2009/10/22

IPSA純美持久熱感粉底霜試用 --好與壞

先多謝 ztyle及 ipsa選中我參與今次既試用活動~
第一次抽中ztyle既試用,好好好開心^^
因為左眼敏感左幾日,所以都冇化妝,見到冇得用既感覺真係好慘....
雖然隻眼未好哂,但點都要試一試隻粉底~出文分享下....
當日去重慶站先拎換領信,再到tst sogo試色~用機test用咩色我覺得好專業咁...哈哈
分析結果係101 & 102我都得,咁ba好nice咁2隻色都幫我試,
而102上面後好似好黃唔太岩我膚色,最後揀左101色,

打開樽蓋後仲有一層膠膜,好衛生既包裝^^

仲有一支小棒,唔駛用手指"了"個粉底,咁就更衛生 +方便啦^^

素顏照黎啦,因為左眼敏感,而萬聖節又未到,無謂影全相嚇大家咁大整蠱啦~
所以都係影半個樣好啦,第一次放自己個樣上黎,
準備好未....希望真係唔好嚇親大家.....

之後就係今日用既化妝品啦~都係個句啦~敏感唔化咁多啦~
原諒我無用眼影,又冇畫眼線,只係用左marcara,畫返條眉就算~

化好

最後,講下我對呢隻粉底既用後感,先講好處:
我覺得佢遮瑕力都幾好,雖然我d千年暗瘡印都仲見到,但都減淡左唔小,
起碼毛孔都遮七七八八,用左膚色都均勻左,好似冇咁死白咁....
而且都幾貼服,至於持久度,因為我放工6點左右就落妝,
以上妝10個鐘又唔補妝就黎講,話一d都冇溶就呃你既,
係個鼻同額頭有小小溶,我覺得係可以接受既情度^^~
壞處嘛.....
先講明係我個人感受,第一樣就係開果塊膠膜既時候比較"呢hea",
因為都好多粉底痴住塊膜,要慢慢"了"返落樽度...不過為左衛生,
我估呢個情況都好難有得改善,哈哈~其實都唔係大問題既...
第二樣,唔知係咪我自己真係太太太乾,又有鼻鼻感,
我覺得唔夠保濕,大家睇我上完妝個鼻都係依然甩哂皮....
對我黎講佢唔夠保濕lor.....
最後一樣其實好無聊,不過都想講下,
就係咁辛苦開完塊膠膜之後發展樽野竟然唔係滿既~
感覺上好似....唔滿唔係咁抵咁....我承認我係有師奶既心態....哈哈~
總括黎講,我第一次用ipsa d既,佢俾我印象都ok,呢個粉底我會俾合格佢~
希望睇完我既分享令大家更了解呢隻粉底啦^^

沒有留言:

發佈留言