Dior Grand Bal - 給最好的一份最華麗既禮物

就到聖誕，聖誕節係我最鐘意既節日，因為有禮物收嘛~哈哈~大家又準備好禮物送俾朋友未呢~~?
最近我收到一份好精美既聖誕禮物呀!!!!!!超級開心!!!!!
有5支Dior指甲油，而金色好靚果盒就係Dior Grand Bal Palette啦^^

呢盒Dior Grand Bal Palette冇改錯名，真係好Grand呀!!!!
而且好有質感，盒palette都幾下垂手ga~睇落同摸上手都俾人有高貴既感覺~
而且設計好特別ga，因為佢唔可以就咁揭開ga~

要拎走支眼線筆先至可以開到~係呀~~呢盒Grand Bal Palette仲好貼心跟埋眼線筆ga^^
除左眼線筆，打開入面就見到連眼影棒、唇掃都有跟埋~~~~超貼心~
真係帶住佢一盒都已經可以走天下~~~哈哈~

入面既間隔都分配就好好ga喎，左邊就係金色&銀色眼影~
單睇個眼影已經愛不釋手!!!!!!個好似皮革既壓花超級靚!!金搭銀簡直係絕配!!!靚到真係唔捨得整花個個紋lor~
加上Dior一向既眼影都好好用，自己本身都有用開~
一如以往咁好，個眼影粉keep住好幼細，好貼眼，顯色度好高~
右邊就有唇彩，分別係閃閃地既透明同埋唔算好紅既紅色~

個唇彩如果唔用果時，仲有個蓋可以cover住，唔怕佢dirty哂~
咁貼心既設計又點可以唔讚一讚呢~~~~~
唔好以為佢咁grand又金又銀咁，就一定要大場合先用到~
其實佢真係好易handle，日常妝都ok ga^^
我就用佢黎化左一個日常返工妝啦~

第一步我就畫左眼線先，因為有時返工真你趕到眼影都上唔切，就咁畫眼線都出得門口嘛^^
呢支Dior眼線筆都幾好畫，都ok實色，扭出黎就用得，好方便~

之後就用金色眼影搽勻全眼蓋~日妝輕輕一層就得ga啦~
搽左出黎其實一d都唔會誇張，唔會好金色，我覺得偏向橙啡多d~好靚~
平時返工我就咁就出門口ga啦~真係5分鐘都唔攸就搞掂，好easy!!!!!

如果你覺得唔夠出，or夜晚要出街要化得勁d既話~
可以用埋銀色眼影係眼頭、眼窩中間位置搽幾下，做highlight既效果~
再畫返粗小小條眼線都ok ga啦!!!!!係咪都係好easy呢~~~~

相入面都俾相機食左d色，其實日妝夜妝都係好sharp!!!!
佢既閃係好細緻，唔係好似閃片咁浮誇~總之就係靚啦~哈哈!!!
加上佢隻色雖然係金、銀色，但我相信絕大部分人都一定handle到~

畫完眼，就要用埋入面既唇彩搽咀仔啦~~~~~
唔好睇佢好似好紅咁，其實一D都唔紅，搽上去係好淡既紅色~
上咀之後唇紅非常自然ga，唔怕會有血盤大口呀~哈哈~
之後就可以用佢既透明閃閃地唇彩係唇中央highlight下~咁又ok啦^^

當然有時間可以搽埋指甲油啦，我搽指甲油就冇咩技術可言~
不過dior既指甲油個掃都算幾大個，都好容易handle呀~

因為掃夠大，手指公我掃左3下就填滿全隻~
掃一層就唔係好實色，但掃2層已經好實色，而且比其他既指甲油有光澤感~唔搽top coat都ok呀!
最好既係佢超級快乾，基本上搽好10隻手指唔攸再等就可以搽第2層上去~
加上佢唔算好臭，出黎又好顯色，我好鐘意呀!!!!
如果大家未買聖誕禮物，不妨考慮Dior呀，包收到既朋友一定開心呀^^

