hosy214: 10月 2012

2012/10/31

內衣新感受 - Sexy AnyTime，Party AnyWhere ^^

你對LPS陌生嗎??LPS - Lingerie Party Shop係我之前上網睇文認識到既一個牌子~
佢係一間樓上舖既內衣店，Sexy anytime，Party anywhere係佢地既宗旨~
SEXY同PARTY點解可以一齊呢??我覺得好有趣，所以襯有時間我都上左去睇睇^^

雖然LPS係樓上舖，不過一D都唔難搵，係正Time Square對面，
入到大廈入面，沿途都有示指牌，所以都好易搵到呀~

上到去，地方骨子，但五臟俱全~原來lps唔止得bra bra買，眼見有好多唔同既東東呀~
睡衣啦、泳衣啦、男士既通通、新娘既girdle都有，仲有一d情趣小玩意tim~~~~
就因為佢係樓上舖，人流相對冇咁多，所以買果時都唔使怕尷尬lor^^

款式其實都ok多，好快我已經睇上左2套bra，一套係紫紅色，仲有閃石吊飾ga!!好靚~~~
另一套就係好野性既豹紋~不過好可惜，2套都冇我碼........好慘呀!!!!!!

不過都唔緊要既，因為我本來都係想買睡衣多D~桃紅色果套好鬼cute呀!!!耳環又好得意~
所以都睇左好多件，件件都好有特色，當日就係揀完就試，試完又揀咁~~~
但店員小姐都冇嫌我搞住佢，仲好樂意幫我，仲介紹左D熱賣款俾我試tim^^

當我揀左3套覺得太多既時候，發現原來LPS做揀promotion，買4件有6折!!!
6折呀!!!差唔多半價!!!好抵呀!!!怪唔得有d款已經冇哂我碼啦~咁平俾人買哂都唔奇....

因為6折關係....所以最後決定，3套全包~哈哈哈哈~
因為真係太抵啦~~原價800幾蚊，而家5百蚊有找，抵抵抵呀!!!!

呢一套係我最鐘意既，雖然好性感，但真係好靚!!!!
買唔到閃閃brabra，買返套有閃石既睡衣開心下都好^^

呢套係店員小姐話有我碼叫我試埋~老實講，第一眼見到咁cute就覺得唔係好岩我~
點知試上身又ok喎，而且佢有2層雪紡，唔係十分薄，所以又買埋~

呢件波點都係店員小姐推介我買既，佢話好多人買ga!!!
咁我又好鐘意波點既，加上佢好平，原價都唔使200蚊，有折就更抵~
不過佢既質地就真係好薄啦，好透ga，哈哈~

但著上身我覺得幾好睇，打件底再著佢都唔錯呀，都係果句，咁平，買左先算啦~哈哈~

因為波點果條褲褲冇我碼，所以我揀左另一條，呢條係絲質既，
摸上手好滑好舒服，原價68?78??我都唔係好記得~總之價錢我都覺得ok呀^^

如果大家都對LPS有興趣，可以去佢地Facebook同網站睇下呀^^

2012/10/23

令男性傾倒，盡情散發女人味^^

大家聽過LC lovecosmetic呢個品牌嗎?我今次都係第一次接觸呢^^
原來LC lovecosmetic呢倘品牌係是一個由女性營運的私愛健康護理品牌~
而且佢地係致力解決女性身體的煩惱、戀愛的問題及提倡私愛健康護理~
係一個專為女性而設既品牌呢~佢地有好多唔同既產品，而我今次就試左2樣產品啦^^

LC JAMU天然去屑露 ( $210 / 200ML)
LC JAMU天然去屑露係一種護理頭皮的洗髮水，可以每日使用。
有效洗去頭皮的異味，助您的頭皮和頭髮回復健康。特別推介予有頭屑和頭皮痕癢問題的人士使用。

產品中加入左無患子提取物、菴摩勒果實精華、尤加利提取物及迷迭香提取物等物質，可以徹底去除討厭的異味。
另外仲加入左蘆薈提取物，具有保濕效果，對頭皮溫和，且能瞬間消除頭皮的異味。

