2012/03/29

SONIA RYKIEL - 徹底卸妝及深層潔淨毛孔,為肌膚帶來清新柔滑的質感

卸妝我一向都係用開油,因為我覺得比較乾淨同埋冇咁乾^^
今次我有幸率先試SONIA RYKIEL 4 月 2 日先推出既柔滑卸妝油同埋深層潔膚粉末兩款新產品^^
先睇一睇柔滑卸妝油,都有成195ml,又幾大支喎^^
依佢既介紹就話輕易卸走眼部彩妝同時深層清潔毛孔,
潔膚後即時提升肌膚質感,水潤亮麗。

淨係睇包裝已經好得我歡心~我覺得真係好好好靚呀^^
成個Look睇落去好高雅,未用都已經加左分~

支支咀係另外配埋既,用既時候先自己裝上,我諗咁係因為可以衛生D,
產品係自己開封新鮮D卦^^

用既份量大概 2-3 泵,氣味就清清地,一定接受到既~
而佢主要成份為天然萃取礦物油,有效溶解彩妝;
另含美容成份薏仁籽油、深海魚油、亞麻仁油 (生物亞麻酸) 及白芒花籽油
全部都係對皮膚冇負擔既油份~

化左個濃妝,試下佢卸妝既功力先~
用法大致都係一樣,輕輕按摩面部溶解粉底彩妝及油脂污垢,
之後以溫水或冷水徹底沖洗乾淨。

過完水,完全既化妝品連waterproof既睫毛液都一掃而空^^
洗完冇乾既感覺,反而都既水潤下,真係唔錯^^

我習慣卸完妝都會用潔面產品洗多次,確保塊面100%乾淨嘛^^
所以就試埋SONIA RYKIEL 深層潔膚粉末啦~
我都係第一次用粉末狀潔膚產品,佢介紹話可以有效潔淨毛孔殘垢及老化角質。
順滑潔膚質感,來自天然黏土及分解蛋白質酵素 (Protein-cutting papain enzyme)。
有效提昇肌膚觸感,令美肌即時柔滑亮麗,潔膚同時護膚。

佢既用法都唔難,只要將潔膚粉末倒於掌心,加入冷水或溫水混和成粉漿狀,
咁樣就可以開始用係面上面啦~

之後好似面膜般均勻塗於整臉,在有黑頭,粗糙,暗啞部位輕輕按摩,
以冷水或溫水徹底究洗淨就得~
不過唔知點解,我就卒極都唔係好多泡泡既,可能我加得太多水啦~哈哈~
提提大家,為確保產品質素,每次必須使用一整包潔膚粉,開封後不可保留下次使用。

用左佢,真係會超級乾淨!!!!唔知係咪因為潔力太強呢~
我混合性皮膚用左佢覺得有d乾,所以洗完面一定要用保濕呢^^
又或者夏天用佢會比較適合,我會留返遲下熱d再試過~
總括黎講,呢2件產品我都好滿意!!
2者黎講,我比較喜歡卸妝油,因為真係卸得乾淨又保濕~
真係可以推介俾大家呀^^

2012/03/21

極致亮白 -頂級美白成份五味子​^^


次次經過skinfood都會俾佢吸引住,因為佢地既產品packing好靚呀,
每次用完佢d野都唔捨得掉d樽~最近佢地又出左一個新既系列~

五味子水凝美白系列,呢個系列有由爽膚水到精華、mask都照顧哂^^

而我今次有幸試到五味子水凝美白系列入面既爽膚水、乳液同埋mask~
五味子水凝美白呢個系列,都係採用於首爾頂級五味子,
同埋獨家專利美白成份(五味子+桑白皮+甘草) 可以幫助抗氧化、亮顏、淨白~

