KO暗瘡easy job~齊齊加入Acnes洗顏部^^

近牌塊面唔知係咪因為轉天氣定係咩原因，塊面係咁出粒粒，真係好煩惱!!!
咁岩就有得試用Ances系列其中4位成員~真係合時雨呀!!!
包括左Ances控油清爽潔面乳 &  雙效磨砂潔面乳 & 暗瘡護理爽膚液 & 暗瘡護理液

其中2樣都係洗面產品黎既，分別係Ances控油清爽潔面乳 & 雙效磨砂潔面乳~
就咁睇外型都冇咩分別ga~哈哈~

Ances控油清爽潔面乳
徹底潔淨: 溫和且高效潔面成分有效徹底清除面部多餘油脂及開啟堵塞之毛孔，直達暗瘡根源
處理暗瘡: 蘊含甘草提取之消炎抗菌劑，能深入毛孔深處，軟化角質，淨化肌膚，調理成不易長出暗瘡的膚質
控油保濕: 含保濕成份維他命C，E及虎耳草提取物，有效平衡面部油脂，令肌膚持久清爽平衡。

好軾易可以起到泡沫，d泡都算幾結實唔係稀ga~幾好~
洗完面都唔會話好乾，因為都好怕控油產品好乾，但佢冇呢個情況~

雙效磨砂潔面乳 (100g / $43.9)
雙效磨砂潔面乳去除老化角質，平衡油脂分泌，蘆薈成分更可紓緩紅腫不適。
另外加入具美白功效的維他命C及E，有效去除暗瘡印~

佢同控油清爽潔面乳唔同既係洗面膏入面有d藍色既粒子，
唔算好粗，用黎磨砂塊面都唔會痛既~

佢都係一樣好輕易就起到大堆泡泡，另外仲有薄荷既感覺，
洗完面會feel到涼涼地，我好鐘意呀!!好舒服!!

暗瘡護理爽膚液
含有微細吸油粉末，能即時吸走多餘油脂，令肌膚時刻保持清爽。
超微細吸油粉末於肌膚表面形成吸油網，全日持續發揮功效，令肌膚再見油光，啞緻清爽。
配方高效收歛毛孔，調節皮脂，減少暗瘡形成。配合維他命C保濕成分，令肌膚滋潤平衡。

因為佢有微細吸油粉末，所以會有2層咁，用之前要搖勻先好用呀~

用既方法都好簡單，每日早晚潔面後，將爽膚液搖勻並沾濕化妝棉，輕拍於面部。
都抹到好多dirty野出黎~

最後用埋暗瘡護理液
含桃菜提取物，有效令暗瘡快速凋謝，舒緩紅腫不適 *配合金縷梅提取物，幫助收細毛孔，調理皮脂平衡
添加Bio Antiage B去印補濕成分，能快速滲入肌膚，修護暗瘡部位，避免暗瘡凋謝留痕

佢係走珠設計，用起黎都好方便，直接搽係暗瘡位就得，唔駛整到手幾好呀~

用左個多星期啦，時間都唔算好長，但都有小小成果見到ga~
雖然張相影既時候色水都唔係好同，不過都可以見到d印真係淡左ga~
而d暗瘡都謝得七七八八，生暗瘡既次數都減小左.....
希望Keep住用佢會有更加好既效果啦~~~我要白滑迎夏日呀!!!

美白大作戰 - 無懼光害，盡情玩轉炎夏

Sunkiller 既防曬我一向都有用開，之前都出過文介紹佢" 舊文重溫"
今年Sunkiller推出左加強版，當然要一試啦~~
分別有金色樽既SUNKILLER 強效納米防晒乳液&粉紅色樽SUNKILLER BB納米防曬乳液~

兩款既包裝其實都係一樣，大家都係吱咀~
分別在於唔同顏色既樽身，粉紅色同金色都好sharp~見到都覺得好夏天feel呀!!

先介紹SUNKILLER 強效納米防晒乳液
強效納米防晒乳液含超微細納米防晒粒子，SPF50 PA+++可強效對抗紫外線，同時隔離UVA及UVB~

- 質地清爽柔滑、不黏膩，用後透明無瑕， 無白色殘留
- 性質溫和，無人造色素，呵護幼嫰肌膚
- 防水、防汗， 強效預防因日晒而形成既色班及雀班
- 獨特抑味配方清除防晒用品釋放難聞氣味
-  蘊含補濕成分(木槿、海藻、黃芩及絲瓜萃取)
- 性質溫和，無人造色素，呵護幼嫰肌膚

用先用搖勻，質地都好薄，好容易推開，都唔會笠痴痴~
比平時既防曬小左陣防曬味，佢有小小既香氣~

搽上面都冇氾白同流白汗既情況發生，唔錯~
呢隻我試過搽埋身都ok，冇話痴笠笠既感覺~好抵用!!

