夏天必選 - 透心涼既極速補濕舒緩面膜

PETER THOMAS ROTH呢個牌子其實一直都好想試，
不過佢價錢都略貴，所以一直都冇買到黎試~
今次有機會一試佢既產品真係開心到極，仲要係我一直想買既Cucumber Gel Masque

點解一直都想試PETER THOMAS ROTH呢??
因為之前了解過佢既品牌小小資料~
Peter Thomas Roth擁有獨立的實驗室研發及生產，
令品牌於建立了16年後，研發並創造了不同系列創新的產品，
包括無需醫生處方之果酸、強效治療暗瘡、淡化色素、草本美白、
及穩定且效果顯著的維他命A、C、K 等產品，
還有不同程度保護之防曬和日常面霜系列，這些產品讓PTR在業界專家中造成一股宗教式的狂熱。
睇完品牌介紹之後你話吸引唔吸引???

今次試既係Cucumber Gel Masque 青瓜啫喱面膜 ($420 / 150g)

性質温和的啫喱面膜，適合任何肌膚，包括非常敏感皮膚。
具有深層補濕及舒緩功效。性質極為温和適合所有肌膚, 極速保濕及舒緩, 軟化死皮，
用後皮膚柔軟光滑, 適合日曬後使用天然保濕因子 (Sodium)
PCA 具極速補濕功能, 草本精華 – 青瓜、蘆薈、木瓜、
甘菊、鳳梨具舒緩功效, 覆盆子 (Bilberry Extracts) 能抗游離基

未開封時有一層膠包住，確保係新既未用過~

瓶上清楚印上成份、功效同用法，簡單易明，方便使用~

扭開蓋仲有一層膠片蓋蓋住，唔會漏到周圍都係~而且又衛生d~

打開就見到綠色既gel狀mask，氣味清清地，但唔似用開既青瓜mask味，
我覺得比平時用開既青瓜mask多一陣果香味~

不過好可惜既係佢冇附送小棒塗上面，唯有自己出動mask掃啦~

用法好簡單，洗乾淨面均勻搽上面就得~之後等10-15分鐘就可以用水洗乾淨~
因為夏天曬過，天氣又熱，我d皮膚都有小小敏感，有d紅點咁.....
而用佢敷，上面之後有d涼浸浸既感覺，舒緩左敏感既不適。
而且佢可以敷埋眼既周圍，連敷眼膜既時間都慳返~

15分鐘後過水，紅點已經退哂，好勁~
保濕方面都ok，夏天用都絕對夠保濕，
第一次用果時，因為可能我太乾，搽上去好快又吸收哂，真係要厚敷先得，
敷多幾次之後，搽上面既份量都可以小d，應該係敷左幾次之後皮膚已經改善左d，冇咁缺水~
而敷完佢皮膚都飽滿d，冇哂乾爭爭既感覺~摸落去皮膚仲滑左tim呀~
不過最意外係，敷完之後白左好多!!!係好明顯白左，真係好開心呀!!!!

另外，我發現放佢入雪櫃之後先敷，效果會仲好，d毛孔會細d ga~
夏天敷一個涼浸浸既mask真係一大享受!!!!
呢樽mask真係好好用，夏天必購產品~不過如果價錢可以平返小小就仲好tim^^