Cushion粉底我相信好多人都用過，我都試過唔小牌子，當中有好有唔好啦~
可能因為大部分chshion粉底都黎至韓國，韓國天氣同香港唔同
而香港天氣始終潮濕，所以感覺都比較笠同焗，好用既價錢又通常都好貴~
最近幸運地試左一隻又經濟又好用既Cushion粉底，就係大家都好熟識既Loreal啦^^
第一款要介紹既就係LUCENT MAGIQUE 陶瓷光感氣墊粉底 (建議零售價: $199)
- 陶瓷般貼服無瑕
- 首創*雙網設計，以過千的微小網點組成，雙網意思猶如兩層篩，確保粉粒質地極之纖細~
有效提取細密及準確份量的粉底液 ，打造柔滑貼服的底妝
打開入面睇真係哇一聲！估唔到咁靚架！有巴黎鐵塔印左係度，感覺好浪漫，哈哈~
而雙網設計真係令拎粉既份量容易控制好多，輕輕按壓一下已經夠我半面既份量~
而且粉底有精華油，又有SPF33 PA++防曬，用起黎唔會乾，好適合而家天氣用~
佢買點之一係法式輕啞霧光，但輕啞並唔係完全啞色既，都會保留一定既光感^^
用法係先輕輕全面用附送既粉樸塗勻，有瑕疵既地方再用按壓既方式輕輕印多幾下~
我用既係N2色，有搽粉底同無搽既地方都有明顯分別架~
睇得出大部分小瑕疵都可以遮蓋，遮瑕度唔錯但又唔會覺得好厚粉^^
而另一樣就係LUCENT MAGIQUE 光透水潤氣墊粉底 (建議零售價: $199)
- 全新氣墊cushion底妝，注入光亮水感因子，水潤、光透、無瑕~
締造光感空氣祼妝。輕便易用，同時具SPF29 PA+++。另有補充裝。
- 高科技粉撲設計，每一按提取適當份量，塑造無重自然妝容。
呢個光透水潤粉底就無巴黎鐵塔啦，哈哈
但一樣附送左個粉樸，呢個粉樸好好用呀，我覺得同另一L大牌子一樣咁好~
我用既係N3亮肌色，適合自然膚色一般都會岩用既，而較白既就可以用另一隻R2色^^
佢呢隻粉底可以為肌膚提亮既效果，可以全面用感覺會好水潤有光澤~
而我自己就鐘意係用完陶瓷光感氣墊粉底之後，再完光透水潤氣墊粉底係T字位掃兩下~
做出好自然既光影效果，面部既輪廓即刻立體好多架^^
最後就用上光感輕盈胭脂CUSHION (建議零售價: $109)
- 首創水潤光感氣墊胭脂，注入水光透亮配方，即時提亮肌膚，打造立體輪廓，完美融合
- 水潤輕透質感，輕易抹出自然透亮光彩
同光透水潤粉底一樣都係附送左粉樸~
佢有三隻色選擇，不論白淨定健康膚色都總會有一款岩用^^
其實三隻色都好靚，自己就特別鐘意C1色，佢係一隻帶粉橙系列既顏色~
試左後真係對佢愛不釋手! !因為用係我臉上比粉紅色系效果更自然呀！
好似本身自己皮膚白裡透紅咁，大愛呀！
用上Loreal呢三隻Cushion法寶，要化一個光感水嫩陶瓷妝真係零難度啦!
化完成個人都精神哂，五觀立體哂！人都開心啲呀^^
重點係方便購買，價錢又經濟，包哂整個系列荷包都唔會重創，哈哈~
有興趣快啲去專門店或專櫃試下啦^^
（感謝產品及資訊由LOREAL PARIS提供）
