一試難忘★甜藝家~Sweet Boutique de Tony Wong★

一提甜點，Tony Wong呢個名字大家應該唔會陌生~
我自己都有收過好出名既玫瑰蛋糕，真係睇得又食得，好回味~
而早前好開心早前得到「甜藝家」Sweet Boutique de Tony Wong 邀請，品嘗佢地既產品~
當日去到位於K11既分店，地點非常方便~
店面設計簡約時尚，正好反映「甜藝家」Sweet Boutique de Tony Wong 出品路線～
以變革傳統，輕盈而健康多變的出品，回應顧客需求~

我帶左三款精美既甜點返屋企享受~
而家續一為大家介紹^^

第一樣出場既就係玫瑰酥~
玫瑰酥用左優質既食材，幾酥皮配以獨特手法創作花型~
佢有兩款口味，分別係：
花香味 Rose : 帶有淡淡的芬芳花香
芝士味 Cheese : 用上Parmesan芝士，滲出香濃既芝士味

呢盒係芝士味，一盒約有12塊~
我鐘意佢每一塊都有獨立包裝，可以保持佢既鬆脆口感~
同埋獨立包裝比較乾淨衛生，請人食都方便ｄ

呢個芝士玫瑰酥未食都已經俾佢外型吸引住~
打開包裝袋有濃濃既芝士香味飄出~
食落非常鬆脆，芝士味香而不膩~
食完無想像中咁濟，所以一次忍唔住食左三塊呢，好滿足~

而呢盒包裝得咁精美既就係金菠蘿酥啦~
橙黃色既硬盒，簡單印上店名，大方得體，送禮一流~

一盒有15個排列整齊，每3個就有一個包裝盒~
咩係金菠蘿酥呢？佢就好似台式鳳梨酥既變奏版咁~

佢用嚴選新鮮菠蘿配以海藻糖製作，減低甜度，突出微酸~
而酥皮採用有機麵粉及法國法定產區 (AOC) 牛油炮製架~
外型呈球型，仲有漆金，閃閃發光~

大細剛好一口一啖，非常滿足~

入面仲刻意保留菠蘿既天然纖維，增加口感~
食落真係甜酸度適中，我覺得比鳳梨酥更好食，因為個皮無咁硬鬆軟好多~
食過就知點解係3個一pack而唔係獨立包裝，因為一次過要食3個先夠喉架，哈哈~

最後一樣就係紅除桑梅蛋糕啦，佢採用有機麵粉，配以法國法定產區 (AOC) 牛油及優質忌廉製造~
除原味及茶味，仲突破傳統，加入優質果蓉製作水果蛋卷~
另備有「椰子花糖」(升糖指數 GI 低於 35)及「有機米粉」（適合麩質敏感者）~
以照顧不同人士健康需要，非常貼心~

七款口味計有 ：
原味 Plain： 富牛油芳香及牛奶香氣；
紅桑莓 Raspberry： 突破傳統蛋卷，加入法國優質果蓉製造；
芒果 Mango： 採用印度Alphonso芒果製造，香氣濃郁 (暫停)；
有機米粉 Organic Rice Flour： 嚴選有機米粉製造，適合麩質敏感人士享用；
椰子花糖 Coconut Flower Palm Sugar： 升糖指數 (GI) 低於35，適合有特別健康需要人士 (暫停)；
綠茶 Green Tea：混合精選茶粉，突出綠茶清香;
伯爵茶 Earl Grey Tea： 在伯爵茶原有的佛手柑香氣中混合橙青以增添層次感;
朱古力 Chocolate： 加入Valrhona可可粉，提升香氣。(暫停)

打開包裝盒， 入面每條蛋卷都有獨立包裝~
所以每一條都唔會因為包裝盒開左而疏風影響質感~

蛋卷皮並唔係薄薄一層一咬碎到周圍係果d~
佢係有小小厚度但唔會硬，食落非常鬆脆~
最驚喜係佢層紅桑莓蓉，酸酸甜甜好清新，配落蛋卷度出奇地夾~
三樣產品呢款最岩我口胃，當然其餘兩款我都好鍾意，同屋企人一齊秒殺左，哈哈~

