Pampers全新日本進口敏感肌系列用後感

唔覺唔覺試左pampers全新既日本進口敏感肌系列已經一個多月啦~

係時候可以分享下試用感受^^

其實佢同特級棉柔片片感覺差唔多，但細心摸下就會發現條片片比白P薄D~
透氣度比白P更高，而且吸濕效果好好~
呢個月用佢過夜都未試過漏尿~每朝起身都吸到大大舊ga~~!!
唔會敏感搞到紅patpat，呢樣我非常滿意^^

有左pampers全新既日本進口敏感肌系列，以後就唔怕紅patpat同漏尿尿～
媽媽我唔使再擔心，bb可以一覺訓到大天光lu^^

足不出戶選購聖誕禮物，盡在ZALORA^^

聖誕就到啦，又係時候選購聖誕禮物~

不過而家湊住小朋友，要我出街買真係唔多方便~
所以我又第一時間諗起佢 - ZALORA  ^^
我對ZALORA都唔陌生而之前都有介紹過佢~
咁我都簡單介紹下佢啦，ZALORA香港為客戶帶來既獨特又全面的貨品選擇。
佢地提供的衣服、鞋履、運動服裝及時尚飾物多不勝數，
讓客戶可以時刻緊貼潮流, 塑造出與眾不同的風格。

而聖誕節，ZALORA都特別準備左一系列產品選購~

仲細心分哂類有俾媽媽，爸爸，女朋友男朋友~

只要一chick就可以搵到岩類別既產品，真係好方便呀^^

女仕既產品真係應有盡有，除左衫牌鞋襪，細至飾物，就連手袋都有齊~

最緊要係價錢一d都唔貴，真係由頭到腳都可以包辦哂都唔覺得貴ga!!!

而男仕款式都有好多款式ga，而且都有好多唔同牌子可以選擇~

價錢有平有貴，各有所好^^

而我就睇中左部分既衫，同埋一d好有聖誕節氣氛既飾物~

價錢只係幾廿蚊，買黎襯下衫好抵玩呀^^

唔好唔記得download佢個APPS呀，而家dl apps買滿550蚊仲有15%優惠ga~!!!

真係抵上加抵!!!滿150蚊又免運費，足不出戶就可以買到心頭好，真係好開心呀!!!

L O'real日本冷燙科技 Curlia電髮新體驗

就到聖誕，又係時候改變一下髮型迎佳節啦～
而我早前體驗左日本L'Oreal最新既冷燙科技 Curlia 電髮服務~
圖中就係精華油乳化劑，佢能保護髮絲表面~
配合植物萃取而製成，保持可以頭髮表面濕潤、貼服。

當日去左位於藍田既髮型屋搵屬於L'Oreal團隊既髮型師Franco為我電髮~
去到之後Franco為我講解完大概點做之後，係電髮之前第一樣做既就係幫我剪髮~

當然Franco剪之前都問清楚我，俾我知道大概剪幾多得到我同意先剪啦~
大刀一剪，今次剪短左好多呀起碼6寸~
不過既然黎得，當然要信任髮型師專業眼光，所以全程我都好放心~

剪完髮再沖乾淨吹乾就正式開始電髮啦~
過程好簡單，先卷髮，再落1號電髮水，之後包保鮮紙加熱等大概20-30分鐘左右就得~

日本冷燙科技 Curlia電髮技術提供髮根至末端一個更均勻的曲髮效果~
可以為秀髮帶來更有彈性及立體感的曲髮造型~
而且Curlia冷燙科技打造的鬈曲髮型不容易變軟~
第一步驟完左之後沖水吹返乾就做第二步驟啦~

之後落埋2號電髮水為髦髮定型~
今次仲簡單，連加熱都唔使，只要坐係度等20分鍾就得~

最後洗頭，Franco再幫我吹頭~ 仲教我係屋企應該點打理髮型，真係好細心呀^^
電髮後我好滿意呀，係我鍾意既大卷髮~
而且全程都唔使好似陶瓷電髮咁有部機勁加熱吊住d頭髮咁熱咁煩~
洗剪電都係用左大概3個鐘頭就完成啦~
真係又快又滿意，有興趣電髮既可以一試Curlia呀^^

