2012/06/29

大愛!! – 極light防曬保濕gel


neutrogena防曬,由樂基兒做代言果時我就有用過~
其實幾好用ga,不過鐘意試新野所以轉左~
最近又見到佢出左隻新既防曬,雖然亞sa個樣好似執到有d古怪,
但我對新既防曬好有興趣,因為佢係gel質地ga!!!

佢呢支Neutrogena Hydro Boost Gel 水活保濕防曬凝露 SPF30 PA++ ($149.9 / 40ml)
首創於極輕盈保濕Gel,加入SPF 30,「內保濕,外防矖」,締造夏日保濕最高境界。
「內保濕」 : 為肌底導入大量HA保濕精華,顯著提升水份400%,
並12小時持續漸進保濕,全日為肌膚refill水份。
「外防矖」 : SPF30 PA++防矖,有效隔離UVA & UVB,強化肌膚保濕屏障,鎖緊水份。

一般防曬都係lotion狀,感覺比較笠小小,真係要比較貴既牌子先冇咁笠lor~
而佢既質地係gel狀,我都係第一次用gel狀質地既防曬,感覺似搽緊保濕gel^^

而且佢都好容易推開,真係勁好厚佢都吸收得好快,
而且真係唔笠,feel到佢係水潤得黎又清爽^^

而家用Neutrogena Hydro Boost Gel 真係好方便,
一支就已經夠保濕又有防曬,真係好適合夏天用~
總括黎講雖然用左唔係好耐,但我真係幾鐘意佢,
有聽唔好既,對我黎講只有一樣,就係香味太重啦,
如果香味可以冇咁勁就更加perfect啦^^

2012/06/25

Bio-Oil- 除疤、抗紋、護膚萬能油^^


大家對bio oil既名字可能會有小小陌生,雖然佢引入左香港萬寧唔係好耐,
但其實佢係11國名列除疤抗紋產品銷量冠軍,來頭真係唔野小ga~

點解會話佢係萬能油呢??因為佢真係有好多功效ga~
可以除疤、抗紋、唔均勻既膚色、老化、缺水既皮膚、甚至妊娠紋都可以對付!!

佢既成分都好天然,一睇之下發現有好多種熟識既精油~
好似有洋甘菊,可以消炎,舒緩緊張皮膚~
而金盏花就可以細胞再生,,有效避免皮膚炎症及紅腫~
迷迭香就有滋潤作用,薰衣草就可以緊緻肌膚,同埋含天然消毒劑~
而佢獨特既PurCellin OilTM成份就可以幫助皮膚迅速吸收有效成份~
除左精油,佢仲含維他命A,幫助骨膠原形成,令肌膚再生,增加皮膚彈性~
維他命E就減低游離基,可保濕,,對傷口癒合有幫助~
成份溫和,所以孕婦都可以用ga^^

雖然我就未做媽媽,未有妊娠紋問題,但唔均勻既膚色、老化、缺水既皮膚我就有啦~
佢說明書仲有圖教埋點按摩可以改善到,又幾好喎~

bio oil呢支油都唔算貴,$110就有60ml ~
油用量每一次都唔使用好多,所以60ml都可以用好耐呀~
不過樽身設計如果係泵裝就好d,因為倒出黎份量比較難控制~

至於質地方面,好多人都會好怕搽油上身,因為怕痴笠笠,油膩所以好抗拒,
其實皮膚乾,除左補水之外,補油都係好重要ga!!!
同埋bio oil呢支雖然係油,但真係吸得好快,唔會痴笠笠ga~
同埋佢搽左之後有陣按摩油既味,好relax,我就好鐘意啦!!!
如果真係覺得初初唔慣搽油上身or面,其實可以溝d落用開既護膚品一齊搽,慢慢習慣下先^^

除左搽面,我都會用黎搽埋手腳,因為我手腳都比較乾,同埋好多蚊爛印,好肉酸.....
咁搽左d皮膚仲好有光澤,睇落去都靚d,仲希望更係d蚊爛印會快d退色啦~
暫時用左佢幾個星期,都覺得用左佢d皮膚冇咁乾,但除疤、抗紋果d就未見效果啦~
不過佢都講明要連續使用至少3個月先有效果^^
我會keep住用佢,希望佢既效果會令我滿意啦^^