用法都好簡單，不過佢就唔同一般洗頭水咁，佢係每日在洗髮前用ga，咁可以令頭髮更有彈性。
用果時只要將頭髮弄濕，取出適量清清潔乳放在掌心上，塗遍髮絲並按摩至起泡，然後沖洗。
使用洗髮乳前後好好洗刷，梳下頭髮，咁可以預防頭皮ga^^
睇設唔同既情形，用法都有小小唔同ga :
●在意臭味、皮脂的人士
LC JAMU 天然去屑露⇒手頭上有的洗髮乳⇒手頭上有的護髮產品
●在意臭味的人士
LC JAMU 天然去屑露⇒手頭上有的護髮產品
●頭髮沒怎麼受損的人士、短髮的人士
LC JAMU 天然去屑露⇒普通洗髮乳，或僅使用LC JAMU 天然去屑露即可

洗髮露既質感好滑，好容易起泡，而且有植物既清新香味~
洗果時仲有小小涼涼地既感覺，都幾舒服ga~
洗完覺得真係幾清爽，但唔會好乾，用左幾次d頭髮唔知係咪健康左，有光環tim呀!!
好用係幾好用ga，不過就真係貴左小小啦~可以平返小小就更加perfert啦^^

另一樣就係Pueraria葛根緊膚啫喱啦~
Pueraria葛根緊膚啫喱係原創的美體護膚產品。含有葛根提取物，可以保持肌膚彈性，
適合在沐浴後或用剃刀處理身體毛髮後使用。富有女人味，光滑如絲綢般的肌膚和柔軟豐滿的身體最能令男性傾倒。
而且Pueraria葛根緊膚啫喱係LC經過反復試製並通過產品監管試驗而製成~

Pueraria葛根緊膚啫喱無香料，無色素，不使用笨甲酸酯類，是自然一派的護膚產品。
用果時感覺清爽光滑，而用後都唔使進行任何處理，可以直接就寢，舒適地進入夢鄉。

Pueraria葛根緊膚啫喱可以係胳膊、腋窩、腳、臉、後背、比基尼線、手、胸部等全身各個部位~
用果時，可以先將多餘的身體毛髮剃除後先搽，咁可以更加感受細膩光滑肌膚的美妙效果。
因為都比較貴，而且佢可以當胸部護理咁用，所以我都係用係胸上，
啫喱質地，真係吸得好快，搽左仲好滑咁，而且一D都唔會笠GA!!!

用左大概一個星期，雖然胸部豐滿就真係好見到，不過皮膚真係滑左好多~
希望KEEP住用真係可以有friming既效果啦^^
LC lovecosmetic既雖然產品唔算平，不過間唔中對自己好d，絕對係值得既^^

2012/10/19

第一次的穿搭文，希望大家鐘意~獻醜了^^

話說，9月既時候好興奮擁有左佢，亦都出左篇文按我回顧~
因為真係太鐘意佢啦，所以真係差唔多日日都著住佢^^
雖然我唔係咩fashion潮人，著衫著鞋我都係按個人喜好同著得舒服為前題~
但都好想獻醜分享下我襯鞋心得，襯得唔好多多包涵呀^^

有人問過我，個鞋頭咁閃，唔會好難襯咩???其實唔會呀~~~一d都唔會難襯呀~~~~~
而且真係襯咩我都好順眼，好岩而家既天氣個feel tim^^

好似簡單咁襯一條skinny褲，是但一件黑色背心，再加一條圍巾已經襯到^^
圍巾我揀左一條今年都好hit既Animal Patten，令上半身出黎既效果冇咁單調~
而下半身就因為Jipi Japa對鞋頭閃同併色既關係，所以睇落去搶眼但唔會誇張~
俾人既感覺唔會太cool，清爽d，smart casual係我鐘意既風格~

除左褲，我覺得襯裙都有另一種風格ga~
上身我著既都係淺色為主，簡單一條牛仔裙，加一件淺灰背心~
再加Jipi Japa深藍色既鞋，成個焦點就即刻係對鞋度啦^^
出黎既感覺係好隨意，比著褲仲突顯到佢閃閃鞋頭呢~~~~~~

你都想同我一樣感受Jipi Japa對鞋有幾舒服、幾好著嗎???
而家Jipi Japa係FACEBOOK搞左個GAME呀，只要Like Trendy Look 後，
再按以下活動連結，就可以登記 HK$150 優惠券購買 Jipi Japa F/W2012靴款~
我都參加左呢個GAME呀，希望大家都會支持一下我個Trendy Look ，投我一票啦^^