"韓"流襲港，打造韓妹一樣的貼服底妝~

近年"韓"流襲港，街頭上唔小人都會以韓風打扮~~~~~
我對韓衣就冇咩研究，不過我都好鐘意用韓國既化妝品ga~
尤其底妝，有時見到d女韓星個底妝貼服到好似冇搽粉咁，好靚~
近期我都用左黎自韓國既品牌Touch in SOL其中一款base^^

Touch in SOL既I’m Covering you BB Cream SPF50 PA +++ ($ 149 /35ml)
佢既能遮蓋面上瑕疵，同時具有美白、抗皺和阻隔紫外光等多種功效。
而且含有各種保濕滋潤成分和專利成分，有效促進肌膚修復，變得水潤柔滑~
塗抹後膚色顯得均勻，妝感自然~我最buy妝感自然既個point^^

我覺得所有made in korea既產品都有一舍共通點，就係介紹得韓文，
除左I’m Covering you BB Cream SPF50 PA +++呢句之外，其他都睇唔明呀!!!
唯有自己上網搵下產品資料啦~

就因為淨係睇得明I’m Covering you BB Cream呢句~
我理解佢應該係一支瑕疵力唔錯既BB cream^^
所以我特登用eyeliner係手上面點左d黑點，睇下佢瑕疵力如何~~~~~
結果都ok喎，都遮到唔小呀，係大粒同較深色既就仲有小小係度~

搽上面，感覺不錯，好多小既瑕疵都遮到~落到佢d皮膚好左咁~
搽BB cream我最怕就係會太白，呢隻就同我膚色幾match，冇氾白既情況出現~
而且佢仲有埋SPF50 PA +++防曬，所以平時返工我都係就咁搽佢就出門，好方便呀!!
如果可以再保濕d就very good啦~不過以價錢咁經濟黎講真係唔錯ga^^

自己動手染，迎合潮流大變髮，染出低調既紅中帶紫髮^^

 
一向我都係自己係屋企染髮既，因為我真係好怕坐係Salon冇所事事哂時間~
本來都諗住染髮過聖誕，就係呢個時間收到一個好消息^^
就係好榮幸可以率先試L’OREAL12月7日先推出既全新染髮系列呀~
登登登登!!!!最新既Excellence Fashion 優媚霜時尚凡魅力系列~
今次既賣點係可以令髮色耀目光澤，持久顯色~
高效保濕成份，能修復髮質受損表，秀髮比染前更強韌高達85%~
成份有凝護膠元、角質蛋白和膠原蛋白tim^^

成個系列有六款時尚色調，我收到既係P56，迷人紫羅蘭紅色~
見到個盒個MODEL染左真係好靚呀!!!!!!

一盒入面有好多野，有成4野染髮用品，仲有一對膠手套附送^^
我覺得佢有埋染前修護精華送埋真係好貼心，等d頭髮唔使咁傷~

染之前就要2號&3號既染髮劑混合~搖勻之後就見到成支染髮劑變左紅色^^

自己係屋企染髮其實都好簡單ga~
第一步將染前修護精華搽係頭髮中段&尾段，唔使沖洗~
之後將溝好既染髮劑先由髮根開始上色，我頭髮唔長所以直接上~
如果頭髮長可以用佢送既梳型的染咀染中段既頭髮~ 搽完之後等三十分鐘就得ga啦^^
又如果你好似我咁本身頭髮唔易上色，比較粗硬又或者係白髮多既話就等多5-10分鐘啦~
最後沖到d頭髮冇甩色，用埋染後滋養護髮乳塗係頭髮上等2分鐘後過水就得ga啦^^

登登~~~~~由染之前呢啡髮，變左暗紅~
我之前做左highlight既地方就更加突出~變左紅毛呀^^

你怕紅染好突出?????其實我收到見到個盒model咁紅都嚇一嚇~
不過染左出黎又係另一回事~~~冇想像中咁紅ga~
我覺得佢紅得黎帶小小紫色，平時室內都唔係好覺好紅色~係陽光底下先若隱若現^^
正正因為佢先若隱若現，反而咁令我好滿意今次既效果，唔會話太誇張但又有效果出到黎~
呢隻紅我覺得好岩冬天呀!!!!好正!!好鐘意^^
但如果你諗染大紅大紫的話，我諗你要事前去salon染一染個頭先得啦~
哈哈~ 不過有一點我唔係好鐘意，就係佢染果時好大陣味，我覺得好臭好攻鼻~
如果可以改善一下就very good啦~