甜藝家以低糖和健康食材，用心製作的宗旨~
革新與創作一系列送禮自奉兩皆宜的各式甜點禮品~
臨近中秋仲有月餅添呀，我相信一定好有水準^^
有興趣可以上佢地網站睇下訂購啦~
http://www.sbtw.hk/zh-cht/mooncake

（感謝產品及資訊由甜藝家提供）

Dove締造羽毛般輕盈，如絲般柔亮順滑的尊貴髮絲

一把亮麗既頭髮會唔會令你充滿自信呢？我自己就會咁覺得啦～

Dove呢個牌子應該無人會陌生，最近佢推出左全新尊貴配方Advanced Hair Series洗護髮系列～

整個系列糅合嶄新技術及珍貴成份，針對擁有不同髮質既女性可以隨時隨地展現最自信的一面～

全新Dove極致金潤養護系列針對受電髮、染髮問題困擾及秀髮嚴重受損的女士～

系列包括極致金潤養護洗髮乳、精華護髮乳～

配方蘊含珍貴澳洲堅果籽油及歐洲葡萄籽油，深層滲透滋養修護髮絲不黏膩～

洗髮乳、精華護髮乳外，呢個系列仲有護髮精華油～

護髮精華油可以提升順滑度達三倍，好適合大捲曲髮&長直one length既髮型架～

精華油潤而不笠，搽係髮尾非常容易吸收～

最鐘意就係用完之頭髮有陣陣既香味，好似搽左香水咁，好吸引呀～

除左極致金潤養護系列外，Dove仲有極致輕氧保濕系列架～

呢個系列分別有極致輕氧保濕洗髮乳及精華護髮乳～

可以為纖幼髮絲注入水潤空氣感，改善乾燥細軟秀髮扁塌既煩惱～

以特有專業科技將輕盈保濕成分Oxy-fusion輕氧因子融合於配方中，令髮絲更加輕盈水潤～

同時豐盈度增加95%。更輕易打造自然立體造型～

呢個系列較適合日系空氣感梨花頭、Long Bob髮型及韓系超嫩空氣劉海髮型^^

兩個系列既洗頭水質地分別唔大，只係顏色同氣味唔同～

極致金潤養護系列外呈透明黃色，氣味似花香，極致輕氧保濕系列呈透明藍色，氣味似果香～

兩者都好香好易起泡，極致金潤養護系列感覺比較潤，極致輕氧保濕系列比較清爽～

而潤髮乳方面，同洗頭水一樣，只係顏色同氣味唔同～

極致金潤養護系列用完感覺比較潤，頭髮會重身d，極致輕氧保濕系列比較空氣感強d～

我本身有染髮，頭髮麵比較乾，兩個系列我覺得極致金潤養護系列比較岩我～

尤其鐘意佢支精華油，用左頭髮明顯有改善，開叉都小左，價錢唔貴認真抵買^_^

而我老公就鐘意極致輕氧保濕系列多d，唔同髮質用落有唔同感受，各有各喜好～

 大家快d親身體驗下DOVE帶俾你奢華秀髮既感受啦～

(產品及產品說明由Dove 提供)

愛耳潔®(Audiclean) 洗耳液，快捷方便又可靠~

 
注重儀容除左面部要護理外，都唔可以忽略耳朵護理架～
耳朵定期都要清潔，最常用到既應該係棉花棒~
但其實棉花棒係會將耳垢推入耳道更深處，有機會損傷敏感耳道ga~

所以我轉左用洗耳液啦~
  
愛耳潔®洗耳液 ($88/ 60ML)
法國製造，成份係經等滲無菌的海水，可以解及排出耳垢
愛耳潔®洗耳液經耳鼻喉科專家測試臨床實證有效清潔耳垢~
超過95%用家感到舒適，而且適合6個月以上嬰幼兒使用，安全可靠~