2012/06/22

LANEIGE教你打造韓式水亮妝容,真係冇難度^^


我好鐘意參加化妝班,因為跟唔同既人都可以學到唔同既技巧~
今次好開心可以參與 LANEIGE化妝工作坊,學習韓式水亮妝容~
而今次上堂既地點係LANEIGE開設既Water – Beauty Centre水妍美肌中心,
地點係尖沙咀,好方便我呢D新界人呀!!哈哈~

我早左小小上去,可以周圍睇下,揀返個好位坐^^
而每一個座位都準備好哂D化妝品,睇落去好整齊呀~

眼影同胭脂既顏色都好多選擇,唔驚唔岩心水啦~
每人有一set for自己用,咁就唔使等其他人用完先有,慳返好多時間呀~


等齊人就正式開始學習化韓式水亮妝容啦~
未化妝之前,第一步就係落妝先,用既都係
LANEIGE既卸妝油~
而我就俾化妝師叫左出去做model,唔使自己落^^
不過佢入左d卸妝油落我隻眼,搞到我好唔舒服,
隻眼紅哂又標眼水,但又唔好意思出聲喎~哈哈~
我建議化妝班冇水喉洗面既都係用卸妝水比較好lor,油真係比較麻煩~


卸完妝就搽 LANEIGE既護膚品啦,化妝師話搽面霜時有手指輕輕彈下面額~
可以令包包面firm d,上妝都會貼d ga^^


之後就上base,LANEIGE既base有3隻色,分別有粉紅、綠&紫~
可以睇返自己既需要揀正確既顏色~搽左base有需要就再加小小遮瑕就ok~


跟住就用粉底液啦,
LANEIGE有5隻色俾我地揀,所以都唔會唔岩色既~
化妝師話用掃上最好,同埋韓式妝都係打橫掃,而且係最貼最舒服ga~

之後上埋碎粉就搞掂好個底妝啦~
碎粉除左粉狀都有粉餅俾我地用,方便返自己既習慣啦^^

上完底妝就到化妝個part啦,第一步係畫眉,
之後就畫眼線bland開佢,等佢睇落去柔和d,然後就上眼影~

之後就夾睫毛同上睫毛液,其實睇落去眼妝同平時化既都冇咩分別,
要訣就係要輕手,唔好用太重色,咁就可以做到自然既韓妝ga啦^^

畫先眼,就到胭脂啦,化妝師話除左面額,仲可以掃d係骨位等個妝立體d~
我試過LANEIGE呢3個胭脂,都係比較淺色既,可能韓妝就係要自然感卦^^

最後搽埋唇膏同lip gloss就完成啦,化妝師最後既tips就係lip gloss唔需要全咀搽,
只係係中間位置搽小小就ok,咁先可以有豐唇既效果~

聽完化妝師講解,我都自己化左個自然既韓妝~
不過我覺得唔夠韓,感覺同我平時化開既冇咩分別,
真係要練習多d先得啦~哈哈哈哈~

除左教化妝,LANEIGE好細心,知道我地bloggers鐘意影相,
仲整個個好靚既場景俾我地慢慢影就夠~好靚呀!!!哈哈哈~
最後送上小小既sample就完結啦^^
總括黎講今次都學到野既,化妝班內容真係唔係差,
不過因為佢6點50分就開始,到9點先完,
而我放工就要趕住出去,都冇時間食野,個化妝班就只係準備左一杯小小既玄米茶~
其實到8點幾果時我都已經好肚餓,又好口渴!!!!
真係冇咩心機聽落去,所以完左就即刻衝左去食dinner啦~哈哈哈哈!!
希望下次可以安排小小既茶點or水俾我地啦,
再唔係時間方面開遲半hrs,俾我呢d要返工既OL去填一填肚先~
希望LANEIGE會越做越好啦^^

2012/06/20

贏取香港至倫敦來回機票,大家一齊黎多謝媽媽啦^^

媽媽成日都會我地身邊無微不至咁照顧我地既起居生活,
好多時我地都會習慣成自然,忽略左媽媽為左頭家付出既努力,
雖然媽媽從來都冇要求回報,但我地有冇同媽媽講過多謝呢??