第一樣要講既係五味子水凝美白爽膚水 (附面頰膜10片/盒) ($315/ 155ml)可為肌膚提供美白養份之外,更可軟化表面的角質質,為下一個美白步驟作好準備。
其專利「Omija Herbal Complex」美白成,有效抑制自由基,預防肌膚老化及黑色素形成;
更可作面膜使用,為黯沉不均的膚色提供加倍修護。

呢個五味子水凝美白爽膚水用法好得意,佢有一個五味子既茶包送埋~
用之前要自己將茶包放入爽膚水入面浸大概1分鐘,之後將茶包拎返出黎~
輕輕搖勻就用得,浸完之後d爽膚水都變左啡啡地色,仲幾香tim~

仲可以仲埋佢送既面膜紙做一個toner mask,加強保濕美白功效tim~
佢送果個面膜紙其他冇咩特別,勝在有個面型係度幾方便,
用哂的話用返自己用開既面膜紙都得^^

而五味子水凝美白乳液($315/ 155ml)
獨特配方可抑制黑色素形成,配合角鯊烯成分,
為細胞提供大量氧氣,讓肌膚回復活力,延緩衰老;
成份中的豐富維他命C及E,能於美白同時為肌膚注入大量水份,
用後令肌膚清爽有彈性,由內而外綻放無限亮白神采。

質地係lotion,同爽膚水一樣幾香,其實我都唔係好知係五味子既味還是咩味,
唔鐘意太香既sis可能會有小小接受唔到,但我自己就ok鐘意既~
搽上面都好易推開,唔會痴笠笠,感覺都ok保濕~

最後就係五味子水凝美白片裝面膜($225/ 5pcs)
含五味子、桑白皮、甘草、維生素B3、角鯊烯、玻尿酸,
高效濃縮精華能深入肌膚,賦予透亮與光澤,讓肌底自然散發白皙光采。

個面膜比平時果D厚身好多,而且有好多精華,精華同一般水稀稀周圍流既又唔同,
佢直程係好似lotion咁,奶白色杰杰地既~
而且佢係上下2片式既設計,我自己就好鐘意呢個設計,因為可以自己就位,
所以可以整得比平時更貼面^^

敷15mis左右就ok啦,基本上塊mask都仲係好多精華係度,
所以我都唔會哂,另去敷埋條頸,咁就唔怕面同頸呂同色啦^^
敷完之後,塊面都仲係好多精華係度~
就算我按摩完,佢都係吸唔得哂,真係多得太緊要啦~~~
所以多果果d我用完返之前爽膚水既面膜紙抹走佢,
用黎搽埋手手腳腳唔好哂嘛^^

今次試用真係好好,足足俾左成2個幾星期,真係可以試清楚d,
我覺得d皮膚好似有光澤感左,未至於白左好多,但都有小小白左既感覺,
而暗瘡印都淡左色,我相信繼續用落去效果應該會更加好既^^

2012/03/19

皮膚也要Turn A Round~~



有冇發現d護膚品越黎越唔吸收呢??咁係可能因為角質層厚既關係呀~

去角質有好多方法,最近我就係用clinique既更生活膚速效面膜^^
發現原來佢真係唔錯呀~

先簡單介紹下先~
更生活膚速效面膜係高成效的清理皮層活膚面膜即能活化肌膚,
使肌膚看來更剔透明亮,膚色更自然均勻。其性質溫和,可每周使用,適合所有肌膚類型。
此外,透過專利註冊科技,更有效促進新陳代謝程序,有助肌膚綻放健康光采。

更生活膚速效面膜以高效更生成份配合圓珠磨砂粒子持續清理皮層,
輕柔退走表皮角質,每星期使用2-3次,每次只需5分鐘,即可快速掃走暗啞~
粒子係好幼細,唔怕會整傷皮膚~