滋潤柔軟，纖纖玉手散發令人無法抗拒既海島之醉^^

我覺得CRABTREE & EVELYN既攤位係佈置得最靚ga^^ 好有聖誕氣氛，配合哂主題呀^^

攤位入面仲有好多CRABTREE & EVELYN既聖誕set~
當中golden petals同golden fig係重點介紹~佢地係今年聖誕限量版黎ga!!!
Golden Fig係果香，Golden Petals係花香，每件產品既包裝都好精美^^

而我今次試既係CRABTREE & EVELYN India Hicks Island Living Hand Therapy ($ 395 /275g) 簡單介紹一下佢啦~India Hicks Island Living的靈感來自於她美麗的家----巴哈馬島~
來自於激情洋溢的美妙的大自然，沙灘上盛放的野百合，便是此款香氛的靈魂。
睇佢既介紹就覺得佢充滿熱情既感覺~哈哈~

而且佢有效鎖住肌膚水分，令雙手肌膚從此告別乾燥~
迅速恢復肌膚的天然光澤，令肌膚如絲般柔滑，光彩照人。
質地都好似推，我覺得吸收都算快，好怕d修護霜用完會痴笠笠ga嘛~
 
味道方面，介紹話佢有野百合、柑橘、 橙花、 熱帶水果、 夏夜盛開的茉莉、
綠色的棕櫚葉與海風的微妙氣息，係果味和花香既組合~
其實我一向都有同用開CRABTREE & EVELYN既 ^^
好似Evelyn Rose、Rosewater、 Nantucket、、Lavender、La Source我都用過~
簡單黎講，呢隻味都係好香~不過比較其他味我覺得呢隻就濃左小小~哈哈~
總括黎講，氣味方面都ok既，可以淡味小小就更加好~
而效果方面，搽左手上面既乾紋明顯有改善~
效果係有，不過就唔係話keep得好持久，耐唔耐就要補返下^^
同埋價錢真係貴左小小，可以更加平就very good啦~

5000 公升溫水，全天候水潤到底^^

繼續上次I MORE聖誕體驗團既分享先^^ 今次就去到Biotherm既攤位呀~~~~
當然都有得試下d產品啦~

其實我都係biotherm既fans~年年都會等佢d聖誕set出，買定第時用ga~
因為聖誕set既價錢平過平時正價買好多!!好抵ga~
我就鐘意用綠色條line，比較乾既就用粉紅色d^^

綠色條line入面我最鐘意就係呢樽Biotherm AQUASOURCE Non Stop溫泉保濕凝膠啦~
佢可以滲入第 5 層肌膚補水，同時蘊含 5000 公升溫水~
能即時為肌膚降溫，好保濕ga~

佢入面有就有甘露醣、Aquatoril 及溫泉有機活性因子~
仲內含 9 種微量元素、4 種維他命 B、23 種氨基酸成份ga~

質地係gel，好輕身好水，好易推開，而且吸得好快~
佢仲有陣好香既花香味，呢個都係我鐘意用佢其中一個原因黎~

當日體驗仲即時做左個水份測試，只係用biotherm既products簡單做左3-step~
水份由原本既19%，即時升到去51.5 %~
短短幾分鐘既搽野時間就可以升咁多個%，真係好勁呀!!