最近P&G搞左個好好好有意義既活動,倫敦奧運會就黎到,
P&G有見運動員的成功總少不了媽媽背後的默默支持,
特別啟動P&G 2012年倫敦奧運會「感謝母親」活動,
贊助奧運選手媽媽前往倫敦,現場為子女打氣,親身給予運動員們支持及鼓勵!!
除左贊助奧運選手媽媽之外,P&G仲搞左一連串活動,
我地都有機會參加抽獎,贏取香港至倫敦來回機票!!!

方法超級簡單,只要like 「多謝媽媽, P&G Hong Kong」 facebook~
之後載入「感謝我的全能媽媽」App中,完成一份關於媽媽的簡單問卷~

跟住就測出你的媽媽類型,我媽咪係摩登派時尚全能媽媽呀~哈哈~
睇佢個分析又好似幾準咁,幾得意呀^^
之後P&G仲會根據你既回答,推介幾樣最適合的產品感謝媽媽tim~

完成問卷後,只要留下個人資料,咁就登記成功,
有機會贏張香港至倫敦來回機票ga啦,係咪好簡單呢~~~~~

除左係facebook登記之外,只要購買任何P&G產品滿港幣$99,
致電2243 6226以錄音登記簡單的個人資料及聯络電話都可以參加抽獎。
記得要保留收據正本於領獎果時核對呀^^
而每張收據只可參加一次,但每位消費者參加次數不限,
即係買得越多就多d機會中獎啦^^
另外購買任何P&G產品滿$199,仲可以免費獲贈P&G奧運雨傘一把tim^^
數量有限,手快有,手慢就冇ga啦~哈哈
我都登記左,大家都快d支持下一個咁有意義既活動~
一齊抽中獎,一齊多謝媽媽啦!!

2012/06/18

全新「纖毛」概念,令毛毛催眠,用左四個星期睇效果啦^^

係5月果時就試左Veet Suprem' Essence玫瑰香薰精華沐浴用脫毛乳霜,回顧按我
另外仲有試左Veet全新推出既纖毛嫩滑乳液,唔覺唔覺都用左1個月啦,
係時候睇下佢有冇效果啦^^

簡單咁介紹一下佢啦~
全新的Veet纖毛嫩滑乳液蘊含嶄新的ProMinimiseTM配方,
能直接針對毛囊,有效顯著減慢毛髮生長,令毛髮猶如處於催眠狀態一般,
持續每天使用4星期,令毛毛變得柔軟幼細不明顯,
有效延長每次脫毛後之柔軟嫩滑觸感,減少脫毛的次數。
聽落去好似好神加咁,搽下lotion就可以減慢毛毛生長,
所以呢一個月我都好有恆心咁日日用,睇下係咪真係真係得嘛^^

佢同普通既潤膚膏冇咩分別,氣味都算幾好聞,唔會話好濃烈~
而用法都好簡單,只要用適當既份量輕輕按摩15-30秒至乳液完全吸收就可以~

而佢質地都好水好易推,所以份量唔使話好多都可以搽勻手腳,
我就夜夜沖克涼都會用佢,佢有蘆薈成份,我一向用開既蘆薈產品都比較清爽,
但呢隻纖毛嫩滑乳液比我想像中保濕,真係估唔到喎~

聽佢話連續用左四個星期,為左可以睇到有冇效果,所以我一隻手有用,一隻手就冇用到~
上面果隻手就有用到既,咁佢又真係好似比下面冇用到伋手d毛毛小d同出得慢d,
下面隻手好多地方都已經生返生毛毛出黎,仲幾長,
上面隻手雖然都有生d毛毛出黎,但就短d,都明顯比下面隻手小毛毛d~
經比較之下,我覺得佢唔係話100%令到d毛毛唔生出黎,但減慢毛毛生長速度效果係ok,
加上,咁只係買$69.9,咁平既價錢有咁既效果我覺得都係值得用ga^^

2012/06/15

我既第一次~ 70年代復刻百變look^^


第一次見呢幅圖已經覺得好吸引啦!! WOW your eyes!!!
見到ZA係facebook舉辦活動,用呢系列產品化身70年代復刻百變造型,
好似好好玩咁所以我參加左,而又好好彩抽中左我^^

係第2日已經收到啦,效率真係好高,真係唔該哂ZA既安排呀^^
顏色係隨機分發既,我分配到既係眼影: 03 Icy Smoky 同胭脂: 01 Glowing Pink
呢個配合就正正係廣告入面,日本混血名模長谷川潤用既彩妝啦~