(感謝由itrail提供試用服務)

全新Pampers敏感肌系列，全方位絲柔亁爽

Pampers呢個品牌我相信無人唔識～

而我仔仔都試過唔小品牌既尿片，最終都係投入pampers既懷抱^^

而我最近參加左Pampers品牌既活動～

有機會同各位分享一下最新既日本進口敏感肌系列~

包裝好似用開既白P咁，不過細心d睇就會發現佢係全日文包裝架～

而且佢係全新日本製搶先日本發售添～

一包入面片片有唔同既公仔，顏色柔和好得意^^

仲有尿濕提示係片片中間～

同白P比較下，片片小左下面彩色波點圖案～

但相對地尿濕顯示就更加明顯啦～

大小方面分別不大，而片片厚度比白P薄小小～

感覺上就算夏天用都唔會焗～

佢成分有不織布，紙漿，可透氣PE膜,，高分子吸收體，蘆薈提取物～

而加上佢添加 50%護膚精華，所以敏感肌都適用～
唔單止片片入面，連出面都係棉質地，成條片都好柔軟～

有媽媽問點解包好片都成日漏尿爆屎？

其實只要將紙尿片平舖係腰下，拉伸彈性腰貼到略有緊崩感～

最緊要將大腿兩側既防漏隔邊包好整理下～

咁就點郁點跑都唔會漏架啦～

呢款敏感肌系列剪裁好好，好fit我仔仔既pat型同大腿圍，不鬆不緊，著得好舒服^^

只要一屙尿，尿濕顯示就會由黃變綠～

最算用佢過夜都無有怕，吸到大大舊都唔會漏尿~
又唔會敏感搞到紅patpat，呢樣我非常滿意^^

我會keep住用，用耐d等我下次再詳細分享下用後感^^
發售地點於屈臣氏及萬寧中的大型店舖有售，有興趣快d買包試下啦～

Ingrid Millet - Age Jet Plasma氮氣轉換化為等離子能量，為肌膚Power up

早前有幸被邀請到Ingrid Millet英格蜜兒試做日最新既Age Jet Plasma等離子逆齡嫩膚再生療程～

佢係一個可以改善整體肌膚質素，令肌膚重拾活力緊緻彈性～

皺紋、色斑、暗瘡印及肌膚鬆弛下垂等多重瑕疵同步修正，改善衰老等問題～

做一個療程可以改善到咁多問題真係好期待，好吸引～

房入面好乾淨企理，燈光柔和，有埋地方沖涼，好方便呀～

不過我只係做面部療程所以就無機會試佢既沖涼設備啦，哈哈～

其實我好怕美容房入面得張床咩都無，因為次次做完faical個頭髮都勁亂～

樣又未訓醒咁，要我咁行出房俾人睇到真係唔多想呈～

好彩另一邊就有梳妝枱，仲有齊基本需要，咁做完facial 可以係房執返靚先行出去～

浴袍、毛巾都整齊地放好，俾我感覺好舒適，換好浴袍就準備療程啦^^

今次我做呢個Age Jet Plasma等離子逆齡嫩膚再生療程係有別於一般激光療程架～

佢係透過特製專利機頭，將氮氣轉換化為等離子能量，以極速噴射技術噴出氣流～

將等離子能量雙倍注入不同肌膚層，重點消除肌膚多餘角質層～

亦瞬間將等離子能量直接促進肌膚膠原自生及肌膚微循環，鞏固傳遞至肌膚底層彈性纖維～

重而重組、重生、重塑肌底細胞，達致抗衰老護膚功效～

見到部機有大大支氮氣係度，未做之前真係有小小緊張呀！

好彩我既美容師亞Ming好細心同我解釋清楚，講解每一步會點做～