而SUNKILLER BB納米防曬乳液蘊含超微細納米防晒粒子，
同強效納米防晒乳液最大分別就係佢係自然膚色，可以當粉底液使用
- 含超微細納米防曬粒子，緊貼肌膚，高效阻隔紫外線
- 蘊含透明質酸、骨膠原、蜂皇漿萃取及Lipidure保濕因子，全面呵護肌膚
- 防水、防汗、防油，強效預防因日曬而形成的色斑及雀斑
- 獨特抑味配方清除防曬產品釋放的難聞的氣味
- 性質溫和，無香料及無人造色素

佢地質地都有好水，好容易推開，而好好彩佢隻色同我既膚色都好match^^

一般既小瑕疵佢都可以遮到小小，所以平時用佢再加碎粉就可以出街，非常方便~
但如果保濕可以再加強小小就very good啦^^
夏天，真係唔可以懶搽防曬，要好好保護自己既皮膚呀!!!

在家輕輕鬆鬆護髮 - 打造春夏俐落髮型

要我出街坐幾個鐘俾人幫我焗油，我真係覺得好哂時間，
所以平日有時間，我都會係屋企為我D頭髮做下Treatment~

呢牌用緊沙宣護色亮澤高效護髮精華，佢有2款既，我呢隻係適合染髮人仕使用

佢呢隻有效修護及保養髮絲因電，燙，染對頭髮帶來的損害，
而深層滋潤修護系列產品添加40%的超水感賦活因子，全面保護每根秀髮，
注入源源不絕的水份精華，可以從此告別毛躁乾旱的受損髮質~
質地同護髮素其實冇咩分別，我貪佢夠方便，因為出去做焗油閒閒地要成個鐘，
但佢呢隻只係5分鐘就洗得，而且陣味仲好香tim~
我用左個幾月，一個星期都用2-3次，d頭髮又真係好似滑左同有光澤左~
40蚊左右有咁既效果好抵用呀，可以keep住買~
而Vidal Sassoon為今個春夏都推出左2件新品呀，好開心可以一試^^

第一樣就係沙宣防熱護髮噴霧~
自從剪短左頭髮之後幾乎日日都要吹頭，都咪話唔傷頭髮ga~

呢個防熱護髮噴霧適合所有髮質用~
佢獨有抗高溫鎖水聚合物分子，特別針對風筒、曲髮器等的高溫挑戰，
有效對抗高達140 度高溫傷害，同時智慧記憶髮絲曲線，更利持久定型~
可以提升秀髮保水能力，滋潤鎖水, 讓秀髮長久滋潤~

用法好簡單，洗完頭之後，吹頭or用曲髮器之前噴係頭髮上面先就得~
咁佢就可以保護到頭髮唔俾高溫既傷害~
吹完頭d頭髮順滑d同埋都會keep得直d，唔會左右繞起~幾好用~

另一樣就係沙宣極緻亮澤修護凝露，細細支有30ml~

獨有光感保濕因子， 顯著提升秀髮光澤度與絲滑質感，瞬間安撫造型細節的不完美

質地好似髮尾油，同埋好香~
我短髮，大概吱1 -2 泵就夠用，均勻咁搽係髮尾就ok~
唔好睇佢係油，但搽左上去一d都唔油，都幾清爽，冇笠痴痴既感覺，幾好~

用左沙宣呢幾件產品，真係好輕易就可以打造有光澤健康既頭髮~
想點塑造春夏既髮型都唔怕傷害到頭髮啦^^

超級天然營養補充品 - 有機巴西莓強化配方 ^^

平時都冇食過補充品既習慣，不過年紀都開始唔算細，係時候好好愛護下身體啦~ 今次有幸試下超級天然營養補充品，有機巴西莓強化配方~ 佢可以融合每日所需養分，能幫你改善整體健康、美肌纖體，甚至讓你睡得更好~ - 有機凍乾巴西莓天然蘊含重要養分如抗氧化物、維他命、礦物質、    多元不飽和脂肪酸、食物纖維與胺基酸，令它成為頂級超級食品~ - 有機凍乾巴西莓富含氧化自由基吸收能力，抗氧化指數是紅葡萄的56倍、橙49倍、藍莓22倍。 - 有機凍乾石榴提供維他命C與可抵禦自由基的抗氧化劑。 - 受認證的10:1有機凍乾精華，供給市場上最高品質及效能的營養素。 研究顯示，可抵禦自由基的抗氧化劑，能修復皮膚瘡疤、提昇免疫力、減輕體重與降低壓力 胺基酸和維他命B群有助降低壓力與促進優質睡眠。 美國製造，成份有有機巴西莓、有機石榴、增體劑 (蔬菜纖維素)、抗結劑 包裝用鋁罐，密封口，而家入面有包防潮珠~ 每日食2粒就得，我多數早晚食，食左大概10日左右， 食既時間唔算長，減輕體重同美肌就真係未見到，反而生多左1,2粒瘡，唔知關唔關事呢~ 唯一覺得有改善既係好似真係訓得好左小小，第2朝起身冇咁累~ 我會繼續食落去，睇下會唔會有更多既改善^^

