hosy214: 4月 2010

2010/04/27

試用ARMAND BASI香水 - In Red

係上星期返返下工收到個courier~指明搵我簽收喎~一下子諗唔到係咩黎~

拆開只係見到d發寶膠~未見到真身喎~~~pack得咁靚既~

終於都見到個真身啦~原來係你!!!!等左你好耐啦~~~
首先好多謝sasa 抽中我試用今次ARMAND BASI既香水，
得5個名額真係冇諗過自己會中呀~真係好好好好好開心呀^^
先睇下支香水既介紹先:
ARMAND BASI 係著名西班牙時裝品牌，起源可追溯至上世紀40年代，當時Basi家族於西班牙巴塞隆拿開設了一間生產針織服裝的工廠，以用料上乘及手工精緻而馳名。直至1987年，著名設計師Juste de Nin與當時家族掌舵人Armand Basi合作，以ARMAND BASI的品牌推出時裝系列，並大獲好評。品牌於90年代進軍國際市場，除了時裝系列之外，還涉獵不同的時尚精品範疇，包括眼鏡、手錶及香水等，成為備受國際注目的西班牙時尚王國。ARMAND BASI推出的In Red女士香水，靈感源自優雅含蓄的銀柳，揉合都會時尚風格與大自然元素，以淡雅的芬芳彰顯女士的溫婉嫵媚。
ARMAND BASI In Red香水以清新的佛手柑及柑橘作初調，混合了芬芳的玫瑰、茉莉、紫羅蘭葉及生薑的中調，再配以雪松木及麝香的柔和基調，清幽的香氣，將女士的溫柔與含蓄表露無遺。
ARMAND BASI In Red的香水瓶線條方正，簡約時尚，貫徹品牌的創作風格；亮紅色的主調可見金屬效果的瓶身、透明的瓶蓋，以及精緻的包裝盒之上，截然不同的質感卻呈現出和諧協調的效果；瓶身及包裝盒以形態優雅，含苞待放的銀柳枝條圖案作點綴，充分體現了都會時尚風格與大自然元素的完美結合。
初調：佛手柑, 柑橘
中調：玫瑰, 茉莉, 紫羅蘭葉, 薑
基調：雪松木, 麝香
50ml/ $396 100ml/ $496

其實我本身都有用開香水既，不過就買開香水版，大支裝都係得幾支~
因為好多時試果時就好鐘意，但用用下就會唔岩心水，之後就放埋一邊.....
今次呢次香水都係我第一次花香味為主既香水，買既都係果味多d~~sweet d嘛~
平時唔買花香係好驚佢好濃味，我有鼻敏感唔受得太勁既香水~
不過呢味香水陣味就好清淡~好好聞~聞起上黎個感覺係好relax咁^^
而佢都keep到好幾個鐘~真係唔錯唔錯!!!!值得推介呀!!
大家有興趣都可以去sasa試下呀~~~~

2010/04/23

ASCENT幫到我~以後揀香水就冇難度~正呀^^

首先真係好多謝blogger 閃閃星小藍 ^^全靠佢我先有機會去試Estee Lauder集團既ASCENT 全球首個互動個性香氛測試軟件大測試~咩係互動個性香氛測試軟件大測試呢?其實佢係一個專屬 IPOD TOUCH / IPHONE 既 Apps，
大概有7條問題~都係一d圖片，憑直覺揀出你心水既圖，咁就搵到你既個性，適合你既香水，
仲可以簡單咁分析到自己係邊一類型既人，再係相關既組合揀選岩自己既香水~過程都好快~答哂問題，揀埋香水都係用左10mins左右，岩哂我呢d有選擇困難症既人^^