佢有一個專利既人工3向噴咀，唔會直射耳膜產生暈眩感~
而且採用等滲無菌配方，細心呵謢敏感既耳道~
 
 安裝都好方便，只要將噴咀插入樽裝洗耳液就得ga啦~
佢噴咀後方有個位放手指落去按，所以用起上黎都好方便易用~
 
用法好簡單，只要將噴咀放入耳孔輕按一下，feel到有水出就ok~
之後將洗耳液停留係耳道入面10秒，可能你會問洗耳液會唔會唔舒服?
我覺得無，感覺就好似游水潛左個頭落水咁，咁咩特別大感覺ga~
10秒之後打側個頭等洗耳液流返出黎就ok ga啦，非常快捷方便~

一個星期可以用2-3次，以後清潔耳仔就唔好再用棉花棒傷害耳道啦~

(感謝產品及資料由愛耳潔提供)

超簡易自製嬰兒版三文魚肉鬆

市面上可以買到既嬰兒食品真係五花百門，間唔中我都會買俾翱B食下等佢試多ｄ唔同味道既食物～

但發現佢好多時一路食一路都會飲好多水，可能味道太濃又或者有味精卦～

所以可以的話我都自己煮住食，起碼自己煮既無防腐劑同味精，始終放心ｄ～

今次就整左超簡易既三文魚鬆佢試下^^

做法好簡單，先將三文魚蒸熟，去皮去骨～

用叉將魚肉壓至全碎，再炒到金黃色就完成啦～

如果你同我一樣有麵包機就更簡單，只要將麵包機教去做果醬模式就得啦～

小貼士，盡量將魚肉有幾碎整幾碎，咁出黎既成品就越鬆脆架啦～

如果唔係俾bb食，可以加返調味料就更加好味啦～

可以加鹽/麻油各1茶匙、糖2茶匙、生抽2湯匙、味醂/料理酒各1湯匙就得～

用麵包機整就慳返d時間唔使自己炒～

不過到尾段都要留意下，因為每部麵包機熱力都唔同，以免炒燶左啦

整好可以就咁當零食食，又或者加入通粉食又得，隨自己鐘意^^

食唔哂用玻樽入好扭實，放乂入雪櫃可以保存到兩至三星期架～

當然越早食哂越好啦，有興趣就試下整啦，真係好簡單架^^

Biotherm ~ 奇蹟水給我肌膚水份POWER UP!!

由學生時期開始，我已經係BIOTHERM既粉絲，綠色系列我仲用左好多年tim~
所以對佢地既產品一直都好有信心，同我都好夾^^
佢地既皇牌產品，就一定係呢支LIFE PLANKTON™ ESSENCE水源再生活膚源液啦~

LIFE PLANKTON™ ESSENCE 水源再生活膚源液 (限量加大版 200ml / HK$610)
水源再生活膚源液係用上最高濃度 Life Plankton™ 水源再生因子灌注入的皇牌奇蹟水~
配方專為亞洲皮膚研製,，以高濃度、高親膚性及高滲透性的特質為肌膚傾注養分~

密封既包裝令人用得放心又安心~
不過因為size有成200ml，拎起倒出黎就要小心d唔好扇手啦~

因為玻璃樽較重，如果有泵裝就very good啦~

質地好水，同爽膚水感覺差唔多~
非常容易推開，而且滲透力好強，轉眼間已經吸收哂~~
感覺一d都唔笠，保濕得黎皮膚keep住有清爽既感覺^^

我慣左直接用手輕拍既方式搽上面，因為我覺得手心係熱力可以令佢加倍吸收~
一支有齊保濕、美白、抗皺等美肌功效真係好方便~
用左佢幾個星期，感覺到肌膚更水潤飽滿，細紋都淡左呢^^
有興趣快D去BIOTHERM專門店試下啦，而家佢地Facebook仲有試用裝拎tim~

Biotherm
http://www.biothermhk.com/
https://www.facebook.com/biotherm.hongkong

 (感謝產品及說明由 BIOTHERM 提供)