了解左之後輕鬆唔小，當聽到佢講係唔會痛我就放心哂啦～

做之前，Ming係我面上畫左格仔，方便佢記得邊格做左療程，確保全面做妥～

之後係我眉毛、眼睫毛位置痴上膠紙保護，療程就正式開始啦～ 

亞Ming用專利機頭係我全面做，包括我對眼～

有做過機都知，絕少數儀器能可以係脆弱的上眼皮或眼周位置做架～

而嶄新等離子科技就可以用係上眼皮及眼肚，同步修正眼肚和上眼皮肌膚鬆～

比利用光波及電流能更有效，更安全可靠添～

做既過程真係一d都唔痛，只係聽到部機發出較大聲既"卜" "卜" 聲～

然後feel到塊面一下一下有凍風吹，遇到毛髮較多既位置好似唇毛咁就聞到小小𤓓味～

全程除左嘈d同有風吹真係無咩太大感覺，好輕鬆咁就完成左啦～

**d相係我療程後請ming示範點操作所以d膠紙係除左，正常做貼哂膠紙架**

之後再敷返個補濕mask就完成啦，皮膚即時變得白滑水潤^^

不過其他緊緻彈性效果就唔係即時睇到，要大概一星期後效果係最好～

Ming提醒我未來7日停用美白或其他產品，淨係用保濕產品同防曬就得～

仲要日日都敷保濕mask，仲送左支香薰舒緩保濕面膜俾我，勤力敷效果就會更加好！

係時候睇下分別啦，未做之前我皮膚真係超級乾，搽幾多野都無用～

面同鼻都乾到甩皮，面頰舊肉有d鬆弛開始向下無咩彈性～

做完Age Jet Plasma療程後跟足指示只搽防曬保濕，日日敷香薰舒緩保濕面膜～

支mask好好聞，我襯每日沖涼時敷10-15分鐘就洗走，好方便呀～

7日後，皮膚明顯水嫩哂，就算用返療程相同既保濕產品，都比之前吸收得快d～

到第三日甩皮問題已經解決哂，面頰都提升左彈性多左，明顯無咁包包面～

除左仲有小小暗瘡印，基本上皮膚真係好到而家唔使化底妝就可以出街^^

而家英格蜜兒推出限時免費體驗: Age Jet Plasma眼部療程

 請即登入以連結下登記: http://goo.gl/I7CciE

有興趣既朋友就唔好錯過今次既機會啦！

（感謝產品療程及資訊由英格蜜兒提供）

大島椿～實而不華尊貴既山茶花修護美髮油

又到秋天，除左面部護理，頭髮保養都同樣重要～
最近試左隻唔錯既護髮油，佢就係大島椿既山茶花修護美髮油

「山茶花修護美髮油」($78/ 40 ml ; $108/ 60 ml)
以天然山茶花種子提煉而成的 100%純天然山茶花 油,可有效保持頭髮滋潤,令秀髮柔順健康。
佢有5大護髮效果：
・ 防止水份流失,秀髮持久水潤貼服
・ 阻擋 UVB,保護頭髮免受紫外線傷害
・ 抑制靜電,預防毛燥
・ 保護秀髮免受風筒熱力傷害
・ 修補頭髮,抑制損傷

而且為確保產品質素，「大島椿」主要只選用生長於日本及韓國之山茶花作原材料，產 量十分有限。
一棵山茶花樹的種子只能提煉出60ml 的山茶花修護美,髮油，產量少所以更珍 貴。

最方便既用法就係將山茶花修護美髮油搽幾滴係手心推開，之後搽係髮尾就得架啦～
美髮油氣味好清香，而且質地好清爽，搽上頭髮後好快吸收哂～
而且佢仲有其他用法，例如可以護理頭皮，頭髮造型，而實我就比較鍾意用埋佢做焗油～

