗面後各用一次，每次都會點三點同米差唔多size既份量~

之後用佢個冰感按摩頭沿住眼肚向上打圈按摩，直到眼霜完全吸收~
我都幾鐘意佢個冰感頭，按摩時涼涼地幾舒服，最好係唔使落手按嘛^^

用左大概5日，老實講好明顯既改善真係未見到~
只係覺得眼周既皮膚好似冇咁粗糙，眼肚位有小小收緊左既感覺~
而我就幾鐘意佢既設計，用起上黎好方便，同埋質地好快吸收唔會痴笠笠~
199蚊眼霜黎講唔算貴，希望繼續用落去效果會更加明顯啦^^

 

<感謝產品由L’Oréal Paris 提供>

秋冬護膚首選推介，多功能的尊貴美肌護理油^^

CAUDALIE呢個牌子我就一啲都唔陌生～用過佢幾款產品都好得我歡心～
今次非常開心可以試用到一直好想買嘅Divine Oil尊貴美肌護理油呀！
有人可能好怕用油性產品，怕佢太油膩笠痴痴～
但因為我皮膚較乾，秋冬就一定用上油嘅產品先夠保濕～
呢支Divine Oil尊貴美肌護理油包裝以黃金色樽身配上壓花，非常精美～！
成份亦用上摩洛哥玫瑰及保加利亞玫瑰精華～專利葡萄籽多酚及多種珍貴植物油～
包括葡萄籽油、堅果油、芙蓉油、芝麻油和公平貿易的乳木果油等。
睇成份都覺得佢好滋潤呀^^
佢功能都好多架，可以滋養及軟化髮絲、面部和身體肌膚～
同時高效抗氧化、可修理皮脂膜及防止肌膚表面水份流失～
配上噴咀，用起上黎非常方便～每噴一下都發出陣陣幽香架！好好聞^^
用法都好方便，係要用嘅地方，面部、身體、秀髮&指甲噴大概兩至三下～
之後輕輕按摩直至完全吸收就得架啦～
用左佢之後皮膚明顯水潤好多！睇落仲細緻左，夠滋潤嘅皮膚質素真係唔同啲！
用左呢支Divine Oil尊貴美肌護理油個多星期感覺非常滿意~質感完全唔油膩，吸引得好快！皮膚亦得到滋潤，過往轉季都會甩皮～用左佢完全無左乾燥問題~
滋潤度對我黎講非常足夠，真係幫到我唔小！
好推介俾各位皮膚較乾嘅朋友，快啲試下啦^^

大眾化價錢，從底層修護，防止受損分叉好幫手^^

 
最近咩都要轉季，當然連洗頭水都唔會例外啦~我都轉返用dove啦^^
今次用既係新升級系列產品深層修護洗髮乳&深層修護護髮素~

深層修護洗髮乳 (HK$59.9 / 700ML )
呢個系列特別適合嚴重受損及因漂染，造型及電燙而出現斷裂和分叉等問題的秀髮ga~

呢個新升級系列都均含有角蛋白活性修護因子~
它能夠深入滲透髮芯，從底層修護受損深層結構，修護髮絲蛋白，防止髮尾受損分叉~
為秀髮提供 10 倍修護力, 令受損髮絲由內到外回復健康柔順~

洗頭水有小小閃閃地，淡淡既香味~
而且泡沫都好豐盈，過水後頭髮唔會打結~不錯~

深層修護護髮素 (HK$59.9 / 700ML )
包裝同洗頭水冇咩分別，只係個泵蓋換上灰色^^

這系列特別適合嚴重受損及因漂染，造型及電燙而出現斷裂和分叉等問題的秀髮~

同洗頭水一樣氣味，只要過水後用護髮素搽係髮尾等待3-5分鐘之後洗走~
頭髮就可以得到修護，滋潤左唔小ga啦~

連續用左5日，最明顯既分別係頭髮柔順左，有返光澤，終於唔似亂草啦~
咁大眾化既價錢，有咁既效果真係唔錯呀，可以keep住用^^

對抗乾燥，給你滋潤感覺既玫瑰沐浴、潤膚霜^^

秋天真係黎到啦，大家護膚品轉左季未呢??
除左護膚品，淋浴露潤膚露都要開始轉季啦~~要轉用一d滋潤性比較強既產品~
而我最近試到隻都唔錯既想介紹俾大家~
就係REGENE既玫瑰芳露沐浴露&玫瑰芳露潤膚霜^^

REGENE既玫瑰芳露沐浴露(HK$128 / 240ml)
成份和功效：蘊含橄欖油成份，沐浴同時能潔淨及滋潤肌膚

淋浴露係乳白色，一吱出黎就有好濃烈既玫瑰味，我就嫌太過濃啦~如果淡返小小會更好~
泡泡唔算好豐盈，不過沖完涼感覺都幾滋潤，唔會乾，不錯呀^^

玫瑰芳露潤膚霜 ($158 /240ml)
成份和功效：
蘊含乳木果油及大豆油其大豆油含豐富胺基酸及維生素E，令肌膚如絲般幼滑

比起淋浴露，我更愛呢個潤膚霜~因為佢氣味冇淋浴露咁濃烈，較得我歡心~
而且質地好易推開，吸收得快，潤而不笠，又唔會有油膩既感覺~
好似有層保護膜咁，夜晚搽完到第2日都keep住滋潤冇乾燥^^
有左呢2個孖寶，今個秋天就唔使怕啦!!

