體驗最純淨既護護品~(含素顏照，希望冇嚇親大家)

相信大家都知我講咩~咪就有好多人都有份試既skincode lor^^
今次試用既產品Purifying cleaning gel 淨化潔面啫喱同24h cell engerizer cream 24小時生機還原面霜
先講下cleaning gel 先~
淨化潔面啫喱 125ml根據官方介紹 : 徹底清除面上化妝殘餘，不潔物，有助控制油脂分泌。
潔面後肌膚感受無比的潔淨舒暢，油光不再!

支出黎同一般啫喱潔砷產品冇咩分別，亦唔會好大陣味，只係有淡淡既味道~
加水之後好輕易就起到好多泡啦~連起泡網都唔駛用~
洗完之後好清爽，唔會乾，感覺係好乾淨~好好用~

之後就係24小時生機還原面霜 (50ml)
根據官方介紹 : 24小時驚人的抗老效果，日以繼夜促進細胞再生及加強自我保護功能，對抗提早衰老的現象。
用後肌膚仿如再生，釋放年輕力量。
淨係睇介紹已經覺得佢好勁咁...哈哈

佢都係冇咩味道，質地就比較杰，如果朝早用就真係有小小笠，可能始終係夏天~
不過夜晚用就好正啦，搽左佢慢慢按摩，等佢吸收哂之後就好似有層保護膜咁，
到第2朝起身都好水潤~正正正!!!
搽左十多日，因為我習慣有多果d搽埋手，而家睇返相好似連隻手d紋都小左咁~
不過反而塊面就未有好明顯既效果，始終用得小時間嘛....我話有你都唔信啦~哈哈~
雖然話效果未到最明顯既地步，但至小我覺得皮膚真係好左~
所以就算而家素顏出blog都尚可以見人呀.....自己覺得~哈哈~
岩岩起身影既，為左唔嚇親大家我都係決定梳梳頭先影~費事大家發惡夢....