纖吃纖盈蒟蒻麵，好QQ呀^^

經過聖誕大吃大喝之後，個人都食到濟濟地~
收到肌之子既纖吃纖盈蒟蒻麵真係及時雨~
我收到既有紅燒牛肉味同香姑雞味^^
每包分別只有54kcal同49kcal，都咪話唔吸引!!!
除左呢2隻味，佢仲有綜合海鮮同韓式泡菜ga^^

打開入面就有一包調味粉同埋蒟蒻麵~

包裝袋背後清楚列出煮呢個麵既方法，
仲有圖畫tim，簡單易明~

方法真係好簡單，只要倒左包裝袋本身浸住麵d水~
之後用熱水沖下浸下個麵然後倒左d水~
跟住加調味粉，用熱水沖到d粉溶哂就食得ga啦^^

睇落去佢好似河粉咁上下，食落佢就同河粉好大分別啦~
因為好彈牙，真係好qq啊~~~哈哈~~~
紅燒牛肉味比較重味精感，香姑雞味就比較清d^^
我個人黎講比較大食，所以一包對我黎講唔可以頂到一個lunch~
4-5點會有小小肚餓呀~~~不過正常食糧既我相信冇呢個問題既~
用佢黎做下午茶都唔錯呀，唔駛食埋d冇益又肥膩既野~健康d嘛^^