來自意大利的COLLISTAR - 大大支複合維他命爽膚液

今次係第一次用到意大利品牌既Skincare，佢就係COLLISTAR啦~
Clollistar我之前都聽過佢既纖體系列好出名ga~
而Collistar在係意大利已有超過2000個銷售點，並已進駐歐洲及中東等30多個國家共1400個銷售點，
同埋佢地每一件產品均以最先進的皮膚學研究成果，配合科學方法及嚴格監控程序，
保證絕對不作任何動物測試，所以都用得放心ga^^
不過我今次用既就唔係纖體，而係佢地既複合維他命爽膚液~

先簡單介紹一下Collistar複合維他命爽膚液

適合中至乾性皮膚

成份和功效：
金鏤梅萃取物、含羞草萃取物、矢車菊萃取物、太陽花成份，可保護肌膚天然水脂膜
Vitamins A, E, B1, B3, B5, H 可供應肌膚所需養份，預防衰老
山金車萃取物可抗炎、收斂、抗過敏
不含酒精，瞬間提升肌膚活力，感覺
清新；即時軟化肌膚，使肌膚更加吸收其後護膚品，回復光澤

包裝用上粉紅色加簡單既設計，冇任何花巧既包裝設計，
雖然我唔係特別鐘意粉紅色，但都好討我歡心^^
樽口位唔算太大，份量都易控制，唔會倒到周圍都係~

有一陣花香既氣味，但我覺得都幾人工味，不太天然香料，但未至於接受唔到既~
份量大概5蚊硬幣咁多就夠，早晚用，抹勻全面就ok啦~

雖然佢冇標明自己係清潔既爽膚液，但用佢都可以抹到好多洗面之後殘留係面既化妝品等污糟物質~
抹得乾淨，所以之後用既護膚品相對都吸收得好d^^

總括黎講我都好滿意呀，另外佢亦都大支，
足足大我之前用緊既爽膚水一倍呀，大左一半~~~
所以就算用佢黎做toner mask都唔會心痛啦^^

美白BB CREAM - 透出自然亮白的完美光感

曾幾何時，好怕用BB cream，因為好怕厚，好怕焗，更差既搞到成面暗粒~
不過而家d bb cream真係改善左好多，我都開始接受返bb cream啦~

之前用過Neutrogena既防曬，覺得好好用~對佢既牌子都幾有好感~
所以今年佢出左支新既bb cream都好有興趣試下^^

Neutrogena BB Cream UV 細白煥采 BB 霜 UV (HK$149.9)
首支集深層美白、保濕潤肌、瞬間修飾、防曬保護的多功能肌色乳霜，
具 SPF19 及 PA+++ 防曬效能，蘊含活性美白精華以淡化色素，
並具獨特亮肌礦物配方，瞬間修飾膚色不均及黯沉，即時透出自然亮白的完美光感。

包裝同一般用過既BB cream設計有d唔同，一般都係牙膏式既吱吱裝，
而Neutrogena BB CREAM換上泵裝，所以拎起手好似用緊粉底咁既感覺^^
顏色方面，比一般既BB CREAM白，同埋比較水D，冇咁杰身~
感覺同我想像中同用開既BB CREAM好唔同，我覺得佢似一隻BB CREAM功能既粉底lor^^
因為佢質地比較水，所以都好易推勻全面~
我自己就冇色差既問題，不過我估太健康膚色既sis會有泛白既問題~
如果佢有多d顏色選擇盲更加好啦~

我用一般既BB CREAM覺得會比較容易乾，有乾紋既問題，
但可能呢隻比水，所以乾既問題都唔係好嚴重，用左佢，皮膚睇落有光澤感，
加上佢有SPF19 PA+++，一般落街都唔使再搽防曬幾方便呀~
不過可能因為佢比賽薄身，遮瑕方面就唔係好足夠~
一般既泛紅都遮到，但暗瘡印果D就遮唔到啦~要另外用遮瑕膏~
以一支150蚊既BB CREAM黎講，有美白防曬保濕既功能，
價錢唔貴，效果都唔差，都值得繼續用落去呀^^