先洗好面,之後搽上足夠既份量,記得避開眼睛部位~

等五分鐘左右就洗得,洗果時輕輕打圈,因為佢入面有d微粒,
打圈手法可以當埋磨沙咁用,加強去角質^^
之後用溫水輕輕過水~每星期使用兩、三次左右啦~

洗完之後,塊面有閃粉咁ga,閃令令,所以睇落寺好有光澤~
d皮膚真係會feel到乾淨左,同埋用護膚品都吸入左~
摸上去都好滑,睇落白淨左~D暗瘡印都淡左d~
不過我覺得用完佢最好可以再敷返個保濕,咁就PERFECT啦^^

 

2012/03/13

FX Creations -給你另一半的百寶袋^^


聽日就係白色情人節,大家準備好禮物俾另一半未呢~
今年FX Creation出左一個唔錯嘅百寶袋呀~可以考慮下呀~

就係佢啦,點解話佢係百寶袋呢?唔好睇佢個樣咁平實,
其實佢非常實用呢~因為間隔非常多架,去旅行帶佢係唔錯既選擇~

叫佢百寶袋係因為個袋有三大格,又有水樽位~
仲有一個小咭袋跟埋,基本上銀包都可以唔駛帶,好方便呀!

就連筆位、散子位、貴重物品又可以放入拉鍊格,
揹背包最怕就係啲嘢左抄右抄都抄唔到出黎,呢個袋咁多間格,
咁就唔怕啲嘢放到散修修好難搵啦!

而另一格就係FOR放notebook或者ipad啦,
佢有個軟墊,唔怕會撞花哂呀~

最前頭以為係裝飾既Y字拉揀,
拉開睇下原來好鬼大,可以裝風褸、濕碎野,放最出容易拎~

咁大個背包難免會拎重野,所以保脊既設計真係好緊要,
會揹壞身子,就算個款幾靚都冇用啦~~係咪~

雖然佢容量極大,但揹上身出奇地又唔係好大舊ja喎~
唔會好似好笨重既感覺,都真係幾好呀!!
一個袋就裝哂所有野之餘,佢仲配以輕便跣水物料,落雨用都唔怕呀~
真係岩哂去戶外活動同旅行果時用!!

2012/03/09

輕易升1.5cup,勁show事業線, 你仲唔快d買!!



尋晚係一個令人熱血沸騰既晚上,因為我放工之後出左尖沙咀~
出席左peach john既最新春季商品「WORK BRA」內衣分享會^^


我相信都冇咩人唔識peach john架啦,而我本身都有幫襯開,
平時經過佢地既店舖都好容易俾佢吸引左入去,
因為佢地店舖好粉紅,好女仔,望入去顏色好繽紛,次次入到去心情都好好^^
今次既分享會直接係尖沙咀分店舉行,真係好方便我呀^^
一開始由peach john PR小姐Janice介紹下今日大概內容、peach john既歷史咁啦~~~
我好鐘意jance件衫呀!!!!好靚!!!!唔知係咪peach john架呢~~~


今次分享會主要都係介紹peach john出名既系列,
有heart bra系列、谷間系列、宮廷款系列、綿質系列~
每一款著出黎既效果都好唔同,唯一相同既係效果同樣驚人!!哈哈哈哈~

除左以上講既系列之外,當然唔小得今日既主角work bra啦~~~
呢個系列一共有8隻色,好colourful,梗有一款岩心水ga^^
連褲褲都有3款選擇,基本款、t-back、平腳褲款都有,
真係照顧哂唔同既需要呀,不過美中不足係平腳款冇size分,
但彈性都ok既~我諗唔係超級過火都會岩著既^^

work bra除左顏色選擇多之外,最大特點就係
~ 連鋼圈都遮蓋的光滑無縫,是穿著貼身衣服的最佳拍檔。
~ 罩杯與面布分開的兩層構造,有效舒緩鋼圈的束縛,令穿戴舒適。
~ 輕盈柔軟襯墊,升1.5cup美胸塑型,讓你更顯女性曲線美。
~ 具彈性、吸汗、速乾的物料,令你更加可以忘我的投入工作。

睇過摸過個bra都好舒服,原來peach john仲安排左個靚女model即場示範~
model著出黎個效果好好呀!!!無論正面or側面睇都好正!!!
大得黎又唔會好誇張,幾自然呀~~~真係睇到哇哇聲!!