佢當焗油用法都好簡單～
於洗髮前將美髮油塗係乾髮上～
之後用熱毛巾包住頭髮等待 10-20分鐘再用清水洗兩次就得架啦～

用左佢，頭髮滋潤左好多，無咁毛燥，開叉都小左～
價錢又唔貴，真係好適合秋冬用黎護髮呀^_^

（感謝產品及資料由Oshimatusbaki提供）

Something Hair & Beauty~不一樣的日系染髮新感受

較早前經朋友介紹，我去左位於大埔既Something Hair & Beauty搵Keith搞搞我把頭髮~
我本身對大埔有一定既熟識，對我黎講地點唔算難搵~
但如果小去大埔既就可能會有小小難度啦，因為佢個地點幾神秘ga~哈哈~
其實Something Hair & Beauty位於寶湖道寶鄉橋六鄉學習園地既旁邊條小路直行就到啦~
地方不算大但環境寧靜舒服，有家庭式既感覺，入到去比去SALON更自在呀~

今次我主要去係染髮，因為keith用既染髮劑係用日本進口貨既Assort Allia ~
每支Assort Allia 都係keith親身飛去日本入貨，自己運返黎~
因為每次入貨都唔會太多，每一支都好珍貴ga!!要染髮，最好預早問定Keith仲有冇貨~!
 
Assort Allia既色系係非常多，同我地自己係商店買到既歐美的染髮既色系有d唔同~
平時買到既歐美染髮色系偏橙、紅 系，染出黎既顏色比較實色，死板d~
而日本染髮色系係講求層次感，同一隻色唔同翇色染出黎都唔同效果~
顏色冇咁實，感覺比較柔和d，而且唔同既燈光會有唔用既效果^^
  
每一支染髮膏都有證明書，而且出口好嚴格ga!!!!
聽kieth講仲會有專人定期黎睇下運作如何，確保品質，真係好認真呀~

今次我用既係Assorted Allia既2015年新色系，三款比較特別既顏色~
分別係粉紅、紫&灰綠色，就咁聽落三款顏色都好似好誇張咁~
但睇完色版就發現三隻顏色出黎既效果都好自然~~
呢個色版就有得對下自己頭髮顏色深淺，之後睇返染出黎既效果，好方便!!
最後我聽埋kieth意見後，揀左8／Grp 灰綠色^^
  
Assort Allia既染髮膏無亞摩尼亞臭味~
而且唔刺激頭皮，唔傷頭髮，染得好放心呀~
因為我頭髮好長，所以我要用哂成支染髮膏先夠呀，哈哈~
 
kieth先係髮根下一寸染，之後等廿分鐘，再染髮根~
因為髮根近頭皮，會有熱力，如果同一時間染顏色就會唔平均~
呢隻染髮膏有透明質酸所以唔使落機做，只要乖乖坐係度就得~
而染髮時間是乎髮質，因為呢隻日本配方比一般染髮產品溫和~
最長可以染個半鐘，等顏色慢慢出，效果更自然，而且染完好似做左焗油咁滑^^
  
Keith仲好細心幫我染埋眉，等翇色同眉望落一致d，出黎效果醒神d~
染眉期間條眉越黎越深色，睇落真係好好笑，不過過水後就無事啦，唔使驚~哈哈~
 

因為我頭髮又長又深色，最終我染左一個鐘，期間上下網時間都好易過~
出來既髮色，我係好滿意既~!!!
染完出黎頭髮好有光澤，正常燈光下髮色係非常自然，唔會好誇張~
出街陽光下，頭色變得非常有層次感，由其扎辮編髮後效果更好~
最開心係Assort Allia好溫和，染髮後頭髮都冇變差，反而有光澤感tim^^
雖然六百多元染髮有小小貴，但效果咁靚又唔傷頭髮其實值得既!!
有興趣可以搵Keith試下啦，記得早兩日預約呀，佢唔做walkin客ga~
Something Hair & Beauty 電話: 9844 7373 (Keith Wong)