8秒捲好靚曲髮，輕鬆變髮話咁易^^

上星期出席左BaByliss既EVENT~真係超興奮呀!!!
因為係介紹近期人氣超級高企，熱爆網絡既捲髮器~BaByliss PRO MiraCurl 魔幻曲髮造型器^^

席間有著名髮型師講解點用呢個BaByliss PRO MiraCurl ~
仲請左分別長、中、短髮既Blogger出黎做示範~各人用完之後髮型都2好大轉變呀~

而我就最鐘意KAMI呢個中長度既髮型，捲完出黎效果好好呀!!!D髦髮好自然，好FASHOIN呀^^

活動完左之後，我都得到一個BaByliss PRO MiraCurl 魔幻曲髮造型器~
可以返屋企親身感受一下佢既威力，點樣8秒就可以捲好髮^^

MiraCurL既外型有別於一般捲髮棒，佢係一個好似夾咁，前端配有一個圓球體咁~
拎上手都有一定份量，比一般捲髮棒重身小小，但都容易handle既~

隨機附送一個清潔器，每次捲完髮用佢清潔一下部機就會耐用d ga啦^^

機身有三個掣，分別控制温度、時間&捲曲方向~
温度方面，分3個溫度選擇，190度/ 210度/ 230度~取決於不同髮質需要黎選擇~
時間方面，可以預設為8、10、12秒，時間越長，髦度就會較明顯~
而選捲曲方向，就可以揀向左L，向右R，又或者左右交替既A啦~
操作都好簡單易明，教好哂自己既需要就可以開機捲髮啦^^

未捲之前，我d頭髮因為剛剛到膊頭，所有就成日左繞右繞~
點梳佢都係唔聽話~都真係幾麻煩ga~

用法都真係好簡單，如果你頭駛同我一樣係屬於比較多的話，就先將頭髮分成幾個section~
之後拎一小住頭髮梳順後用Miracurl放係需要捲曲既位置夾實~頭髮就會自動捲入機器加熱~
加熱期間會聽到嗶嗶聲， 時間到就會變成長嗶，代表可以放開夾~
之後就會見到頭髮變成髦啦，其餘頭髮都係同步驟咁用就得~

夾哂一個頭，我大概用左10分鐘左右，比我用捲髮棒真係快好多呀~
最好係用佢唔使怕俾d棒熱親手呀、耳背咁，對我黎講安全好多~
而且效果出黎都唔錯，就算我第一次用唔太識點就方向，出黎都幾自然!!
係就係貴d，但有左佢，真係想隨時變髮都話咁易呀^^
＜感謝產品由BaByliss提供＞

ProMini 6000，同時為兩件裝置充電，極方便^^

電子產品而家已經同生活息息相關，基本上人人都有一個smartphone，咩pad乜pad咁~
而我用既就係iphone，佢對我黎講都幾緊要ga，傾電話、記事、記帳、打機、facebook~
我通通都係用iphone幫我，佢係好好用，好方便，不過最大問題就係好快冇電~
所以要用一個好既外置電池幫下手啦~最近我就愛上左佢~ProMini 6000^^

佢有四個顏色既，分別係咖啡、鋼灰、海藍及粉紅四色~
其實粉紅色好靚ga，不過我最後揀左鋼灰色，因為可以同老公share用嘛~
外殼係全鋁合金，堅固耐用，跟機仲 附送純銅充電線同一個小絨袋tim^^

仲有一張保養證，買左之後14日內上網登記返~
keep埋張invoice，咁就可以有一年免費保養ga啦~

ProMini 6000係採用輕觸式開關設計，按住大概3秒就可以開機~
有四段電量顯示電量顯示，清楚知道電量仲有幾多啦~

用之前當然要差滿電先啦，充電時間大概要 8～9小時~
1個LED燈亮表示電量有0-25%，2個LED燈亮: 25-50%
3個LED燈亮: 50-75%，4個LED燈亮: 75-100%
當4個LED燈都著哂就代表充好電可以用得啦~

電池係用聚合物鋰電池， 電池容量就係 6000mAh~
 輸入容量係5V / 1A  ，輸出一號分插係 5V/ 2.1A，二號分插係5V / 1A~
留意清楚如果係1似ipad d大電流量既就要插落二號，普通手提充電用一1號分插就可以啦~ 

最大5V / 2.1A單輸出電量 - 6000mAh大容量，能同時為兩件裝置充電~
適用於平板電腦、手機及所有採用USB 5V充電的裝置使用~
但要注意既係可能部份Blackberry手機未能支援ga~

同時可以充兩樣真係好方便呀!!!
最好就係呢個ProMini 6000採用安全可靠的聚合物鋰電池，其電解質為膠狀，無電解液外漏的問題~
而且內置PTC安全智慧晶片，提供過充、過流、過放及短路保護~
就算同時充2樣個電池都係唔會熱，連小小暖既感覺都冇~
所以真係用得好放心呀!!!!!我好推介呢個ProMini 6000俾大家~
有左佢係方便左唔小呀!!想買充電器既不妨考慮下佢呀^^