仲有示範左heart bra,入面個pad都係心型~好cute!!!
model仲著埋t_back +吊帶襪,講真我係女仔都睇到流口水呀~正得好緊要!!哈哈~

呢款就係宮廷款,豹紋ga!!!呢款個胸型集中d,比較圓潤~褲褲係lace ga~sexy!!!
我都試過呢款,以為佢咁谷法會唔舒服啦,點知又唔會喎~好舒服~
我諗我遲下都會忍唔住帶佢返屋企~哈哈

如果冇特別日子唔想谷胸既,都有選擇,呢款就冇好勁既pad,而且pad可以拆落黎,
岩哂平時著ga,d款仲要好靚,著出黎效果都好正~!!

其實peach john d bra真係好好好靚,超多款揀~
一定一定有一款會岩你心水ga,我次次去都樂而忘返^^
試身室好靚,同埋職員都好nice好好笑容,唔明可以隨時問ga~



除左bra,peach john仲有睡衣、家居服、去街衫、
連手袋、涼鞋都有得買,我覺得唔算太貴,價錢都可以接受呀^^
仲有一個好消息,peach john黎緊3月28日會係沙田開分店呀!!!!
對我呢d新界人黎講真係方便好多,當日買野好似仲有化妝袋送ga~
詳情大家留意下Peach John Facebook既公佈啦^^

2012/03/01

超簡單~自家製朱古力香蕉蛋糕

其實除左扮靚,我都好鐘意煮野食既,今次第一次出食譜,希望大家會鐘意啦~
因為發現屋企d香蕉起哂斑點,所以就拎黎整香蕉蛋糕啦^^
而且要既材料非常簡單~

砂糖:65g、蛋一隻、麵粉:75g、有鹽牛油:70g、自發粉︰半茶匙、
朱古力粉隨意,鐘意朱古力濃味d就多落多d啦~
香蕉:150g,大概一隻大香蕉嘅size,越多斑點越熟越好~

第一步,將焗爐預熱至170度~
之後將全蛋同砂糖用電動打蛋器攪至奶白色。

第二步,將牛油坐溶至水狀,之後將麵粉、自發粉、朱古力粉西一西,
朱古力粉都係o係呢個時候落埋就岩ga啦^^加埋蛋醬落去搞勻~

搞勻左粉同蛋之後,再落牛油後攪埋一齊~
加牛油果時最好係分開幾次續d落,攪到混合哂就ok 啦~

第三步,將香蕉切粒再壓成蓉~~記得搞好哂上面d野先好切蕉呀,
唔好預先切定,因為放得耐香蕉會好似蘋果咁氧化生秀ga~

因為當初我只係想整香蕉蛋糕所以之前冇落朱古力粉,但最終都係想整朱古力香蕉蛋糕~哈哈~
所以先係呢個時候補返,記得朱古力粉應該係之前西粉時落埋就岩ga啦~
第四步,將香蕉蓉混合埋落粉團醬入面搞勻~倒入模就ok啦!!
倒入模唔好倒滿,8成滿就ok啦,如果唔係焗果時會瀉哂出黎~

最後放入焗爐焗35分鐘就得啦^^
中途見到個蛋糕開始升起,好開心呀!!

出爐啦出爐啦!!!!!!賣相係咪唔錯呢^^除左睇得之外,仲好好食ga!!!!!
不過今次我貪心落得太多朱古力粉,香蕉咪淡左小小,下次我會放返多小小香蕉落去~
呢個蛋糕真係好易整ga,大家得閒都試下整啦^^
唔知大家鐘唔鐘意我分享既食譜呢???
如果鐘意既,我之後都keep住分享下呀^^