Innisfree ～ 讓肌膚享受氣泡溫泉

早前有幸獲得由Innisfree邀請，出席佢地舉辦既新品介紹活動～
Innisfree我本身都有用開，好鍾意佢地既產品～
而今次主角係要介紹礦物水光舒緩系列～
韓國自然主義護膚品牌Innisfree既研究團隊，以濟州島西南部山房山的稀有碳酸溫泉水～
研發出專為面部肌膚而設的「氣泡溫泉」─ Jeju Sparkling Mineral Collection～
讓面部肌膚也可浸泡於純淨而極富營養的碳酸溫泉水，不但可瞬間為乾燥肌膚補充水份，減淡乾紋；

同時，高含量的碳酸 成份，有助促進血液循環，可即時讓倦怠及暗啞肌膚回復朝氣亮澤。
淨係聽介紹都覺得好吸引呀！

Innisfree Jeju Sparkling Mineral Collection礦物水光舒緩系列，使用富含3種高濃度碳酸&13種溫泉礦物質的山房山碳酸溫泉水所研製～
高濃度碳酸及溫泉礦物質相互發揮協同效應，配合專利的Micro Sparkling TechnologyTM微細氣泡科技 TM～
利用碳酸自身的氣泡特性，將碳酸份子轉化為被毛孔更小的綿密超微細氣泡～
讓其更易緊貼肌膚，增加導入口有助活性成份及水份迅速輸送到肌底層～
促進細胞新陳代謝，從而讓缺水、暗唖、 疲倦的肌膚瞬間回復水潤透亮,柔滑緊緻～
最重要係呢個系列所有產品均不含防腐劑、動物性原料、礦物油、人工色素、合成 香料架～

今次重點介紹既就係呢支Jeju sparkling mineral essence礦物水光舒緩精華（HKD230/70g ）
礦物水光舒緩精華富含73.6%山房山碳酸溫泉水，3種高濃度碳酸和13種溫泉 礦物質相互協同發揮複合能量～
配合專利的Micro Sparkling TechnologyTM微細 氣泡科技TM，高效將水份及礦物質傳送到肌膚底層～
為細胞補水及營養之餘,，同時促進細胞新陳代謝,讓缺水、暗啞及倦怠的肌膚,瞬間回復水潤亮澤。
礦物水光舒緩精華具備補濕、改善肌膚紋理、膚色、緊緻及鞏固肌膚屏障等5種 SPA功效～

當精華唧出黎既時候，好似mosses 咁有好多微小既氣泡，好得意～
質地方面感覺係潤而不笠，都幾清爽，氣味都好自然幾好聞～
而用法好簡單，只要以打圈手法塗抹，精華好快就會滲透肌膚～
塗抹之處會呈現微紅現象，咁係正常架，因為碳酸氣泡有助活性成份更易被肌膚所吸收～

而當日亦示範左一樣好有趣既產品，就係Jeju sparkling Mineral Powder礦物水光舒緩碎粉(HK$20/ 30g)
便攜式碎粉係可以係屋企自己DIY碳酸溫泉水面膜～

碎粉可以含促進微循環之餘，仲有濟州柑橘果皮萃取物～

因而能潔淨毛孔深層,讓肌 膚即時呈現亮白。

浸泡過後，猶如為肌膚敷了碳酸溫泉水面膜，肌膚也回復細緻光滑～

用法好簡單，先將一包礦物水光舒緩碎粉加入約1. 5升至2升的水入面～

在其溶解後再加入第2包礦物水光舒緩碎粉～

當出現碳酸氣泡後，合埋眼睛將臉慢慢浸入水中後將頭抬起，並用雙手潔面就得架啦～

按摩2至3分鐘後,可以微溫水清洗～

當日我都試過放隻手入去感受下，感覺好清涼～

有好多小氣泡圍住我隻手，好得意呀～

浸完隻手比無浸既微紅，不過無唔舒服既感覺架～

隻手真無滑過無浸果隻，我浸左好短時間都feel到唔同左，好神奇～

今次活動令我認識到Jeju Sparkling Mineral Collection既威力～

有興趣既快d去專門店親身感受下啦^^

（感謝產品及資訊由innisfree提供）