簡單介紹下EYES GROOVY啦~
* 精選4色組合,輕易搭配, 呈現百變粧效。
* 蘊含光耀粉末複合物, 清晰顯色。
* 粉末細緻幼滑,配合 超緊貼肌膚配方,延展性極佳,塗抹數層仍可緊貼眼簾,自由調節眼影濃淡。
* 經過防過敏性測試。 * 配合維生素E衍生物。 * 持久不暈染,長時間不脫色。
眼影顯色度仲好高tim~

用法都好容易,係個盒都有清楚教法,簡單易明~
佢一盒4隻色,就算真係睇唔明,唔識化smoky eyes的話都唔怕,
因為佢單用每一隻都好顯色,好靚^^

而CHEEKS GROOVY~
* 配合微幼滑粉末,高度顯色,瞬間創造俏麗粧效。
* 如絲緞般柔滑的細膩質感,輕易與膚色完美融合。
* 經過防過敏性測試。 * 配合維生素E衍生物。
掃2掃已經好顯色,我呢隻glowing pink顏色好特別,粉紅色中帶小小橙金色,
用左佢增加左皮膚既光澤感,提升雙頰的明亮度及剔透感。

就算室內光線好,或者太陽/閃光下,顏色都係好靚好出色!!
睇左咁多資料,係時候睇下我為左呢個70年代復刻百變造型啦~
其實我對70年代都冇咩頭緒,係屋企摷哂d衫出黎先搵到唯一一件比較似樣d既
而且長髮早牌已經大刀一剪,短髮我真係唔知點先可以復古到...
所以我都係志在參與,玩下啦~哈哈^^

我真係已經盡哂我全力ga啦~~哈哈哈哈~
好似唔係好夠復古咁,所以我就加工下:

哈哈~~~咁樣會唔會好d呢???
唔知大家又覺得我呢個復古look點呢^^

2012/06/08

睫毛也4D ~ 終極輕量柔軟,彷如無重^^





平時就算幾趕住出門都好,我一定會搽完睫毛液先出街,因為搽左真係令對眼精神百倍!!
最迎L’Oreal Paris推出全新 Lash Architect 4D塑形立體4D防水睫毛液,
睇到廣告入面個model對眼真係吸引死人,真係要試一試佢真係真係4D咁厲害~

之前買過2支個盒印滿日文既都係made in china,今次呢支made in italy,確係用得開心d~
簡單介紹下佢先啦~高科技極輕量的4mm塑形纖維,塑造完美立體4D睫毛
高科技極4mm 4D塑形纖維,終極輕量柔軟、彷如無重,能瞬間黏附於睫毛上及每條睫毛之間,
塑造出自然的增量、豐盈、纖長,而不會使睫毛變硬,或因過重而下墜,
因而能打造出終極持久完美之捲曲弧度。

獨家設計之幾何斜角順滑刷頭,刷頭前窄後寛,使 4D塑形纖維包裹於每根睫毛上,
能兼顧眼頭眼尾幼小睫毛,塑造出完美上翹的弧度。
另外添加抗水性聚合物防水配方,溶於高揮發性溶液層中,
當溶液揮發後聚合物便會形成一抗水性薄膜,打造持久防水的效果。
個刷頭比一般用開既大小小,唔會好難控制,都幾容易搽係睫毛上面^^

其實我d睫毛都ok算長,但就唔算好濃密,同埋下墜咁生,
而且我對眼一唔搽睫毛液睇起黎就會好冇精神咁,
所以一向我買睫毛液都係著重濃密同捲曲方面要做得好既~

用左L’Oreal Paris塑形立體4D防水睫毛液之後,d睫毛真係濃密左好多呀~
個掃頭都幾好,唔會話搽到一舊舊咁~而家都好夠黑,唔錯唔錯~

長度方面都唔差,我有搽埋下睫毛,對眼d睫毛長到好似開花咁~正呀!!!
即刻令對眼有返神,睇落去精靈好多啦~

最令我滿意既係佢個捲曲度,因為我d睫毛比較粗,用過好多牌子都keep唔到一日,好快就下墜返,
而L’Oreal Paris塑形立體4D防水睫毛液真係可以keep到一日唔跌落黎,
我唔係油眼,所以佢完全都冇化開,我對佢既表現好滿意呀!!