由於尋日我先知有得去，所以放工就即係出左去啦~去到大概6點鐘，可能係放工時間~所以人都比較多~而且佢地好似拍緊片咁~我到果時都已經見到好多人排緊隊啦，有d係blogger，有d係黎換sample既~

ba姐姐話我大概要等20mins左右先到我~咁我就自己四圍影下相~周圍都放滿香水，好靚同好香呀~哈哈哈哈
另外我留意左好耐~無論咩人黎~買野又好，換sample又好，就算運吉都好，
d ba都好好禮貌同笑容~呢個真係值得一讚呢^^

等左20mins終於到我啦~一開始，會問你係男定女。
其他問題都大概係圍繞你最鐘意d咩休閒活動、渡假方式、食咩類型食物、聽咩類型既音樂。

最後我既主要個性是「休閒型」。都好似幾準咁喎~哈哈哈哈

我拎到既就係佢~~我自己真係好好好好鐘意呀^^「休閒型」既代表香氛是綠色的 DKNY Delicious Candy Apple（焦糖味，HK$450）。
綠色的 DKNY Delicious Candy Apple Sweet Caramel 前調是蘋果糖及香梨糖，
中調茉莉花及紫羅蘭，基調奶油焦糖及雲呢拿。

最後將佢同我d寶貝黎張大合張先~~~哈哈哈^^
如你都想試試 ”ASCENT“ 系統，可以在2010年4月22日至26日，
由早上11時至晚上9時，到銅鑼灣時代廣場B1（city'super 旁）親身體驗~
我見到d人拎張coupon去仲有一支sample仔送返tim~大家快d去玩下啦^^

2010/04/21

試用Skinfood龍舌蘭仙人掌水能量蜜粉餅 SPF 50+ PA+++

今次要試用既就係佢，Skinfood龍舌蘭仙人掌水能量蜜粉餅 SPF 50+ PA+++
第一次見粉餅都有獨立包裝，好衛生呀^^

拆開包裝紙見到佢真身啦，有一個蓋隔住個樸同D粉，又幾好喎~

粉餅仲有個好靚既壓花，唔知係咪就係龍舌蘭呢???
不過我覺得似蘆薈多d呀~哈哈哈哈
先睇睇佢既介紹同功效先~~~

Skinfood龍舌蘭仙人掌水能量蜜粉餅 SPF 50+ PA+++ ,
1號自然色 2號健康膚色

適合膚質：適合各種皮膚。
功效及作用：產品蘊含天然仙人掌萃取物，可加倍修護肌膚；龍舌蘭及仙人掌高效防晒粉餅集多功能於一身，包括遮瑕、舒緩、保濕、防曬，能有助改善肌膚色調，締造透薄無瑕的妝容。高達SPF 50 PA +++ 的防曬系，能有效阻隔紫外線 UVA 及UVB對肌膚的侵害，有助延緩肌膚衰老，配合完美遮瑕控油粉末，令肌膚用後感覺清爽濕潤；而仙人掌中的護膚及保濕舒緩成份更能於化妝同時深入滋養肌膚，令妝容由內至外散發真正健康美態。

先黎一幅素面照，呢牌天氣又熱又濕跟住又凍返....所以皮膚都唔係好好~
出左d粒粒仔，連毛孔都變得粗大左...真係oh no啦......

我明明影同一邊面，唔知點解張相會掉轉左.....可能我又唔知按錯咩制...唉....
唔理啦，都可以照睇結果既~我試既係2號色，都幾match我既膚色，
上左粉後，好明顯遮左唔小既毛孔，膚色都平均左~
最好既係佢本身已經有50度既防曬，用起上黎真係好方便!!
而且都唔厚，又唔會好乾，仲好似有小小控油，用左佢出小左油呀~

其實skinfood d mask我就用得多，粉餅都係第一次試用，
而價錢方面，我覺得一盒有埋50度防曬，唔駛另外買，315蚊算係合理既價錢既~
雖然咩廷緩肌膚衰老未見到效果，但其他既功效佢都做到呀~所以我都好滿意呀^^
最後當然要多謝beautylife x skinfood俾今次既試用機會我啦^^
分享完畢^^