為寶貝準備 - 奶樽篇

Wesnesday, Mar 19, 2014

原先諗住買奶樽好簡單，唔揀真係唔知原來都分好多種ga喎~
除左有分大細之外，又有分闊口樽同窄口樽，質地都有好幾款，真係頭都痛~
而我就因為奶泵一早揀好，為左配合返泵奶可以直接泵入樽，一早揀好左買窄口樽~
牌子都鎖定左3款，分別係pigeon、chu chu同埋NUK~
揀呢3個牌子因為佢地d奶咀可以亙相交換用ga~
就算第時BB唔鐘意個咀頭我可以就咁換返呢3隻牌子咀就得，唔使成個樽換哂咁哂錢嘛~

質地方面都好講究ga，最多人買既膠樽有都係PP樽同PPSU樽~
佢地最大既分別就係個耐熱度，PP樽最多受熱係110度~
而PPSU樽就可以承受到180度高溫，比較之下佢比較安全同耐用D~
PP樽大概3-4個月就要換， PPSU樽就最好半年至9個月換一次啦~
始終膠樽用得太耐同成日加熱都唔係咁好嘛~

數量方面，我一直諗住餵人奶既，其實餵人奶最好就係埋身餵~
基本上細size既樽唔使買好多個都得，不過我又想泵出黎俾屋企人幫下手餵~
因為細樽唔預會用得多同應該好快就轉大樽，所以細樽我就買左較平既PP樽~
我就有買左一個pigeon既細奶樽，另外仲有medela 同pigeon既儲奶樽~
諗住就算轉大樽果時可以用返D樽黎儲奶唔使用一陣就掉咁浪費~

medela既儲奶樽係朋友送既，好好彩佢地可以同PIGEON樽D咀頭亙相交換用ga~
咁可以泵完奶直接俾BB飲又或者儲起佢就得，好方便呀!!!!
2隻牌子比較下其實各有各好，pigeon樽身就比較硬淨d，medela就軟身d~
而medela既容量就多小小，可以儲到150ml，但貴pigeon好多，所以都係睇自己需要啦~
大樽方面因為時間會用得長d，所以我就認為可以落本小小~
咁我呢3個牌子既樽最後都分別有買返黎既，咁total我就買左6個玻璃樽 + 4個膠樽~

主要我都係想用玻璃樽，因為感覺上玻璃樽比較安全唔會有咩唔好物質釋放出黎~
唔使幾個月換一次，可以用到佢爛先換比較經濟，不過缺點係比膠樽重同要小心D跌爛^^
揀玻璃樽其實我覺得咩牌子都係一樣，都係睇下BB鐘意飲邊款咀而決定啦~
本身我諗住買最基本既PIGEON就算，又平又好用易買~
我會買nuk純粹係因為佢個樽D公仔好得意，哈哈，好膚淺~
不過拎到返屋企同PIGEON比較下，NUK既玻璃樽比PIGEON輕身D，拎得舒服D~
可能因為咁所佢佢就俾PIGEON賣得貴小小啦，但長遠用貴小小我都覺得OK既~

膠樽買左pigeon PP樽1個同3個chu chu PPSU樽~
pigeon PP樽係放係娘家屋企備用，用既次數唔會多，所以買PP都得~
其他Chu chu膠樽都係諗住帶出街先用，係屋企主要都係用玻璃既，所以買3個就夠^^
因為帶出街用預左要坐熱，所以都揀返PPSU樽比較好d~

樽其實都係其次，最緊要BB肯啜奶樽個咀，而家D咀都分好多種~
有矽膠、乳膠奶咀，分別係矽膠係白色咀，常見D而乳膠是黃色咀，比較軟身~
形狀都有分普通型、母乳型、圓形口，十字口等….總之都係要BB試過先知邊隻岩~
我既建議係買奶樽一開始唔使買好多個，買住大概3-4個左右先，確定BB岩用先再買~
而且最好揀返D牌子可以共用到奶咀頭樽，就算唔岩飲都唔係咁浪費換個頭就得~
希望我呢個分享對大家有用啦^^