呢樽Biotherm AQUASOURCE Non Stop溫泉保濕凝膠我覺得真係好good~
我本身算係幾乾既人，乾到連夏天都照甩皮~但又唔太鐘意用cream咁笠....
但用左佢之後好明顯冇之前咁乾~睇落去d皮真係水噹哂ga^^
對我黎講佢同我好夾~哈哈~
所以用左咁多年，我點都會有一樽係屋企防身既^^

整日不脫妝，散發紅粉緋緋自然光采^^

係上星期好開心可以出席由I MORE舉辦既聖誕體驗活動~

當中就有laura mercier既攤位~好多產品都放左係攤位呀~
我地可以任試，仲有工作人講解tim~

彩妝產品真係好靚呀!!!
當日仲有小遊戲玩，透過玩更加了解產品既特性~
成功玩完仲有禮物tim^^

禮物就係呢支laura mercier  Foundation Primer - Radiance啦~
我呢支係sample，但都有15g ga^^簡單介紹下佢啦~
能散射光線並隱藏瑕疵及細紋，改善膚色泛黃現象，令肌膚散發紅粉緋緋的自然光采；
具高效抗氧化功效，持續整日不脫妝。

而佢既成份有超微細粉紅珍珠粉末、雲母、甘油、荷荷巴油、角鯊烷、微海藻、維化命 A、C 及 E~

吱出黎係肉色既，搽上面推開就冇咩色~好match!!
用法都好簡單~只要係塗粉底前搽就得~
如果用之前將底霜放入冰箱雪下，仲有助減去面部浮腫tim^^
用左laura mercier  Foundation Primer - Radiance，化出黎既妝真係貼d ga~
而且冇咁易甩，睇起出黎好光澤，皮膚好似好通透咁^^

之前成日都聽人講laura mercier既產品好好用，
我今次都係第一次接觸~原來真係唔錯~對我黎講佢夠保濕，KEEP到個妝唔甩~
用一粒豆既份量都夠全面用，一支應該可以用到好耐，所以計落價錢都唔算貴，OK呀!!!

水潤兼不黏，打造不一樣的奪目誘唇^^

早前參加左L'Oreal FACEBOOK 搞既試用~好開心中抽中左呀^^
今次試既就係L'Oreal Paris 推出全新 SHINE CARESSE 水漾絕色唇彩~
個包裝好靚呀!!!!最衰我影左爆哂光啦~~~~~哈哈~
簡單介紹下佢啦~ SHINE CARESSE 水漾絕色唇彩具備水感不黏配方，極富水潤質感~

我收到既有3支，分別係#804既FAYE、#603既MILADY & #604既BELLA~
就咁睇，我最鐘意係 #604既BELLA，因為d色最易handle嘛~
而#804既FAYE，老實講如果自己俾錢買真係唔敢揀d咁鮮艷，怕老套呀~~
不過收到呢d色都好，可以試下自己平時唔敢揀既色嘛^^

#603既MILADY，係粉紅系，最易handle，包唔會出錯^^

#604既BELLA，係橙色系，呢隻橙都ok，唔會話好老套^^

#804既FAYE，係紫色系，呢隻紫都偏偏地粉紅，所以第一次用既個色系都唔會話好抗拒，都接受到既^^

而佢既掃頭就圓圓地，闊闊地，同平時見慣既捧型有小小分別~
佢呢個設計可以令搽既覆蓋範圍大d，搽就幾好搽既~
不過我就覺得頭幾次用都好難預岩份量~要用多幾次先上手，控制到個份量lor^^

試色圖~SHINE CARESSE 水漾絕色唇彩都好顯色呀，輕輕一層就已經有咁既效果^^
好水，一d都唔乾，而且好有光澤ga!!!如果想有豐唇既效果佢一定幫到你~

試上咀之後，最令我有驚喜既反而係我之前覺得比較難handle既#804色，
搽左出黎原來好靚，好sharp ga!!!當然，# 603同604搽出黎都好靚啦^^
而且呢支SHINE CARESSE 水漾絕色唇彩最勁係唔會甩色，真係好持久!!!
平時d唇彩成日都要補，呢隻真係keep到一日唔補仲有色係度~好勁!!!所以一定用卸妝落乾淨呀~
總括黎講，我好滿意呀~佢令我既咀唇更有光澤，要有一個奪目誘唇真係easy job啦~!